ਘੋਸ਼ਣਾਵਾਂ
◼ ਜਨਵਰੀ ਲਈ ਸਾਹਿੱਤ ਪੇਸ਼ਕਸ਼: ਕੋਈ ਵੀ 192 ਸਫ਼ਿਆਂ ਵਾਲੀ ਕਿਤਾਬ ਪੇਸ਼ ਕੀਤੀ ਜਾ ਸਕਦੀ ਹੈ ਜਿਸ ਦਾ ਕਾਗਜ਼ ਪੀਲਾ ਪੈ ਚੁੱਕਾ ਹੈ ਜਾਂ ਫਿਰ 1991 ਤੋਂ ਪਹਿਲਾਂ ਛਪੀ ਕੋਈ ਵੀ ਕਿਤਾਬ ਪੇਸ਼ ਕੀਤੀ ਜਾ ਸਕਦੀ ਹੈ। ਜੇ ਕਲੀਸਿਯਾ ਦੇ ਸਟਾਕ ਵਿਚ ਅਜਿਹੀ ਕੋਈ ਪੁਰਾਣੀ ਕਿਤਾਬ ਨਹੀਂ ਹੈ, ਤਾਂ ਗਿਆਨ ਕਿਤਾਬ ਜਾਂ ਜਾਗਦੇ ਰਹੋ! ਬਰੋਸ਼ਰ ਪੇਸ਼ ਕੀਤਾ ਜਾ ਸਕਦਾ ਹੈ। ਫਰਵਰੀ: ਯਹੋਵਾਹ ਦੇ ਨੇੜੇ ਰਹੋ ਕਿਤਾਬ ਪੇਸ਼ ਕਰੋ। ਮਾਰਚ: ਪਵਿੱਤਰ ਬਾਈਬਲ ਕੀ ਸਿਖਾਉਂਦੀ ਹੈ? ਕਿਤਾਬ ਪੇਸ਼ ਕਰੋ ਅਤੇ ਬਾਈਬਲ ਸਟੱਡੀ ਸ਼ੁਰੂ ਕਰਨ ਦਾ ਪੂਰਾ ਜਤਨ ਕਰੋ। ਅਪ੍ਰੈਲ: ਪਹਿਰਾਬੁਰਜ ਅਤੇ ਜਾਗਰੂਕ ਬਣੋ! ਰਸਾਲੇ ਪੇਸ਼ ਕਰੋ। ਦਿਲਚਸਪੀ ਰੱਖਣ ਵਾਲੇ ਲੋਕਾਂ ਨੂੰ ਦੁਬਾਰਾ ਮਿਲ ਕੇ ਕਿਤਾਬ ਪਵਿੱਤਰ ਬਾਈਬਲ ਕੀ ਸਿਖਾਉਂਦੀ ਹੈ? ਪੇਸ਼ ਕਰਨ ਦੇ ਜਤਨ ਕਰੋ। ਇਨ੍ਹਾਂ ਵਿਚ ਉਹ ਲੋਕ ਹੋ ਸਕਦੇ ਹਨ ਜੋ ਯਿਸੂ ਦੀ ਮੌਤ ਦੇ ਯਾਦਗਾਰੀ ਸਮਾਰੋਹ ਵਿਚ ਜਾਂ ਹੋਰ ਕਿਸੇ ਖ਼ਾਸ ਸਭਾ ਵਿਚ ਆਏ ਸਨ, ਪਰ ਬਾਕਾਇਦਾ ਸਭਾਵਾਂ ਵਿਚ ਨਹੀਂ ਆਉਂਦੇ। ਬਾਈਬਲ ਸਟੱਡੀ ਸ਼ੁਰੂ ਕਰਨ ਦੀ ਪੂਰੀ ਕੋਸ਼ਿਸ਼ ਕਰੋ।
◼ ਫਰਵਰੀ ਵਿਚ ਜਾਂ 4 ਮਾਰਚ ਤੋਂ ਪਹਿਲਾਂ-ਪਹਿਲਾਂ ਸਰਕਟ ਨਿਗਾਹਬਾਨ ਨਵਾਂ ਪਬਲਿਕ ਭਾਸ਼ਣ ਦੇਣਾ ਸ਼ੁਰੂ ਕਰਨਗੇ ਜਿਸ ਦਾ ਵਿਸ਼ਾ ਹੋਵੇਗਾ “ਪਰਮੇਸ਼ੁਰ ਦਾ ਨਵਾਂ ਸੰਸਾਰ—ਕੌਣ ਇਸ ਵਿਚ ਰਹਿਣ ਦੇ ਲਾਇਕ ਹੋਣਗੇ?”
