ਘੋਸ਼ਣਾਵਾਂ

◼ ਜਨਵਰੀ ਲਈ ਸਾਹਿੱਤ ਪੇਸ਼ਕਸ਼: ਕੋਈ ਵੀ ਪੁਰਾਣੀ 192 ਸਫ਼ਿਆਂ ਵਾਲੀ ਪੁਸਤਕ ਜੋ ਕਲੀਸਿਯਾ ਦੇ ਸਟਾਕ ਵਿਚ ਹੈ। ਜਿਨ੍ਹਾਂ ਕਲੀਸਿਯਾਵਾਂ ਕੋਲ ਇਹ ਪੁਸਤਕਾਂ ਨਹੀਂ ਹਨ, ਉਹ ਜੀਵਨ—ਇਹ ਇੱਥੇ ਕਿਵੇਂ ਆਇਆ? ਕ੍ਰਮ-ਵਿਕਾਸ ਦੁਆਰਾ ਜਾਂ ਸ੍ਰਿਸ਼ਟੀ ਦੁਆਰਾ? (ਅੰਗ੍ਰੇਜ਼ੀ) ਜਾਂ ਤੁਸੀਂ ਸਦਾ ਦੇ ਲਈ ਧਰਤੀ ਉੱਤੇ ਪਰਾਦੀਸ ਵਿਚ ਜੀਉਂਦੇ ਰਹਿ ਸਕਦੇ ਹੋ ਕਿਤਾਬਾਂ ਪੇਸ਼ ਕਰ ਸਕਦੀਆਂ ਹਨ। ਫਰਵਰੀ: ਪਰਿਵਾਰਕ ਖ਼ੁਸ਼ੀ ਦਾ ਰਾਜ਼। ਮਾਰਚ: ਗਿਆਨ ਜੋ ਸਦੀਪਕ ਜੀਵਨ ਵੱਲ ਲੈ ਜਾਂਦਾ ਹੈ। ਗ੍ਰਹਿ ਬਾਈਬਲ ਅਧਿਐਨ ਸ਼ੁਰੂ ਕਰਨ ਦੇ ਖ਼ਾਸ ਜਤਨ ਕੀਤੇ ਜਾਣਗੇ। ਅਪ੍ਰੈਲ: ਪਹਿਰਾਬੁਰਜ ਅਤੇ ਜਾਗਰੂਕ ਬਣੋ! ਰਸਾਲੇ। ਦਿਲਚਸਪੀ ਰੱਖਣ ਵਾਲਿਆਂ ਨੂੰ ਦੇਣ ਲਈ ਆਪਣੇ ਕੋਲ ਮੰਗ ਬਰੋਸ਼ਰ ਰੱਖੋ ਅਤੇ ਗ੍ਰਹਿ ਬਾਈਬਲ ਅਧਿਐਨ ਸ਼ੁਰੂ ਕਰਨ ਦੇ ਜਤਨ ਕਰੋ।

◼ 10 ਜਨਵਰੀ ਦੇ ਹਫ਼ਤੇ ਦੀ ਸੇਵਾ ਸਭਾ ਤੋਂ ਬਾਅਦ, ਸਾਰੇ ਬਪਤਿਸਮਾ-ਪ੍ਰਾਪਤ ਪ੍ਰਕਾਸ਼ਕ ਆਪਣੇ ਲਈ ਅਗਾਊਂ ਚਿਕਿਤਸਾ ਨਿਰਦੇਸ਼/ਰਿਹਾਈ ਕਾਰਡ ਅਤੇ ਆਪਣੇ ਬੱਚਿਆਂ ਲਈ ਸ਼ਨਾਖਤੀ ਕਾਰਡ ਲੈ ਸਕਦੇ ਹਨ।

◼ ਫਰਵਰੀ ਮਹੀਨੇ ਤੋਂ ਲੈ ਕੇ 5 ਮਾਰਚ ਤਕ, ਸਰਕਟ ਨਿਗਾਹਬਾਨ ਨਵਾਂ ਜਨਤਕ ਭਾਸ਼ਣ ਦੇਣਗੇ ਜਿਸ ਦਾ ਵਿਸ਼ਾ ਹੈ, “ਅਸਲੀ ਆਰਮਾਗੇਡਨ—ਕਿਉਂ? ਕਦੋਂ?”

