ਧੰਨਵਾਦ ਦਾ ਗੀਤ

1. ਰਹਿਮਦਿਲ ਯਹੋਵਾਹ ਮੈਂ ਤੇਰੇ ਦਰ ਆ ਕੇ

ਹੱਥ ਆਪਣੇ ਜੋੜ ਕੇ ਤੇ ਸਿਰ ਨਿਵਾ ਕੇ

ਮੈਂ ਦਿਲੋਂ ਮਾਲਕ ਤੈਨੂੰ ਫ਼ਰਿਆਦ ਕਰਾਂ

ਵਹਿੰਦੇ ਹੰਝੂਆਂ ਤੋਂ ਮੂੰਹ ਫੇਰੀਂ ਨਾ

ਆਪਣਾ ਤੂੰ ਬੇਟਾ ਨਿਛਾਵਰ ਕਰ ਕੇ

ਪਾਪ ਦੇ ਮਿਟਾ ਦਿੱਤੇ ਦਾਗ਼ ਤੂੰ ਮੇਰੇ

ਤੇਰੀ ਦਇਆ ਕਦੀ ਨਾ ਭੁਲਾਵਾਂ

ਉੱਚੀ ਆਵਾਜ਼ ਵਿਚ ਤੇਰੇ ਗੁਣ ਗਾਵਾਂ

2. ਹਰ ਪਲ ਕਰਾਂਗਾ ਮੈਂ ਸੇਵਾ, ਯਹੋਵਾਹ

ਤੇਰੇ ਚਰਨੀਂ ਬੈਠਾ, ਮੈਨੂੰ ਸਿਖਾ

ਕਰਦਾ ਹੈਂ ਰੌਸ਼ਨ ਤੂੰ ਮੇਰੇ ਕਦਮ

ਪਾਸ ਤੇਰੇ ਰਹਿਣਾ, ਤੂੰ ਮੇਰਾ ਹਮਦਮ

ਤੇਰੀ ਸ਼ਕਤੀ ਮੈਨੂੰ ਸਦਾ ਸੰਭਾਲੇ

ਹਿੰਮਤ ਨਾਲ ਤੇਰਾ ਐਲਾਨ ਕਰਾਂ ਮੈਂ

ਸੱਚਾ ਤੂੰ ਪਾਤਸ਼ਾਹ, ਤੂੰ ਰਾਜਾ ਮਹਾਨ

ਮੇਰੀ ਅਰਦਾਸ ਹੈ, ਵਧੇ ਤੇਰੀ ਸ਼ਾਨ

3. ਤੇਰੀ ਮਰਜ਼ੀ ʼਤੇ ਮੈਂ ਚੱਲ ਕੇ ਯਹੋਵਾਹ

ਹੋਰਾਂ ਨੂੰ ਤੇਰੇ ਦਰਬਾਰ ਲੈ ਆਉਣਾ

ਤੇਰੇ ਸਾਏ ਹੇਠਾਂ ਪਿਆਰ ਤੇਰਾ ਪਾਵਣ

ਦੁੱਖਾਂ ਨੂੰ ਭੁੱਲ ਕੇ ਤੇਰੇ ਪਾਸ ਆਵਣ

ਦਿਲ ਵਿਚ ਹੈ ਸਾਡੀ ਬਸ ਇਹੀ ਦੁਆ

ਤੇਰੇ ਨਾਮ ਨਾਲ ਜਗਮਗਾਵੇ ਜਹਾਂ

ਤੇਰੀ ਹੀ ਮਹਿਮਾ ਅਸੀਂ ਕਰਾਂਗੇ

ਮਰਦੇ ਦਮ ਤਕ ਤੇਰਾ ਨਾਂ ਲਵਾਂਗੇ