ਵਾਚਟਾਵਰ ਆਨ-ਲਾਈਨ ਲਾਇਬ੍ਰੇਰੀ
ਵਾਚਟਾਵਰ
ਆਨ-ਲਾਈਨ ਲਾਇਬ੍ਰੇਰੀ
ਪੰਜਾਬੀ
  • ਬਾਈਬਲ
  • ਪ੍ਰਕਾਸ਼ਨ
  • ਸਭਾਵਾਂ
  • w14 5/1 ਸਫ਼ੇ 8-9
  • ਧਰਮਾਂ ਦੀ ਸਾਂਝ ਕੀ ਹੈ ਰੱਬ ਨੂੰ ਮਨਜ਼ੂਰ?

ਕੋਈ ਵੀਡੀਓ ਉਪਲਬਧ ਨਹੀਂ।

ਮਾਫ਼ ਕਰੋ, ਵੀਡੀਓ ਲੋਡ ਨਹੀਂ ਹੋਇਆ।

  • ਧਰਮਾਂ ਦੀ ਸਾਂਝ ਕੀ ਹੈ ਰੱਬ ਨੂੰ ਮਨਜ਼ੂਰ?
  • ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2014
  • ਸਿਰਲੇਖ
  • ਮਿਲਦੀ-ਜੁਲਦੀ ਜਾਣਕਾਰੀ
  • ਏਕਤਾ​—ਕਿਸ ਕੀਮਤ ʼਤੇ?
  • ‘ਸਾਰਿਆਂ ਦਾ ਭਲਾ ਕਰੋ’​—ਕੀ ਇੰਨਾ ਕਹਿਣਾ ਕਾਫ਼ੀ ਹੈ?
  • ਬਾਈਬਲ ਧਰਮ ਬਾਰੇ ਕੀ ਕਹਿੰਦੀ ਹੈ?
  • ਏਕਤਾ ਕਾਇਮ ਕਰਨੀ
  • ਕੀ ਯਹੋਵਾਹ ਦੇ ਗਵਾਹ ਦੂਸਰੇ ਧਰਮਾਂ ਦੇ ਲੋਕਾਂ ਨਾਲ ਭਗਤੀ ਕਰਦੇ ਹਨ?
    ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2010
  • ਕੀ ਯਹੋਵਾਹ ਦੇ ਗਵਾਹ ਦੂਸਰੇ ਧਰਮਾਂ ਨਾਲ ਮਿਲ ਕੇ ਭਗਤੀ ਕਰਦੇ ਹਨ?
    ਯਹੋਵਾਹ ਦੇ ਗਵਾਹਾਂ ਬਾਰੇ ਆਮ ਪੁੱਛੇ ਜਾਂਦੇ ਸਵਾਲ
  • ਪਾਠਕਾਂ ਵੱਲੋਂ ਸਵਾਲ
    ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2002
  • ਸੱਚੀ ਭਗਤੀ ਦੀ ਪਛਾਣ—ਏਕਤਾ
    ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2010
ਪਹਿਰਾਬੁਰਜ ਯਹੋਵਾਹ ਦੇ ਰਾਜ ਦੀ ਘੋਸ਼ਣਾ ਕਰਦਾ ਹੈ—2014
w14 5/1 ਸਫ਼ੇ 8-9
[ਸਫ਼ਾ 9 ਉੱਤੇ ਤਸਵੀਰ]

ਧਰਮਾਂ ਦੀ ਸਾਂਝ ਕੀ ਹੈ ਰੱਬ ਨੂੰ ਮਨਜ਼ੂਰ?

“ਕੀ ਧਰਮ ਲੋਕਾਂ ਨੂੰ ਏਕਤਾ ਦੇ ਬੰਧਨ ਵਿਚ ਬੰਨ੍ਹਦੇ ਹਨ ਜਾਂ ਉਨ੍ਹਾਂ ਵਿਚ ਫੁੱਟ ਪਾਉਂਦੇ ਹਨ?” ਇਹ ਸਵਾਲ ਆਸਟ੍ਰੇਲੀਆ ਦੇ ਇਕ ਅਖ਼ਬਾਰ ਵਿਚ ਪੁੱਛਿਆ ਗਿਆ। 89 ਪ੍ਰਤਿਸ਼ਤ ਲੋਕਾਂ ਨੇ ਕਿਹਾ ਕਿ ਧਰਮ ਲੋਕਾਂ ਵਿਚ ਫੁੱਟ ਪਾਉਂਦੇ ਹਨ।