◼ ਕਲੀਸਿਯਾਵਾਂ ਨੂੰ ਇਸ ਸਾਲ ਬੁੱਧਵਾਰ, 19 ਅਪ੍ਰੈਲ ਨੂੰ ਸੂਰਜ ਡੁੱਬਣ ਮਗਰੋਂ ਸਮਾਰਕ ਮਨਾਉਣ ਦੇ ਪ੍ਰਬੰਧ ਕਰਨੇ ਚਾਹੀਦੇ ਹਨ। ਹਾਲਾਂਕਿ ਭਾਸ਼ਣ ਛੇਤੀ ਆਰੰਭ ਕੀਤਾ ਜਾ ਸਕਦਾ ਹੈ, ਪਰੰਤੂ ਸਮਾਰਕ ਪ੍ਰਤੀਕਾਂ ਦਾ ਹਾਜ਼ਰੀਨ ਵਿਚ ਦਿੱਤਾ ਜਾਣਾ ਕੇਵਲ ਸੂਰਜ ਡੁੱਬਣ ਤੋਂ ਬਾਅਦ ਹੀ ਸ਼ੁਰੂ ਕਰਨਾ ਚਾਹੀਦਾ ਹੈ। ਸਥਾਨਕ ਸੋਮਿਆਂ ਤੋਂ ਪਤਾ ਕਰਵਾਓ ਕਿ ਤੁਹਾਡੇ ਇਲਾਕੇ ਵਿਚ ਸੂਰਜ ਕਦੋਂ ਡੁੱਬਦਾ ਹੈ। ਹਾਲਾਂਕਿ ਹਰੇਕ ਕਲੀਸਿਯਾ ਲਈ ਆਪੋ-ਆਪਣਾ ਸਮਾਰਕ ਮਨਾਉਣਾ ਚੰਗਾ ਹੋਵੇਗਾ, ਪਰ ਇਹ ਸ਼ਾਇਦ ਹਮੇਸ਼ਾ ਮੁਮਕਿਨ ਨਾ ਹੋਵੇ। ਜਿੱਥੇ ਕਈ ਕਲੀਸਿਯਾਵਾਂ ਆਮ ਤੌਰ ਤੇ ਇੱਕੋ ਹੀ ਰਾਜ ਗ੍ਰਹਿ ਇਸਤੇਮਾਲ ਕਰਦੀਆਂ ਹਨ, ਉੱਥੇ ਇਕ ਜਾਂ ਇਕ ਤੋਂ ਵੱਧ ਕਲੀਸਿਯਾਵਾਂ ਉਸ ਸ਼ਾਮ ਕਿਸੇ ਹੋਰ ਜਗ੍ਹਾ ਤੇ ਸਮਾਰਕ ਮਨਾ ਸਕਦੀਆਂ ਹਨ। ਅਸੀਂ ਸੁਝਾਅ ਦਿੰਦੇ ਹਾਂ ਕਿ ਜੇ ਇਕ ਤੋਂ ਵੱਧ ਕਲੀਸਿਯਾਵਾਂ ਇਕ ਰਾਜ ਗ੍ਰਹਿ ਵਿਚ ਸਮਾਰੋਹ ਮਨਾਉਂਦੀਆਂ ਹਨ, ਤਾਂ ਜਿੱਥੇ ਕਿਤੇ ਸੰਭਵ ਹੋਵੇ, ਉੱਥੇ ਪ੍ਰੋਗ੍ਰਾਮਾਂ ਵਿਚਕਾਰ ਘੱਟੋ-ਘੱਟ 40 ਮਿੰਟਾਂ ਦਾ ਫ਼ਾਸਲਾ ਰੱਖੋ ਤਾਂਕਿ ਇਸ ਦੌਰਾਨ ਲੋਕਾਂ ਨੂੰ ਮਿਲਿਆ ਜਾ ਸਕੇ, ਦਿਲਚਸਪੀ ਰੱਖਣ ਵਾਲਿਆਂ ਨੂੰ ਉਤਸ਼ਾਹਿਤ ਕੀਤਾ ਜਾ ਸਕੇ ਅਤੇ ਇਸ ਮੌਕੇ ਦਾ ਪੂਰਾ ਫ਼ਾਇਦਾ ਹਾਸਲ ਕੀਤਾ ਜਾ ਸਕੇ। ਲੋਕਾਂ ਦੇ ਆਉਣ-ਜਾਣ ਵੇਲੇ ਸੜਕ ਆਵਾਜਾਈ ਅਤੇ ਪਾਰਕਿੰਗ ਵੱਲ ਵੀ ਧਿਆਨ ਦਿੱਤਾ ਜਾਣਾ ਚਾਹੀਦਾ ਹੈ। ਬਜ਼ੁਰਗਾਂ ਦੇ ਸਮੂਹ ਨੂੰ ਫ਼ੈਸਲਾ ਕਰਨਾ ਚਾਹੀਦਾ ਹੈ ਕਿ ਸਥਾਨਕ ਤੌਰ ਤੇ ਕਿਹੜੇ ਪ੍ਰਬੰਧ ਸਭ ਤੋਂ ਵਧੀਆ ਹੋਣਗੇ।

