5 ਬਏਰੋਥੀ ਰਿੰਮੋਨ ਦੇ ਪੁੱਤਰ ਰੇਕਾਬ ਅਤੇ ਬਆਨਾਹ ਸਿਖਰ ਦੁਪਹਿਰੇ ਈਸ਼ਬੋਸ਼ਥ ਦੇ ਘਰ ਗਏ ਜਦੋਂ ਉਹ ਆਰਾਮ ਕਰ ਰਿਹਾ ਸੀ। 6 ਉਹ ਘਰ ਵਿਚ ਇਸ ਤਰ੍ਹਾਂ ਦਾਖ਼ਲ ਹੋਏ ਜਿਵੇਂ ਉਹ ਕਣਕ ਲੈਣ ਆਏ ਹੋਣ ਅਤੇ ਉਨ੍ਹਾਂ ਨੇ ਉਸ ਦੇ ਢਿੱਡ ਵਿਚ ਛੁਰਾ ਮਾਰਿਆ; ਫਿਰ ਰੇਕਾਬ ਅਤੇ ਉਸ ਦਾ ਭਰਾ ਬਆਨਾਹ+ ਉੱਥੋਂ ਭੱਜ ਗਏ। 7 ਜਦੋਂ ਉਹ ਘਰ ਅੰਦਰ ਦਾਖ਼ਲ ਹੋਏ ਸਨ, ਤਾਂ ਈਸ਼ਬੋਸ਼ਥ ਆਪਣੇ ਕਮਰੇ ਵਿਚ ਪਲੰਘ ਉੱਤੇ ਪਿਆ ਸੀ ਅਤੇ ਉਨ੍ਹਾਂ ਨੇ ਉਸ ʼਤੇ ਵਾਰ ਕਰ ਕੇ ਉਸ ਨੂੰ ਮਾਰ ਦਿੱਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਉਸ ਦਾ ਸਿਰ ਵੱਢਿਆ। ਫਿਰ ਉਨ੍ਹਾਂ ਨੇ ਉਸ ਦਾ ਸਿਰ ਲਿਆ ਅਤੇ ਸਾਰੀ ਰਾਤ ਅਰਾਬਾਹ ਨੂੰ ਜਾਂਦੇ ਰਾਹ ʼਤੇ ਤੁਰਦੇ ਗਏ। 8 ਅਤੇ ਉਹ ਈਸ਼ਬੋਸ਼ਥ+ ਦਾ ਸਿਰ ਲੈ ਕੇ ਹਬਰੋਨ ਵਿਚ ਦਾਊਦ ਕੋਲ ਆਏ ਅਤੇ ਰਾਜੇ ਨੂੰ ਕਹਿਣ ਲੱਗੇ: “ਆਹ ਰਿਹਾ ਤੇਰੇ ਜਾਨੀ ਦੁਸ਼ਮਣ ਸ਼ਾਊਲ+ ਦੇ ਪੁੱਤਰ ਈਸ਼ਬੋਸ਼ਥ ਦਾ ਸਿਰ। ਅੱਜ ਯਹੋਵਾਹ ਨੇ ਸਾਡੇ ਪ੍ਰਭੂ ਅਤੇ ਮਹਾਰਾਜ ਲਈ ਸ਼ਾਊਲ ਅਤੇ ਉਸ ਦੀ ਔਲਾਦ ਤੋਂ ਬਦਲਾ ਲਿਆ ਹੈ।”

12 ਫਿਰ ਦਾਊਦ ਨੇ ਨੌਜਵਾਨਾਂ ਨੂੰ ਹੁਕਮ ਦਿੱਤਾ ਕਿ ਉਹ ਉਨ੍ਹਾਂ ਨੂੰ ਮਾਰ ਦੇਣ।+ ਉਨ੍ਹਾਂ ਨੇ ਉਨ੍ਹਾਂ ਦੇ ਹੱਥ-ਪੈਰ ਕੱਟ ਦਿੱਤੇ ਅਤੇ ਉਨ੍ਹਾਂ ਨੂੰ ਹਬਰੋਨ ਦੇ ਸਰੋਵਰ ਲਾਗੇ ਟੰਗ ਦਿੱਤਾ।+ ਪਰ ਉਨ੍ਹਾਂ ਨੇ ਈਸ਼ਬੋਸ਼ਥ ਦਾ ਸਿਰ ਲੈ ਕੇ ਹਬਰੋਨ ਵਿਚ ਅਬਨੇਰ ਦੀ ਕਬਰ ਵਿਚ ਦਫ਼ਨਾ ਦਿੱਤਾ।