Salmo
Salmo na saray anak a lalaki nen Kora.+ Sakey a kansion.
87 Say pundasyon na syudad na Dios et akaletneg ed masanton kapalandeyan.+
2 Mas inaro nen Jehova iray puerta na Sion+
Nen say amin a tolda nen Jacob.
3 Mararakep iray sasalitaen nipaakar ed sika, O syudad na tuan Dios.+ (Selah)
4 Say Rahab+ tan say Babilonia et ipasen kon kaiba ed saramay makapikabat* ed siak;
Nia so Filistia tan Tiro, a kaibay Cus.*
Oniay ibaga nipaakar ed balang sakey ed sikara: “Saya may niyanak diman.”
5 Tan oniay ibaga nipaakar ed Sion:
“Balang sakey et niyanak ed sikato.”
Tan say Sankatagyan so mangiletneg a malet ed sikato.
6 Oniay iyabawag nen Jehova sano ililista iray totoo:
“Saya may niyanak diman.” (Selah)