◼ ਸਾਲ 2000 ਸਮਾਰਕ ਰੁੱਤ ਲਈ ਖ਼ਾਸ ਜਨਤਕ ਭਾਸ਼ਣ ਐਤਵਾਰ, 16 ਅਪ੍ਰੈਲ ਨੂੰ ਦਿੱਤਾ ਜਾਵੇਗਾ। ਇਸ ਭਾਸ਼ਣ ਦਾ ਵਿਸ਼ਾ ਹੋਵੇਗਾ, “ਮਨੁੱਖਜਾਤੀ ਨੂੰ ਰਿਹਾਈ-ਕੀਮਤ ਦੀ ਲੋੜ ਕਿਉਂ ਹੈ।” ਇਸ ਭਾਸ਼ਣ ਦੀ ਇਕ ਰੂਪ-ਰੇਖਾ ਦਿੱਤੀ ਜਾਵੇਗੀ। ਜਿਨ੍ਹਾਂ ਕਲੀਸਿਯਾਵਾਂ ਵਿਚ ਉਸ ਹਫ਼ਤੇ ਸਰਕਟ ਨਿਗਾਹਬਾਨ ਦੀ ਮੁਲਾਕਾਤ, ਸਰਕਟ ਸੰਮੇਲਨ ਜਾਂ ਵਿਸ਼ੇਸ਼ ਸੰਮੇਲਨ ਦਿਨ ਹੋਵੇਗਾ, ਉਨ੍ਹਾਂ ਵਿਚ ਖ਼ਾਸ ਭਾਸ਼ਣ ਉਸ ਹਫ਼ਤੇ ਤੋਂ ਅਗਲੇ ਹਫ਼ਤੇ ਦਿੱਤਾ ਜਾਵੇਗਾ। ਕਿਸੇ ਵੀ ਕਲੀਸਿਯਾ ਵਿਚ ਖ਼ਾਸ ਭਾਸ਼ਣ 16 ਅਪ੍ਰੈਲ 2000 ਤੋਂ ਪਹਿਲਾਂ ਨਹੀਂ ਦਿੱਤਾ ਜਾਣਾ ਚਾਹੀਦਾ ਹੈ।

◼ ਨਵਾਂ ਪ੍ਰਕਾਸ਼ਨ ਉਪਲਬਧ:

ਵਾਚ ਟਾਵਰ ਪ੍ਰਕਾਸ਼ਨ ਇੰਡੈਕਸ 1998

◼ ਮੁੜ ਉਪਲਬਧ ਪ੍ਰਕਾਸ਼ਨ:

ਬਰੋਸ਼ਰ: ਜੀਵਨ ਦਾ ਮਕਸਦ ਕੀ ਹੈ?—ਕੰਨੜ, ਮਰਾਠੀ ਅਤੇ ਮਲਿਆਲਮ

◼ ਆਡੀਓ ਕਮਪੈਕਟ ਡਿਸਕ:

ਗੀਤ: ਰਾਜ ਗੀਤ ਗਾਉਣਾ (ਇਕ ਡਿਸਕ)

