7, 8. ਬਾਬਲ ਲਈ ਯਸਾਯਾਹ ਕੋਲ ਕਿਹੜਾ ਪ੍ਰੇਰਿਤ ਸੰਦੇਸ਼ ਸੀ, ਅਤੇ ਉਸ ਦੇ ਸ਼ਬਦਾਂ ਦਾ ਅਰਥ ਕੀ ਸੀ?

⁷ ਯਹੂਦਾਹ ਅਤੇ ਯਰੂਸ਼ਲਮ ਬਿਨਾਂ ਕਿਸੇ ਮਾਨਵੀ ਨਿਵਾਸ ਦੇ 70 ਸਾਲਾਂ ਲਈ ਵੀਰਾਨ ਕੀਤੇ ਜਾਣੇ ਸਨ। ਫਿਰ ਵੀ, ਯਹੋਵਾਹ ਨੇ ਯਸਾਯਾਹ ਅਤੇ ਹਿਜ਼ਕੀਏਲ ਦੁਆਰਾ ਐਲਾਨ ਕੀਤਾ ਕਿ ਇਹ ਸ਼ਹਿਰ ਦੁਬਾਰਾ ਉਸਾਰਿਆ ਜਾਵੇਗਾ ਅਤੇ ਉਸ ਦੁਆਰਾ ਪਹਿਲਾਂ ਹੀ ਦੱਸੇ ਗਏ ਨਿਯਤ ਸਮੇਂ ਉੱਤੇ ਦੇਸ਼ ਆਬਾਦ ਹੋਇਆ। ਇਹ ਇਕ ਹੈਰਾਨ ਕਰ ਦੇਣ ਵਾਲੀ ਭਵਿੱਖਬਾਣੀ ਸੀ। ਕਿਉਂ? ਕਿਉਂਕਿ ਬਾਬਲ ਦਾ ਇਕ ਵਿਸ਼ੇਸ਼ ਗੁਣ ਇਹ ਸੀ ਕਿ ਉਹ ਆਪਣੇ ਕੈਦੀਆਂ ਨੂੰ ਕਦੀ ਨਹੀਂ ਛੱਡਦੀ ਸੀ। (ਯਸਾਯਾਹ 14:4, 15-17) ਇਸ ਕਰਕੇ ਕੌਣ ਇਨ੍ਹਾਂ ਕੈਦੀਆਂ ਨੂੰ ਸੰਭਵ ਤੌਰ ਤੇ ਆਜ਼ਾਦ ਕਰਵਾ ਸਕਦਾ ਸੀ? ਵੱਡੀਆਂ-ਵੱਡੀਆਂ ਕੰਧਾਂ ਅਤੇ ਦਰਿਆਈ-ਸੁਰੱਖਿਆ ਵਿਵਸਥਾ ਵਾਲੇ ਸ਼ਕਤੀਸ਼ਾਲੀ ਬਾਬਲ ਨੂੰ ਕੌਣ ਹਰਾ ਸਕਦਾ ਸੀ? ਸਰਬਸ਼ਕਤੀਮਾਨ ਯਹੋਵਾਹ ਹਰਾ ਸਕਦਾ ਸੀ! ਅਤੇ ਉਸ ਨੇ ਕਿਹਾ ਜੋ ਉਹ ਕਰੇਗਾ: “ਮੈਂ ਜੋ ਸਾਗਰ [ਯਾਨੀ, ਸ਼ਹਿਰ ਦੀ ਪਣਸੁਰੱਖਿਆ] ਨੂੰ ਆਖਦਾ ਹਾਂ, ਸੁੱਕ ਜਾਹ! ਅਤੇ ਮੈਂ ਤੇਰੀਆਂ ਨਦੀਆਂ ਨੂੰ ਵੀ ਸੁਕਾ ਦਿਆਂਗਾ। ਮੈਂ ਜੋ ਖੋਰੁਸ ਵਿਖੇ ਆਖਦਾ ਹਾਂ, ਉਹ ਮੇਰਾ ਅਯਾਲੀ ਹੈ, ਅਤੇ ਉਹ ਮੇਰੀ ਸਾਰੀ ਇੱਛਿਆ ਪੁਰੀ ਕਰੇਗਾ, ਭਈ ਉਹ ਯਰੂਸ਼ਲਮ ਦੇ ਵਿਖੇ ਆਖੇ, ਉਹ ਉਸਾਰਿਆ ਜਾਵੇਗਾ, ਅਤੇ ਹੈਕਲ ਦੀ ਨੀਂਹ ਰੱਖੀ ਜਾਵੇਗੀ।”—ਯਸਾਯਾਹ 44:25, 27, 28.

