ISAIAS
1 Say pasingawey ya anengneng nen Isaias*+ ya anak nen Amoz nipaakar ed Juda tan Jerusalem diad panaon nen Uzias,+ Jotam,+ Ahaz,+ tan si Hezekias,+ ya arari na Juda:+
3 Amta na baka imay angaliw ed sikato,
Tan amta na asno so kuwadra a ginaway akankien ed sikato;
Balet say Israel et agto ak kabat,*+
Say dilin totook et andiay pakatalos.”
4 Pakaskasi iyan makasalanan a nasyon,+
Say totoon napno na kasalanan,
Sakey a poli na mauges a totoo, ananak a manggagaway mauges!
5 Iner ni so nayarin pamekpekan ed sika, legan mon aaruman so panrerebeldem?+
Asugatsugat lay interon ulom,
Tan mansasakit lay interon pusom.+
6 Manlapud dapan ya anggad ulo et anggapoy nanengneng a limpio.
Wala ray salger tan larag a binmebetag tan sugasugat
—Ag-iratan atambal* odino abedberan odino apuyokan na larak.+
7 Ataynanan so dalin yo.
Apoolan iray syudad yo.
Uupoten na saray dayo so bunga na dalin yo diad mismon arapan yo.+
Singa itan dalin ya agnapanayaman kayarin dineral na saray dayo.+
8 Say anak a bii na Sion et ataynanan a singa sakey a siroman* ed kaubasan,
Singa alolong ed taneman na pipino,
Singa syudad a sasakopen.+
9 No si Jehova na saray armada et ag-angiliktar na pigara ed sikatayo,
Nagmaliw itayo lan singa Sodoma,
Tan mipadpara itayo lad Gomorra.+
10 Dengel yoy salita nen Jehova, sikayo ran diktador* ed Sodoma.+
Imano yoy ganggan* na Dios tayo, sikayo ran totoo na Gomorra.+
11 “Antoy nagunggonak ed dakerakel iran bagat yo?”+ so inkuan nen Jehova.
“Sinmawa ak la ed saray apay yon popoolan a kalakian a karnero+ tan say taba na matataban ayayep,+
Tan agla makapaliket ed siak iray dala+ na saray kilaw a kalakian a baka+ tan kordero tan kanding.+
12 Sano onloob kayo pian onarap ed siak,+
Siopay angiganggan ed sikayo,
Pian gatin-gatinan yo iray sular na templok?+
13 Agkayo la mangiyaapay na saray andi-kakanaan ya apay a kakanen.
Say insenso yo et makapadimla ed siak.+
Say panseselebra yo ed balon bulan+ tan sabaton,+ tan saray iyuuksoy yon pandaragup+
—Agko nitepel so panguusar yoy mahiko+ ed ontan iran sagradon pantitipon.
14 Kabusol ko* so panseselebra yod saray balon bulan tan saray piesta yo.
Nagmaliw iratan a makapabelat ed siak;
Naksawan ak lan mangitetepel ed saratan.
16 Urasan yoy inkasikayo, magmaliw kayon malinis;+
Ekal yo iray mauges a kagagawa yo;
Tunda kayo lan manggaway mauges.+
17 Aral yoy manggawa na maabig, ikana yoy inkahustisya,+
Ipetek yo so managpairap,
Idepensa yo iray kanepegan na ugaw ya ulilad ama,*
Tan iyagel yo so abalon bii.”+
18 “Dago kayo natan, tan pantongtongan tayo ray kaukolan ya ipetek ed baetan tayo,” so inkuan nen Jehova.+
“Anggano saray kasalanan yo et ambalbalanga,
Napaputi iratan a singa niebe;+
Anggano singa iratan ambalbalangan abel,
Magmaliw iratan a singa bagoy karnero.
20 Balet no agkayo ondengel tan manrebelde kayo,
Akmonen kayo na espada,+
Ta saya so inkuan a mismo nen Jehova.”
21 Agayla, nagmaliw ya imoral a bii+ so matoor a syudad!+
23 Saray prinsipem et benger tan kaiba na matatakew.+
Labalabay dan amin so mangawat na pasuksok tan onkerew na regalo.+
Agda iiter so hustisya ed ulilad ama,*
Tan agbalot makakasabi ed sikara so kaso ya insegep na sakey ya abalon bii.+
24 Kanian oniay imbalikas na tuan Katawan, si Jehova na saray armada,
Say Makapanyarin Dios na Israel:
“Paandien ko iray kalaban ko,
Tan ombales ak ed saray mamubusol ed siak.+
25 Dusaen ta ka,
Ekalan ta kay dutak* a singa panaglinis ya usaran na sabon,
Tan ekalan ta kay amin a dutak.+
Kayari na saya et natawag kan Syudad na Inkatunong, Matoor a Baley.+
27 Diad inkahustisya et narondon so Sion,+
Tan diad inkatunong et narondon met iray ompapawil a totoo to.
28 Maminpinsan a naderal iray rebelde tan saray makasalanan,+
Tan mangangga iramay manataynan ed si Jehova.+
31 Say mabiskeg a laki et magmaliw a singa lubir,*
Tan say kimey to et magmaliw a singa dangat;
Bansag iratan ya onliob,
Ya anggapoy makapangerep.”
2 Saya so anengneng nen Isaias ya anak nen Amoz nipaakar ed Juda tan Jerusalem:+
2 Diad kasampotan a parte na saray agew,*
Say palandey a kawalaan na abung nen Jehova
Et niletneg a malet ed tagey na saray toktok na kapalandeyan,+
Tan magmaliw itan a mas atagey nen saray pukdol,
Tan ondagsa ditan so amin a nasyon.+
3 Tan dakel a totoo so onla tan mangibaga:
“Gali, ontatdang itayo ed palandey nen Jehova,
Diad abung na Dios nen Jacob.+
Ibangat tod sikatayo iray dalan to,
Tan tumboken tayo iray basbas to.”+
4 Sikatoy mangukom ed saray nasyon
Tan ipetek to ray kaukolan ya ipetek parad dakel a totoo.
Pitpiten da ray espada ra pian gawaen a tarem na lukoy
Tan saray gayang da et gawaen dan palot.+
Anggapo lay nasyon a mangitagey na espada sumpad sananey a nasyon,
Agmet la ra manaral a miguerra.+
6 Ta pinaulyanan moy totoom, say sankaabungan nen Jacob,+
Lapud dakel so inalig dad saray taga Bukig;
Manguusar ira na mahiko+ a singa saray Filisteo,
Tan diad limog da et dakerakel so ananak na saray dayo.
7 Say dalin da et napnoy pilak tan balitok,
Tan agnabilang iray kayamanan da.
Say dalin da et napno na saray kabayo,
Tan agnabilang iray karwahe ra.+
8 Say dalin da et napno na saray andi-kakanaan a dirios.+
Ondadakmomo ra ed samay ginawa na saray dilin lima ra,
Ed samay ginawa na saray dilin gamet da.
9 Kanian napabanday so too, sikatoy nipaabeba,
Tan agmo ra nayarin perdonaen.
10 Loob kayo ed baleg a bato tan mankotkot kayo na amotan yo
Lapud makapataktakot a kiwawala nen Jehova,
Tan lapud katagyan na gloria to.+
Si Jehova labat so narayrayew ed satan ya agew.
12 Ta satan so agew a parad si Jehova na saray armada.+
Onsabi itan ed amin a mapaatagey tan mapangta,
Ed amin a niyatagey odino niyabeba,+
13 Ed amin ya ataragey tan niyatagey a kiew a sedro ed Lebanon
Tan ed amin a kiew a roble* ed Basan,
14 Ed amin ya ataragey a kapalandeyan
Tan ed amin ya ataragey a pukdol,
15 Ed kada atagey a tori tan malet a padir,
Tan ed amin a mararakep a baloto.