ਮਿਊਜ਼ਿਕ-ਆਰਕੈਸਟਰਾ: ਕਿੰਗਡਮ ਮੈਲੋਡੀਜ਼, ਨੰ. 1 ਤੋਂ 8 (ਅੱਠ ਡਿਸਕਾਂ ਦਾ ਸੈੱਟ)

(ਇਕ ਡਿਸਕ ਮੰਗਵਾਉਣ ਲਈ ਡਿਸਕ ਦਾ ਨੰਬਰ ਦੱਸਣਾ ਜ਼ਰੂਰੀ ਹੈ)

ਹਰ ਦਿਨ ਯਹੋਵਾਹ ਦੇ ਬਚਨ ਵੱਲ ਧਿਆਨ ਦਿਓ

¹ ਹਰ ਦਿਨ ਸਾਡੀ ਨਿਹਚਾ ਨੂੰ ਨਵੀਆਂ-ਨਵੀਆਂ ਚੁਣੌਤੀਆਂ ਦਾ ਸਾਮ੍ਹਣਾ ਕਰਨਾ ਪੈਂਦਾ ਹੈ। ਸ਼ਾਇਦ ਤੁਹਾਡੀ ਜਾਣ-ਪਛਾਣ ਵਾਲੇ ਤੁਹਾਡੇ ਉੱਤੇ ਡੇਟਿੰਗ ਕਰਨ ਦਾ ਦਬਾਅ ਪਾਉਣ। ਤੁਹਾਡੇ ਅਧਿਆਪਕ ਚਾਹੁੰਦੇ ਹੋਣ ਕਿ ਤੁਸੀਂ ਪੜ੍ਹਾਈ ਕਰ ਕੇ ਅਜਿਹੀ ਨੌਕਰੀ ਕਰੋ ਜਿਸ ਤੋਂ ਤੁਹਾਨੂੰ ਜ਼ਿਆਦਾ ਪੈਸਾ ਮਿਲ ਸਕੇ ਜਾਂ ਤੁਹਾਡਾ ਮਾਲਕ ਚਾਹੁੰਦਾ ਹੋਵੇ ਕਿ ਤੁਸੀਂ ਜ਼ਿਆਦਾ ਤੋਂ ਜ਼ਿਆਦਾ ਘੰਟੇ ਕੰਮ ਕਰੋ। ਹੋ ਸਕਦਾ ਹੈ ਕਿ ਤੁਹਾਡੀ ਸਿਹਤ ਦਿਨ-ਬ-ਦਿਨ ਵਿਗੜ ਰਹੀ ਹੋਵੇ। ਹਾਲਾਂਕਿ ਤੁਹਾਨੂੰ ਅਜਿਹੀਆਂ ਅਜ਼ਮਾਇਸ਼ਾਂ ਦਾ ਸਾਮ੍ਹਣਾ ਕਦੇ ਵੀ ਕਰਨਾ ਪੈ ਸਕਦਾ ਹੈ, ਪਰ ਤੁਸੀਂ ਇਕੱਲੇ ਨਹੀਂ ਹੋ। ਇਨ੍ਹਾਂ ਸਮੱਸਿਆਵਾਂ ਨਾਲ ਨਜਿੱਠਣ ਲਈ ਯਹੋਵਾਹ ਤੁਹਾਨੂੰ ਲੋੜੀਂਦੀ ਬੁੱਧ ਦੇਣ ਲਈ ਤਿਆਰ ਹੈ। ਬੁੱਧ ਹਾਸਲ ਕਰਨ ਦਾ ਇਕ ਤਰੀਕਾ ਹੈ ਹਰ ਰੋਜ਼ ਬਾਈਬਲ ਦੀ ਜਾਂਚ ਕਰੋ ਦੇ ਪਾਠ ਅਤੇ ਉਸ ਹੇਠ ਦਿੱਤੀਆਂ ਗਈਆਂ ਟਿੱਪਣੀਆਂ ਨੂੰ ਪੜ੍ਹਨਾ ਜਿਸ ਰਾਹੀਂ ਤੁਸੀਂ ਯਹੋਵਾਹ ਦੇ ਬਚਨ ਨੂੰ ਰੋਜ਼ ਪੜ੍ਹ ਸਕਦੇ ਹੋ। ਕੀ ਤੁਸੀਂ ਇਸ ਇੰਤਜ਼ਾਮ ਦਾ ਪੂਰਾ ਫ਼ਾਇਦਾ ਉਠਾਉਂਦੇ ਹੋ?