ਸਾਰੇ ਲੋਕ ਇਸ ਗੱਲ ਨਾਲ ਸਹਿਮਤ ਨਹੀਂ। ਉਹ ਮੰਨਦੇ ਹਨ ਕਿ ਜੇ ਸਾਰੇ ਧਰਮਾਂ ਦੇ ਲੋਕ ਮਿਲ ਕੇ ਭਗਤੀ ਕਰਨ, ਤਾਂ ਹੀ ਏਕਤਾ ਕਾਇਮ ਹੋ ਸਕਦੀ ਹੈ। ‘ਕੀ ਸਾਰੇ ਧਰਮ ਇਹ ਨਹੀਂ ਸਿਖਾਉਂਦੇ ਕਿ ਸਾਰਿਆਂ ਨਾਲ ਪਿਆਰ ਕਰੋ, ਧਰਤੀ ਦੀ ਦੇਖ-ਰੇਖ ਕਰੋ ਅਤੇ ਮਹਿਮਾਨਨਿਵਾਜ਼ੀ ਦਿਖਾਓ।’—ਈਬੂ ਪਟੇਲ ਦੇ ਸ਼ਬਦ ਜੋ ਉਸ ਸੰਸਥਾ ਦਾ ਮੁਖੀ ਹੈ ਜਿਸ ਵਿਚ ਕਈ ਧਰਮਾਂ ਦੇ ਨੌਜਵਾਨ ਮਿਲ ਕੇ ਸਮਾਜ ਸੇਵਾ ਕਰਦੇ ਹਨ।

ਇਹ ਸੱਚ ਹੈ ਕਿ ਕਦੇ-ਕਦੇ ਬੋਧੀ, ਕੈਥੋਲਿਕ, ਪ੍ਰੋਟੈਸਟੈਂਟ, ਹਿੰਦੂ, ਮੁਸਲਿਮ ਤੇ ਹੋਰ ਕਈ ਧਰਮਾਂ ਦੇ ਲੋਕਾਂ ਨੇ ਮਿਲ ਕੇ ਕੰਮ ਕੀਤਾ ਹੈ। ਉਨ੍ਹਾਂ ਨੇ ਰਲ਼ ਕੇ ਗ਼ਰੀਬੀ ਮਿਟਾਉਣ, ਮਨੁੱਖੀ ਅਧਿਕਾਰਾਂ ਦੇ ਹੱਕ ਵਿਚ ਲੜਨ, ਬਾਰੂਦੀ-ਸੁਰੰਗਾਂ ਨੂੰ ਹਟਾਉਣ ਜਾਂ ਸਮਾਜ ਦੇ ਹੋਰ ਕਿਸੇ ਵਿਸ਼ੇ ਵੱਲ ਧਿਆਨ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਹੈ। ਕਦੇ-ਕਦੇ ਧਰਮਾਂ ਦੇ ਆਗੂ ਆਪਸੀ ਸਾਂਝ ਪਾਉਣ ਲਈ ਅਤੇ ਇਕ-ਦੂਜੇ ਤੋਂ ਹੌਸਲਾ ਲੈਣ ਲਈ ਇਕੱਠੇ ਹੁੰਦੇ ਹਨ। ਉਹ ਇਸ ਗੱਲ ʼਤੇ ਮਾਣ ਕਰਦੇ ਹਨ ਕਿ ਵੱਖੋ-ਵੱਖਰੇ ਵਿਚਾਰ ਹੋਣ ਦੇ ਬਾਵਜੂਦ ਉਹ ਇਕਮੁੱਠ ਹਨ ਅਤੇ ਖ਼ੁਸ਼ੀ-ਖ਼ੁਸ਼ੀ ਤਿਉਹਾਰ ਮਨਾਉਂਦੇ, ਗੀਤ-ਸੰਗੀਤ ਵਜਾਉਂਦੇ ਤੇ ਪ੍ਰਾਰਥਨਾਵਾਂ ਵੀ ਕਰਦੇ ਹਨ।

ਕੀ ਸਾਰੇ ਧਰਮ ਆਪਣੇ ਵਿਚ ਪਈ ਫੁੱਟ ਨੂੰ ਇੱਦਾਂ ਖ਼ਤਮ ਕਰ ਸਕਦੇ ਹਨ? ਕੀ ਦੁਨੀਆਂ ਨੂੰ ਬਿਹਤਰ ਬਣਾਉਣ ਲਈ ਪਰਮੇਸ਼ੁਰ ਚਾਹੁੰਦਾ ਹੈ ਕਿ ਸਾਰੇ ਧਰਮ ਮਿਲ ਕੇ ਭਗਤੀ ਕਰਨ?