17 Niyabeba so mapaatagey a too,
Tan ontuek* so malastog a too.
Si Jehova labat so narayrayew ed satan ya agew.
18 Sigpot a naandi iray andi-kakanaan a dirios.+
19 Tan onloob iray totoo ed saray ungib
Tan ed saray abot ed dalin,+
Lapud makapataktakot a kiwawala nen Jehova
Tan lapud katagyan na gloria to,+
Sano sikatoy ontalindeg pian panggiwgiwen to so dalin lapud takot.
20 Diad satan ya agew et alaen na totoo iray andi-kakanaan a pilak tan balitok a dirios da
A ginawa ra pian dakmomoan da,
Tan ibantak da iratan ed saray utot* tan kaging,+
21 Pian makaamot ira ed saray ungib
Tan ed saray letak na angkakabaleg a bato,
Lapud makapataktakot a kiwawala nen Jehova
Tan lapud katagyan na gloria to,
Sano sikatoy ontalindeg pian panggiwgiwen to so dalin lapud takot.
22 Parad pankaabigan yo, agkayo la manmamatalek ed too,
A mandedepende ed dagem a susungapen to.*
Wala tay nagunggona ed sikato?
3 Ekalen na tuan Katawan, si Jehova na saray armada,
So amin a klase na suporta to ed Jerusalem tan Juda,
Salanti, say tinapay tan danum,+
2 Say mabiskeg a too tan say sundalo,
Say ukom tan say propeta,+ say managparles tan say matatken,
3 Say pangulo na 50,+ say toon rerespetoen a maong, tan say mananimbawa,
Say eksperto ed panagmahiko tan say marundunong ed panagsalamangka.+
4 Saray ugugaw a lalaki so gawaen kon prinsipe ra,
Tan sakey ya agnapanmatalkan* so manguley ed sikara.
Sakitan na ugaw so masiken,
Tan angatan na sakey ya ipapasen ya abebbeba imay sakey a gagalangen.+
6 Kada sakey et egnaan toy agi to ed abung na ama to, ya ikuan to:
“Walay balabal mo—sika so nepeg a manguley ed sikami.
Sika so mangasikaso ed sayan bunton na geray.”
7 Balet diad satan ya agew et sikatoy ag-onabuloy:
“Aliwan siak so magmaliw a managtambal na sugat yo;*
Anggapoy tinapay odino kawes diad abung ko.
Agyo ak gagawaen a manuley na saray totoo.”
9 Say itsuray lupa ra so mantasi sumpad sikara,
Tan imparungtal day kasalanan da a singa ed Sodoma;+
Agda itan inyamot.
Pakaskasi la ra,* ta sikara lanlamang so lapuay kadederal da!
10 Ibaga yod saray matunong a magmaliw a maabig so kipapasen da;
11 Pakaskasi lay mauges!
Sikatoy naderal,
Ta no antoy ginawa to et ontan met so gawaen ed sikato!
12 Nipaakar ed saray totook, maruksa iray manangipabtang na kimey da,
Tan bibii so manguuley ed sikara.
Sikayo ran totook, ibabalang kayo na saray lider yo,
Tan ginawa ran makawetwet iray dalan yo.+
13 Ontalindeg si Jehova pian mangakusa;
Sikatoy onalagey pian sentensiaan to iray totoo.
14 Ukomen nen Jehova iray mamatatken tan saray prinsipe na totoo to.
“Pinoolan yo so kaubasan,
Tan walad kaabungan yo iray tinatakew yod saray mairap-bilay.+
15 Agaylay pakpel yon mamairap ed saray totook
Tan mangiguragor ed lupa na mairap-bilay diad dalin?”+ so inkuan na Soberanon Katawan a Jehova na saray armada.
16 Inkuan nen Jehova: “Lapud mapaatagey iray bibiin ananak na Sion,
A mataltalker so tenger* dan manaakar,
Mangaayat so kalilinggis da, angkekelag so kakukupbang da,
Mantaningting iray purselas na sali ra,
17 Pagmaliwen met nen Jehova ya agiri so ulo na saray bibiin ananak na Sion,
Tan iparungtal nen Jehova iray kamolingan da.+
18 Diad satan ya agew, ekalen nen Jehova so karakpan na saray purselas da,
Saray bedber na ulo tan saray kurti-bulan ya alahas,+
19 Saray ikaw,* purselas, tan saray pandong,
20 Saray sakbong na ulo, saray kadena na sali, tan saray bariber* ed pagew,
Saray kargaan na pabalingit tan saray isusulong dan anting-anting,*
21 Saray singsing ed gamet tan eleng,
22 Saray espisyal a kawes, saray ilalatop a kawes, saray balabal, tan saray pananginay kuarta,
23 Saray espiho+ tan saray kawes a linen,*
Saray turbante tan saray pandong.
24 Imbes ya angob na larak a balsamo,+ angob na abulok;
Imbes a balkes, sakey a lubir;
Imbes a pinarakep a buek, yangyangan ya ulo;+
Imbes ya ankablin kawes, sakey a kawes a gawad sakon abel;+
Tan imbes ya inkaganggana, pakabidbiran a marka.*
26 Diad saray lolooban to et walay pannangis tan ermen,+
Tan sikatoy nataynanan tan onlespak ed dalin.”+
4 Tan diad satan ya agew et bembenan na pitoran bibii so sakey a laki,+ ya ibaga ra:
“Kanen mi so dilin tinapay mi
Tan isulong mi so dilin kawes mi;
Basta abuloyan mo kamin natawag ed ngaran mo
2 Diad satan ya agew, samay pasimiten nen Jehova et magmaliw a makapadinayew tan magloria, tan say bunga na dalin et magmaliw a sengegay pampasirayew tan karakpan na saramay akaliktar a totoo na Israel.+ 3 Siopaman a nakera ed Sion tan natilak ed Jerusalem et natawag a masanto, amin iramay walad Jerusalem a nisulat pian manbilay.+
4 Sano urasan nen Jehova so karutakan na saray bibiin ananak na Sion+ tan ekalen tod Jerusalem so panamaagus na dala diad panamegley na espiritu na panangukom tan diad panamegley na espiritun mandarlang,*+ 5 manggawa met si Jehova na lurem tan asewek no agew, tan maliwliwawa tan mandarlang ya apoy no labi diad interon pasen na Palandey Sion tan diad pasen a pandaragupan ditan;+ ta walay siroman diad tagey na interon maglorian pasen. 6 Tan walay sakey ya alolong a pansiroman ed petang no agew,+ tan pansalimbengan tan proteksion no walay bagyo tan uran.+
Walay kaubasan na inad-arok diad mabunan dalin ed gilig na pukdol.
2 Kinotkotan to itan tan ineekalan to na batobato.
Tinaneman to na sankaabigan a klase na ubas,
Angipaalagey na tori ed pegley,
Tan nanggawa na panagpespesan na ubas.+
Insan inilaloan ton manbunga na maabig a klase na ubas,
Balet nambunga labat itan na balang.+
3 “Tan natan, sikayo ran manaayam ed Jerusalem tan lalaki ed Juda,
Ipangasi yo, ukom yo ak tan say kaubasan ko.+
Akin et nambunga itan na balang,
Anta inilaloan kon manbunga na maabig a klase na ubas?
5 Ibagak ed sikayo natan
No antoy gawaen ko ed kaubasan ko:
Ekalen ko so alar to,
Pian napoolan itan.+
Igebak iray padir to,
Pian nigatin-gatin itan.
