‘ਮੈਂ ਹਾਜ਼ਰ ਹਾਂ ਮੈਨੂੰ ਘੱਲੋ!’

1. ਸੰਸਾਰ ਇਹ ਹੈ ਮੈਦਾਨ-ਏ-ਜੰਗ

ਹੈ ਹਰ ਤਰਫ਼ ਨਫ਼ਰਤ ਦੇ ਰੰਗ

ਇਨਸਾਫ਼ ਦੇ ਦੁਸ਼ਮਣ ਹਰ ਪਾਸੇ

ਤਲਵਾਰ ਹਿੰਸਾ ਦੀ ਚਲਾਉਂਦੇ

ਕੌਣ ਦੂਤ ਬਣੇਗਾ ਸ਼ਾਂਤੀ ਦਾ,

ਤੇਰੇ ਹੀ ਪਿਆਰ ਤੇ ਦਇਆ ਦਾ?

ਯਹੋਵਾਹ ਜੋ ਤੇਰਾ ਫ਼ਰਮਾਨ

ਗ਼ੁਲਾਮ ਮੈਂ ਤੇਰਾ ਹਾਜ਼ਰ ਹਾਂ

2. ਸੰਸਾਰ ਦਾ ਮੋਹ ਹੈ ਵੱਡਾ ਜਾਲ਼

ਫਾਹੀ ਵਿਚ ਫਸੇ ਨੇ ਇਨਸਾਨ

ਲੋਕ ਮੂਰਤੀਆਂ ਨੂੰ ਪੂਜਦੇ ਨੇ

ਇਨਸਾਨਾਂ ʼਤੇ ਇਤਬਾਰ ਕਰਦੇ

ਕੌਣ ਦੇਵੇ ਖ਼ੁਦਾ ਦਾ ਪੈਗਾਮ?

ਕੌਣ ਕਰੇ ਉੱਚਾ ਉਸ ਦਾ ਨਾਮ?

ਯਹੋਵਾਹ ਜੋ ਤੇਰਾ ਫ਼ਰਮਾਨ

ਗ਼ੁਲਾਮ ਮੈਂ ਤੇਰਾ ਹਾਜ਼ਰ ਹਾਂ

3. ਸੰਸਾਰ ਹੈ ਸੁੰਨਾ, ਹੈ ਵਿਰਾਨ

ਨਿਰਾਸ਼, ਉਦਾਸ, ਲੋਕ ਪਰੇਸ਼ਾਨ

ਨਫ਼ਰਤ ਦੇ ਕੰਡੇ ਹਰ ਪਾਸੇ

ਫੁੱਲ ਪਿਆਰ ਦੇ ਸਭ ਮੁਰਝਾ ਰਹੇ

ਕੌਣ ਸਾਵਨ ਸੁੱਖ ਦਾ ਲੈ ਆਵੇ?

ਬਰਸਾਤ ਕੌਣ ਪਿਆਰ ਦੀ ਵਰਸਾਵੇ?

ਯਹੋਵਾਹ ਜੋ ਤੇਰਾ ਫ਼ਰਮਾਨ

ਗ਼ੁਲਾਮ ਮੈਂ ਤੇਰਾ ਹਾਜ਼ਰ ਹਾਂ