27 ਉਨ੍ਹਾਂ ਨੇ ਮੂਸਾ ਨੂੰ ਦੱਸਿਆ: “ਅਸੀਂ ਉਸ ਦੇਸ਼ ਵਿਚ ਗਏ ਜਿੱਥੇ ਤੂੰ ਸਾਨੂੰ ਘੱਲਿਆ ਸੀ। ਉੱਥੇ ਸੱਚੀਂ ਦੁੱਧ ਅਤੇ ਸ਼ਹਿਦ ਦੀਆਂ ਨਦੀਆਂ ਵਗਦੀਆਂ ਹਨ+ ਅਤੇ ਇਹ ਉੱਥੋਂ ਦੇ ਫਲ ਹਨ।+

7 ਕਿਉਂਕਿ ਤੁਹਾਡਾ ਪਰਮੇਸ਼ੁਰ ਯਹੋਵਾਹ ਤੁਹਾਨੂੰ ਇਕ ਵਧੀਆ ਦੇਸ਼ ਵਿਚ ਲੈ ਕੇ ਜਾ ਰਿਹਾ ਹੈ+ ਜਿੱਥੇ ਘਾਟੀਆਂ ਅਤੇ ਪਹਾੜੀ ਇਲਾਕਿਆਂ ਵਿਚ ਪਾਣੀ ਦੀਆਂ ਨਦੀਆਂ ਤੇ ਚਸ਼ਮੇ ਵਗਦੇ ਹਨ ਅਤੇ ਡੂੰਘੇ ਪਾਣੀਆਂ ਦੇ ਸੋਮੇ ਹਨ 8 ਅਤੇ ਜਿੱਥੇ ਕਣਕ, ਜੌਂ, ਅੰਗੂਰਾਂ ਦੇ ਬਾਗ਼, ਅੰਜੀਰਾਂ ਦੇ ਦਰਖ਼ਤ, ਅਨਾਰ,+ ਜ਼ੈਤੂਨ ਦਾ ਤੇਲ ਅਤੇ ਸ਼ਹਿਦ+ ਹੈ। 9 ਉਸ ਦੇਸ਼ ਵਿਚ ਤੁਹਾਨੂੰ ਭੋਜਨ ਦੀ ਕੋਈ ਕਮੀ ਨਹੀਂ ਹੋਵੇਗੀ ਅਤੇ ਨਾ ਹੀ ਤੁਹਾਨੂੰ ਕਿਸੇ ਚੀਜ਼ ਦੀ ਘਾਟ ਹੋਵੇਗੀ। ਉੱਥੇ ਪੱਥਰਾਂ ਵਿਚ ਲੋਹਾ ਹੈ ਅਤੇ ਤੁਸੀਂ ਪਹਾੜਾਂ ਵਿੱਚੋਂ ਤਾਂਬਾ ਕੱਢੋਗੇ।