7 Ta say sankaabungan na Israel so kaubasan nen Jehova na saray armada;+
Saray totoo na Juda so taneman* a panliliketan to.
Iilaloan to so inkahustisya,+
Balet walay ag-inkahustisya;
Iilaloan to so inkatunong,
Balet walay panakis lapud gonigon.”+
8 Pakaskasi la iramay paparakelen day abung da+
Tan papaawangen day uma ra+
Ya anggad anggapo lay nakera
Kanian sikara labat lay manaayam diad sayan dalin!
9 Nadngel kon insamba nen Jehova na saray armada
Ya anggaman dakel a kaabungan so angkakabaleg tan mararakep,
Magmaliw iratan a makapataktakot
Tan agla napanayaman.+
10 Ta say apatiran ektarya* na kaubasan et mamawala labat na sakey bat,*
Tan say sakey homer* a bini et mamawala labat na sakey efa.*+
11 Pakaskasi la iramay ombabangon a masakbay ed kabuasan pian oninum na de-alkohol ya iinumen,+
Ya oniinum ni ra anggad lablabi la tan anggad nabuek la ran maong!
12 Walay arpa tan nandeles ya instrumento ra,
Tamburin, plauta, tan alak ed saray ponsia ra;
Balet agda iimanoen iray gagawaen nen Jehova,
Tan agda nenengnengen so kimey to.
13 Kanian saray totook et nibantak diad arum a dalin
Lapud agda ak kabat;+
Naerasan iray kagalgalang a totoo ra,+
Tan napaet so amin a totoon kakaiba ra.
14 Kanian pinaawang na Lubok* so sarili to*
Tan insangi ton maong;+
Tan say karakpan na* syudad, pati saray maingal ya ulop na totoo tan saray manliliket ditan,
Et seguradon onlasur ed sikato.
15 Tan nipaabeba so too,
Niyabeba so too,
Tan saray mapaatagey et niyabeba.
16 Si Jehova na saray armada et nitandoro ed panamegley na panangukom* to;
Say tuan Dios, say Masanto,+ et pasantosen toy sarili to ed panamegley na inkatunong.+
17 Tan mankabkab iray kalakian a kordero a singa wala rad mismon pangipapastolan ed sikara;
Saray dayo et mangan ed saray ataynanan a pasen a datin kawalaan na saray pinataban ayep.
18 Pakaskasi la iramay igagayugoy day kasalanan da ed panamegley na saray katilaan da
A singa pangigagayugoy na ayep ed kariton diad panamegley na lubir;
19 Saramay mangibabagan: “Papelesen To komon so kimey to;
Onsabi komon itan a tampol pian nanengneng tayo.
20 Pakaskasi la iramay mangibabagan say maong et mauges tan say mauges et maong,+
Saramay pagmamaliwen dan bilunget so liwawa tan liwawa so bilunget,
Saramay ipapasen dan ampait so masamit tan masamit so ampait!
21 Pakaskasi la iramay makabat so pakanengneng dad sarili da
Tan marunong ira ed pakaamta ra!+
22 Pakaskasi la iramay maksil ya oninum na alak
Tan saramay marundunong ed panagtimpla na de-alkohol ya iinumen,+
23 Saramay mangibubulos ed mauges lapud pasuksok,+
Tan agda iikdan na hustisya imay matunong!+
24 Kanian no panon a poolan na apoy so dayami
Tan upoten na dalang iray amagan dika,
Saray mismon lamot da et nabulok,
Tan saray rosas da et nitaytayak a singa dabok,
Lapud impulisay da so ganggan* nen Jehova na saray armada
Tan agda nirespeto so salita na Masanton Dios na Israel.+
25 Kanian dinmalang so sanok nen Jehova ed saray totoo to,
Tan itagey toy lima to pian dusaen to ra.+
Nayegyeg iray kapalandeyan,
Tan saray bangkay da et magmaliw a basura ed saray karsada.+
Satan so rason no akin ya agkinmepay sanok to,
Noagta akaunat nin siansia so lima to a manusa.
26 Sikatoy angitagey na sakey a tanda* parad sakey a nasyon a walad arawi;+
Pinaswitan to ra pian ondago ra manlapud sampot na dalin;+
Tan nitan la ra a mapmaples ya onsasabi.+
27 Anggapo ed sikaray naksawan odino natutumba.
Anggapoy mantemeg tan nanaugip.
Agnauukbar so balkes ed awak da,
Tan agnapupultot iray singer na sandalyas da.
28 Mautok so amin a pana ra,
Tan apinat* so amin a bekang da.
Singa anaw-awet a bato iray kuko na saray kabayo ra,
Tan manbanesbes a singa maksil a dagem iray dalig na karwahe ra.+
Manngernger ira tan tekmelan day biktima ra
Tan ibatik da itan ya anggapoy makapangisalba.
30 Diad satan ya agew et manungol ira lapud biktima ra
A singa panungol na dayat.+
No walay onnengneng ed satan a dalin, say nanengneng to et makapaermen a bilunget;
Anggan say liwawa et binmilunget lapud saray lurem.+
6 Diad taon na impatey nen Arin Uzias,+ anengneng koy Jehova ya akayurong ed magloria tan niyatagey a trono,+ tan asakbongan na saloy na kawes to so templo. 2 Akaalagey ed liber to iray serapin; anemiray payak na kada sakey. Insakbong na kada sakey* so duaran payak to ed lupa to, tan duara so insakbong tod sali to, tan say duara et pantitikyab to.
3 Tan say sakey et oniay ibabando tod samay sakey:
“Masanto, masanto, masanto si Jehova na saray armada.+
Say interon dalin et napnoy gloria to.”
4 Tan yinmugayog iray lusek na saray puerta lapud kasil na pambabando,* tan say abung et napnoy asewek.+
5 Insan inkuan ko: “Pakaskasi ak la!
Singa ak la inatey,*
Ta aliwan malinis so panagsalitak,
Tan manaayam ak a kaiba na saray totoon aliwan malinis so panagsalita ra;+
Ta anengneng kon mismo so Ari, si Jehova na saray armada!”
6 Diad saman et tinmikyab ya amaarap ed siak so sakey ed saray serapin, tan walay awit ton mandarlang a ngalab+ a sinipit tod altar.+ 7 Indelnet to itan ed sangik tan inkuan to:
“Nidelnet la iya ed saray bibil mo.
Naandi lay lingom,
Tan aperdona lay kasalanan mo.”
8 Insan nadngel koy boses nen Jehova, a kuan to: “Siopay ibakik, tan siopay mangirepresenta ed sikami?”+ Tan inmebat ak: “Wadia ak! Ibaki mo ak!”+
9 Tan inkuan to, “La ka, tan ibagam ed sarayan totoo:
‘Narengel yon maminpigapiga,
Balet agyo natalosan;
Nanengneng yon maminpigapiga,
Balet agkayo nawalaay kakabatan.’+
10 Pagmaliw mon agmaawat so puso na sarayan totoo,+
Pagmaliw mon agmakadngel so kalayagan da,+
Tan pepetan moy kamataan da,
Pian agmakanengneng iray mata ra
Tan agmakadngel iray layag da,
Pian agmakatalos so puso ra
Tan ag-ira ompawil tan ag-ira onabig.”+
11 Lapud saya et inkuan ko: “Anggad kapigan, O Jehova?” Insan inkuan to:
“Anggad nageba la iray syudad tan anggapo lay manayam ed saratan
Tan anggapo lay too ed kaabungan
Tan say dalin et aderal la tan agla napanayaman;+
12 Anggad ibantak nen Jehova ed arawi iray totoo+
Tan nataynanan so baleg a kabiangan na dalin.
