ਫੁਟਨੋਟ

a ਹਸਪਤਾਲ ਵਿਚ ਕੰਮ ਕਰ ਰਹੇ ਮਸੀਹੀਆਂ ਨੂੰ ਇਖ਼ਤਿਆਰ ਦੀ ਇਸ ਗੱਲ ਉੱਤੇ ਵਿਚਾਰ ਕਰਨਾ ਪਿਆ ਹੈ। ਡਾਕਟਰ ਕੋਲ ਮਰੀਜ਼ ਲਈ ਦਵਾਈਆਂ ਮੰਗਵਾਉਣ ਜਾਂ ਉਸ ਦਾ ਇਲਾਜ ਕਰਨ ਦਾ ਇਖ਼ਤਿਆਰ ਹੋ ਸਕਦਾ ਹੈ। ਪਰ ਜੇ ਇਕ ਮਰੀਜ਼ ਖ਼ੂਨ ਲੈਣ ਜਾਂ ਗਰਭਪਾਤ ਕਰਾਉਣ ਲਈ ਰਾਜ਼ੀ ਹੈ, ਤਾਂ ਇਕ ਮਸੀਹੀ ਡਾਕਟਰ ਇਹ ਜਾਣਦੇ ਹੋਏ ਕਿ ਅਜਿਹੇ ਮਾਮਲਿਆਂ ਬਾਰੇ ਬਾਈਬਲ ਕੀ ਕਹਿੰਦੀ ਹੈ, ਖ਼ੂਨ ਦੇਣ ਦੀ ਇਜਾਜ਼ਤ ਕਿਵੇਂ ਦੇ ਸਕਦਾ ਹੈ ਜਾਂ ਗਰਭਪਾਤ ਕਿਵੇਂ ਕਰ ਸਕਦਾ ਹੈ? ਇਸ ਦੀ ਤੁਲਨਾ ਵਿਚ, ਹਸਪਤਾਲ ਵਿਚ ਨੌਕਰੀ ਕਰ ਰਹੀ ਇਕ ਨਰਸ ਕੋਲ ਸ਼ਾਇਦ ਅਜਿਹਾ ਇਖ਼ਤਿਆਰ ਨਾ ਹੋਵੇ। ਜਿਉਂ-ਜਿਉਂ ਉਹ ਰੋਜ਼ ਦੇ ਕੰਮ ਕਰਦੀ ਹੈ, ਇਕ ਡਾਕਟਰ ਸ਼ਾਇਦ ਉਸ ਨੂੰ ਕਿਸੇ ਗੱਲ ਲਈ ਖ਼ੂਨ ਦਾ ਟੈੱਸਟ ਕਰਨ ਲਈ ਕਹੇ ਜਾਂ ਕਿਸੇ ਮਰੀਜ਼ ਦੀ ਦੇਖ-ਭਾਲ ਕਰਨ ਲਈ ਕਹੇ ਜੋ ਗਰਭਪਾਤ ਕਰਾਉਣ ਲਈ ਆਈ ਹੈ। 2 ਰਾਜਿਆਂ 5:17-19 ਵਿਚ ਦਰਜ ਮਿਸਾਲ ਦੇ ਅਨੁਸਾਰ, ਉਹ ਨਰਸ ਸ਼ਾਇਦ ਇਹ ਸਿੱਟਾ ਕੱਢੇ ਕਿ ਉਹ ਮਰੀਜ਼ ਲਈ ਅਜਿਹੀ ਮਾਨਵੀ ਸੇਵਾ ਕਰ ਸਕਦੀ ਹੈ, ਕਿਉਂਕਿ ਉਸ ਕੋਲ ਖ਼ੂਨ ਦੇਣ ਦਾ ਜਾਂ ਗਰਭਪਾਤ ਕਰਨ ਦਾ ਇਖ਼ਤਿਆਰ ਨਹੀਂ ਹੈ। ਫਿਰ ਵੀ, ਉਸ ਨੂੰ ਆਪਣੀ ਜ਼ਮੀਰ ਬਾਰੇ ਸੋਚਣਾ ਪਵੇਗਾ, ਤਾਂਕਿ ਉਹ ‘ਪੂਰੀ ਨੇਕਨੀਅਤੀ ਨਾਲ ਪਰਮੇਸ਼ੁਰ ਦੇ ਅੱਗੇ ਚੱਲ ਸਕੇ।’—ਰਸੂਲਾਂ ਦੇ ਕਰਤੱਬ 23:1.