⁸ ਜ਼ਰਾ ਸੋਚੋ! ਫਰਾਤ ਦਰਿਆ, ਮਨੁੱਖਾਂ ਦੇ ਭਾਣੇ ਸੱਚ-ਮੁੱਚ ਹੀ ਇਕ ਕਠਿਨ ਰੋਕ, ਪਰੰਤੂ, ਯਹੋਵਾਹ ਲਈ ਗਰਮ ਤਵੇ ਉੱਤੇ ਪਾਣੀ ਦੀ ਇਕ ਬੂੰਦ ਵਾਂਗ ਹੀ ਸੀ। ਅਚਾਨਕ, ਰੋਕ ਭਾਫ਼ ਬਣ ਕੇ ਉੱਡ ਜਾਵੇਗੀ। ਬਾਬਲ ਡਿੱਗ ਜਾਵੇਗਾ। ਫ਼ਾਰਸੀ ਰਾਜੇ ਖੋਰੁਸ ਦੇ ਜਨਮ ਤੋਂ ਲਗਭਗ 150 ਸਾਲ ਪਹਿਲਾਂ ਯਹੋਵਾਹ ਨੇ ਯਸਾਯਾਹ ਦੇ ਰਾਹੀਂ ਪਹਿਲਾਂ ਹੀ ਦੱਸਿਆ ਸੀ ਕਿ ਇਹ ਰਾਜਾ ਬਾਬਲ ਉੱਤੇ ਜਿੱਤ ਪ੍ਰਾਪਤ ਕਰੇਗਾ ਅਤੇ ਯਰੂਸ਼ਲਮ ਅਤੇ ਉਸ ਦੀ ਹੈਕਲ ਨੂੰ ਮੁੜ ਉਸਾਰਨ ਲਈ ਉਨ੍ਹਾਂ ਦੀ ਵਾਪਸੀ ਦੀ ਪ੍ਰਵਾਨਗੀ ਦੇਣ ਦੁਆਰਾ ਯਹੂਦੀ ਕੈਦੀਆਂ ਨੂੰ ਛੁਡਾਵੇਗਾ।

11. ਬਾਬਲ ਦੇ ਵਾਸੀ ਕਿਉਂ ਮਹਿਫੂਜ਼ ਮਹਿਸੂਸ ਕਰਦੇ ਸਨ?