13 “Balet walay natilak ditan a kakaplo, insan napoolan lamet itan, a singa baleg a kiew tan kiew a roble,* a sano batangen et walay natilak a sengeg; sakey a masanton bini* so magmaliw a sengeg to.”
7 Diad saray agew na ari na Juda a si Ahaz+ ya anak nen Jotam ya anak nen Uzias, linman akiguerra ed Jerusalem si Arin Rezin na Sirya tan si Peka+ ya anak nen Remalias ya ari na Israel, balet agto* itan asakop.+ 2 Oniay nibalita ed sankaabungan nen David: “Say Sirya et akikasakey ed puersa na Efraim.”
Tan ginmiwgiw ed takot so puso nen Ahaz tan puso na saray totoo, a singa saray bulong na kiew ya isisiplog na dagem.
3 Diad saman et inkuan nen Jehova ed si Isaias: “La ka, minengnengan kad si Ahaz, ipangasim, sika tan say anak mon si Sear-jasub,*+ diad sampot na banawang* na bandad tagey a tiponay danum,+ diad abay na karsadan mamaarap ed uma na managpesak. 4 Ibagam ed sikato, ‘Mansiansia ka labat a kalmado. Agka natatakot, tan agmo aabuloyan ya ontalaw so pusom ed sarayan dua ya aliling day manasewek iran nguro na kiew, lapud petang na sanok nen Rezin tan say Sirya tan say anak nen Remalias.+ 5 Ta mauges so getma ed sika na Sirya tan Efraim tan say anak nen Remalias, ya inkuan da: 6 “Onla itayon milaban ed Juda, tan buyaken* tan sakopen tayo itan,* tan turoen tayo so anak nen Tabeel pian magmaliw ya ari ditan.”+
7 “‘Oniay inkuan na Soberanon Katawan a Jehova:
“Ag-itan ontalona,
Tan ag-itan nagawa.
8 Ta say ulo na Sirya et Damasco,
Tan say ulo na Damasco et si Rezin.
Diad loob labat na 65 taon,
Sigpot a nabuybuyak so Efraim tan naandi bilang sakey a nasyon.+
No anggapoy malet a pananisia yo,
Agkayo magmaliw a maligen.”’”
10 Oniay imbaga ni nen Jehova ed si Ahaz: 11 “Kerew kad si Jehova a Dios mo na sakey a tanda;+ nayarin singa itan kaaralem na Lubok* odino singa kaatagey na tawen.” 12 Balet inkuan nen Ahaz: “Agak onkerew, tan agko suboken si Jehova.”
13 Insan inkuan nen Isaias: “Ipangasim, dengel ka, O sankaabungan nen David. Kasin kulang nid sikayo so panusubok yod anos na totoo? Kasin suboken yo met so anos na Dios?+ 14 Kanian ikdan kayo nen Jehova na sakey a tanda: Manlukon so kalangweran a bii,* tan mangiyanak na sakey a laki,+ tan sikatoy ingaran ton Emmanuel.*+ 15 Mantikilya tan dilo so kanen to diad panaon ya amta to lan ipulisay so mauges tan pilien so maong. 16 Ta antis a naamtaan na ugaw ya ipulisay so mauges tan pilien so maong, say dalin na samay duaran ari a tatakotan mo et sigpot a nataynanan.+ 17 Iyakar nen Jehova ed sika tan ed totoom tan ed sankaabungan na amam so mairap a panaon ya agnin balot agawa nanlapu lad agew ya insian na Efraim ed Juda,+ ta ibaki To so ari na Asirya.+
18 “Diad satan ya agew et paswitan nen Jehova iray apangat manlapud saray arawin aagusan na danum ed Nilo diad Ehipto tan saray bayaong* ed dalin na Asirya, 19 tan onsabi ran amin tan manayam irad saray aralem a lawak,* diad saray letak na angkakabaleg a bato, diad saray masabit a kiew, tan diad amin a pasen a walay danum.
20 “Diad satan ya agew, usaren nen Jehova so sakey ya inupaan a managkiskis na buek manlapud rehyon na Ilog,* say ari na Asirya,+ pian kiskisan to so ulo tan bago na sali, tan ekalen to pati say balbas.
21 “Diad satan ya agew, say sakey a too et pansiansiaen ton mabilay so sakey a malangwer a baka tan duaran karnero. 22 Tan lapud karakel na gatas, sikatoy mangan na mantikilya, ta mantikilya tan dilo so kanen na amin ya atilak diad dalin.
23 “Diad satan ya agew, saray masabit a kiew tan dikarika so naromog labat ed saramay pasen a datin kawalaan na 1,000 kaubasan a manbili na 1,000 piraso na pilak. 24 Onla ditan iray lalakin akaawit na pana, lapud say interon dalin et napano na saray masabit a kiew tan dikarika. 25 Tan agka la onasingger ed kapalandeyan a datin napapalinan lapud takot mod saray masabit a kiew tan dikarika; tan magmaliw iratan a panagpastolan na saray baka tan saray karnero.”
8 Oniay imbaga nen Jehova ed siak: “Mangala kay baleg a tablan panagsulatan+ tan diad panamegley na ordinaryon panagsulat* et isulat mo ed satan so ‘Maher-salal-has-baz.’* 2 Tan kerewen kod sika a paletan mo itan ed sulat diad panamegley* na matoor iran tasi, si Urias+ a saserdote tan si Zacarias ya anak nen Jeberekias.”
3 Insan inakdolan* koy propetesa,* tan sikatoy nanlukon tan sinmabi panaon et inyanak toy sakey a laki.+ Diad saman et inkuan nen Jehova ed siak: “Sikatoy ingaran moy Maher-salal-has-baz, 4 ta antis a naaralan na ugaw so mangibagay, ‘Ama!’ tan ‘Ina!’ saray kayamanan na Damasco tan saray asamsam ed Samaria et awiten na totoo diad ari na Asirya.”+
5 Oniay inkuan ni nen Jehova ed siak:
6 “Lapud ag-inawat na sarayan totoo so danum na Siloa* a mareen ya onaagus,+
Tan manliliket ira lapud si Rezin tan say anak nen Remalias,+
7 Kanian iyakar nen Jehova ed sikara
So angkakabaleg tan dakerakel a danum na Ilog,*
Say ari na Asirya+ tan say amin a gloria to.
Panoen to iray kulos to
Tan onleppua ed saray tambib to
8 Tan onagus ya anggad Juda.
Delapen tan dalanan to itan, ya anggad beklew so nasabi to;+
Sakbongan na akabuskag iran payak to so interon dalin mo,
9 Pasakitan yo ra, sikayo ran totoo, balet nabuybuyak kayo.
Dengel kayo, amin yon walad ararawin pasen na dalin!
Manparaan kayon milaban,* balet nabuybuyak kayo!+
Manparaan kayon milaban, balet nabuybuyak kayo!
10 Manplano kayo, balet naderal itan!
11 Oniay inkuan nen Jehova ed siak legan a walad siak so mabiskeg a pakayari to, pian pasakbayan to ak ya ag-ontumbok ed saray kagagawa na sarayan totoo:
12 “Agyo ipapasen a pankokomplot imay ipapasen na sarayan totoo a pankokomplot!
Agyo tatakotan imay tatakotan da;
Agkayo onggigiwgiw lapud satan.
13 Si Jehova na saray armada—sikato so nepeg yon ipasen a masanto,+
Sikato so nepeg yon takotan,
Tan sikato so nepeg a sengegay panggiwgiw yo.”+
14 Sikatoy magmaliw a singa santuaryo,
Balet singa baton onkena
Tan singa baleg a baton mangitumba+
Ed duaran sankaabungan na Israel,
Singa kalot tan patit
Ed saray manaayam ed Jerusalem.
