Salmo
Parad direktor; diad Gittith.*Salmo nen Asaf.+
81 Eyag kayod liket tan idayew yoy Dios a biskeg tayo.+
Eyag kayod liket tan idayew yoy Dios nen Jacob.
2 Igapo yoy musika tan mangala kayoy tamburin,
Say arpa a balibali tanol to tan say nandeles ya instrumento.
4 Lapud sakey itan a ganggan parad Israel,
Sakey a totontonen ya inter na Dios nen Jacob.+
5 Inletneg to itan bilang sakey a panonot ed si Jose+
6 “Inekal kod takeb to so ambelat a sasakbaten to;+
Nibulos iray lima to ed panag-awit na tiklis.
7 Tinmawag ka sanen nagogonigon ka, tan inliktar ta ka;+
Sinubok ta ka diad saray danum na Meriba.*+ (Selah)
8 Dengel kayo, O totook, tan mantestigo ak sumpad sikayo.
O Israel, no ondengel ka labat komon ed siak.+
9 Diad limog yo et anggapoy naromog ya agkabat a dios,
Tan agkayo ondakmomo ed sananey a dios.+
10 Siak si Jehova a Dios yo,
Samay angipaway ed sikayo diad dalin na Ehipto.+
Sangi kayon maong, tan pakanen ta kayo anggad napesel kayo.+
11 Balet agdinmengel ed boses ko so totook;
Aglabay na Israel so manpasakop ed siak.+
13 No ondengel labat komon ed siak iray totook,+
No manakar labat komon so Israel ed saray dalan ko!+
14 Taloen kon tampol iray kabusol da;
Kabilen ko ray kalaban da.+
15 Saramay mamubusol ed si Jehova et onggiwgiw ed arapan to,
Tan say pansumpalan* da et anggad angga.