ਏਕਤਾ​—ਕਿਸ ਕੀਮਤ ʼਤੇ?

76 ਦੇਸ਼ਾਂ ਵਿਚ ਫੈਲੀ ਇਕ ਸੰਸਥਾ ਬੜੇ ਮਾਣ ਨਾਲ ਕਹਿੰਦੀ ਹੈ ਕਿ ਉਨ੍ਹਾਂ ਦੇ ਮੈਂਬਰ 200 ਤੋਂ ਜ਼ਿਆਦਾ ਧਰਮਾਂ ਤੋਂ ਹਨ। ਇਸ ਸੰਸਥਾ ਦਾ ਮਕਸਦ ਕੀ ਹੈ? “ਵੱਖ-ਵੱਖ ਧਰਮਾਂ ਦੇ ਲੋਕਾਂ ਨੂੰ ਏਕਤਾ ਦੇ ਬੰਧਨ ਵਿਚ ਬੰਨ੍ਹਣਾ ਤਾਂਕਿ ਉਹ ਰੋਜ਼ ਮਿਲ ਕੇ ਕੰਮ ਕਰਨ।” ਇਹ ਕਹਿਣਾ ਤਾਂ ਸੌਖਾ ਸੀ, ਪਰ ਕਰਨਾ ਔਖਾ। ਮਿਸਾਲ ਲਈ, ਇਸ ਸੰਸਥਾ ਦੇ ਲੀਡਰਾਂ ਮੁਤਾਬਕ ਉਨ੍ਹਾਂ ਦਾ ਚਾਰਟਰ ਸੋਚ-ਸਮਝ ਕੇ ਲਿਖਵਾਇਆ ਗਿਆ ਤਾਂਕਿ ਜਿਨ੍ਹਾਂ ਨੇ ਇਸ ਉੱਤੇ ਸਾਈਨ ਕੀਤੇ ਹਨ ਉਨ੍ਹਾਂ ਦੇ ਧਰਮ ਦਾ ਅਪਮਾਨ ਨਾ ਹੋਵੇ। ਕਿਉਂ? ਕਿਉਂਕਿ ਉਹ ਇਸ ਗੱਲ ʼਤੇ ਸਹਿਮਤ ਨਹੀਂ ਸਨ ਕਿ ਇਸ ਦਸਤਾਵੇਜ਼ ʼਤੇ ਰੱਬ ਦਾ ਜ਼ਿਕਰ ਕਰਨਾ ਚਾਹੀਦਾ ਸੀ ਜਾਂ ਨਹੀਂ। ਇਸ ਅਸਹਿਮਤੀ ਕਰਕੇ ਰੱਬ ਦਾ ਕਿਤੇ ਵੀ ਜ਼ਿਕਰ ਨਹੀਂ ਕੀਤਾ ਗਿਆ।

ਜ਼ਰਾ ਸੋਚੋ ਜੇ ਰੱਬ ਨੂੰ ਹੀ ਧਰਮ ਵਿੱਚੋਂ ਕੱਢ ਦਿੱਤਾ, ਤਾਂ ਫਿਰ ਧਰਮ ਕਿਸ ਕੰਮ ਦਾ? ਨਾਲੇ ਧਰਮ ਦੇ ਨਾਂ ʼਤੇ ਚਲਾਈ ਜਾਂਦੀ ਅਜਿਹੀ ਸੰਸਥਾ ਵਿਚ ਜਾਂ ਕਿਸੇ ਲੋਕ-ਸੇਵਾ ਵਾਲੀ ਸੰਸਥਾ ਵਿਚ ਕੀ ਫ਼ਰਕ ਹੈ? ਸੋ ਜਿਸ ਸੰਸਥਾ ਦਾ ਜ਼ਿਕਰ ਉੱਪਰ ਕੀਤਾ ਗਿਆ ਹੈ, ਉਹ ਆਪਣੇ ਆਪ ਨੂੰ ਧਾਰਮਿਕ ਸੰਸਥਾ ਨਹੀਂ, ਸਗੋਂ “ਲੋਕਾਂ ਨੂੰ ਇਕੱਠਾ ਕਰਨ ਵਾਲੀ ਸੰਸਥਾ” ਕਹਿਲਾਉਂਦੀ ਹੈ।

‘ਸਾਰਿਆਂ ਦਾ ਭਲਾ ਕਰੋ’​—ਕੀ ਇੰਨਾ ਕਹਿਣਾ ਕਾਫ਼ੀ ਹੈ?

