NXA̱DI 53
Dä mi huanhni xi nho nuʼä gi o̱tbu̱ gi thokä ora pa gi johyabi na mu̱iʼä Jeoba
Nuʼä Biblia ma ge nuʼä Ojä nzäntho di johyaʼä (1 Timoteo 1:11). Nuʼä Jeoba kextä ne ge gä njohyahu̱. ʼNe emme numanho ge gä nsa̱yahu̱ʼtsu̱ nangeʼä ma ʼbe̱fihu̱ ʼne nuʼä ʼbe̱fi ge di o̱thu̱bu̱ ja ma ngünhmu̱, ʼne gä häkju̱ ma tiempohu̱ pa gä nsu̱nyahu̱. Nuna nxa̱di jaua gä pähmu̱ ʼbe̱pu̱ dä za̱ gä njohyahu̱ nuʼbu̱ dä thokä orahu̱ ʼne nuʼä gä o̱thu̱ dä za̱ dä ʼyo̱ʼte ge di njohyaʼä Jeoba.
1. ¿ʼBe̱ʼä mahyoni gä u̱rpähu̱ gue̱nda nuʼbu̱ jaʼä di ne gä o̱thu̱ pa gä thokä orahu̱?
¿ʼBe̱ʼä gi ho gi ʼyo̱ʼte pa gi thokä ora? ʼBu̱ʼu̱ ʼra yu̱ jäʼi di ho dä hyandä tele, dä hyandä ʼna pelikula, dä ʼyo̱hyu̱ ʼbe̱i, dä manhyu̱ libro o ʼbu̱ʼu̱ miʼra di ho dä hyandä internet. ʼBu̱ʼu̱ miʼra di ho dä ma̱ha̱ yu̱ amigo pa di nʼyëmpelota, di nxaha o ʼbe̱ʼä manʼna dä ʼyo̱ʼte, o ʼbu̱ʼu̱ di ho ge ho̱ntho di ñahu̱ʼu̱ yu̱ amigo. Madägeʼä ho̱nʼtä go ʼbe̱ʼä di mbëni gä o̱thu̱ emme jaʼtse̱di ge dä numanho o dä “hyü ra mu̱i Ojä” ko nangeʼä di o̱thu̱ nuʼbu̱ di thokä orahu̱ (Efesios 5:10). Emme jaʼtse̱di gä u̱rpähu̱ gue̱nda na, geʼtho xi ngü ʼbe̱ʼä o̱ʼtu̱ yu̱ jäʼi pa ge di thokä ora. Tengü ʼbu̱ʼu̱ di ho ra nsu̱i, ra nʼyonʼtëni o kextä ʼtëmbi ra ʼyoʼtsomʼba̱i, o nuʼu̱ di ho ʼbe̱ʼä o̱tyu̱ bädi, pe̱ gehya njuäntho hingi numanhoʼä Jeoba (dä mi nu Salmo 11:5). ¿ʼBe̱ʼä dä ze̱kju̱ gä pähmu̱ geʼbu̱ po̱manho nuʼä di mbëni gä o̱thu̱?
Geʼbu̱ nuʼu̱ ma amigohu̱ kextä di thänneʼä Jeoba, geʼu̱ dä ze̱kju̱ gä huanhnu̱ xi nho nuʼä di mbëni gä o̱thu̱ pa gä thokä orahu̱. Nubu̱ ja nxa̱di 48 dä pähmu̱ ge “nuʼu̱ toʼo zänhmu̱ʼu̱ yu̱ jäʼi ge ja yu̱ mfädi kextä di nja yu̱ mfädiʼu̱”, pe̱ nuʼu̱ toʼo zänhmiʼu̱ yu̱ jäʼi ge njuäntho hingi ëspä yu̱ nʼtëdi Ojä “dä nu yu̱ hëi” (Proverbios 13:20).
2. ¿Hanja emme jaʼtse̱di gä sa̱nhnu̱ hangü tiempo gä thokä orahu̱?