¹¹ ਜਿਸ ਵੇਲੇ ਖੋਰੁਸ ਬਾਬਲ ਦੇ ਵਿਰੁੱਧ ਤੁਰਿਆ, ਉਸ ਦੇ ਵਸਨੀਕ ਬਹੁਤ ਹੀ ਸੁਰੱਖਿਅਤ ਅਤੇ ਮਹਿਫੂਜ਼ ਮਹਿਸੂਸ ਕਰਦੇ ਸਨ। ਉਨ੍ਹਾਂ ਦਾ ਸ਼ਹਿਰ ਡੂੰਘੀ ਅਤੇ ਚੌੜੀ ਰੱਖਿਆਕਾਰੀ ਖਾਈ ਦੁਆਰਾ ਘੇਰਿਆ ਹੋਇਆ ਸੀ, ਜੋ ਕਿ ਫਰਾਤ ਦਰਿਆ ਦੇ ਵਸੀਲੇ ਬਣੀ ਸੀ। ਸ਼ਹਿਰ ਵਿਚ ਜਿੱਥੋਂ-ਜਿੱਥੋਂ ਦੀ ਦਰਿਆ ਲੰਘਦਾ, ਦਰਿਆ ਦੇ ਪੂਰਬੀ ਕਿਨਾਰੇ ਉੱਤੇ ਇਕ ਲਗਾਤਾਰ ਘਾਟ ਬਣਿਆ ਹੋਇਆ ਸੀ। ਇਸ ਨੂੰ ਸ਼ਹਿਰ ਤੋਂ ਵੱਖਰਾ ਕਰਨ ਲਈ, ਨਬੂਕਦਨੱਸਰ ਨੇ ਇਕ ਕੰਧ ਉਸਾਰੀ ਜਿਸ ਨੂੰ ਉਸ ਨੇ ਸੱਦਿਆ “ਪਹਾੜ ਵਰਗੀ ਵੱਡੀ ਕੰਧ, ਜੋ ਹਿਲਾਈ ਨਹੀਂ ਜਾ ਸਕਦੀ . . . ਇਸ ਦਾ ਸਿਖਰ [ਉਸ ਨੇ] ਪਹਾੜ ਜਿੰਨਾ ਉੱਚਾ ਕੀਤਾ।”a ਇਸ ਕੰਧ ਤੇ ਤਾਂਬੇ ਦੇ ਵੱਡੇ-ਵੱਡੇ ਦਰਵਾਜ਼ਿਆਂ ਵਾਲੇ ਫਾਟਕ ਸਨ। ਇਨ੍ਹਾਂ ਵਿਚ ਦਾਖ਼ਲ ਹੋਣ ਲਈ, ਇਕ ਵਿਅਕਤੀ ਨੂੰ ਦਰਿਆ ਦੇ ਕੰਢੇ ਤੋਂ ਢਲਾਣ ਉੱਤੇ ਚੜ੍ਹਨਾ ਪੈਂਦਾ ਸੀ। ਕੋਈ ਹੈਰਾਨੀ ਦੀ ਗੱਲ ਨਹੀਂ ਕਿ ਬਾਬਲ ਦੇ ਕੈਦੀ ਕਦੇ ਵੀ ਆਜ਼ਾਦ ਕੀਤੇ ਜਾਣ ਪ੍ਰਤੀ ਬੇਆਸ ਸਨ!

12, 13. ਆਪਣੇ ਸੰਦੇਸ਼ਵਾਹਕ ਯਸਾਯਾਹ ਦੁਆਰਾ ਕਹੇ ਗਏ ਯਹੋਵਾਹ ਦੇ ਸ਼ਬਦ ਕਿਸ ਤਰ੍ਹਾਂ ਸੱਚ ਸਾਬਤ ਹੋਏ ਜਦੋਂ ਬਾਬਲ ਖੋਰੁਸ ਤੋਂ ਹਾਰ ਗਿਆ?