15 Dakel ed sikara so napatir tan natumba tan napiley;
Napatitan tan naerel ira.
17 Itultuloy koy manilalo* ed si Jehova,+ anggaman agto iyarap so lupa to ed sankaabungan nen Jacob,+ tan manilalo ak ed sikato.
18 Siak tan saray anak ya inter nen Jehova ed siak+ so onkanan tanda+ tan milagro ed Israel a manlapud si Jehova na saray armada, a sikatoy manaayam ed Palandey Sion.
19 Tan sano ibaga rad sikayo: “Mantepet tayod saray espiritista odino ed saray managparles a maneesaes tan manmimitimiti,” agta nepeg a mantepet iray totoo ed Dios da? Kasin saray inaatey so nepeg dan tepetan parad saray mabilay?+ 20 Say ganggan tan say nisulat a kaletan* so nepeg dan iyaplika!
No aliwan unong ed saya so ibabaga ra, anggapoy liwawa* ed sikara.+ 21 Tan balang sakey et maniirap tan narasan ya ondalan ed satan a dalin;+ tan lapud sikatoy narasan tan nasasanokan, isamba toy ari to tan say Dios to sano sikatoy ontangay ed tawen. 22 Insan sikatoy onnengneng ed dalin balet say nanengneng to et puro gonigon tan kabilungetan, inkawetwet tan kairapan, tan kaermenan tan bilunget.
9 Balet say kabilungetan et aliwan singa nensaman sanen leleglemewen da so dalin na Zebulon tan dalin na Neftali, sanen walay gonigon ed satan a dalin.+ Diad arapen et gawaen To itan a galgalangen—say dalan ed gilig na dayat, diad rehyon na Jordan, say Galilea na saray nasyon.
2 Saray totoo a manaakar ed kabilungetan
Et akanengneng na baleg a liwawa.
Saramay manaayam ed dalin a walay makapal a bilunget,
Sinminag ed sikara so liwawa.+
3 Ginawam a matoo so nasyon;
Ginawam a baleg so panliliket ditan.
Manliliket ira ed arapan mo
A singa panliliket na totoo ed panaon na panag-ani,
A singa saramay manliliket sano panaapagan day samsam.
4 Ta binuybuyak mo so pako ya aawiten da,
Say lewet a walad saray takeb da, say baston na manangipabtang na kimey,
A singa diad agew na Midian.+
5 Amin a buta a manmayegmeg ed dalin sano manmartsa
Tan amin a kawes ya aleteb na dala
Et isunglor ed apoy.
Sikatoy tawagen a Makapakelaw a Mananimbawa,+ Makapanyarin Dios,+ Andi-anggaan ya Ama, Prinsipe na Kareenan.
7 Say ilaknab na pananguley to*
Tan say kareenan et agmangangga,+
Diad trono nen David+ tan diad panarian to
Pian malet a niletneg+ tan mansiansia itan
Lapud inkahustisya+ tan inkatunong,+
Manlapud natan ya anggad angga.
Nagawa iya lapud inkaseseg nen Jehova na saray armada.
8 Walay salitan impasabi nen Jehova pian pasakbayan so Jacob,
Tan sinmabi itan ed Israel.+
9 Tan nakabatan itan na amin a totoo,
—Say Efraim tan saray manaayam ed Samaria—
A lapud inkamapaatagey da tan lapud inkaawet na puso ra et ibabaga ran:
Abatang la iray kiew a sikomoro,
Balet salatan mi iratan na kiew a sedro.”
11 Pabiskegen nen Jehova iray kalaban nen Rezin,
Tan pakiwasen to iray mamubusol ed Israel,
12 Say Sirya manlapud bukig tan saray Filisteo manlapud sagur,*+
Akmonen day Israel.+
Satan so rason no akin ya agkinmepay sanok to,
Noagta akaunat nin siansia so lima to a manusa.+
14 Ekalen nen Jehova ed Israel
So ulo tan ikol, saray simit tan saray ataragey a dikarika* ed loob na sanagew.+
15 Say ulo et say matatken tan gagalangen a too,
Tan say ikol et say propeta a mangiiter na palson bilin.+
16 Saramay mangidadaulo ed saray totoo so mangibabalang ed sikara,
Tan nawewetwet iramay idadaulo da.
17 Kanian agpanliketan nen Jehova iray kalangweran a lalaki a kaiba ra,
Tan agto kasian iray ugugaw ya ulilad ama* tan saray abalon bibii a kaiba ra
Lapud amin da et apostata tan manggagaway mauges+
Tan anggapoy kakanaan na ibabaga ra.
Satan so rason no akin ya agkinmepay sanok to,
Noagta akaunat nin siansia so lima to a manusa.+
18 Ta say inkauges et dinmalang a singa apoy,
A manguupot ed saray masabit a kiew tan dikarika.
Poolan na satan iray kiew ed katakelan,
Tan ontagey iratan a singa makapal ya asewek.
Anggapoy mangasi ed anggan agi to.
20 Tegtegen na sakey so walad kawanan
Balet siansia nin naerasan;
Tan kanen da so walad kawigi
Balet ag-ira napesel.
Kanen na kada sakey ed sikara so laman na dilin taklay to,
21 Say Manases et kanen toy Efraim,
Tan say Efraim et kanen toy Manases.
Sarayan dua et onsumpa ed Juda.+
Satan so rason no akin ya agkinmepay sanok to,
Noagta akaunat nin siansia so lima to a manusa.+
10 Pakaskasi la iramay manggagaway makapasakit iran totontonen,+
Ya ag-ontutundan manggagawa na saray ganggan a sengegay paniirap na totoo,
2 Pian agda iter so legal a kanepegan na saray mairap-bilay,
Pian isiblet da so inkahustisya ed saray pakaskasin totook,+
A sasamsamen da iray kaykayarian na saray abalon bibii
4 Anggapo lay nagawaan noag say onkebkeb a kaiba na saray priso
Odino ompatey a kaiba na saramay pinatey.
Satan so rason no akin ya agkinmepay sanok to,
Noagta akaunat nin siansia so lima to a manusa.+
Say lewet a mangipatnag na sanok ko+
Tan say baston a sankabembenan da parad panangukom ko!
6 Sikatoy ibakik ya onsumpad apostatan nasyon,+
Ed saray totoon amasanok ed siak;
Sikatoy iganggan kon manamsam tan mangala na dakel
Tan mangigatin-gatin ed sikara a singa pitek ed saray karsada.+
7 Balet aliwan ontan so gagala to
Tan aliwan ontan so getma na puso to;
Ta walad puso to so paneral,
Pian upoten toy dakel a nasyon, aliwan dagdaiset.
9 Agta say Calno+ et singa met Carkemis?+
Agta say Hamat+ et singa met Arpad?+
Agta say Samaria+ et singa met Damasco?+
10 Sinamsam ko iray panarian a mandadayew ed andi-kakanaan a dirios,
A mas dakel ni imahen da nen say diad Jerusalem tan Samaria!+
11 Agta gawaen ko met ed Jerusalem tan ed saray idolo to
So singa ginawak ed Samaria tan ed saray andi-kakanaan a dirios to?’+
12 “Sano asumpal la nen Jehova so amin a kimey to ed Palandey Sion tan ed Jerusalem, dusaen To* so ari na Asirya lapud inkaawet na puso to tan lapud malastog tan mapaatagey a kanenengneng to.+ 13 Ta inkuan to,
‘Gawaen ko iya diad biskeg na limak
Tan diad karunongan ko, ta marunong ak.
