ਗੀਤ 117
ਭਲਾਈ ਦਾ ਗੁਣ
1. ਹੈ ਦਰਿਆ-ਦਿਲ ਤੂੰ ਯਹੋਵਾਹ
ਤੂੰ ਹੀ ਪਾਕ, ਹੈ ਅੱਤ ਮਹਾਨ
ਨਾ ਸੀ ਕਾਬਲ, ਗਲ਼ੇ ਲਾਇਆ
ਕੀਤਾ ਸਾਨੂੰ ਪਿਆਰ ਅਥਾਹ
ਮਾਂ ਦੀ ਮਮਤਾ ਤੋਂ ਵੀ ਵੱਧ ਕੇ
ਬੁੱਕਲ ਤੇਰੀ ਠੰਢੀ ਛਾਂ
ਤੇਰੀ ਸੇਵਾ ਕਰਦੇ ਰਹਿਣਾ
ਮਹਿਮਾ ਦਾ ਤੂੰ ਹੀ ਹੱਕਦਾਰ
2. ਤੇਰੀ ਰੀਸ ਕਰ ਕੇ ਚਰਵਾਹੇ
ਤੇਰਾ ਪਿਆਰ ਜ਼ਾਹਰ ਕਰਦੇ
ਨੇਕੀ, ਦਇਆ ਦੀ ਰਾਹ ਚੱਲ ਕੇ
ਹਾਂ, ਲੋਅ ਬਾਣੀ ਦੀ ਕਰਦੇ
ਵਾਹ! ਕਮਾਲ ਹੈ ਤੇਰਾ ਹਰ ਬੋਲ
ਜ਼ਿੰਦਗੀ ਨੂੰ ਸ਼ਿੰਗਾਰੇ
ਸ਼ਕਤੀ ਦੇ ਤੂੰ, ਹਰ ਇਕ ਕੰਮ ʼਤੇ
ਨਜ਼ਰ-ਏ-ਕਰਮ ਹੋਵੇ
3. ਭਾਈਚਾਰਾ ਇਕ-ਦੂਜੇ ਦਾ
ਮੁਸ਼ਕਲਾਂ ʼਚ ਦਿੰਦਾ ਸਾਥ
ਹਾਂ, ਭਲਾਈ ਦੇ ਕੰਮਾਂ ਲਈ
ਅਸੀਂ ਮੰਨਦੇ ਹਾਂ ਅਹਿਸਾਨ
ਆਪਣੇ ਸੋਹਣੇ ਪਰਿਵਾਰ ਨੂੰ
ਬਰਕਤ ਦਿੰਦਾ ਤੂੰ ਰਹੀਂ
ਤੇਰੀ ਸ਼ਕਤੀ ਨਾਲ ਸਦਾ ਹੀ
ਵਧੇ ਪਿਆਰ, ਏਕਤਾ, ਸ਼ਾਂਤੀ
(ਜ਼ਬੂ. 103:10; ਮਰ. 10:18; ਗਲਾ. 5:22; ਅਫ਼. 5:9 ਵੀ ਦੇਖੋ।)