ਧਾਰਮਿਕ ਆਗੂ ਦਲਾਈ ਲਾਮਾ ਵੀ ਇਹ ਗੱਲ ਮੰਨਦਾ ਹੈ ਕਿ “ਵੱਡੇ-ਵੱਡੇ ਧਰਮ ਇਹੀ ਸਿਖਾਉਂਦੇ ਹਨ ਕਿ ਆਪਸ ਵਿਚ ਪਿਆਰ ਕਰੋ, ਦਇਆ ਕਰੋ ਅਤੇ ਮਾਫ਼ ਕਰੋ। ਬਹੁਤ ਜ਼ਰੂਰੀ ਹੈ ਕਿ ਸਾਰੇ ਲੋਕ ਇਹ ਗੁਣ ਹਰ ਰੋਜ਼ ਆਪਣੀ ਜ਼ਿੰਦਗੀ ਵਿਚ ਦਿਖਾਉਣ।”

ਇਹ ਸੱਚ ਹੈ ਕਿ ਦੂਜਿਆਂ ਨਾਲ ਪਿਆਰ ਕਰਨਾ, ਉਨ੍ਹਾਂ ʼਤੇ ਦਇਆ ਕਰਨੀ ਤੇ ਉਨ੍ਹਾਂ ਨੂੰ ਮਾਫ਼ ਕਰਨਾ ਬਹੁਤ ਜ਼ਰੂਰੀ ਹੈ। ਯਿਸੂ ਨੇ ਵੀ ਕਿਹਾ ਸੀ: “ਜਿਸ ਤਰ੍ਹਾਂ ਤੁਸੀਂ ਆਪ ਚਾਹੁੰਦੇ ਹੋ ਕਿ ਦੂਸਰੇ ਤੁਹਾਡੇ ਨਾਲ ਪੇਸ਼ ਆਉਣ, ਤੁਸੀਂ ਵੀ ਉਨ੍ਹਾਂ ਨਾਲ ਉਸੇ ਤਰ੍ਹਾਂ ਪੇਸ਼ ਆਓ।” (ਮੱਤੀ 7:12) ਪਰ ਕੀ ਸੱਚੇ ਭਗਤਾਂ ਲਈ ਸਿਰਫ਼ ਇਹ ਕਹਿਣਾ ਕਾਫ਼ੀ ਹੈ ਕਿ ਉਹ ਚੰਗੇ ਕੰਮ ਕਰਨ?

ਪੌਲੁਸ ਰਸੂਲ ਦੇ ਜ਼ਮਾਨੇ ਵਿਚ ਕਈ ਲੋਕ ਰੱਬ ਦੀ ਭਗਤੀ ਕਰਨ ਦਾ ਦਾਅਵਾ ਕਰਦੇ ਸਨ। ਪਰ ਉਸ ਨੇ ਉਨ੍ਹਾਂ ਬਾਰੇ ਕਿਹਾ: “ਮੈਂ ਉਨ੍ਹਾਂ ਬਾਰੇ ਇਹ ਗੱਲ ਪੂਰੇ ਯਕੀਨ ਨਾਲ ਕਹਿ ਸਕਦਾ ਹਾਂ ਕਿ ਉਹ ਜੋਸ਼ ਨਾਲ ਪਰਮੇਸ਼ੁਰ ਦੀ ਭਗਤੀ ਤਾਂ ਕਰਦੇ ਹਨ, ਪਰ ਉਨ੍ਹਾਂ ਦੀ ਭਗਤੀ ਪਰਮੇਸ਼ੁਰ ਦੇ ਸਹੀ ਗਿਆਨ ਮੁਤਾਬਕ ਨਹੀਂ ਹੈ।” ਕਿਉਂ? “ਕਿਉਂਕਿ ਉਹ ਇਹ ਗੱਲ ਨਹੀਂ ਸਮਝਦੇ ਕਿ ਪਰਮੇਸ਼ੁਰ ਕਿਸ ਆਧਾਰ ਤੇ ਕਿਸੇ ਇਨਸਾਨ ਨੂੰ ਧਰਮੀ ਠਹਿਰਾਉਂਦਾ ਹੈ, ਸਗੋਂ ਉਹ ਆਪਣੇ ਹੀ ਤਰੀਕੇ ਨਾਲ ਆਪਣੇ ਆਪ ਨੂੰ ਧਰਮੀ ਸਾਬਤ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ।” (ਰੋਮੀਆਂ 10:2, 3) ਪਰਮੇਸ਼ੁਰ ਦੇ ਧਰਮੀ ਮਿਆਰਾਂ ਦਾ ਸਹੀ ਗਿਆਨ ਨਾ ਹੋਣ ਕਰਕੇ ਉਨ੍ਹਾਂ ਦਾ ਜੋਸ਼ ਅਤੇ ਭਗਤੀ ਬੇਕਾਰ ਸੀ।​—ਮੱਤੀ 7:21-23.