¹² ਪਰੰਤੂ ਯਹੋਵਾਹ ਵਿਚ ਵਿਸ਼ਵਾਸ ਰੱਖਣ ਵਾਲੇ ਯਹੂਦੀ ਕੈਦੀ ਬੇਆਸ ਨਹੀਂ ਸਨ! ਉਨ੍ਹਾਂ ਕੋਲ ਇਕ ਉੱਜਲ ਉਮੀਦ ਸੀ। ਆਪਣੇ ਨਬੀਆਂ ਦੁਆਰਾ, ਪਰਮੇਸ਼ੁਰ ਨੇ ਉਨ੍ਹਾਂ ਨੂੰ ਆਜ਼ਾਦ ਕਰਵਾਉਣ ਦਾ ਵਾਅਦਾ ਕੀਤਾ ਸੀ। ਪਰਮੇਸ਼ੁਰ ਨੇ ਆਪਣਾ ਵਾਅਦਾ ਕਿਵੇਂ ਨਿਭਾਇਆ? ਖੋਰੁਸ ਨੇ ਬਾਬਲ ਦੇ ਉੱਤਰ ਵੱਲ ਕੁਝ ਕਿਲੋਮੀਟਰ ਦੂਰ ਇਕ ਜਗ੍ਹਾ ਤੇ ਫਰਾਤ ਦਰਿਆ ਨੂੰ ਮੋੜਨ ਲਈ ਆਪਣੀ ਫ਼ੌਜ ਨੂੰ ਹੁਕਮ ਦਿੱਤਾ। ਇਸ ਤਰ੍ਹਾਂ, ਸ਼ਹਿਰ ਦੀ ਮੁੱਖ ਸੁਰੱਖਿਆ ਤੁਲਨਾਤਮਕ ਤੌਰ ਤੇ ਇਕ ਸੁੱਕੇ ਨਦੀ ਤਲ ਵਿਚ ਬਦਲ ਗਈ। ਉਸ ਨਿਰਣਾਕਾਰੀ ਰਾਤ ਨੂੰ, ਬਾਬਲ ਵਿਚ ਹੱਦੋਂ ਵੱਧ ਸ਼ਰਾਬ ਪੀ ਕੇ ਮੌਜ ਮੇਲਾ ਕਰਨ ਵਾਲਿਆਂ ਨੇ ਲਾਪਰਵਾਹੀ ਨਾਲ ਫਰਾਤ ਦਰਿਆ ਵੱਲ ਦੇ ਦਰਵਾਜ਼ੇ ਖੁੱਲ੍ਹੇ ਛੱਡ ਦਿੱਤੇ। ਯਹੋਵਾਹ ਨੇ ਤਾਂਬੇ ਦੇ ਦਰਵਾਜ਼ਿਆਂ ਨੂੰ ਸੱਚ-ਮੁੱਚ ਨਹੀਂ ਭੰਨਿਆ; ਨਾ ਹੀ ਉਸ ਨੇ ਇਨ੍ਹਾਂ ਨੂੰ ਬੰਦ ਕਰਨ ਵਾਲੇ ਲੋਹੇ ਦੇ ਹੋੜਿਆਂ ਨੂੰ ਵੱਢਿਆ, ਪਰੰਤੂ ਇਨ੍ਹਾਂ ਨੂੰ ਖੁੱਲ੍ਹਾ ਰੱਖਣ ਅਤੇ ਬਿਨਾਂ ਹੋੜਿਆਂ ਦੇ ਛੱਡਣ ਦੀ ਉਸ ਦੀ ਅਦਭੁਤ ਯੋਜਨਾ ਨੇ ਉਹੀ ਕੰਮ ਸੰਪੰਨ ਕੀਤਾ। ਬਾਬਲ ਦੀਆਂ ਕੰਧਾਂ ਬੇਕਾਰ ਸਨ। ਖੋਰੁਸ ਦੀ ਫ਼ੌਜ ਨੂੰ ਅੰਦਰ ਜਾਣ ਲਈ ਕੰਧਾਂ ਨਹੀਂ ਟੱਪਣੀਆਂ ਪਈਆਂ। ਯਹੋਵਾਹ “ਉੱਚਿਆਈਆਂ” ਨੂੰ, ਜੀ ਹਾਂ, ਸਾਰੀਆਂ ਰੁਕਾਵਟਾਂ ਨੂੰ ਪੱਧਰਾ ਕਰਦੇ ਹੋਏ ਖੋਰੁਸ ਦੇ ਅੱਗੇ ਤੁਰਿਆ। ਯਸਾਯਾਹ ਪਰਮੇਸ਼ੁਰ ਦਾ ਸੱਚਾ ਸੰਦੇਸ਼ਵਾਹਕ ਸਾਬਤ ਕੀਤਾ ਗਿਆ।