16, 17. ਅਦੋਮ ਦਾ ਕੀ ਬਣਿਆ ਅਤੇ ਉਸ ਦੀ ਇਹ ਹਾਲਤ ਕਿੰਨੇ ਚਿਰ ਲਈ ਰਹਿਣੀ ਸੀ?

¹⁶ ਯਸਾਯਾਹ ਦੀ ਭਵਿੱਖਬਾਣੀ ਨੇ ਅੱਗੇ ਦੱਸਿਆ ਕਿ ਅਦੋਮ ਦੇ ਦੇਸ਼ ਵਿਚ ਇਨਸਾਨਾਂ ਦੀ ਬਜਾਇ ਜੰਗਲੀ ਜਾਨਵਰਾਂ ਨੇ ਵੱਸਣਾ ਸੀ, ਮਤਲਬ ਕਿ ਉਸ ਉੱਤੇ ਤਬਾਹੀ ਆਉਣੀ ਸੀ: “ਪੀੜ੍ਹੀਓਂ ਪੀੜ੍ਹੀ ਉਹ ਵਿਰਾਨ ਰਹੇਗੀ, ਅਤੇ ਸਦਾ ਲਈ ਕਦੇ ਵੀ ਉਹ ਦੇ ਵਿੱਚੋਂ ਕੋਈ ਲੰਘਣ ਵਾਲਾ ਨਾ ਹੋਵੇਗਾ। ਲੰਮਢੀਂਗ ਅਤੇ ਕੰਡੈਲਾ ਉਹ ਦੇ ਉੱਤੇ ਕਬਜ਼ਾ ਕਰਨਗੇ, ਅਤੇ ਉੱਲੂ ਅਰ ਕਾਂ ਉਹ ਦੇ ਵਿੱਚ ਵੱਸਣਗੇ। ਉਹ ਉਸ ਉੱਤੇ ਘਬਰਾਹਟ ਦੀ ਜਰੀਬ, ਅਤੇ ਵਿਰਾਨੀ ਦਾ ਸਾਹਲ ਖਿੱਚੇਗਾ। ਉਹ ਦੇ ਸ਼ਰੀਫ ਉਹ ਨੂੰ ‘ਅਲੋਪ ਰਾਜ’ ਸੱਦਣਗੇ, ਅਤੇ ਉਹ ਦੇ ਸਾਰੇ ਸਰਦਾਰ ਨਾ ਹੋਇਆਂ ਜੇਹੇ ਹੋਣਗੇ। ਕੰਡੇ ਉਹ ਦੇ ਮਹਿਲਾਂ ਵਿੱਚ ਉੱਗਣਗੇ, ਬਿੱਛੂ ਬੂਟੀਆਂ ਅਤੇ ਥੋਹਰਾਂ ਉਹ ਦਿਆਂ ਕਿਲਿਆਂ ਵਿੱਚ। ਉਹ ਗਿੱਦੜਾਂ ਦਾ ਵਸੇਬਾ ਅਤੇ ਸ਼ੁਤਰ ਮੁਰਗਾਂ ਦਾ ਵੇਹੜਾ ਹੋਵੇਗਾ। ਉਜਾੜ ਦੇ ਦਰਿੰਦੇ ਬਿੱਜੂਆਂ ਨਾਲ ਮਿਲਣਗੇ, ਬਣ ਬੱਕਰਾ ਆਪਣੇ ਸਾਥੀ ਨੂੰ ਸੱਦੇਗਾ, ਸਗੋਂ ਰਾਤ ਦੀ ਭੂਤਨੀ ਉੱਥੇ ਟਿਕੇਗੀ, ਅਤੇ ਆਪਣੇ ਲਈ ਅਰਾਮ ਦਾ ਥਾਂ ਪਾਵੇਗੀ। ਉੱਥੇ ਉੱਲੂ ਆਹਲਣਾ ਬਣਾ ਕੇ ਆਂਡੇ ਦੇਵੇਗੀ।”—ਯਸਾਯਾਹ 34:10ਅ-15.a

¹⁷ ਅਦੋਮ ਦਾ ਦੇਸ਼ ਸੁੰਨਾ ਹੋ ਗਿਆ ਸੀ। ਉਹ ਇਕ ਉਜਾੜ ਬਣਿਆ ਜਿਸ ਵਿਚ ਸਿਰਫ਼ ਜੰਗਲੀ ਜਾਨਵਰ, ਪੰਛੀ, ਅਤੇ ਸੱਪ ਵੱਸਦੇ ਸਨ। ਦਸਵੀਂ ਆਇਤ ਦੇ ਅਨੁਸਾਰ ਦੇਸ਼ ਦੀ ਇਹ ਹਾਲਤ “ਸਦਾ ਲਈ” ਰਹੇਗੀ ਅਤੇ ਇਹ ਦੇਸ਼ ਕਦੀ ਵੀ ਬਹਾਲ ਨਹੀਂ ਕੀਤਾ ਜਾਵੇਗਾ।—ਓਬਦਯਾਹ 18.