ਬਾਈਬਲ ਧਰਮ ਬਾਰੇ ਕੀ ਕਹਿੰਦੀ ਹੈ?

ਯਿਸੂ ਨੇ ਕਿਹਾ: “ਖ਼ੁਸ਼ ਹਨ ਮੇਲ-ਮਿਲਾਪ ਰੱਖਣ ਵਾਲੇ।” (ਮੱਤੀ 5:9) ਯਿਸੂ ਆਪਣੀਆਂ ਸਿੱਖਿਆਵਾਂ ʼਤੇ ਚੱਲਦਾ ਸੀ। ਉਸ ਨੇ ਕਈ ਧਰਮਾਂ ਤੋਂ ਆਏ ਲੋਕਾਂ ਨੂੰ ਪਿਆਰ ਤੇ ਸ਼ਾਂਤੀ ਦਾ ਸੰਦੇਸ਼ ਸੁਣਾਇਆ। (ਮੱਤੀ 26:52) ਜਿਨ੍ਹਾਂ ਨੇ ਉਸ ਦੀਆਂ ਸਿੱਖਿਆਵਾਂ ਮੰਨੀਆਂ, ਉਹ ਪਿਆਰ ਦੇ ਬੰਧਨ ਵਿਚ ਬੱਝ ਜਾਂਦੇ ਸਨ। (ਕੁਲੁੱਸੀਆਂ 3:14) ਪਰ ਕੀ ਯਿਸੂ ਦਾ ਇਹੀ ਮਕਸਦ ਸੀ ਕਿ ਉਹ ਹਰ ਤਰ੍ਹਾਂ ਦੇ ਲੋਕਾਂ ਨੂੰ ਇਕੱਠਾ ਕਰੇ ਤਾਂਕਿ ਉਹ ਆਪਸ ਵਿਚ ਸ਼ਾਂਤੀ ਨਾਲ ਰਹਿਣ? ਕੀ ਉਹ ਹੋਰਨਾਂ ਧਰਮਾਂ ਦੇ ਲੋਕਾਂ ਨਾਲ ਮਿਲ ਕੇ ਭਗਤੀ ਕਰਦਾ ਸੀ?

ਫ਼ਰੀਸੀ ਅਤੇ ਸਦੂਕੀ ਨਾਂ ਦੇ ਧਾਰਮਿਕ ਲੀਡਰ ਯਿਸੂ ਦਾ ਸਖ਼ਤ ਵਿਰੋਧ ਕਰਦੇ ਸਨ ਤੇ ਉਹ ਉਸ ਨੂੰ ਜਾਨੋਂ ਮਾਰਨਾ ਚਾਹੁੰਦੇ ਸਨ। ਯਿਸੂ ਨੇ ਕੀ ਕੀਤਾ? ਉਸ ਨੇ ਆਪਣੇ ਚੇਲਿਆਂ ਨੂੰ ਕਿਹਾ: ‘ਉਨ੍ਹਾਂ ਦੀ ਪਰਵਾਹ ਨਾ ਕਰੋ। ਉਹ ਤਾਂ ਖ਼ੁਦ ਅੰਨ੍ਹੇ ਹਨ।’ (ਮੱਤੀ 15:14) ਯਿਸੂ ਨੇ ਅਜਿਹੇ ਲੋਕਾਂ ਨਾਲ ਮਿਲ ਕੇ ਕਦੇ ਵੀ ਪਰਮੇਸ਼ੁਰ ਦੀ ਭਗਤੀ ਨਹੀਂ ਕੀਤੀ।