◼ ਅਪ੍ਰੈਲ ਮਹੀਨੇ ਦੀ ਸੇਵਾ ਸਭਾ ਵਿਚ ਨੌਜਵਾਨ ਪੁੱਛਦੇ ਹਨ—ਮੈਂ ਜ਼ਿੰਦਗੀ ਵਿਚ ਕੀ ਬਣਾਂ? ਨਾਮਕ ਅੰਗ੍ਰੇਜ਼ੀ ਵਿਡਿਓ ਉੱਤੇ ਚਰਚਾ ਕੀਤੀ ਜਾਵੇਗੀ। ਜੇ ਤੁਹਾਡੇ ਕੋਲ ਇਹ ਡੀ. ਵੀ. ਡੀ. ਨਹੀਂ ਹੈ, ਤਾਂ ਇਸ ਨੂੰ ਜਲਦੀ ਤੋਂ ਜਲਦੀ ਕਲੀਸਿਯਾ ਰਾਹੀਂ ਆਰਡਰ ਕਰੋ।
◼ ਚੀਨੀ ਭਾਸ਼ਾ ਵਿਚ ਸਾਡਾ ਸਾਹਿੱਤ ਦੋ ਲਿਪੀਆਂ ਵਿਚ ਛਪਦਾ ਹੈ। ਹਾਂਗ ਕਾਂਗ ਤੇ ਤਾਈਵਾਨ ਦੇ ਲੋਕ ਆਮ ਤੌਰ ਤੇ ਰਵਾਇਤੀ ਚੀਨੀ ਲਿਪੀ ਪੜ੍ਹਦੇ ਹਨ। ਇਸ ਲਿਪੀ ਵਿਚ ਛਪੇ ਪ੍ਰਕਾਸ਼ਨ ਤੇ “Chinese” (CH) ਲਿਖਿਆ ਹੁੰਦਾ ਹੈ। ਪਰ ਜ਼ਿਆਦਾਤਰ ਚੀਨੀ ਲੋਕ ਸੌਖੀ ਚੀਨੀ ਲਿਪੀ ਪੜ੍ਹਦੇ ਹਨ ਜਿਸ ਨੂੰ “Simplified Chinese” (CHS) ਕਿਹਾ ਜਾਂਦਾ ਹੈ। ਚੀਨੀ ਭਾਵੇਂ ਕੈਂਟਨੀਸ, ਮੈਂਦਾਰਿਨ ਜਾਂ ਕੋਈ ਹੋਰ ਉਪ-ਬੋਲੀ ਬੋਲਦੇ ਹੋਣ, ਪਰ ਉਹ ਇਨ੍ਹਾਂ ਦੋਵੇਂ ਲਿਪੀਆਂ ਵਿੱਚੋਂ ਕਿਸੇ ਇਕ ਨੂੰ ਪੜ੍ਹ ਸਕਦੇ ਹਨ। ਸੋ ਚੀਨੀ ਵਿਅਕਤੀ ਨਾਲ ਗੱਲ ਕਰਨ ਤੇ ਉਸ ਨੂੰ ਪੁੱਛੋ ਕਿ ਉਹ ਕਿਹੜੀ ਲਿਪੀ ਵਿਚ ਪੜ੍ਹਨਾ ਪਸੰਦ ਕਰਦਾ ਹੈ, ਤਾਂਕਿ ਤੁਸੀਂ ਉਸ ਲਈ ਉਸ ਲਿਪੀ ਵਿਚ ਸਾਹਿੱਤ ਮੰਗਵਾ ਸਕੋ।
◼ ਇਸ ਸਾਲ ਯਿਸੂ ਦੀ ਮੌਤ ਦਾ ਯਾਦਗਾਰੀ ਸਮਾਰੋਹ ਸੋਮਵਾਰ 2 ਅਪ੍ਰੈਲ ਨੂੰ ਸੂਰਜ ਡੁੱਬਣ ਮਗਰੋਂ ਮਨਾਇਆ ਜਾਵੇਗਾ। ਕਲੀਸਿਯਾਵਾਂ ਨੂੰ ਸਮਾਰੋਹ ਲਈ ਢੁਕਵੇਂ ਇੰਤਜ਼ਾਮ ਕਰਨੇ ਚਾਹੀਦੇ ਹਨ। ਭਾਸ਼ਣ ਭਾਵੇਂ ਛੇਤੀ ਸ਼ੁਰੂ ਕੀਤਾ ਜਾ ਸਕਦਾ ਹੈ, ਪਰ ਦਾਖ-ਰਸ ਅਤੇ ਰੋਟੀ ਸਿਰਫ਼ ਸੂਰਜ ਡੁੱਬਣ ਤੋਂ ਬਾਅਦ ਹੀ ਵਰਤਾਏ ਜਾਣੇ ਚਾਹੀਦੇ ਹਨ। ਸਥਾਨਕ ਸੋਮਿਆਂ ਤੋਂ ਪਤਾ ਕਰਾਓ ਕਿ ਤੁਹਾਡੇ ਇਲਾਕੇ ਵਿਚ ਸੂਰਜ ਕਦੋਂ ਡੁੱਬੇਗਾ। ਹਾਲਾਂਕਿ ਹਰੇਕ ਕਲੀਸਿਯਾ ਲਈ ਆਪੋ-ਆਪਣਾ ਸਮਾਰੋਹ ਮਨਾਉਣਾ ਚੰਗਾ ਹੋਵੇਗਾ, ਪਰ ਇਹ ਸ਼ਾਇਦ ਹਮੇਸ਼ਾ ਮੁਮਕਿਨ ਨਾ ਹੋਵੇ। ਜੇ ਕਈ ਕਲੀਸਿਯਾਵਾਂ ਇੱਕੋ ਕਿੰਗਡਮ ਹਾਲ ਇਸਤੇਮਾਲ ਕਰਦੀਆਂ ਹਨ, ਤਾਂ ਸਮਾਰੋਹ ਦੀ ਸ਼ਾਮ ਨੂੰ ਕੁਝ ਕਲੀਸਿਯਾਵਾਂ ਸ਼ਾਇਦ ਕਿਸੇ ਹੋਰ ਜਗ੍ਹਾ ਦਾ ਬੰਦੋਬਸਤ ਕਰ ਸਕਦੀਆਂ ਹਨ। ਜੇ ਸੰਭਵ ਹੋਵੇ, ਤਾਂ ਪ੍ਰੋਗ੍ਰਾਮਾਂ ਵਿਚਕਾਰ ਘੱਟੋ-ਘੱਟ 40 ਮਿੰਟਾਂ ਦਾ ਫ਼ਾਸਲਾ ਰੱਖਿਆ ਜਾਵੇ ਤਾਂਕਿ ਸਾਰੇ ਇਸ ਸਮਾਰੋਹ ਦਾ ਪੂਰਾ-ਪੂਰਾ ਲਾਭ ਲੈ ਸਕਣ। ਇਸ ਗੱਲ ਵੱਲ ਵੀ ਧਿਆਨ ਦਿੱਤਾ ਜਾਣਾ ਚਾਹੀਦਾ ਹੈ ਕਿ ਗੱਡੀਆਂ ਦੇ ਆਉਣ-ਜਾਣ ਨਾਲ ਟ੍ਰੈਫਿਕ ਜਾਮ ਨਾ ਹੋਵੇ ਅਤੇ ਗੱਡੀਆਂ ਸਹੀ ਥਾਵਾਂ ਤੇ ਖੜ੍ਹੀਆਂ ਕੀਤੀਆਂ ਜਾਣ। ਇਹ ਫ਼ੈਸਲਾ ਕਰਨਾ ਬਜ਼ੁਰਗਾਂ ਦੇ ਸਮੂਹ ਦੀ ਜ਼ਿੰਮੇਵਾਰੀ ਹੈ ਕਿ ਕਿਹੜੇ ਪ੍ਰਬੰਧ ਉਨ੍ਹਾਂ ਦੀ ਕਲੀਸਿਯਾ ਲਈ ਢੁਕਵੇਂ ਹੋਣਗੇ।
◼ ਕਲੀਸਿਯਾ ਦੇ ਸੈਕਟਰੀ ਕੋਲ ਕਲੀਸਿਯਾ ਦੇ ਹਰ ਰੈਗੂਲਰ ਪਾਇਨੀਅਰ ਦਾ ਪਾਇਨੀਅਰ ਨਿਯੁਕਤੀ ਪੱਤਰ (S-202) ਹੋਣਾ ਚਾਹੀਦਾ ਹੈ। ਜੇ ਨਹੀਂ ਹੈ, ਤਾਂ ਉਸ ਨੂੰ ਬ੍ਰਾਂਚ ਆਫ਼ਿਸ ਨੂੰ ਚਿੱਠੀ ਲਿਖ ਕੇ ਦੱਸਣਾ ਚਾਹੀਦਾ ਹੈ।
◼ ਫਰਵਰੀ 19 ਦੇ ਹਫ਼ਤੇ ਦੌਰਾਨ ਸਾਹਿੱਤ ਦੀਆਂ ਡਿਲਿਵਰੀਆਂ ਨਹੀਂ ਹੋਣਗੀਆਂ।