ਘੋਸ਼ਣਾਵਾਂ

◼ ਜੁਲਾਈ ਅਤੇ ਅਗਸਤ ਲਈ ਸਾਹਿੱਤ ਪੇਸ਼ਕਸ਼: ਹੇਠਾਂ ਦਿੱਤੇ 32 ਸਫ਼ਿਆਂ ਵਾਲੇ ਬਰੋਸ਼ਰਾਂ ਵਿੱਚੋਂ ਕੋਈ ਵੀ ਬਰੋਸ਼ਰ ਪੇਸ਼ ਕੀਤਾ ਜਾ ਸਕਦਾ ਹੈ: ਤਮਾਮ ਲੋਕਾਂ ਲਈ ਇਕ ਪੁਸਤਕ, ਸੰਤੁਸ਼ਟ ਜ਼ਿੰਦਗੀ—ਇਸ ਨੂੰ ਕਿਵੇਂ ਹਾਸਲ ਕਰੀਏ (ਹਿੰਦੀ), ਕੀ ਪਰਮੇਸ਼ੁਰ ਸੱਚ ਮੁੱਚ ਸਾਡੀ ਪਰਵਾਹ ਕਰਦਾ ਹੈ?, ਕੀ ਤੁਹਾਨੂੰ ਤ੍ਰਿਏਕ ਵਿਚ ਵਿਸ਼ਵਾਸ ਕਰਨਾ ਚਾਹੀਦਾ ਹੈ? (ਅੰਗ੍ਰੇਜ਼ੀ), ਉਹ ਸਰਕਾਰ ਜਿਹੜੀ ਪਰਾਦੀਸ ਲਿਆਵੇਗੀ, ਖ਼ੁਦਾ ਦੀ ਰਹਿਨੁਮਾਈ—ਸਾਡੇ ਲਈ ਫਿਰਦੌਸ ਦਾ ਰਾਹ (ਹਿੰਦੀ), ਪਰਮੇਸ਼ੁਰ ਸਾਡੇ ਤੋਂ ਕੀ ਮੰਗ ਕਰਦਾ ਹੈ?, ਜੀਵਨ ਦਾ ਮਕਸਦ ਕੀ ਹੈ? ਤੁਸੀਂ ਇਹ ਕਿਸ ਤਰ੍ਹਾਂ ਪ੍ਰਾਪਤ ਕਰ ਸਕਦੇ ਹੋ? ਅਤੇ ਮੌਤ ਦਾ ਗਮ ਕਿੱਦਾਂ ਸਹੀਏ? ਸਤੰਬਰ: ਪਵਿੱਤਰ ਬਾਈਬਲ ਕੀ ਸਿਖਾਉਂਦੀ ਹੈ? ਪਹਿਲੀ ਮੁਲਾਕਾਤ ਤੇ ਬਾਈਬਲ ਸਟੱਡੀ ਸ਼ੁਰੂ ਕਰਨ ਦੀ ਕੋਸ਼ਿਸ਼ ਕਰੋ। ਜੇਕਰ ਵਿਅਕਤੀ ਕੋਲ ਪਹਿਲਾਂ ਹੀ ਇਹ ਕਿਤਾਬ ਹੈ, ਤਾਂ ਉਸ ਨੂੰ ਪੰਜ ਕੁ ਮਿੰਟਾਂ ਵਿਚ ਦਿਖਾਓ ਕਿ ਇਸ ਤੋਂ ਲਾਭ ਹਾਸਲ ਕਰਨ ਲਈ ਇਸ ਵਿੱਚੋਂ ਬਾਈਬਲ ਸਟੱਡੀ ਕਿਵੇਂ ਕੀਤੀ ਜਾਂਦੀ ਹੈ। ਅਕਤੂਬਰ: ਪਹਿਰਾਬੁਰਜ ਅਤੇ ਜਾਗਰੂਕ ਬਣੋ! ਰਸਾਲੇ। ਜੇ ਕੋਈ ਦਿਲਚਸਪੀ ਦਿਖਾਉਂਦਾ ਹੈ, ਤਾਂ ਉਸ ਨੂੰ ਕੀ ਤੁਸੀਂ ਬਾਈਬਲ ਬਾਰੇ ਹੋਰ ਜਾਣਨਾ ਚਾਹੁੰਦੇ ਹੋ? ਟ੍ਰੈਕਟ ਦੇ ਕੇ ਇਸ ਉੱਤੇ ਚਰਚਾ ਕਰੋ ਤੇ ਸਟੱਡੀ ਸ਼ੁਰੂ ਕਰਨ ਦੇ ਜਤਨ ਕਰੋ।

◼ ਅਗਸਤ ਵਿਚ ਪੰਜ ਸ਼ਨੀਵਾਰ-ਐਤਵਾਰ ਹੋਣ ਕਰਕੇ ਇਹ ਔਗਜ਼ੀਲਰੀ ਪਾਇਨੀਅਰੀ ਕਰਨ ਲਈ ਵਧੀਆ ਮਹੀਨਾ ਹੋਵੇਗਾ।

◼ ਸਤੰਬਰ ਤੋਂ ਸਰਕਟ ਨਿਗਾਹਬਾਨਾਂ ਦੇ ਪਬਲਿਕ ਭਾਸ਼ਣ ਦਾ ਵਿਸ਼ਾ ਹੋਵੇਗਾ, “ਵਫ਼ਾਦਾਰੀ ਦੇ ਰਾਹ ʼਤੇ ਚੱਲੋ।”

◼ ਬ੍ਰਾਂਚ ਆਫ਼ਿਸ ਪਬਲੀਸ਼ਰਾਂ ਦੁਆਰਾ ਨਿੱਜੀ ਤੌਰ ਤੇ ਆਰਡਰ ਕੀਤਾ ਗਿਆ ਸਾਹਿੱਤ ਨਹੀਂ ਭੇਜਦਾ। ਕਲੀਸਿਯਾ ਦਾ ਮਾਸਿਕ ਆਰਡਰ ਬ੍ਰਾਂਚ ਆਫ਼ਿਸ ਨੂੰ ਭੇਜਣ ਤੋਂ ਪਹਿਲਾਂ ਪ੍ਰਧਾਨ ਨਿਗਾਹਬਾਨ ਨੂੰ ਹਰ ਮਹੀਨੇ ਇਕ ਘੋਸ਼ਣਾ ਕਰਵਾਉਣੀ ਚਾਹੀਦੀ ਹੈ ਤਾਂਕਿ ਨਿੱਜੀ ਸਾਹਿੱਤ ਲੈਣ ਵਿਚ ਦਿਲਚਸਪੀ ਰੱਖਣ ਵਾਲੇ ਭੈਣ-ਭਰਾ ਸਾਹਿੱਤ ਸੰਭਾਲਣ ਵਾਲੇ ਭਰਾ ਨੂੰ ਆਪਣੇ ਆਰਡਰ ਦੇ ਸਕਣ। ਕਿਰਪਾ ਕਰ ਕੇ ਯਾਦ ਰੱਖੋ ਕਿ ਕਿਹੜੇ ਪ੍ਰਕਾਸ਼ਨ ਖ਼ਾਸ-ਆਰਡਰ ਸਾਹਿੱਤ ਹਨ।

◼ 31 ਅਗਸਤ 2008 ਨੂੰ ਜਾਂ ਇਸ ਤੋਂ ਛੇਤੀ ਹੀ ਬਾਅਦ ਸਾਰੇ ਸਾਹਿੱਤ ਅਤੇ ਰਸਾਲਿਆਂ ਨੂੰ ਗਿਣ ਕੇ ਇਸ ਦੀ ਸੂਚੀ ਬਣਾਓ। ਸਾਹਿੱਤ ਦੀ ਗਿਣਤੀ ਉਸੇ ਤਰੀਕੇ ਨਾਲ ਕਰੋ ਜਿਵੇਂ ਸਾਹਿੱਤ ਕੋਆਰਡੀਨੇਟਰ ਹਰ ਮਹੀਨੇ ਕਰਦਾ ਹੈ। ਸਾਹਿੱਤ ਦੇ ਕੁੱਲ ਜੋੜ ਨੂੰ ਲਿਟਰੇਚਰ ਇੰਵੈਨਟਰੀ (S-18) ਫਾਰਮ ਤੇ ਦਰਜ ਕਰਨਾ ਚਾਹੀਦਾ ਹੈ। ਰਸਾਲਿਆਂ ਦੀ ਕੁੱਲ ਗਿਣਤੀ ਰਸਾਲੇ ਸੰਭਾਲਣ ਵਾਲੇ ਭਰਾ(ਵਾਂ) ਤੋਂ ਲਈ ਜਾ ਸਕਦੀ ਹੈ। ਕੋਆਰਡੀਨੇਟਿੰਗ ਕਲੀਸਿਯਾ ਦੇ ਸੈਕਟਰੀ ਨੂੰ ਇਸ ਕੰਮ ਦੀ ਨਿਗਰਾਨੀ ਕਰਨੀ ਚਾਹੀਦੀ ਹੈ। ਉਹ ਅਤੇ ਕੋਆਰਡੀਨੇਟਿੰਗ ਕਲੀਸਿਯਾ ਦਾ ਪ੍ਰਧਾਨ ਨਿਗਾਹਬਾਨ ਇਸ ਫਾਰਮ ਉੱਤੇ ਦਸਤਖਤ ਕਰਨਗੇ। ਹਰ ਕੋਆਰਡੀਨੇਟਿੰਗ ਕਲੀਸਿਯਾ ਨੂੰ ਤਿੰਨ ਲਿਟਰੇਚਰ ਇੰਵੈਨਟਰੀ ਫਾਰਮ ਭੇਜੇ ਜਾਣਗੇ। ਅਸਲੀ ਕਾਪੀ 6 ਸਤੰਬਰ ਤੋਂ ਪਹਿਲਾਂ-ਪਹਿਲਾਂ ਬ੍ਰਾਂਚ ਆਫ਼ਿਸ ਨੂੰ ਭੇਜ ਦਿਓ। ਇਕ ਕਾਪੀ ਆਪਣੀ ਫਾਈਲ ਵਿਚ ਰੱਖ ਲਓ। ਤੀਜੀ ਕਾਪੀ ਨੂੰ ਵਰਕ ਸ਼ੀਟ ਵਜੋਂ ਵਰਤਿਆ ਜਾ ਸਕਦਾ ਹੈ।

◼ ਪਰਮੇਸ਼ੁਰ ਸਾਡੇ ਤੋਂ ਕੀ ਮੰਗ ਕਰਦਾ ਹੈ? ਬਰੋਸ਼ਰ ਦੀ ਥਾਂ ਤੇ ਪਵਿੱਤਰ ਬਾਈਬਲ ਕੀ ਸਿਖਾਉਂਦੀ ਹੈ? ਕਿਤਾਬ ਵਿੱਚੋਂ ਸਟੱਡੀਆਂ ਕਰਾਓ। ਜਦ ਤਕ ਕਿ ਇਸ ਬਰੋਸ਼ਰ ਦੀ ਸਪਲਾਈ ਮੁੱਕ ਨਹੀਂ ਜਾਂਦੀ, ਤੁਸੀਂ ਲੋਕਾਂ ਨੂੰ ਇਹ ਬਰੋਸ਼ਰ ਦੇ ਸਕਦੇ ਹੋ।

◼ ਸਪੈਸ਼ਲ ਰਿਕੁਐਸਟ ਫਾਰਮ ਫਾਰ ਐਨੂਅਲ ਆਈਟਮਜ਼ ਸਾਰੀਆਂ ਕਲੀਸਿਯਾਵਾਂ ਨੂੰ ਭੇਜਿਆ ਜਾ ਰਿਹਾ ਹੈ। ਜਿਹੜੀਆਂ ਕਲੀਸਿਯਾਵਾਂ ਨੇ ਸਾਲ 2009 ਲਈ ਅਜੇ ਤਕ ਯੀਅਰ ਬੁੱਕ, ਕਲੰਡਰ ਅਤੇ ਰੋਜ਼ ਬਾਈਬਲ ਦੀ ਜਾਂਚ ਕਰੋ ਵਰਗੇ ਸਾਲਾਨਾ ਪ੍ਰਕਾਸ਼ਨ ਆਰਡਰ ਨਹੀਂ ਕੀਤੇ ਹਨ, ਉਨ੍ਹਾਂ ਨੂੰ ਜਲਦੀ ਤੋਂ ਜਲਦੀ ਆਪਣੇ ਆਰਡਰ ਭੇਜ ਦੇਣੇ ਚਾਹੀਦੇ ਹਨ। ਕਿੰਗਡਮ ਹਾਲ ਲਿਟਰੇਚਰ ਇੰਵੈਨਟਰੀ ਅਰੇਂਜਮੈਂਟ (ਕਿੰਗਡਮ ਹਾਲ ਸਾਂਝਾ ਸਾਹਿੱਤ ਪ੍ਰਬੰਧ) ਅਧੀਨ ਆਉਂਦੀਆਂ ਕਲੀਸਿਯਾਵਾਂ ਨੂੰ ਸਿਰਫ਼ “ਕੋਆਰਡੀਨੇਟਿੰਗ ਕਲੀਸਿਯਾ” ਰਾਹੀਂ ਸਾਹਿੱਤ ਆਰਡਰ ਕਰਨਾ ਚਾਹੀਦਾ ਹੈ। ਕੋਆਰਡੀਨੇਟਿੰਗ ਕਲੀਸਿਯਾ ਦੇ ਸੈਕਟਰੀ ਨੂੰ ਵੀ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਉਨ੍ਹਾਂ ਦੇ ਸਾਹਿੱਤ ਸਮੂਹ ਦੀ ਹਰੇਕ ਕਲੀਸਿਯਾ ਲਈ ਲੋੜੀਂਦਾ ਸਾਹਿੱਤ ਆਰਡਰ ਕੀਤਾ ਗਿਆ ਹੈ।

◼ ਨਵਾਂ ਪ੍ਰਕਾਸ਼ਨ ਉਪਲਬਧ:

ਬੋਲਣ ਤੇ ਸਿੱਖਿਆ ਦੇਣ ਦੇ ਆਪਣੇ ਹੁਨਰ ਨੂੰ ਕਿਵੇਂ ਸੁਧਾਰੀਏ—ਬੰਗਲਾ

◼ ਮੁੜ ਉਪਲਬਧ ਪ੍ਰਕਾਸ਼ਨ:

ਯਹੋਵਾਹ ਦੇ ਗੁਣ ਗਾਓ (29 ਗੀਤ)—ਮਰਾਠੀ