ਕੁਝ ਸਮੇਂ ਬਾਅਦ ਯੂਨਾਨ ਦੇ ਕੁਰਿੰਥੁਸ ਸ਼ਹਿਰ ਵਿਚ ਇਕ ਮਸੀਹੀ ਮੰਡਲੀ ਬਣੀ। ਇਹ ਸ਼ਹਿਰ ਇਸ ਗੱਲੋਂ ਮਸ਼ਹੂਰ ਸੀ ਕਿ ਇੱਥੇ ਵੱਖੋ-ਵੱਖਰੇ ਸਭਿਆਚਾਰਾਂ ਅਤੇ ਧਰਮਾਂ ਦੇ ਲੋਕ ਰਹਿੰਦੇ ਸਨ। ਇਸ ਮਾਹੌਲ ਵਿਚ ਮਸੀਹੀਆਂ ਨੂੰ ਕੀ ਕਰਨ ਦੀ ਲੋੜ ਸੀ? ਪੌਲੁਸ ਰਸੂਲ ਨੇ ਉਨ੍ਹਾਂ ਨੂੰ ਕਿਹਾ: “ਅਵਿਸ਼ਵਾਸੀਆਂ ਨਾਲ ਮੇਲ-ਜੋਲ ਨਾ ਰੱਖੋ।” ਕਿਉਂ? ਉਸ ਨੇ ਸਮਝਾਇਆ: “ਮਸੀਹ ਅਤੇ ਉਸ ਦੁਸ਼ਟ [ਸ਼ੈਤਾਨ] ਦੀ ਆਪਸ ਵਿਚ ਕੀ ਸਾਂਝ? ਜਾਂ ਨਿਹਚਾ ਕਰਨ ਵਾਲੇ ਇਨਸਾਨ ਦਾ ਅਵਿਸ਼ਵਾਸੀ ਇਨਸਾਨ ਨਾਲ ਕੀ ਰਿਸ਼ਤਾ?” ਫਿਰ ਉਸ ਨੇ ਉਨ੍ਹਾਂ ਨੂੰ ਇਹ ਸਲਾਹ ਦਿੱਤੀ: “ਇਸ ਲਈ, ਉਨ੍ਹਾਂ ਵਿੱਚੋਂ ਨਿਕਲ ਆਓ ਅਤੇ ਆਪਣੇ ਆਪ ਨੂੰ ਵੱਖ ਕਰੋ।”​—2 ਕੁਰਿੰਥੀਆਂ 6:14, 15, 17.

ਸੋ ਸੱਚੇ ਮਸੀਹੀਆਂ ਲਈ ਦੂਜੇ ਧਰਮਾਂ ਦੇ ਲੋਕਾਂ ਨਾਲ ਮਿਲ ਕੇ ਰੱਬ ਦੀ ਭਗਤੀ ਕਰਨੀ ਬਾਈਬਲ ਮੁਤਾਬਕ ਬਿਲਕੁਲ ਗ਼ਲਤ ਹੈ। ਪਰ ਤੁਸੀਂ ਸ਼ਾਇਦ ਸੋਚੋ, ‘ਤਾਂ ਫਿਰ ਲੋਕਾਂ ਵਿਚ ਏਕਤਾ ਕਿਵੇਂ ਕਾਇਮ ਕੀਤੀ ਜਾ ਸਕਦੀ ਹੈ?’

ਏਕਤਾ ਕਾਇਮ ਕਰਨੀ

ਲਗਭਗ 15 ਦੇਸ਼ਾਂ ਨੇ ਮਿਲ ਕੇ ਇਕ ਕਮਾਲ ਦਾ ਇੰਟਰਨੈਸ਼ਨਲ ਸਪੇਸ ਸਟੇਸ਼ਨ ਬਣਾਇਆ ਜੋ ਧਰਤੀ ਦੇ ਆਲੇ-ਦੁਆਲੇ ਚੱਕਰ ਕੱਟ ਰਿਹਾ ਹੈ। ਜੇ ਇਹ ਸਾਰੇ ਦੇਸ਼ ਆਪਸ ਵਿਚ ਇਸ ਗੱਲ ʼਤੇ ਸਹਿਮਤ ਨਾ ਹੁੰਦੇ ਕਿ ਇਸ ਨੂੰ ਬਣਾਉਣ ਲਈ ਕਿਹੜਾ ਨਕਸ਼ਾ ਵਰਤਿਆ ਜਾਣਾ ਚਾਹੀਦਾ ਹੈ, ਤਾਂ ਕੀ ਇਹ ਪ੍ਰਾਜੈਕਟ ਕਾਮਯਾਬ ਹੁੰਦਾ? ਬਿਲਕੁਲ ਨਹੀਂ।