Dä za̱tho hingi ʼtso nuʼä ʼbe̱ʼä di o̱thu̱ nuʼbu̱ di thokä orahu̱, pe̱ emme jaʼtse̱di gä u̱rpähu̱ gue̱nda hangü tiempo di honhmu̱. Geʼtho nuʼbu̱ hingä e̱nhmu̱ ma tiempohu̱ mʼbe̱fa hingä o̱thu̱ nuʼä manʼna jaʼtse̱di. Nuʼä Biblia ëna: “ʼYo gä di ʼbe̱ʼthu̱ ra ora” (dä mi nu Colosenses 4:5, OTN).
GÄ PÄHMU̱ MANʼNA NANGEHNA
Nuya gä pähmu̱ ʼbe̱ʼä dä ze̱kju̱ gä huanhnu̱ xi nho nuʼä di mbëni gä o̱thu̱ nuʼbu̱ di thokä orahu̱.
3. Hingi thokä ora ko nangeʼu̱ dä za̱ dä ʼtsonnä ni nʼyomfëni
¿Hanja ja gä huanhnu̱ xi nho nuʼä di o̱thu̱ nuʼbu̱ di thokä orahu̱? Dä mi nuui ä BIDEO ʼne manhmi nangehna:
Nuʼbu̱ mayaʼbu̱ nuʼu̱ yu̱ jäʼi emme mi ho dä hyanʼtu̱ toʼo mi ntähä ge mi nsu̱i ʼne mi nhyose̱. ¿Ha jaʼu̱ yu̱ nʼtëni o ʼbe̱pu̱ di thokä ora yu̱ jäʼi nuya pa jabu̱ tengü mi ʼto̱t mayaʼbu̱?
Nangeʼä gä nubu̱ ja bideo, ¿ʼbe̱ʼä bi bäʼä Danny nangeʼu̱ yu̱ ntëni ge mi nʼyëni?
Dä mi nuui Romanos 12:9 ʼne manhmi nangehna:
¿ʼBe̱pu̱ di ze̱kju̱ nuna texto pa gä huanhnu̱ xi nho nuʼä di mbëni gä o̱thu̱ nuʼbu̱ di thokä orahu̱?
¿Ndaʼu̱ ra yu̱ nʼto̱ʼte ge di u̱kpäʼä Jeoba? Dä mi nuui Proverbios 6:16, 17 ʼne Gálatas 5:19-21. Nuʼbu̱ gä juadi gä manhmu̱ ʼna ngü ʼna yu̱ texto, dä mi manhmi nangehna:
Nangeʼu̱ yu̱ nʼto̱ʼte dä nuhu̱ ya, ¿ndaʼu̱ yu̱ nʼto̱ʼte manʼna gi handi ge o̱tyu̱ jäʼi nuʼu̱ yu̱ pa jabu̱?
ʼBe̱ʼä dä ze̱kju̱ gä huanhnu̱ xi nho nuʼä gä o̱thu̱ nuʼbu̱ di thokä orahu̱
Dä mi nʼya̱nnize̱he̱:
¿ʼBe̱ʼä dä ʼto̱rbu̱ o ʼbe̱ʼä dä hnü? ¿Ha jaʼä dä ʼto̱rbu̱ ge njuäntho hingi numanhoʼä Jeoba?
¿Njämʼbu̱ di nja o njämʼbu̱ dä ʼto̱ʼte? ¿Ha di nthe̱ui ko nuʼu̱ yu̱ ʼbe̱fi ge manʼna jaʼtse̱di?
¿Toʼoʼu̱ gä thokä orahe? ¿Ha gä thokä oraʼbe yu̱ jäʼi ge hingi ëspä yu̱ nʼtëdiʼä Jeoba?
Nuʼbu̱ di ʼyonhmu̱ ʼna karro nubu̱ ʼna ʼyüʼte̱gi ge ja ʼna mbaʼye, di o̱thu̱ ʼtse̱di ge hingä thänhmu̱bu̱ ja na ñaniʼä ʼyüʼte̱gi pa hingä thohmu̱ ʼna ʼyänthi. Njarbu̱thoho, nuʼbu̱ hindi fa̱hmu̱ o hindi jamansühu̱ nuʼä di o̱thu̱ nuʼbu̱ di thokä orahu̱ dä za̱ gä thohmu̱ ʼna ʼyänthi o gä o̱thu̱ ʼna ʼtsoki.
