ਯਾਦਗਾਰੀ ਸਮਾਰੋਹ ਸੰਬੰਧੀ ਕੁਝ ਯਾਦ ਰੱਖਣ ਵਾਲੀਆਂ ਗੱਲਾਂ
ਬਜ਼ੁਰਗਾਂ ਨੂੰ ਹੇਠਾਂ ਦਿੱਤੀਆਂ ਗਈਆਂ ਗੱਲਾਂ ਵੱਲ ਧਿਆਨ ਦੇਣਾ ਚਾਹੀਦਾ ਹੈ:
◼ ਧਿਆਨ ਰੱਖੋ ਕਿ ਹਾਜ਼ਰੀਨ ਵਿਚ ਰੋਟੀ ਅਤੇ ਮੈ ਦਾ ਵਰਤਾਇਆ ਜਾਣਾ ਸੂਰਜ ਡੁੱਬਣ ਤੋਂ ਬਾਅਦ ਹੀ ਸ਼ੁਰੂ ਹੋਵੇ।
◼ ਸਹੀ ਪ੍ਰਕਾਰ ਦੀ ਰੋਟੀ ਅਤੇ ਮੈ ਨੂੰ ਤਿਆਰ ਰੱਖਿਆ ਜਾਣਾ ਚਾਹੀਦਾ ਹੈ।—ਪਹਿਰਾਬੁਰਜ, 15 ਫਰਵਰੀ 2003, ਸਫ਼ੇ 14-15 ਦੇਖੋ।
◼ ਪਲੇਟਾਂ, ਗਲਾਸ, ਮੇਜ਼ ਤੇ ਮੇਜ਼ਪੋਸ਼ ਪਹਿਲਾਂ ਹੀ ਹਾਲ ਵਿਚ ਲਿਆ ਕੇ ਸਹੀ ਥਾਂ ਤੇ ਰੱਖੇ ਜਾਣੇ ਚਾਹੀਦੇ ਹਨ।
◼ ਕਿੰਗਡਮ ਹਾਲ ਦੀ ਜਾਂ ਜਿੱਥੇ ਵੀ ਸਭਾ ਹੋਵੇਗੀ, ਉਸ ਜਗ੍ਹਾ ਦੀ ਪਹਿਲਾਂ ਹੀ ਚੰਗੀ ਤਰ੍ਹਾਂ ਸਫ਼ਾਈ ਕੀਤੀ ਜਾਣੀ ਚਾਹੀਦੀ ਹੈ।
◼ ਅਟੈਂਡੰਟਾਂ ਅਤੇ ਰੋਟੀ ਤੇ ਮੈ ਵਰਤਾਉਣ ਵਾਲਿਆਂ ਨੂੰ ਪਹਿਲਾਂ ਤੋਂ ਹੀ ਚੁਣ ਕੇ ਉਨ੍ਹਾਂ ਦੇ ਕੰਮਾਂ ਬਾਰੇ, ਰੋਟੀ ਤੇ ਮੈ ਵਰਤਾਉਣ ਦੇ ਸਹੀ ਤਰੀਕੇ ਬਾਰੇ ਅਤੇ ਢੁਕਵੇਂ ਕੱਪੜੇ ਪਾਉਣ ਬਾਰੇ ਸਮਝਾ ਦੇਣਾ ਚਾਹੀਦਾ ਹੈ।
◼ ਜਿਹੜੇ ਮਸਹ ਕੀਤੇ ਹੋਏ ਭੈਣ-ਭਰਾ ਬਹੁਤ ਹੀ ਬੁੱਢੇ ਜਾਂ ਬੀਮਾਰ ਹੋਣ ਕਰਕੇ ਸਮਾਰੋਹ ਵਿਚ ਹਾਜ਼ਰ ਨਹੀਂ ਹੋ ਸਕਦੇ, ਉਨ੍ਹਾਂ ਨੂੰ ਰੋਟੀ ਤੇ ਮੈ ਪਹੁੰਚਾਉਣ ਦਾ ਇੰਤਜ਼ਾਮ ਕੀਤਾ ਜਾਣਾ ਚਾਹੀਦਾ ਹੈ।
◼ ਜੇ ਇਕ ਤੋਂ ਵੱਧ ਕਲੀਸਿਯਾਵਾਂ ਇੱਕੋ ਹੀ ਕਿੰਗਡਮ ਹਾਲ ਵਿਚ ਯਾਦਗਾਰੀ ਸਮਾਰੋਹ ਮਨਾਉਣਗੀਆਂ, ਤਾਂ ਕਲੀਸਿਯਾਵਾਂ ਦਰਮਿਆਨ ਚੰਗਾ ਤਾਲਮੇਲ ਹੋਣਾ ਚਾਹੀਦਾ ਹੈ ਤਾਂਕਿ ਮੁੱਖ ਦਰਵਾਜ਼ੇ, ਸੜਕ ਅਤੇ ਪਾਰਕਿੰਗ ਥਾਵਾਂ ਤੇ ਭੀੜ ਨਾ ਲੱਗੇ।
◼ ਜੇ ਕਿੰਗਡਮ ਹਾਲ ਦੀ ਬਜਾਇ ਕਿਸੇ ਹੋਰ ਥਾਂ ਤੇ ਸਮਾਰੋਹ ਹੋਵੇਗਾ, ਤਾਂ ਧਿਆਨ ਰੱਖੋ ਕਿ ਉੱਥੇ ਦਾ ਸਾਊਂਡ ਸਿਸਟਮ ਚੰਗੀ ਤਰ੍ਹਾਂ ਕੰਮ ਕਰਦਾ ਹੋਵੇ ਤਾਂਕਿ ਸਾਰਿਆਂ ਨੂੰ ਭਾਸ਼ਣ ਸਾਫ਼-ਸਾਫ਼ ਸੁਣਾਈ ਦੇਵੇ।