6 ਮੈਂ ਹੁਣ ਇਹ ਸਾਰੇ ਦੇਸ਼ ਆਪਣੇ ਦਾਸ, ਬਾਬਲ ਦੇ ਰਾਜੇ ਨਬੂਕਦਨੱਸਰ+ ਦੇ ਹੱਥ ਵਿਚ ਦੇ ਦਿੱਤੇ ਹਨ; ਇੱਥੋਂ ਤਕ ਕਿ ਜੰਗਲੀ ਜਾਨਵਰ ਵੀ ਉਸ ਨੂੰ ਦੇ ਦਿੱਤੇ ਹਨ ਤਾਂਕਿ ਉਹ ਉਸ ਦੀ ਸੇਵਾ ਕਰਨ। 7 ਇਹ ਸਾਰੀਆਂ ਕੌਮਾਂ ਉਸ ਦੀ, ਉਸ ਦੇ ਪੁੱਤਰ ਦੀ ਅਤੇ ਉਸ ਦੇ ਪੋਤੇ ਦੀ ਗ਼ੁਲਾਮੀ ਕਰਨਗੀਆਂ ਜਦ ਤਕ ਉਸ ਦੇ ਰਾਜ ਦਾ ਅੰਤ ਨਹੀਂ ਆ ਜਾਂਦਾ।+ ਫਿਰ ਬਹੁਤ ਸਾਰੀਆਂ ਕੌਮਾਂ ਅਤੇ ਵੱਡੇ-ਵੱਡੇ ਰਾਜੇ ਉਸ ਨੂੰ ਆਪਣਾ ਗ਼ੁਲਾਮ ਬਣਾਉਣਗੇ।’+

7 “ਹੇ ਸੀਓਨ ਨਿਕਲ ਆ! ਤੂੰ ਜੋ ਬਾਬਲ ਦੀ ਧੀ ਨਾਲ ਵੱਸਦੀ ਹੈਂ, ਆਪਣੇ ਬਚਾਅ ਲਈ ਭੱਜ।+ 8 ਮਹਿਮਾ ਪਾਉਣ ਤੋਂ ਬਾਅਦ ਪਰਮੇਸ਼ੁਰ ਨੇ ਮੈਨੂੰ ਉਨ੍ਹਾਂ ਕੌਮਾਂ ਕੋਲ ਘੱਲਿਆ ਹੈ ਜੋ ਤੁਹਾਨੂੰ ਲੁੱਟ ਰਹੀਆਂ ਸਨ।+ ਸੈਨਾਵਾਂ ਦਾ ਯਹੋਵਾਹ ਇਹ ਕਹਿੰਦਾ ਹੈ: ‘ਜੋ ਤੁਹਾਨੂੰ ਛੂੰਹਦਾ ਹੈ, ਉਹ ਮੇਰੀ ਅੱਖ ਦੀ ਪੁਤਲੀ ਨੂੰ ਛੂੰਹਦਾ ਹੈ।+ 9 ਹੁਣ ਮੈਂ ਆਪਣਾ ਹੱਥ ਉਨ੍ਹਾਂ ਖ਼ਿਲਾਫ਼ ਚੁੱਕਾਂਗਾ ਅਤੇ ਉਹ ਆਪਣੇ ਹੀ ਗ਼ੁਲਾਮਾਂ ਲਈ ਲੁੱਟ ਦਾ ਮਾਲ ਬਣ ਜਾਣਗੇ।’+ ਅਤੇ ਤੁਸੀਂ ਜ਼ਰੂਰ ਜਾਣ ਜਾਓਗੇ ਕਿ ਸੈਨਾਵਾਂ ਦੇ ਯਹੋਵਾਹ ਨੇ ਮੈਨੂੰ ਘੱਲਿਆ ਹੈ।