32 ਰਊਬੇਨ ਦੇ ਪੁੱਤਰਾਂ+ ਅਤੇ ਗਾਦ ਦੇ ਪੁੱਤਰਾਂ+ ਕੋਲ ਵੱਡੀ ਤਾਦਾਦ ਵਿਚ ਪਾਲਤੂ ਪਸ਼ੂ ਸਨ ਅਤੇ ਉਨ੍ਹਾਂ ਨੇ ਦੇਖਿਆ ਕਿ ਯਾਜ਼ੇਰ+ ਅਤੇ ਗਿਲਆਦ ਦਾ ਇਲਾਕਾ ਪਸ਼ੂ ਪਾਲਣ ਲਈ ਬਹੁਤ ਵਧੀਆ ਸੀ। 2 ਇਸ ਲਈ ਗਾਦ ਦੇ ਪੁੱਤਰਾਂ ਅਤੇ ਰਊਬੇਨ ਦੇ ਪੁੱਤਰਾਂ ਨੇ ਮੂਸਾ, ਪੁਜਾਰੀ ਅਲਆਜ਼ਾਰ ਅਤੇ ਮੰਡਲੀ ਦੇ ਮੁਖੀਆਂ ਕੋਲ ਆ ਕੇ ਕਿਹਾ: 3 “ਅਟਾਰੋਥ, ਦੀਬੋਨ, ਯਾਜ਼ੇਰ, ਨਿਮਰਾਹ, ਹਸ਼ਬੋਨ,+ ਅਲਾਲੇਹ, ਸਬਾਮ, ਨਬੋ+ ਅਤੇ ਬਓਨ,+ 4 ਦੇ ਇਲਾਕੇ ਉੱਤੇ ਯਹੋਵਾਹ ਨੇ ਇਜ਼ਰਾਈਲ ਦੀ ਮੰਡਲੀ ਸਾਮ੍ਹਣੇ ਜਿੱਤ ਪ੍ਰਾਪਤ ਕੀਤੀ ਹੈ।+ ਇਹ ਇਲਾਕਾ ਪਸ਼ੂ ਪਾਲਣ ਲਈ ਬਹੁਤ ਵਧੀਆ ਹੈ ਅਤੇ ਤੁਹਾਡੇ ਸੇਵਕਾਂ ਕੋਲ ਬਹੁਤ ਸਾਰੇ ਪਾਲਤੂ ਪਸ਼ੂ ਹਨ।”+ 5 ਉਨ੍ਹਾਂ ਨੇ ਅੱਗੇ ਕਿਹਾ: “ਜੇ ਸਾਡੇ ʼਤੇ ਤੁਹਾਡੀ ਮਿਹਰ ਹੋਈ ਹੈ, ਤਾਂ ਤੁਸੀਂ ਇਹ ਇਲਾਕਾ ਆਪਣੇ ਸੇਵਕਾਂ ਨੂੰ ਦੇ ਦਿਓ। ਸਾਨੂੰ ਯਰਦਨ ਦਰਿਆ ਤੋਂ ਪਾਰ ਨਾ ਲੈ ਕੇ ਜਾਓ।”