ਅਲੀਸ਼ਾ ਨੇ ਕੀ ਦੇਖਿਆ

ਕੀ ਪਰਮੇਸ਼ੁਰ ਨੇ ਅਲੀਸ਼ਾ ਦੀ ਖ਼ਾਹਸ਼ ਪੂਰੀ ਕੀਤੀ? ਬਾਈਬਲ ਦੱਸਦੀ ਹੈ: ‘ਐਉਂ ਹੋਇਆ ਜਦ ਓਹ ਗੱਲਾਂ ਕਰਦੇ ਕਰਦੇ ਤੁਰੇ ਜਾਂਦੇ ਸਨ ਤਾਂ ਵੇਖੋ, ਉੱਥੇ ਇੱਕ ਅਗਨ ਰਥ ਤੇ ਅਗਨ ਘੋੜੇ ਦਿੱਸੇ ਜਿਨ੍ਹਾਂ ਨੇ ਉਨ੍ਹਾਂ ਦੋਹਾਂ ਨੂੰ ਵੱਖੋ ਵੱਖ ਕਰ ਦਿੱਤਾ ਅਤੇ ਏਲੀਯਾਹ ਵਾਵਰੋਲੇ ਵਿੱਚ ਅਕਾਸ਼ ਨੂੰ ਚੜ੍ਹ ਗਿਆ। ਅਤੇ ਅਲੀਸ਼ਾ ਨੇ ਉਸ ਨੂੰ ਜਾਂਦੇ ਹੋਏ ਦੇਖਿਆ।’a ਇੱਦਾਂ ਯਹੋਵਾਹ ਨੇ ਅਲੀਸ਼ਾ ਦੀ ਖ਼ਾਹਸ਼ ਪੂਰੀ ਕੀਤੀ। ਅਲੀਸ਼ਾ ਨੇ ਏਲੀਯਾਹ ਨੂੰ ਜਾਂਦੇ ਹੋਏ ਦੇਖਿਆ, ਉਸ ਨੂੰ ਏਲੀਯਾਹ ਦੀ ਤਾਕਤ ਤੇ ਜੋਸ਼ ਦਾ ਦੋਹਰਾ ਹਿੱਸਾ ਮਿਲਿਆ ਅਤੇ ਉਹ ਏਲੀਯਾਹ ਦੀ ਜਗ੍ਹਾ ਨਬੀ ਬਣਿਆ।​—2 ਰਾਜ. 2:11-14.

ਏਲੀਯਾਹ ਨੂੰ ਵਾਵਰੋਲੇ ਵਿਚ ਚੁੱਕੇ ਜਾਣ ਦੀ ਘਟਨਾ ਅਲੀਸ਼ਾ ਕਦੀ ਨਹੀਂ ਭੁੱਲਿਆ ਹੋਣਾ। ਕੋਈ ਵੀ ਅੱਗ ਦੇ ਘੋੜਿਆਂ ਤੇ ਰਥਾਂ ਨੂੰ ਦੇਖ ਕੇ ਹੈਰਾਨ ਰਹਿ ਜਾਵੇਗਾ! ਇਹ ਇਸ ਗੱਲ ਦਾ ਸਬੂਤ ਸੀ ਕਿ ਯਹੋਵਾਹ ਨੇ ਅਲੀਸ਼ਾ ਦੀ ਮੰਗ ਪੂਰੀ ਕੀਤੀ ਸੀ। ਪਰਮੇਸ਼ੁਰ ਸਾਡੀਆਂ ਪ੍ਰਾਰਥਨਾਵਾਂ ਦਾ ਜਵਾਬ ਕਿਸੇ ਦਰਸ਼ਣ ਜਾਂ ਚਮਤਕਾਰ ਰਾਹੀਂ ਨਹੀਂ ਦਿੰਦਾ। ਪਰ ਸਾਡੇ ਕੋਲ ਇਸ ਗੱਲ ਦਾ ਸਬੂਤ ਹੈ ਕਿ ਪਰਮੇਸ਼ੁਰ ਸਾਡੀ ਮਦਦ ਲਈ ਆਪਣੀ ਤਾਕਤ ਵਰਤਦਾ ਹੈ ਤਾਂਕਿ ਉਸ ਦੀ ਮਰਜ਼ੀ ਪੂਰੀ ਹੋਵੇ। ਨਾਲੇ ਜਦ ਅਸੀਂ ਦੇਖਦੇ ਹਾਂ ਕਿ ਯਹੋਵਾਹ ਧਰਤੀ ʼਤੇ ਆਪਣੇ ਸੰਗਠਨ ਨੂੰ ਬਰਕਤਾਂ ਦੇ ਰਿਹਾ ਹੈ, ਤਾਂ ਸਾਨੂੰ ਪਤਾ ਲੱਗਦਾ ਹੈ ਕਿ ਉਸ ਦਾ ਸਵਰਗੀ ਰਥ ਅੱਗੇ ਵੱਧ ਰਿਹਾ ਹੈ।​—ਹਿਜ਼. 10:9-13.