6. ਲੂਕਾ 10:38-42 ਮੁਤਾਬਕ ਯਿਸੂ ਨੇ ਮਾਰਥਾ ਅਤੇ ਮਰੀਅਮ ਦੀ ਮਦਦ ਕਿਵੇਂ ਕੀਤੀ?

⁶ ਪਰਮੇਸ਼ੁਰ ਨੂੰ ਪਿਆਰ ਕਰਨ ਵਾਲੀਆਂ ਔਰਤਾਂ ਨਾਲ ਯਿਸੂ ਸਮਾਂ ਬਿਤਾਉਂਦਾ ਸੀ ਅਤੇ ਉਨ੍ਹਾਂ ਦਾ ਸੱਚਾ ਦੋਸਤ ਸੀ। ਜ਼ਰਾ ਮਰੀਅਮ ਅਤੇ ਮਾਰਥਾ ਨਾਲ ਉਸ ਦੀ ਦੋਸਤੀ ʼਤੇ ਗੌਰ ਕਰੋ। (ਲੂਕਾ 10:38-42 ਪੜ੍ਹੋ।) ਯਿਸੂ ਇਨ੍ਹਾਂ ਕੁਆਰੀਆਂ ਭੈਣਾਂ ਨਾਲ ਜਿਸ ਢੰਗ ਨਾਲ ਪੇਸ਼ ਆਉਂਦਾ ਸੀ, ਉਸ ਕਰਕੇ ਉਹ ਦੋਵੇਂ ਬਿਨਾਂ ਝਿਜਕੇ ਉਸ ਨਾਲ ਗੱਲ ਕਰਦੀਆਂ ਸਨ। ਯਿਸੂ ਦੇ ਚਰਨੀਂ ਬੈਠ ਕੇ ਮਰੀਅਮ ਉਸ ਦੀਆਂ ਗੱਲਾਂ ਸੁਣਨ ਵਿਚ ਬਿਲਕੁਲ ਨਹੀਂ ਝਿਜਕੀ।c ਮਾਰਥਾ ਵੀ ਆਪਣੀ ਦਿਲ ਦੀ ਗੱਲ ਯਿਸੂ ਨੂੰ ਦੱਸਣ ਤੋਂ ਨਹੀਂ ਹਿਚਕਿਚਾਈ ਜਦੋਂ ਉਸ ਨੇ ਦੇਖਿਆ ਕਿ ਮਰੀਅਮ ਉਸ ਦੀ ਮਦਦ ਨਹੀਂ ਕਰ ਰਹੀ ਸੀ। ਉਸ ਸਮੇਂ ਯਿਸੂ ਇਨ੍ਹਾਂ ਦੋਵਾਂ ਔਰਤਾਂ ਦੀ ਮਦਦ ਕਰ ਸਕਿਆ। ਯਿਸੂ ਨੇ ਹੋਰ ਮੌਕਿਆਂ ʼਤੇ ਵੀ ਮਾਰਥਾ, ਮਰੀਅਮ ਅਤੇ ਉਨ੍ਹਾਂ ਦੇ ਭਰਾ ਲਾਜ਼ਰ ਨਾਲ ਸਮਾਂ ਬਿਤਾ ਕੇ ਉਨ੍ਹਾਂ ਲਈ ਆਪਣੀ ਪਰਵਾਹ ਦਿਖਾਈ। (ਯੂਹੰ. 12:1-3) ਇਸ ਲਈ ਜਦੋਂ ਲਾਜ਼ਰ ਬੀਮਾਰ ਹੋ ਗਿਆ ਸੀ, ਤਾਂ ਮਰੀਅਮ ਅਤੇ ਮਾਰਥਾ ਨੂੰ ਪਤਾ ਸੀ ਕਿ ਉਹ ਯਿਸੂ ਤੋਂ ਮਦਦ ਮੰਗ ਸਕਦੀਆਂ ਸਨ।—ਯੂਹੰ. 11:3, 5.