Ekalen ko iray ketegan na saray totoo+
Tan samsamen ko iray kayamanan da,+
Tan singa makapanyarin manuley et patuloken ko iray manaayam ditan.+
14 Singa sakey a toon gawaten toy sakey ya ubong,
Samsamen ko iray kaykayarian na totoo;
Tan singa sakey a mangala na saray iknol ya ataynanan,
Alaen ko so amin a walad dalin!
Anggapoy anggan sakey a mangikulipaspas ed saray payak to odino mangilukas na sangi to odino man-uni.’”
15 Kasin ipasirayew na wasay a sikatoy mas maong ni nen samay mangiwawasay ed sikato?
Kasin ipasirayew na lagari a sikatoy mas maong ni nen samay mangilalagari ed sikato?
Kasin niwasiwas na baston+ imay mangaawit ed sikato?
Odino kasin niyatagey na lewet imay mamebemben ed sikato?
16 Kanian say tuan Katawan a Jehova na saray armada,
Et paebengen ton maong iray matataban totoo ed Asirya,+
Tan naandi lay gloria na Asirya a singa inupot na apoy.+
17 Say Liwawa na Israel+ et magmaliw ya apoy,+
Tan say Masanton Dios to et magmaliw a dalang;
Onliob itan tan upoten na satan iray dikarika tan masabit a kiew na Asirya diad loob na sakey agew.
18 Deralen Ton sigpot* so gloria na katakelan to tan say taneman toy manbubungan kiew;
Magmaliw itan a singa toon onkakapuy lapud sakit.+
19 Saray arum nin kiew ed katakelan to
Et magmaliw a dagdaiset kanian sankabilang iratan na sakey ya ugaw.
20 Diad satan ya agew, saramay akera ed Israel
Tan saramay akaliktar ed sankaabungan nen Jacob
Et aglan balot mandepende ed samay linmusob ed sikara;+
Noagta sikaray matoor a mandepende ed si Jehova,
Say Masanton Dios na Israel.
22 Ta anggano say totoom, O Israel,
Et singa saray buer ed dayat,
Pigpigara labat ya akera ed sikara so ompawil.+
23 On, say kadederal ya inggeter la na Soberanon Katawan a Jehova na saray armada
Et nagawa ed interon nasyon.+
24 Kanian oniay inkuan na Soberanon Katawan a Jehova na saray armada: “Sikayo ran totook a manaayam ed Sion, agkayo ontatakot ed sayan Asiryano, ya amasakit ed sikayo ed panamegley na lewet+ tan angitagey na baston to ed sikayo a singa ginawa na Ehipto.+ 25 Ta maganggano lan manampot so panangukom ko; lapud sanok ko et naderal ira.+ 26 Iwasiwas nen Jehova na saray armada so sakey a siplat ed sikato,+ a singa nen tinalo toy Midian diad baleg a bato ya Oreb.+ Tan say baston to et magmaliw a walad tapew na dayat, tan itagey to itan a singa ginawa tod Ehipto.+
27 Diad satan ya agew et naekal ed takeb mo so ipapasakbat to,+
Tan naekal ed tenger mo so pako to,+
Tan naputer so pako+ lapud larak.”
29 Binmaliw irad atapew a danum;
Nansanlabi rad Geba;+
30 Akis ka tan iyurangal mo, O anak a bii na Galim!
Dengel ka, O Laisa!
O sikan pakaskasin Anatot!+
31 Binmatik lay Madmena.
Sinmirom la ray manaayam ed Gebim.
32 Diad sayan mismon agew et sikatoy ontunda ed Nob.+
Ayagan toy poniti so palandey na syudad na Sion,
Say pukdol na Jerusalem.
33 Say tuan Katawan a Jehova na saray armada,
Et sigbaten to iray sanga tan napalagapag iratan;+
Nabatang iray sankatageyan a kiew,
Tan niyabeba iray ataragey.
34 Batangen to iray kiew ed katakelan diad panamegley na sakey a balatyang a kagawaan,*
Tan natumba iray kiew ed Lebanon diad panamegley na sakey a makapanyari.
11 Walay ontubon sanga+ manlapud sengeg nen Jesse;+
Tan manbunga so sakey a simit+ a tinmubo ed saray lamot to.
2 Tan sikatoy napano na espiritu nen Jehova,+
Say espiritu na karunongan+ tan pakatalos,
Say espiritu na pananimbawa tan inkabiskeg,+
Say espiritu na pikakabat tan say takot ed si Jehova.
3 Tan panliketan to so ontakot ed si Jehova.+
Agto mangukom a base labat ed nanengneng to,
Odino mangipetek a base labat ed narengelan to.+
4 Patas* so pangukom to ed saray pobri,
Tan sikatoy mangipetek parad pakagunggonaan na saray mauyamo ed dalin.
Sakitan to so dalin ed panamegley na lewet a manlapud sangi to+
Tan pateyen to so mauges ed panamegley na linawa* na sangi to.+
5 Say inkatunong so magmaliw a balkes ed awak to,
Tan say katooran so magmaliw a balkes ed balangbang to.+
6 Manulop so lobo tan say kordero,+
Tan saniban ondukol so leopardo tan say kanding,
Tan maniiba lay kilaw a baka tan say leon* tan say pinataban ayep;*+
Tan sakey a melag ya ugaw so mangidaulo ed sikara.
7 Maniban mangan so baka tan say oso,
Maniiban ondukol iray kilaw da.
Say leon et mangan lay dayami a singa say baka.+
8 Say mansususo nin ugaw et manggalaw ed kawalaay abot na kobra,
Tan say apakson ugaw et iyan toy lima to ed abot na maditan uleg.
9 Anggapo lay gawaen dan makapasakit+
Odino makaderal ed interon masanton palandey ko,+
Lapud say dalin et napano na kakabatan ed si Jehova
A singa saray danum a mamapano ed dayat.+
10 Diad satan ya agew et onalagey so lamot nen Jesse+ bilang tanda* parad saray totoo.+
Sikato so asinggeran na saray nasyon parad panangigiya,*+
Tan magmaliw a magloria so pasen a panaayaman to.
11 Diad satan ya agew et iyawat lamet nen Jehova so lima to, ed komaduan pankanawnawa, pian alaen to so akera ed saray totoo to diad Asirya,+ Ehipto,+ Patros,+ Cus,*+ Elam,+ Sinar,* Hamat, tan saray isla na dayat.+ 12 Itagey to so sakey a tanda* parad saray nasyon tan tiponen to iray nitaytayak a totoo na Israel,+ tan tiponen to iray nitaytayak a totoo na Juda manlapud apatiran suyok na dalin.+
Agla pangimonan na Efraim so Juda,
Tan agmet la busolen na Juda so Efraim.+
14 Tan onataki ra ed saray gilig na palandey* na saray Filisteo ed sagur;
Saniba iran manamsam ed saray totoo ed Bukig.
Diad mandarlang a linawa* to et pekpeken to itan diad pitoran kulos na satan,*
Tan panakaren to ditan iray totoo.
16 Tan niwala so sakey a maawang a dalan+ a papaway ed Asirya parad saray akeran totoo to,+
A singa met samay dinalan na Israel sanen pinmaway ira ed Ehipto.
12 Diad satan ya agew et seguradon ikuan mo:
“Misalamat ak ed sika, O Jehova,
Ta anggaman sinmanok ka ed siak,
Kinmepa lay sanok mo, tan niligliwa mo ak.+
2 Say Dios so manangiliktar ko.+
Manmatalek ak tan agak ontakot;+
Ta si Jah* Jehova so kasil ko tan biskeg ko,
Tan sikato so nagmaliw a manangiliktar ko.”+
4 Diad satan ya agew et ikuan yo:
“Misalamat kayod si Jehova, tawag kayod ngaran to,
Ipakabat yod totoo iray gagawaen to!+
Iyabawag yo a say ngaran to et nitandoro.+
5 Kansionan yoy panangidayew* si Jehova,+ ta sikatoy nanggawa na saray makapadinayew a bengatla.+
Ipaamta yo iya ed interon dalin.