² ਮਦਦ ਮੁਹੱਈਆ ਕੀਤੀ ਗਈ ਹੈ: ਯਸਾਯਾਹ 30:20 ਵਿਚ ਯਹੋਵਾਹ ਨੂੰ “ਗੁਰੂ” ਦੱਸਿਆ ਗਿਆ ਹੈ ਅਤੇ ਉਸ ਦੇ ਸੇਵਕ ਉਸ ਕੋਲੋਂ ਮਦਦ ਲੈ ਸਕਦੇ ਹਨ। ਸਾਡੀ ਨਿਹਚਾ ਨੂੰ ਜਿਹੜੀਆਂ ਚੁਣੌਤੀਆਂ ਦਾ ਸਾਮ੍ਹਣਾ ਕਰਨਾ ਪੈਂਦਾ ਹੈ, ਉਨ੍ਹਾਂ ਨਾਲ ਨਜਿੱਠਣ ਲਈ ਉਹ ਤੁਹਾਨੂੰ ਲੋੜੀਂਦੀ ਮਦਦ ਦੇਵੇਗਾ। ਕਿਵੇਂ? ਅਗਲੀ ਆਇਤ ਦੱਸਦੀ ਹੈ: “ਤੁਹਾਡੇ ਕੰਨ ਤੁਹਾਡੇ ਪਿੱਛੋਂ ਏਹ ਗੱਲ ਸੁਣਨਗੇ ਕਿ ਤੁਹਾਡਾ ਰਾਹ ਏਹੋ ਈ ਹੈ, ਏਸ ਵਿੱਚ ਚੱਲੋ।” ਅੱਜ, ਯਹੋਵਾਹ ਆਪਣੀ “ਗੱਲ” ਬਾਈਬਲ ਅਤੇ ‘ਮਾਤਬਰ ਨੌਕਰ’ ਦੇ ਪ੍ਰਕਾਸ਼ਨਾਂ ਦੇ ਜ਼ਰੀਏ ਭੇਜਦਾ ਹੈ। (ਮੱਤੀ 24:45) ਪਹਿਰਾਬੁਰਜ ਦੇ ਪੁਰਾਣੇ ਲੇਖਾਂ ਵਿਚ ਬੁੱਧੀ ਦਾ ਖ਼ਜ਼ਾਨਾ ਪਾਇਆ ਜਾਂਦਾ ਹੈ ਅਤੇ ਇਹ ਲੇਖ ਮਸੀਹੀ ਜ਼ਿੰਦਗੀ ਦੇ ਹਰੇਕ ਪਹਿਲੂ ਉੱਤੇ ਲਾਗੂ ਹੁੰਦੇ ਹਨ। ਜੇ ਤੁਸੀਂ ਬਾਈਬਲ ਦੀ ਜਾਂਚ ਕਰੋ ਵਿਚ ਦੱਸੇ ਗਏ ਲੇਖਾਂ ਨੂੰ ਮੁੜ ਵਿਚਾਰਦੇ ਹੋ, ਤਾਂ ਤੁਸੀਂ ਬਹੁਤ ਸਾਰਾ ਗਿਆਨ ਹਾਸਲ ਕਰ ਸਕਦੇ ਹੋ ਜੋ ਕਿ ਹਰ ਤਰ੍ਹਾਂ ਦੀਆਂ ਅਜ਼ਮਾਇਸ਼ਾਂ ਦਾ ਸਾਮ੍ਹਣਾ ਕਰਨ ਵਿਚ ਤੁਹਾਡੀ ਮਦਦ ਕਰ ਸਕਦਾ ਹੈ।—ਯਸਾ. 48:17.

³ ਇਸ ਨੂੰ ਹਰ ਦਿਨ ਪੜ੍ਹੋ: ਭਾਵੇਂ ਕਿ ਸਵੇਰ ਦਾ ਵੇਲਾ ਬਹੁਤ ਰੁਝੇਵਿਆਂ ਭਰਿਆ ਹੁੰਦਾ ਸੀ, ਪਰ ਇਕ ਭੈਣ ਦਾ ਮੁੰਡਾ ਜਦੋਂ ਨਾਸ਼ਤਾ ਕਰਦਾ ਹੁੰਦਾ ਸੀ, ਤਾਂ ਉਹ ਪਾਠ ਨੂੰ ਅਤੇ ਉਸ ਹੇਠ ਦਿੱਤੀਆਂ ਗਈਆਂ ਟਿੱਪਣੀਆਂ ਨੂੰ ਮੁੰਡੇ ਦੇ ਨਾਲ ਪੜ੍ਹਦੀ ਸੀ। ਰੋਜ਼ ਸਵੇਰੇ ਸਕੂਲ ਜਾਣ ਤੋਂ ਪਹਿਲਾਂ ਭੈਣ ਦਾ ਮੁੰਡਾ ਕੀਤੀ ਗਈ ਗੱਲ-ਬਾਤ ਅਤੇ ਪ੍ਰਾਰਥਨਾ ਸੁਣਦਾ ਸੀ। ਇਨ੍ਹਾਂ ਸ਼ਬਦਾਂ ਨੇ ਉਸ ਨੂੰ ਅਨੈਤਿਕਤਾ ਤੋਂ ਪਰੇ ਰਹਿਣ, ਦੇਸ਼-ਭਗਤੀ ਦੇ ਮਾਮਲੇ ਵਿਚ ਸਮਝੌਤਾ ਨਾ ਕਰਨ ਅਤੇ ਵਿਦਿਆਰਥੀਆਂ ਤੇ ਅਧਿਆਪਕਾਂ ਨੂੰ ਦਲੇਰੀ ਨਾਲ ਗਵਾਹੀ ਦੇਣ ਲਈ ਤਾਕਤ ਦਿੱਤੀ। ਹਾਲਾਂਕਿ ਸਕੂਲ ਵਿਚ ਸਿਰਫ਼ ਉਹੀ ਗਵਾਹ ਸੀ, ਪਰ ਫਿਰ ਵੀ ਉਸ ਨੇ ਆਪਣੇ ਆਪ ਨੂੰ ਕਦੀ ਇਕੱਲਾ ਮਹਿਸੂਸ ਨਹੀਂ ਕੀਤਾ।

⁴ ਨਿਰਦੇਸ਼ਨ ਅਤੇ ਅਗਵਾਈ ਲੈਣ ਲਈ ਹਮੇਸ਼ਾ ਯਹੋਵਾਹ ਅਤੇ ਉਸ ਦੇ ਬਚਨ ਵੱਲ ਦੇਖੋ। ਜੇਕਰ ਤੁਸੀਂ ਇਸ ਤਰ੍ਹਾਂ ਕਰੋਗੇ, ਤਾਂ ਉਹ ਤੁਹਾਡੇ ਲਈ ਇਕ ਭਰੋਸੇਮੰਦ ਦੋਸਤ ਦੀ ਤਰ੍ਹਾਂ ਅਸਲੀ ਬਣ ਜਾਵੇਗਾ। ਹਰ ਦਿਨ ਉਸ ਤੋਂ ਮਦਦ ਮੰਗੋ! ਪੂਰੇ ਸੰਸਾਰ ਵਿਚ ਲੱਖਾਂ ਹੀ ਲੋਕ ਪਰਮੇਸ਼ੁਰ ਦੇ ਬਚਨ ਵਿੱਚੋਂ ਰੋਜ਼ ਸਲਾਹ ਲੈਂਦੇ ਹਨ, ਜੇਕਰ ਤੁਸੀਂ ਵੀ ਇੰਜ ਕਰੋਗੇ ਤਾਂ ‘ਤੁਹਾਡੀਆਂ ਅੱਖਾਂ ਆਪਣੇ ਗੁਰੂ ਨੂੰ ਵੇਖ’ ਰਹੀਆਂ ਹੋਣਗੀਆਂ।