32 ਪਰ ਇਸ ਦੇ ਬਾਵਜੂਦ ਵੀ ਤੁਸੀਂ ਆਪਣੇ ਪਰਮੇਸ਼ੁਰ ਯਹੋਵਾਹ ਉੱਤੇ ਨਿਹਚਾ ਨਹੀਂ ਕੀਤੀ।+ 33 ਉਹ ਤੁਹਾਡੇ ਅੱਗੇ-ਅੱਗੇ ਜਾ ਕੇ ਤੁਹਾਡੇ ਵਾਸਤੇ ਤੰਬੂ ਲਾਉਣ ਦੀ ਜਗ੍ਹਾ ਲੱਭਦਾ ਸੀ। ਉਹ ਤੁਹਾਨੂੰ ਰਾਹ ਦਿਖਾਉਣ ਲਈ ਰਾਤ ਨੂੰ ਅੱਗ ਦੇ ਥੰਮ੍ਹ ਵਿਚ ਅਤੇ ਦਿਨੇ ਬੱਦਲ ਦੇ ਥੰਮ੍ਹ ਵਿਚ ਪ੍ਰਗਟ ਹੁੰਦਾ ਸੀ।+

3 ਅਤੇ ਲੋਕਾਂ ਨੂੰ ਹੁਕਮ ਦਿੱਤਾ: “ਜਿਉਂ ਹੀ ਤੁਸੀਂ ਲੇਵੀ ਪੁਜਾਰੀਆਂ ਨੂੰ ਤੁਹਾਡੇ ਪਰਮੇਸ਼ੁਰ ਯਹੋਵਾਹ ਦੇ ਇਕਰਾਰ ਦੇ ਸੰਦੂਕ ਨੂੰ ਲਿਜਾਂਦਿਆਂ ਦੇਖੋ,+ ਤਾਂ ਤੁਸੀਂ ਆਪੋ-ਆਪਣੀ ਜਗ੍ਹਾ ਤੋਂ ਤੁਰ ਪਇਓ ਅਤੇ ਉਸ ਦੇ ਮਗਰ-ਮਗਰ ਜਾਇਓ। 4 ਪਰ ਤੁਸੀਂ ਉਸ ਤੋਂ ਲਗਭਗ 2,000 ਹੱਥ* ਦੇ ਫ਼ਾਸਲੇ ʼਤੇ ਰਹਿਓ; ਇਸ ਤੋਂ ਨੇੜੇ ਨਾ ਜਾਇਓ ਤਾਂਕਿ ਤੁਹਾਨੂੰ ਪਤਾ ਲੱਗੇ ਕਿ ਤੁਸੀਂ ਕਿਸ ਰਾਹ ਜਾਣਾ ਹੈ ਕਿਉਂਕਿ ਤੁਸੀਂ ਪਹਿਲਾਂ ਕਦੇ ਵੀ ਇਸ ਰਾਹ ਥਾਣੀਂ ਨਹੀਂ ਗਏ।”