Jeremias
22 Oniay inkuan nen Jehova: “La kad abung* na ari na Juda, tan ipasabim iyan mensahe. 2 Ibagam, ‘Dengel moy salita nen Jehova, O ari na Juda ya akayurong ed trono nen David, sika tan saray lingkor mo tan saray totoom ya onloloob ed sarayan puerta. 3 Oniay inkuan nen Jehova: “Ipatnag yoy inkahustisya tan inkatunong. Iliktar yo imay tatakewan na managsaol. Agyo mamaltratoen so anggan siopan dayon miaayam, tan agyo sasakitan so anggan siopan ugaw ya ulilad ama* odino say abalon bii.+ Tan agkayo mamapaagus na dala na andiay kasalanan diad sayan pasen.+ 4 Ta no maalwar yon gawaen iyan amin a salita, onloob ed saray puerta na sayan abung iray arari ya akayurong ed trono nen David,+ ya akalugan ira ed saray karwahe tan kabayo, sikara tan saray lingkor da tan totoo ra.”’+
5 “‘Balet no agyo tuloken irayan salita, mansamba ak ed ngaran ko,’ so imbaga nen Jehova, ‘a sayan abung et magmaliw ya aderal a pasen.’+
6 “Ta oniay inkuan nen Jehova nipaakar ed abung na ari na Juda,
‘Singa ka Gilead parad siak,
Singa say toktok na palandey ed Lebanon.
Balet pagmaliwen ta kan kalawakan;
Anggapod saray syudad mo so napanayaman.+
Batangen da iray sankaabigan a kiew mo a sedro
Tan ibuntok da iratan ed apoy.+
8 “‘Tan dakel a nasyon so ondalan ed sayan syudad tan ibaga rad sakey tan sakey: “Akin et oniay ginawa nen Jehova ed sayan baleg a syudad?”+ 9 Tan onebat ira: “Lapud agda tinoor so impisipanan dad si Jehova a Dios da tan dinmakmomo ra tan nanlingkor irad arum a dirios.”’+
10 Agyo aakisan imay inatey,
Tan agyo paneermenan.
Say akisan yo et samay onalis,
Ta sikatoy agla ompawil tan agto la nanengneng so dalin a niyanakan to.
11 “Ta oniay inkuan nen Jehova nipaakar ed anak nen Josias a si Salum,*+ say arin manuuley ed Juda a sinmublay ed si Josias+ ya ama to tan anggapo lad sayan pasen: ‘Sikatoy aglan balot ompawil ditan. 12 Ta sikatoy ompatey ed pasen ya angibantakan dad sikato, tan agto lan balot nanengneng iyan dalin.’+
13 Pakaskasi la imay mangipapaalagey na abung to, ya aliwan diad inkatunong,
Tan saray kuarto tod tagey, ya aliwan diad inkahustisya,
A pankikimeyen to so kapara ton too balet agto babayaran,
Tan agto iiter so upa to;+
14 Samay mangibabagan, ‘Manpaalagey ak na baleg ya abung
A walaan na maawang iran kuarto ed tagey.
Ikdan ko na saray bintana
Tan dingdingan koy tablan sedro tan pintaan koy bermellon.’*
15 Mantultuloy ka kasin manuley lapud papalumbasan moy arum diad panguusar moy kiew a sedro?
Angan tan inminum met si amam,
Balet impatnag toy inkahustisya tan inkatunong,+
Kanian maabig so nansumpalan to.
16 Indepensa toy legal a kanepegan na saray napapairap tan pobri,
Kanian maabig so nansumpalan to.
‘Agta ontan so kabaliksan na pikabat ed siak?’ so imbaga nen Jehova.
17 ‘Balet akateen labat iray matam tan pusom ed maagum a panaanap moy pinabangan mo,
Ed panagpaagus na dala na andiay kasalanan,
Tan ed panagsaol tan panagkatkat.’
18 “Kanian oniay inkuan nen Jehova nipaakar ed si Jehoiakim+ ya anak nen Josias, say ari na Juda,
‘Sikatoy agda akisan:
“O agik a laki! O agik a bii!”
Sikatoy agda akisan:
“O katawan ko! Naandi lay kagalangan to!”
20 Tatdang kad Lebanon tan ugaog ka,
Ikasil moy boses mo diad Basan,
Tan ugaog ka manlapud Abarim,+
Lapud aderal la so amin a mangaaro ed sika.+
21 Kinatongtong ta ka sanen maligen ka ni.
Balet inkuan mo, ‘Agak ontulok.’+
Ontan lay kagagawam manlapud inkaugaw mo,
Ta agka ontutulok ed boses ko.+
22 Say dagem so manpastol ed amin a managpastol mo,+
Tan naaripen iramay mangaaro ed sika.
Insan nabaingan ka tan niyabeba ka lapud amin a kadederal ya onsabid sika.
23 O sikan manaayam ed Lebanon,+
A manuubong ed saray kiew a sedro,+
Agaylay pansibek mo sano naliknam lay irap,
24 “‘Unong a mabilay ak,’ so imbaga nen Jehova, ‘anggano si Conias*+ ya anak nen Jehoiakim,+ say ari na Juda, et singa say singsing a panagtatak diad kawanan a limak, sikatoy ekalen ko! 25 “Iyawat ta kad saramay malabay a mamatey ed sika,* ed saramay tatakotan mo, ed si Arin Nabucodonosor* na Babilonia, tan ed saray Caldeo.+ 26 Tan ibasileng ta ka tan say inam ya angiyanak ed sika diad sananey a dalin ya agyo niyanakan, tan diman kayo la ompatey.” 27 Tan agla ran balot makapawil ed dalin ya il-iliwen da.*+
28 Kasin sayan laki a Conias et singa labat sakey a banga ya aglabalabay tan abetag,
Sakey a pananginan ya anggapoy malabay?
Akin a sikato tan saray ilalak to et nibasileng
Tan nibantak ed dalin ya agda amta?’+
29 O dalin, dalin, dalin, dengel yo so salita nen Jehova.
30 Oniay inkuan nen Jehova: