ਵਾਚਟਾਵਰ ਆਨ-ਲਾਈਨ ਲਾਇਬ੍ਰੇਰੀ
ਵਾਚਟਾਵਰ
ਆਨ-ਲਾਈਨ ਲਾਇਬ੍ਰੇਰੀ
ਪੰਜਾਬੀ
  • ਬਾਈਬਲ
  • ਪ੍ਰਕਾਸ਼ਨ
  • ਸਭਾਵਾਂ
  • lfb ਪਾਠ 57 ਸਫ਼ਾ 138 - ਸਫ਼ਾ 139 ਪੈਰਾ 1
  • ਯਹੋਵਾਹ ਨੇ ਯਿਰਮਿਯਾਹ ਨੂੰ ਪ੍ਰਚਾਰ ਕਰਨ ਲਈ ਭੇਜਿਆ

ਕੋਈ ਵੀਡੀਓ ਉਪਲਬਧ ਨਹੀਂ।

ਮਾਫ਼ ਕਰੋ, ਵੀਡੀਓ ਲੋਡ ਨਹੀਂ ਹੋਇਆ।

  • ਯਹੋਵਾਹ ਨੇ ਯਿਰਮਿਯਾਹ ਨੂੰ ਪ੍ਰਚਾਰ ਕਰਨ ਲਈ ਭੇਜਿਆ
  • ਬਾਈਬਲ ਤੋਂ ਸਿੱਖੋ ਅਹਿਮ ਸਬਕ
  • ਮਿਲਦੀ-ਜੁਲਦੀ ਜਾਣਕਾਰੀ
  • ਯਿਰਮਿਯਾਹ ਯਹੋਵਾਹ ਬਾਰੇ ਗੱਲ ਕਰਨੋਂ ਨਹੀਂ ਹਟਿਆ
    ਆਪਣੇ ਬੱਚਿਆਂ ਨੂੰ ਸਿਖਾਓ
  • ਯਿਰਮਿਯਾਹ ਵਾਂਗ ਹਿੰਮਤੀ ਬਣੋ
    ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2004
  • ਯਿਰਮਿਯਾਹ ਨੇ ਹਾਰ ਨਹੀਂ ਮੰਨੀ
    ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2010
  • ਯਿਰਮਿਯਾਹ ਦੀ ਪੋਥੀ ਦੇ ਕੁਝ ਖ਼ਾਸ ਨੁਕਤੇ
    ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2007
ਹੋਰ ਦੇਖੋ
ਬਾਈਬਲ ਤੋਂ ਸਿੱਖੋ ਅਹਿਮ ਸਬਕ
lfb ਪਾਠ 57 ਸਫ਼ਾ 138 - ਸਫ਼ਾ 139 ਪੈਰਾ 1
ਯਿਰਮਿਯਾਹ ਬਜ਼ੁਰਗਾਂ ਦੇ ਸਾਮ੍ਹਣੇ ਮਿੱਟੀ ਦਾ ਭਾਂਡਾ ਭੰਨਦਾ ਹੋਇਆ

ਪਾਠ 57

ਯਹੋਵਾਹ ਨੇ ਯਿਰਮਿਯਾਹ ਨੂੰ ਪ੍ਰਚਾਰ ਕਰਨ ਲਈ ਭੇਜਿਆ

ਯਹੋਵਾਹ ਨੇ ਯਿਰਮਿਯਾਹ ਨੂੰ ਯਹੂਦਾਹ ਦੇ ਲੋਕਾਂ ਲਈ ਨਬੀ ਵਜੋਂ ਚੁਣਿਆ। ਪਰਮੇਸ਼ੁਰ ਨੇ ਉਸ ਨੂੰ ਲੋਕਾਂ ਨੂੰ ਪ੍ਰਚਾਰ ਕਰਨ ਅਤੇ ਚੇਤਾਵਨੀ ਦੇਣ ਲਈ ਕਿਹਾ ਕਿ ਉਹ ਬੁਰੇ ਕੰਮ ਕਰਨੇ ਬੰਦ ਕਰ ਦੇਣ। ਯਿਰਮਿਯਾਹ ਨੇ ਕਿਹਾ: ‘ਪਰ ਯਹੋਵਾਹ, ਮੈਂ ਤਾਂ ਅਜੇ ਮੁੰਡਾ ਹੀ ਹਾਂ। ਮੈਨੂੰ ਤਾਂ ਲੋਕਾਂ ਨਾਲ ਗੱਲ ਵੀ ਨਹੀਂ ਕਰਨੀ ਆਉਂਦੀ।’ ਯਹੋਵਾਹ ਨੇ ਉਸ ਨੂੰ ਕਿਹਾ: ‘ਡਰੀਂ ਨਾ! ਤੂੰ ਜੋ ਬੋਲਣਾ ਹੈ, ਮੈਂ ਤੈਨੂੰ ਦੱਸਾਂਗਾ। ਮੈਂ ਤੇਰੀ ਮਦਦ ਕਰਾਂਗਾ।’

ਯਹੋਵਾਹ ਨੇ ਯਿਰਮਿਯਾਹ ਨੂੰ ਕਿਹਾ ਕਿ ਉਹ ਲੋਕਾਂ ਦੇ ਬਜ਼ੁਰਗਾਂ ਨੂੰ ਇਕੱਠਾ ਕਰੇ, ਉਨ੍ਹਾਂ ਦੇ ਸਾਮ੍ਹਣੇ ਮਿੱਟੀ ਦਾ ਇਕ ਭਾਂਡਾ ਭੰਨੇ ਅਤੇ ਕਹੇ: ‘ਯਰੂਸ਼ਲਮ ਬਿਲਕੁਲ ਇਸੇ ਤਰ੍ਹਾਂ ਭੰਨਿਆ ਜਾਵੇਗਾ।’ ਜਦੋਂ ਯਿਰਮਿਯਾਹ ਨੇ ਯਹੋਵਾਹ ਦੇ ਕਹੇ ਅਨੁਸਾਰ ਕੀਤਾ, ਤਾਂ ਬਜ਼ੁਰਗ ਬਹੁਤ ਗੁੱਸੇ ਹੋ ਗਏ। ਪਸ਼ਹੂਰ ਨਾਂ ਦੇ ਪੁਜਾਰੀ ਨੇ ਯਿਰਮਿਯਾਹ ਨੂੰ ਕੁੱਟਿਆ ਤੇ ਉਸ ਨੂੰ ਲੱਕੜ ਦੇ ਸ਼ਿਕੰਜੇ ਵਿਚ ਜਕੜ ਦਿੱਤਾ। ਸਾਰੀ ਰਾਤ ਯਿਰਮਿਯਾਹ ਹਿਲ ਵੀ ਨਾ ਸਕਿਆ। ਪਸ਼ਹੂਰ ਨੇ ਸਵੇਰੇ ਉਸ ਨੂੰ ਛੱਡਿਆ। ਯਿਰਮਿਯਾਹ ਨੇ ਕਿਹਾ: ‘ਮੈਂ ਹੋਰ ਨਹੀਂ ਸਹਿ ਸਕਦਾ। ਮੈਂ ਹੁਣ ਪ੍ਰਚਾਰ ਨਹੀਂ ਕਰਨਾ।’ ਪਰ ਕੀ ਉਸ ਨੇ ਸੱਚੀਂ ਹਾਰ ਮੰਨ ਲਈ ਸੀ? ਨਹੀਂ। ਜਦੋਂ ਯਿਰਮਿਯਾਹ ਨੇ ਇਸ ਬਾਰੇ ਧਿਆਨ ਨਾਲ ਸੋਚਿਆ, ਤਾਂ ਉਸ ਨੇ ਕਿਹਾ: ‘ਯਹੋਵਾਹ ਦਾ ਸੰਦੇਸ਼ ਮੇਰੇ ਅੰਦਰ ਅੱਗ ਵਾਂਗ ਹੈ। ਮੈਂ ਪ੍ਰਚਾਰ ਕਰਨੋਂ ਨਹੀਂ ਰਹਿ ਸਕਦਾ।’ ਯਿਰਮਿਯਾਹ ਲਗਾਤਾਰ ਲੋਕਾਂ ਨੂੰ ਚੇਤਾਵਨੀ ਦਿੰਦਾ ਰਿਹਾ।

ਸਾਲ ਬੀਤਦੇ ਗਏ ਅਤੇ ਯਹੂਦਾਹ ਵਿਚ ਨਵਾਂ ਰਾਜਾ ਆ ਗਿਆ। ਪੁਜਾਰੀ ਅਤੇ ਝੂਠੇ ਨਬੀ ਯਿਰਮਿਯਾਹ ਦੇ ਸੰਦੇਸ਼ ਨੂੰ ਪਸੰਦ ਨਹੀਂ ਕਰਦੇ ਸਨ। ਉਨ੍ਹਾਂ ਨੇ ਹਾਕਮਾਂ ਨੂੰ ਕਿਹਾ: ‘ਇਹ ਆਦਮੀ ਮੌਤ ਦੀ ਸਜ਼ਾ ਦੇ ਲਾਇਕ ਹੈ।’ ਯਿਰਮਿਯਾਹ ਨੇ ਕਿਹਾ: ‘ਜੇ ਤੁਸੀਂ ਮੈਨੂੰ ਮਾਰਿਆ, ਤਾਂ ਤੁਸੀਂ ਬੇਕਸੂਰ ਇਨਸਾਨ ਨੂੰ ਮਾਰੋਗੇ। ਮੈਂ ਆਪਣੀਆਂ ਨਹੀਂ, ਸਗੋਂ ਯਹੋਵਾਹ ਦੀਆਂ ਗੱਲਾਂ ਦੱਸਦਾ ਹਾਂ।’ ਜਦੋਂ ਹਾਕਮਾਂ ਨੇ ਇਹ ਸੁਣਿਆ, ਤਾਂ ਉਨ੍ਹਾਂ ਨੇ ਕਿਹਾ: ‘ਇਹ ਆਦਮੀ ਮੌਤ ਦੀ ਸਜ਼ਾ ਦੇ ਲਾਇਕ ਨਹੀਂ ਹੈ।’

ਯਿਰਮਿਯਾਹ ਪ੍ਰਚਾਰ ਕਰਦਾ ਰਿਹਾ ਜਿਸ ਕਰਕੇ ਹਾਕਮਾਂ ਨੂੰ ਬਹੁਤ ਗੁੱਸਾ ਚੜ੍ਹਿਆ। ਉਨ੍ਹਾਂ ਨੇ ਰਾਜੇ ਨੂੰ ਕਿਹਾ ਕਿ ਯਿਰਮਿਯਾਹ ਨੂੰ ਮਾਰ ਦਿੱਤਾ ਜਾਣਾ ਚਾਹੀਦਾ। ਰਾਜੇ ਨੇ ਕਿਹਾ ਕਿ ਉਹ ਜੋ ਚਾਹੁੰਦੇ ਹਨ, ਉਹ ਯਿਰਮਿਯਾਹ ਨਾਲ ਕਰ ਸਕਦੇ ਹਨ। ਉਨ੍ਹਾਂ ਨੇ ਯਿਰਮਿਯਾਹ ਨੂੰ ਲਿਜਾ ਕੇ ਡੂੰਘੇ ਤੇ ਚਿੱਕੜ ਨਾਲ ਭਰੇ ਖੂਹ ਵਿਚ ਸੁੱਟ ਦਿੱਤਾ। ਉਨ੍ਹਾਂ ਨੂੰ ਉਮੀਦ ਸੀ ਕਿ ਉਹ ਉੱਥੇ ਮਰ ਜਾਵੇਗਾ। ਯਿਰਮਿਯਾਹ ਚਿੱਕੜ ਵਿਚ ਖੁੱਭਣ ਲੱਗਾ।

