29 ਜਦੋਂ ਇਜ਼ਰਾਈਲ ਨੂੰ ਅਹਿਸਾਸ ਹੋਇਆ ਕਿ ਉਹ ਹੁਣ ਜ਼ਿਆਦਾ ਸਮਾਂ ਜੀਉਂਦਾ ਨਹੀਂ ਰਹੇਗਾ,+ ਤਾਂ ਉਸ ਨੇ ਆਪਣੇ ਪੁੱਤਰ ਯੂਸੁਫ਼ ਨੂੰ ਬੁਲਾ ਕੇ ਕਿਹਾ: “ਜੇ ਤੂੰ ਮੇਰੇ ਬਾਰੇ ਚੰਗਾ ਸੋਚਦਾ ਹੈਂ, ਤਾਂ ਕਿਰਪਾ ਕਰ ਕੇ ਮੇਰੇ ਪੱਟ* ਥੱਲੇ ਆਪਣਾ ਹੱਥ ਰੱਖ ਕੇ ਸਹੁੰ ਖਾ ਕਿ ਤੂੰ ਮੈਨੂੰ ਅਟੱਲ ਪਿਆਰ ਦਿਖਾਵੇਂਗਾ ਅਤੇ ਮੇਰੇ ਨਾਲ ਵਫ਼ਾਦਾਰੀ ਨਿਭਾਵੇਂਗਾ। ਕਿਰਪਾ ਕਰ ਕੇ ਮੈਨੂੰ ਮਿਸਰ ਵਿਚ ਨਾ ਦਫ਼ਨਾਈਂ।+ 30 ਜਦੋਂ ਮੈਂ ਮਰ ਜਾਵਾਂ,* ਤਾਂ ਤੂੰ ਮੈਨੂੰ ਮਿਸਰ ਤੋਂ ਲੈ ਜਾ ਕੇ ਮੇਰੇ ਪਿਉ-ਦਾਦਿਆਂ ਦੀ ਕਬਰ ਵਿਚ ਦਫ਼ਨਾਈਂ।”+ ਯੂਸੁਫ਼ ਨੇ ਕਿਹਾ: “ਜਿਵੇਂ ਤੂੰ ਕਿਹਾ, ਮੈਂ ਉਸੇ ਤਰ੍ਹਾਂ ਕਰਾਂਗਾ।” 31 ਫਿਰ ਉਸ ਨੇ ਕਿਹਾ: “ਸਹੁੰ ਖਾਹ।” ਇਸ ਲਈ ਯੂਸੁਫ਼ ਨੇ ਸਹੁੰ ਖਾਧੀ।+ ਫਿਰ ਇਜ਼ਰਾਈਲ ਨੇ ਆਪਣੇ ਪਲੰਘ ਦੇ ਸਰ੍ਹਾਣੇ ʼਤੇ ਸ਼ਰਧਾ ਨਾਲ ਪਰਮੇਸ਼ੁਰ ਅੱਗੇ ਸਿਰ ਝੁਕਾਇਆ।+