4 ਹਸ਼ਬੋਨ ਅਤੇ ਅਲਾਲੇਹ+ ਜ਼ੋਰ-ਜ਼ੋਰ ਦੀ ਰੋਂਦੇ ਹਨ;
ਉਨ੍ਹਾਂ ਦੀ ਆਵਾਜ਼ ਦੂਰ ਯਹਾਸ ਤਕ ਸੁਣਾਈ ਦਿੰਦੀ ਹੈ।+
ਇਸੇ ਕਰਕੇ ਮੋਆਬ ਦੇ ਹਥਿਆਰਬੰਦ ਆਦਮੀ ਚੀਕ-ਚਿਹਾੜਾ ਪਾਉਂਦੇ ਹਨ।
ਉਹ ਕੰਬ ਰਿਹਾ ਹੈ।
5 ਮੇਰਾ ਦਿਲ ਮੋਆਬ ਲਈ ਰੋਂਦਾ ਹੈ।
ਇਸ ਦੇ ਭਗੌੜੇ ਸੋਆਰ+ ਅਤੇ ਅਗਲਥ-ਸ਼ਲੀਸ਼ੀਯਾਹ+ ਤਕ ਭੱਜ ਗਏ ਹਨ।
ਉਹ ਲੂਹੀਥ ਦੀ ਚੜ੍ਹਾਈ ਉੱਤੇ ਰੋਂਦੇ ਜਾਂਦੇ ਹਨ;
ਉਹ ਹੋਰੋਨਾਇਮ ਨੂੰ ਜਾਂਦੇ ਰਾਹ ʼਤੇ ਤਬਾਹੀ ਕਾਰਨ ਰੋਂਦੇ ਜਾਂਦੇ ਹਨ।+
6 ਨਿਮਰੀਮ ਦੇ ਪਾਣੀ ਮੁੱਕ ਗਏ;
ਹਰਾ ਘਾਹ ਸੁੱਕ ਗਿਆ,
ਹਰਿਆਲੀ ਖ਼ਤਮ ਹੋ ਗਈ ਅਤੇ ਕੁਝ ਵੀ ਹਰਾ ਨਹੀਂ ਬਚਿਆ।