ਅਬਦ-ਮਲਕ ਅਤੇ ਉਸ ਨਾਲ ਦੇ ਆਦਮੀ ਯਿਰਮਿਯਾਹ ਨੂੰ ਖੂਹ ਵਿੱਚੋਂ ਕੱਢਦੇ ਹੋਏ

ਫਿਰ ਅਬਦ-ਮਲਕ ਨਾਂ ਦੇ ਦਰਬਾਰੀ ਨੇ ਰਾਜੇ ਨੂੰ ਦੱਸਿਆ: ‘ਹਾਕਮਾਂ ਨੇ ਯਿਰਮਿਯਾਹ ਨੂੰ ਖੂਹ ਵਿਚ ਸੁੱਟ ਦਿੱਤਾ ਹੈ! ਜੇ ਅਸੀਂ ਉਸ ਨੂੰ ਨਾ ਕੱਢਿਆ, ਤਾਂ ਉਹ ਮਰ ਜਾਵੇਗਾ।’ ਰਾਜੇ ਨੇ ਅਬਦ-ਮਲਕ ਨੂੰ ਕਿਹਾ ਕਿ ਉਹ ਆਪਣੇ ਨਾਲ 30 ਆਦਮੀਆਂ ਨੂੰ ਲੈ ਜਾਵੇ ਅਤੇ ਯਿਰਮਿਯਾਹ ਨੂੰ ਖੂਹ ਵਿੱਚੋਂ ਕੱਢੇ। ਕੀ ਸਾਨੂੰ ਯਿਰਮਿਯਾਹ ਵਰਗੇ ਨਹੀਂ ਬਣਨਾ ਚਾਹੀਦਾ ਜਿਸ ਨੇ ਕਿਸੇ ਵੀ ਮੁਸ਼ਕਲ ਕਰਕੇ ਪ੍ਰਚਾਰ ਕਰਨਾ ਬੰਦ ਨਹੀਂ ਕੀਤਾ?

“ਮੇਰੇ ਚੇਲੇ ਹੋਣ ਕਰਕੇ ਤੁਸੀਂ ਸਾਰੇ ਲੋਕਾਂ ਦੀ ਨਫ਼ਰਤ ਦੇ ਸ਼ਿਕਾਰ ਬਣੋਗੇ, ਪਰ ਜਿਹੜਾ ਇਨਸਾਨ ਅੰਤ ਤਕ ਧੀਰਜ ਨਾਲ ਸਹਿੰਦਾ ਰਹੇਗਾ, ਉਹੀ ਬਚਾਇਆ ਜਾਵੇਗਾ।”​—ਮੱਤੀ 10:22

ਸਵਾਲ: ਯਿਰਮਿਯਾਹ ਨੇ ਛੋਟੀ ਉਮਰ ਤੋਂ ਹੀ ਯਹੋਵਾਹ ਦਾ ਕਹਿਣਾ ਕਿਉਂ ਮੰਨਿਆ? ਕਿਨ੍ਹਾਂ ਨੇ ਯਿਰਮਿਯਾਹ ਨੂੰ ਪ੍ਰਚਾਰ ਕਰਨ ਤੋਂ ਰੋਕਣ ਦੀ ਕੋਸ਼ਿਸ਼ ਕੀਤੀ?

ਯਿਰਮਿਯਾਹ 1:1-19; 19:1-11; 20:1-13; 25:8-11; 26:7-16; 38:1-13

    ਪੰਜਾਬੀ ਪ੍ਰਕਾਸ਼ਨ (1987-2025)
    ਲਾਗ-ਆਊਟ
    ਲਾਗ-ਇਨ
    • ਪੰਜਾਬੀ
    • ਲਿੰਕ ਭੇਜੋ
    • ਮਰਜ਼ੀ ਮੁਤਾਬਕ ਬਦਲੋ
    • Copyright © 2025 Watch Tower Bible and Tract Society of Pennsylvania
    • ਵਰਤੋਂ ਦੀਆਂ ਸ਼ਰਤਾਂ
    • ਪ੍ਰਾਈਵੇਸੀ ਪਾਲਸੀ
    • ਪ੍ਰਾਈਵੇਸੀ ਸੈਟਿੰਗ
    • JW.ORG
    • ਲਾਗ-ਇਨ
    ਲਿੰਕ ਭੇਜੋ