6 Ikasil moy boses mo tan eyag kad liket, O sikan manaayam* ed Sion,
Ta agaylan makapadinayew so Masanton Dios na Israel a walad pegley mo.”
13 Say mensahe sumpad Babilonia+ ya anengneng nen Isaias+ ya anak nen Amoz ed sakey a pasingawey:
2 “Mangitagey kayoy sakey a tanda*+ diad palandey ya anggapoy kakiewan.
Tawag yo ra, kaweyan yo ra,
Pian onloob ira ed saray puerta na saray gagalangen a totoo.
3 Angiter ak na ganggan ed saramay pinilik.*+
Tinawag ko iray sundalok pian ipatnag day sanok ko,
Tan mapangta iran manliliket.
4 Dengel yo! Walay grupo na totoo diad kapalandeyan;
Singa ungol na dakerakel a totoo!
Dengel yo! Say ungol na saray panarian,
Saray nantitipon a nasyon!+
Si Jehova na saray armada so mangipaparaan ed sayan armada a miguerra.+
5 Onsabi ra manlapud arawin dalin,+
Manlapud sampot na katawenan,
Si Jehova tan saray armas ya usaren tod sanok to,
Pian deralen day interon dalin.+
6 Manugaog kayo, ta say agew nen Jehova et asingger la!
Onsabi itan bilang kadederal a manlapud Makapanyarin-amin.+
Manpairap ira tan nalikna ray sakit,
A singa sakey a biin manaanak.
Mannenengnengan ira lapud takot,
Manpabalanga iray kalupaan da lapud ermen.
9 Onsabi so agew nen Jehova,
Makapagonigon itan lapud pasnok tan mandarlang a sanok to,
Pian gawaen ton makapataktakot so kipapasen na dalin,+
Tan upoten to iray makasalanan ditan.
10 Ta saray bitewen ed katawenan tan saray konstelasyon a wadtan*+
Et agmangisindag na liwawa;
Say agew et ombilunget sano ombutay,
Tan say bulan et agmangisinag na liwawa.
11 Mikuentaan ak ed saray manaayam ed dalin lapud kaugsan a ginawa ra,+
Tan saray mauges lapud kasalanan da.
Patundaen ko so pampapasirayew na saray mapaatagey,
Tan iyabebak so panlalastog na saray maruksan manuley.+
12 Pagmaliwen kon mas matalag nen say puron balitok so too,+
Tan pagmaliwen kon mas matalag nen say balitok na Ofir iray totoo.+
13 Kanian yakayaken ko so tawen,
Tan nayegyeg so dalin ed kawalaan to+
Lapud pasnok nen Jehova na saray armada diad agew na mandarlang a sanok to.
14 Singa ulsa ya eerelen tan singa pulok ya anggapoy manipon ed sikara,
Kada sakey et ompawil ed dilin kabaleyan to;
Kada sakey et ombatik ed dilin dalin to.+
15 Siopaman a naromog et naduyok,
Tan siopaman a naerel et ompatey ed espada.+
16 Saray anak da et natemek ed arapan da,+
Nasamsam iray karga na kaabungan da,
Tan saray kaasawaan da et puersaan ya akdolan.
17 Pakiwasen ko ya onsumpad sikara iray Medo,+
Saray totoon ipapasen dan andi-kakanaan so pilak
Tan ag-ira naliliketan ed balitok.
18 Buybuyaken na saray pana ra iray kalangweran a lalaki;+
Agda abageyen so bunga na eges,
Agda kasian iray ugugaw.
19 Tan say Babilonia, say sankagloriaan* ed saray panarian,+
Say karakpan tan ipapasirayew na saray Caldeo,+
Et magmaliw a singa Sodoma tan Gomorra sanen dineral iratan na Dios.+
Anggapoy Arabo a manpaalagey na tolda to ditan,
Tan anggapo lay mangipastol na pulok to ditan.
21 Manayam ditan iray ayep ed desierto;
Napano na kulayot iray kaabungan da.
22 Mantagloong iray ayep diad saray tori to,
Tan manayam iray ason jakal ed saray mararakep a palasyo to.
Magano lan onsabi so panaon to, tan agla manbayag iray agew to.”+
14 Ta kasian nen Jehova so Jacob,+ tan pilien to lamet so Israel.+ Panayamen to ra ed dalin da,+ tan mila ed sikara iray dayo tan miulop ira ed sankaabungan nen Jacob.+ 2 Tan awiten ira na saray totoo tan iyakar da ra ed dilin pasen da, tan kayarianen ira na sankaabungan na Israel bilang lingkor a lalaki tan bibii+ diad dalin nen Jehova; tan aripenen da iramay angaripen ed sikara, tan uleyan da iramay datin mamapairap ed sikara a mantrabaho.*
3 Diad satan ya agew sano iter nen Jehova ed sikayo so pakainawaan ed panotot tan ermen tan irap lapud impangaripen dad sikayo,+ 4 ibalikas yo iyan proverbio* ed ari na Babilonia:
“Inatey la imay mamapairap ed arum a mantrabaho!*
Angangga la so panamairap!+
5 Pinuter la nen Jehova so lewet na saray mauges,
Say baston na saray manuley,+
6 Samay manngilet tan ag-ontutundan mamepekpek ed saray totoo,+
Samay masanok a manasakop tan ag-ontutundan mamapairap ed saray nasyon.+
7 Akainawa la so interon dalin, anggapo lay gulo ditan.
Maneyag ed liket iray totoo.+
8 Anggan saray kiew ya enebro et manliket met lapud sika,
Pati saray kiew a sedro ed Lebanon.
Ibabaga ra, ‘Manlapu lad inkaplag mo,
Anggapo lay oonla ed sikami a managbatang na kiew.’
Lapud sika, binangon to iramay naugip ed patey,
Amin a maruksan lider* ed dalin.
Pinaalagey to iray arari na nasyon manlapud trono ra.
10 Amin da et mansalita tan ikuan dad sika,
‘Kasin kinmapuy ka met la a singa sikami?
Kasin nagmaliw ka lan kaparpara mi?
Saray bigis et akabilkag a singa dukolan mo,
Tan akakubot iratan ed sika.’
12 Naplag ka manlapud tawen,
O sika a maliwawan bitewen, anak na palbangon!
Apaktak ka lad dalin,
Sika ya anaeg ed saray nasyon!+
13 Inkuan mod pusom, ‘Onsegep ak ed tawen.+
Iyan koy tronok ed tagey na saray bitewen na Dios,+
Tan onyurong ak ed palandey a pantitiponan,
Diad sankaarawian iran pasen ed amianen.+
14 Labsanan ko iray sankatageyan a lurem;
Gawaen koy sarilik a mipara ed Sankatagyan.’
16 Saramay makakanengneng ed sika et linggisen da ka;
Usisaen da kan maong, ya ikuan da,
‘Agta saya imay toon manyayakayak ed dalin,
A yeyegyegen to iray panarian,+
17 A ginawa ton kalawakan so panaayaman a dalin
Tan dinederal to iray syudad ditan,+
Ya agto labay ya ibulos iray priso to?’+
18 Saray arum ya arari na saray nasyon,
On, amin da et mapagalang a niponpon,
Kada sakey ed dilin lubok* to.
19 Balet nibantak ka ya anggapoy pangiponponan ed sika,
Singa sakey ya aglabalabay a simit,*
Ya atabonan na saray bangkay na totoon dinuduyok na espada,
A saraya et ipelag ed mabaton abot,
Singa inatey ya ayep a ginatin-gatinan.