ਇਹੀ ਗੱਲ ਉਨ੍ਹਾਂ ਸੰਸਥਾਵਾਂ ʼਤੇ ਵੀ ਲਾਗੂ ਹੁੰਦੀ ਹੈ ਜੋ ਕਹਿੰਦੇ ਹਨ ਕਿ ਧਰਮਾਂ ਨੂੰ ਮਿਲ ਕੇ ਭਗਤੀ ਕਰਨੀ ਚਾਹੀਦੀ ਹੈ। ਭਾਵੇਂ ਕਿ ਉਹ ਇਕੱਠੇ ਕੰਮ ਕਰਨ ਅਤੇ ਇਕ-ਦੂਜੇ ਦਾ ਆਦਰ ਕਰਨ ਦੀਆਂ ਵੱਡੀਆਂ-ਵੱਡੀਆਂ ਗੱਲਾਂ ਕਰਦੇ ਹਨ, ਪਰ ਉਨ੍ਹਾਂ ਦਾ “ਨਕਸ਼ਾ” ਯਾਨੀ ਉਨ੍ਹਾਂ ਦੇ ਅਸੂਲ ਇਕ-ਦੂਜੇ ਤੋਂ ਬਿਲਕੁਲ ਉਲਟ ਹਨ। ਇਸ ਕਰਕੇ ਉਨ੍ਹਾਂ ਦਾ ਚਾਲ-ਚੱਲਣ ਅਤੇ ਸਿੱਖਿਆਵਾਂ ਵੱਖੋ-ਵੱਖਰੀਆਂ ਹੋਣ ਕਾਰਨ ਉਨ੍ਹਾਂ ਵਿਚ ਫੁੱਟ ਪਈ ਰਹਿੰਦੀ ਹੈ।

ਬਾਈਬਲ ਵਿਚ ਪਰਮੇਸ਼ੁਰ ਦੇ ਅਸੂਲ ਸਾਡੇ ਲਈ ਇਕ ਨਕਸ਼ੇ ਵਾਂਗ ਹਨ ਅਤੇ ਅਸੀਂ ਇਨ੍ਹਾਂ ਮੁਤਾਬਕ ਆਪਣੀ ਜ਼ਿੰਦਗੀ ਦੀ ਨੀਂਹ ਰੱਖ ਸਕਦੇ ਹਾਂ। ਬਾਈਬਲ ਦੀਆਂ ਸਿੱਖਿਆਵਾਂ ਕਬੂਲ ਕਰਨ ਵਾਲੇ ਲੋਕਾਂ ਨੇ ਹਰ ਤਰ੍ਹਾਂ ਦਾ ਪੱਖ-ਪਾਤ ਛੱਡ ਕੇ ਸ਼ਾਂਤੀ ਅਤੇ ਏਕਤਾ ਨਾਲ ਜੀਉਣਾ ਸਿੱਖਿਆ ਹੈ। ਇਸ ਬਾਰੇ ਯਹੋਵਾਹ ਪਰਮੇਸ਼ੁਰ ਨੇ ਪਹਿਲਾਂ ਹੀ ਦੱਸਿਆ ਸੀ: “ਮੈਂ, ਲੋਕਾਂ ਦੀ ਭਾਸ਼ਾ ਬਦਲ ਦੇਵਾਂਗਾ, ਕਿ ਉਹ ਪਵਿੱਤਰ ਬੋਲ ਬੋਲਣ, ਅਤੇ ਸਭ ਕੇਵਲ ਪ੍ਰਭੂ [ਯਹੋਵਾਹ] ਦਾ ਨਾਂ ਲੈਣ, ਅਤੇ ਇਕ ਮਨ ਹੋ ਕੇ ਉਸ ਦੀ ਉਪਾਸਨਾ ਕਰਨ।” ਹਾਂ, “ਪਵਿੱਤਰ ਬੋਲ ਬੋਲਣ” ਯਾਨੀ ਪਰਮੇਸ਼ੁਰ ਦੇ ਅਸੂਲਾਂ ਮੁਤਾਬਕ ਚੱਲਣ ਨਾਲ ਹੀ ਏਕਤਾ ਕਾਇਮ ਹੋ ਸਕਦੀ ਹੈ।​—ਸਫ਼ਨਯਾਹ 3:9, CL; ਯਸਾਯਾਹ 2:2-4.