4. Dä mi hyoni xi nhoʼä ni tiempo
Dä mi nuui ä BIDEO ʼne manhmi nangehna:
Madägeʼä nuʼä kü po̱mbu̱ ja bideo hingi ʼtsoʼä mi o̱ʼte, ¿ʼbe̱ʼä ma hëi mi nu nangeʼä ge mi ʼbe̱ʼtho na tiempo?
Dä mi nuui Filipenses 1:10 ʼne manhmi nangehna:
¿ʼBe̱pu̱ dä ze̱kju̱ na bersikulo gä pähmu̱ hangü tiempo gä o̱thu̱ nuʼä emme di ho gä o̱thu̱?
5. Dä mi johyabi na mu̱iʼä Jeoba ko nangeʼä gi o̱tbu̱ gi thokä ora
Jaʼu̱ ʼra yu̱ nʼto̱ʼte o yu̱ nʼtëni ge hingi numanhoʼä Jeoba pa gä thokä orahu̱, pe̱ jaʼu̱ miʼra ge numanho. Dä mi nuui Eclesiastés 8:15 ʼne Filipenses 4:8, ʼne manhmi nangehna:
¿ʼBe̱ʼä gi ho gi ʼyo̱ʼte nuʼbu̱ gi thokä ora??
Dä za̱ gä nʼyënhmu̱ o gä thokä orahu̱ ko nuʼä hingi ʼtso pa nangeʼä Jeoba.
NUʼÄ ʼBE̱ʼÄ MANʼU̱ ʼRA YU̱ JÄʼI: “Hingi ʼtso ge ho̱ntho dä hyandä ʼna yu̱ nsu̱i, nuʼä ʼbe̱ʼä o̱ʼtu̱ yu̱ bädi, nuʼä o̱ʼtu̱ yu̱ ʼtsondähi o geʼbu̱ ʼna jäʼi ohmi manʼna. Xi nʼtso pe̱ geʼbu̱ dä ʼyo̱ʼtä ʼna.
¿ʼBe̱ʼä gi mbënge?
NUʼÄ MANʼNA JAʼTSE̱DI
Nuʼä Jeoba ne ge gä huanhnu̱ xi nho nuʼä di o̱thu̱ nuʼbu̱ di thokä orahu̱ pa ʼnepu̱ya gä njohyahu̱ ʼne di njohyaʼä.
Nuʼä dä pähmu̱
¿Ndaʼu̱ yu̱ nʼto̱ʼte ge njuäntho hingi numanhoʼu̱ yu̱ ʼyëʼkyëi nuʼbu̱ bi thokä ora?
¿Hanja ja ge gä e̱nthohu̱ nuʼä tiempo di honhmu̱ nuʼbu̱ di thokä orahu̱ o di nʼyënhmu̱?
¿Hanja gi ne gi ʼyo̱ʼtä numanhoʼä Jeoba nuʼbu̱ gi thokä ora o gi nʼyëni?
DÄ MI PÄDI MANʼNA
Dä mi pädi toʼo ʼyo na gue̱nda ge dä huanhni nuʼä di o̱thu̱ nuʼbu̱ di thokä orahu̱.
Dä mi pädi ʼbe̱ʼä dä ze̱ʼi pa gi huanhni xi nho nuʼä gi ʼyo̱tbu̱ gi thokä ora.
“¿Ha nzäntho xi nho nuʼä di o̱thu̱ʼbu̱ di thokä orahu̱?” (La Atalaya, 15 oktubre ge 2011)
Dä mi pädi ʼbe̱ʼä bi ze̱ʼä ʼna nʼyohu̱ dä zogi ʼra yu̱ nʼto̱ʼte ge hinmi po̱manho, dä mi nubu̱ ëna “Dä soʼu̱ yu̱ nʼyomfëni ge hinmi po̱manho”.
“Nuʼä Biblia bi ze̱ʼu̱ ge bi pa̱hyu̱ mʼbu̱i” (La Atalaya, 1 febrero ge 2010)
Dä mi pädi hanja ʼna xisu hingi ne dä hyanʼtu̱ yu̱ pelikula nubu̱ po̱nʼä o̱ʼtu̱ yu̱ ʼtsondähi.
Hingi hanʼtu̱ yu̱ pelikula o yu̱ bideo nubu̱ po̱nʼä o̱ʼtu̱ yu̱ ʼtsondähi (1:59)