13 ਉਸੇ ਵੇਲੇ ਮੂਸਾ ਨੇ ਮਿਸਰ ਵੱਲ ਆਪਣਾ ਡੰਡਾ ਕੀਤਾ ਅਤੇ ਯਹੋਵਾਹ ਨੇ ਸਾਰਾ ਦਿਨ ਤੇ ਸਾਰੀ ਰਾਤ ਪੂਰਬ ਵੱਲੋਂ ਹਵਾ ਵਗਾਈ। ਸਵੇਰ ਨੂੰ ਪੂਰਬ ਵੱਲੋਂ ਹਵਾ ਆਪਣੇ ਨਾਲ ਟਿੱਡੀਆਂ ਲੈ ਆਈ। 14 ਪੂਰੇ ਮਿਸਰ ਵਿਚ ਟਿੱਡੀਆਂ ਹੀ ਟਿੱਡੀਆਂ ਹੋ ਗਈਆਂ ਅਤੇ ਸਾਰੇ ਇਲਾਕੇ ਵਿਚ ਜ਼ਮੀਨ ʼਤੇ ਬੈਠ ਗਈਆਂ।+ ਇਨ੍ਹਾਂ ਨੇ ਬਹੁਤ ਤਬਾਹੀ ਮਚਾਈ।+ ਪਹਿਲਾਂ ਕਦੀ ਇੰਨੀਆਂ ਟਿੱਡੀਆਂ ਨਹੀਂ ਆਈਆਂ ਤੇ ਨਾ ਹੀ ਦੁਬਾਰਾ ਕਦੇ ਆਉਣਗੀਆਂ। 15 ਉਨ੍ਹਾਂ ਨੇ ਮਿਸਰ ਦੀ ਪੂਰੀ ਜ਼ਮੀਨ ਨੂੰ ਢਕ ਲਿਆ ਅਤੇ ਉਨ੍ਹਾਂ ਕਰਕੇ ਦੇਸ਼ ਵਿਚ ਹਨੇਰਾ ਛਾ ਗਿਆ।* ਉਹ ਗੜਿਆਂ ਦੀ ਮਾਰ ਤੋਂ ਬਚੇ ਸਾਰੇ ਪੇੜ-ਪੌਦੇ ਅਤੇ ਦਰਖ਼ਤਾਂ ਦੇ ਫਲ ਖਾ ਗਈਆਂ; ਉਨ੍ਹਾਂ ਨੇ ਪੂਰੇ ਮਿਸਰ ਵਿਚ ਦਰਖ਼ਤਾਂ ਅਤੇ ਪੇੜ-ਪੌਦਿਆਂ ʼਤੇ ਇਕ ਵੀ ਹਰਾ ਪੱਤਾ ਨਾ ਛੱਡਿਆ।