ਯਹੋਵਾਹ ਦੇ ਗਵਾਹ ਤੁਹਾਨੂੰ ਸੱਦਾ ਦਿੰਦੇ ਹਨ ਕਿ ਤੁਸੀਂ ਲਾਗੇ ਦੇ ਕਿਸੇ ਕਿੰਗਡਮ ਹਾਲ ਵਿਚ ਜਾ ਕੇ ਖ਼ੁਦ ਦੇਖੋ ਕਿ ਉਨ੍ਹਾਂ ਵਿਚਕਾਰ ਕਿੰਨੀ ਸ਼ਾਂਤੀ ਅਤੇ ਏਕਤਾ ਹੈ।​—ਜ਼ਬੂਰਾਂ ਦੀ ਪੋਥੀ 133:1. ▪ (w14-E 03/01)

ਕੀ ਸੱਚਾਈ ਨਾਂ ਦੀ ਕੋਈ ਚੀਜ਼ ਹੈ?

ਕਈ ਲੋਕ ਦਾਅਵਾ ਕਰਦੇ ਹਨ ਕਿ ਸਿਰਫ਼ ਇੱਕੋ ਧਰਮ ਸੱਚਾ ਨਹੀਂ ਹੋ ਸਕਦਾ। ਅਸਲ ਵਿਚ ਉਨ੍ਹਾਂ ਦਾ ਮੰਨਣਾ ਹੈ ਕਿ ਆਪੋ-ਆਪਣੇ ਧਰਮ ਨੂੰ ਸੱਚਾ ਠਹਿਰਾਉਣ ਕਾਰਨ ਹੀ ਅੱਜ ਦੁਨੀਆਂ ਵਿਚ ਇੰਨੀਆਂ ਮੁਸੀਬਤਾਂ ਹਨ।

ਇਨ੍ਹਾਂ ਗੱਲਾਂ ਦੇ ਉਲਟ ਬਾਈਬਲ ਵਿਚ ਯਹੋਵਾਹ ਨੂੰ ‘ਸਚਿਆਈ ਦਾ ਪਰਮੇਸ਼ੁਰ’ ਕਿਹਾ ਗਿਆ ਹੈ। (ਜ਼ਬੂਰਾਂ ਦੀ ਪੋਥੀ 31:5) ਉਹ ਆਪਣੇ ਬਾਰੇ ਕਹਿੰਦਾ ਹੈ: “ਮੈਂ ਨਾ ਬਦਲਣ ਵਾਲਾ ਪ੍ਰਭੂ ਹਾਂ।” (ਮਲਾਕੀ 3:6, CL) ਯਿਸੂ ਨੇ ਪਰਮੇਸ਼ੁਰ ਨੂੰ ਪ੍ਰਾਰਥਨਾ ਵਿਚ ਕਿਹਾ: “ਤੇਰਾ ਬਚਨ ਹੀ ਸੱਚਾਈ ਹੈ।” (ਯੂਹੰਨਾ 17:17) ਇਹ ਸੱਚਾਈ ਉਸ ਦੇ ਬਚਨ ਬਾਈਬਲ ਵਿਚ ਪਾਈ ਜਾਂਦੀ ਹੈ ਜੋ ਸਾਨੂੰ “ਹਰ ਚੰਗਾ ਕੰਮ ਕਰਨ ਲਈ ਪੂਰੀ ਤਰ੍ਹਾਂ ਕਾਬਲ ਅਤੇ ਤਿਆਰ” ਕਰਦੀ ਹੈ।—2 ਤਿਮੋਥਿਉਸ 3:16, 17.

    ਪੰਜਾਬੀ ਪ੍ਰਕਾਸ਼ਨ (1987-2025)
    ਲਾਗ-ਆਊਟ
    ਲਾਗ-ਇਨ
    • ਪੰਜਾਬੀ
    • ਲਿੰਕ ਭੇਜੋ
    • ਮਰਜ਼ੀ ਮੁਤਾਬਕ ਬਦਲੋ
    • Copyright © 2025 Watch Tower Bible and Tract Society of Pennsylvania
    • ਵਰਤੋਂ ਦੀਆਂ ਸ਼ਰਤਾਂ
    • ਪ੍ਰਾਈਵੇਸੀ ਪਾਲਸੀ
    • ਪ੍ਰਾਈਵੇਸੀ ਸੈਟਿੰਗ
    • JW.ORG
    • ਲਾਗ-ਇਨ
    ਲਿੰਕ ਭੇਜੋ