Aglan balot nasalambit so ngaran na saray ilalak na saray managgaway mauges.
21 Mangiparaan kayoy pasen a pamateyan ed ananak to
Lapud kasalanan na inmuunan atateng da,
Pian ag-ira onataki tan sakopen da so dalin
Tan panoen da na saray syudad da iyan dalin.”
22 “Onsumpa ak ed sikara,”+ so imbaga nen Jehova na saray armada.
“Tan paandien kod Babilonia so ngaran tan saray akera tan ilalak tan poli,”+ so imbaga nen Jehova.
23 “Tan sikatoy gawaen kon kayarian na porcupino* tan maranum a pasen, tan sikatoy panisen ko na kadederal,”+ so imbaga nen Jehova na saray armada.
24 Oniay insamba nen Jehova na saray armada:
“No antoy gagalak et seguradon nagawa,
Tan no antoy ginetmak et ontua.
Naekal so pako to ed saray totook,
Tan naekal ed takeb da so ipapasakbat to.”+
Akaunat la so lima to,
Kanian siopay makasarag a mangipaliis ed satan?+
28 Diad samay taon ya inatey si Arin Ahaz,+ oniay inyabawag a mensahe:
29 “Agka manliliket, Filistia, anggan siopa ed sikayo,
Anggano aputer la so baston na samay mamapasakit ed sikayo.
Ta diad lamot na say serpiente+ et ompaway so sakey a maditan uleg,+
Tan say ilalak to et singa apoy ya uleg ya ontitikyab.*
30 Legan a mamangan iray panguloan na saray pakaskasi
Tan maligen ya ondudukol iray pobri,
Pateyen kod eras so lamot mo,
Tan napatey iramay natilak ed sika.+
31 Manugaog ka, O puerta! Akis ka, O syudad!
Onkapuy so linawa yon amin, O Filistia!
Lapud walay ompaway ya asewek manlapud amianen,
Tan anggapoy matantan ed saray akalinyan sundalo to.”
32 Panoy iyebat da ed saray mensahero na nasyon?
Ta si Jehova so angiletneg ed pundasyon na Sion,+
Tan ditan so pasen a salimbengan na saray napapairap a totoo to.
Lapud aderal so Ar+ na Moab ed loob labat na sakey labi,
Anggapo lan balot so narengel ditan.
Lapud aderal so Kir+ na Moab ed loob labat na sakey labi,
Anggapo lan balot so narengel ditan.
Nanugaog so Moab lapud Nebo+ tan Medeba.+
Kinalbo so amin a kauloan,+ akatli so amin a balbas.+
3 Akasulong ira na sakon abel diad saray karsada.
Manugaog iran amin diad saray atep da tan diad saray plaza ra;
Onakis ira diad iyepas da.+
Kanian oneeyag iray sundalo na Moab.
Sikatoy* ginmiwgiw.
5 Mansibsibek so pusok lapud Moab.
Binmabatik iray takas ditan tan akasabi ra anggad Zoar+ tan Eglat-selisiya.*+
Manak-akis iran ontatatdang ed Luhit;
Sanen paarap irad Horonaim, inmakis iran maksil lapud kadederal.+
6 Ta nakatan iray danum na Nimrim;
Amagaan so birdin karikaan,
Naandi iray dika tan anggapo lay nanengneng a birdi.
7 Kanian awi-awit da iray akera ed saray tinipon da tan kayamanan da;
Babaliwen da so lawak* a kawalaan na saray kiew ya alamo.
8 Ta say pannangis et sankarengel ed interon teritorya na Moab.+
Say panugaog et sinmabi anggad Eglaim;
Say panugaog et sinmabi anggad Beer-elim.
9 Ta apano na dala iray danum na Dimon,
Tan wala ni kaaruman ya iyakar ko parad Dimon:
Sakey a leon parad saramay tinmakas manlapud Moab
Tan parad saramay akera ed dalin to.+
16 Mangipawit kayoy sakey a kalakian a karnero ed samay manuuley ed dalin,
Manlapud Sela ya ondalan ed kalawakan
A paarap ed palandey na anak a bii na Sion.
2 Singa manok ya asibwak ed ubong to,+
Ontan so magmaliw a kipapasen na saray bibiin ananak na Moab diad saray atapew a kulos na Arnon.+
3 “Mangiter kayoy simbawa, sumpal yo so adesisyonan.
Gawa yon singa kabilunget na labi so anino yo ed kagkaagwan.
Iyamot yo iray nitaytayak tan agyo idadalem iramay ontatakas.
4 O Moab, manayam komon ed sika iray nitaytayak a totook.
Magmaliw ka komon ya amotan da lapud samay managderal.+
Ta mangangga la imay managpairap,
Manampot la so panagderal,
Tan naandi la ed dalin iramay mangigagatin ed arum.
5 Diad saman et niletneg a malet so sakey a trono diad panamegley na matoor a panangaro.
Samay onyurong ed satan diad tolda nen David et matoor;+
Maptek so pangukom to tan manggawan tampol na inkatunong.”+
6 Nadngelan mi so panagpasirayew na Moab—sikatoy mapangpangta+—
Say panagpaatagey to tan say panagpasirayew to tan say sanok to;+
Balet anggapoy pansumpalan na saray andi-kakanaan a salita to.
Saramay apasakitan et manugaog lapud saray bibingkan pasas ed Kir-hareset.+
8 Lapud amagaan iray uma ed Hesbon,+
Say sengeg na ubas na Sibma,+
Ginatinan na saray manuuley ed saray nasyon iray ambalbalangan sanga to;*
Asabi ra anggad Jazer;+
Tinmuloy ni rad kalawakan.
Kinmayat iray simit to tan akasabi ya anggad dayat.
9 Kanian akisan ko so sengeg na ubas na Sibma a singa panaakis ko ed Jazer.
Leneren ta kayo ed saray luak, O Hesbon tan Eleale,+
Ta anampot lay paneyag ed panagburbor yoy prutas ed panaoy tiagew.*
10 Naandi lay panliliket tan gayaga diad tanemay manbubungan kiew,
Tan anggapo lay maliket a pangansion odino paneyag diad saray kaubasan.+
Anggapo lay alak a naala na managgatin diad panagpespesan na ubas,
Ta pinatundak lay paneyag.+
11 Kanian manggiwgiw so pusok lapud Moab,+
Singa panbanengbeng na arpa,
Tan say daledalem na inkatook lapud Kir-hareset.+
12 Anggano kesawen ni na Moab so sarili to diad atagey a pasen tan onlan manpikasi diad santuaryo to, anggapon balot so nagawaan to.+
13 Saya so imbaga nensaman nen Jehova nipaakar ed Moab. 14 Tan natan et oniay inkuan nen Jehova: “Diad loob na taloy taon, singa saray taon na uupaan a trabahador,* say gloria na Moab et magmaliw a kabandayan a napno na nanduruman klase na gulo, tan saramay natilak et dagdaiset tan andiay pakayari.”+
17 Say mensahe sumpad Damasco:+
“Say Damasco et magmaliw ya aliwa lan syudad,
Tan magmaliw itan a bunton na geray.+
2 Nataynanan iray syudad na Aroer;+
Magmaliw iratan a pasen a pandukolan na saray pulok
Tan anggapoy manaktakot ed sikara.
3 Naandi iray apadiran a syudad na Efraim,+
Tan say panarian na Damasco;+
Tan saramay atilak ed Sirya
Et magmaliw a singa say gloria na saray Israelita,”* so imbaga nen Jehova na saray armada.
5 Magmaliw itan a singa uma a titiponen na manag-ani so gagapasen to
Tan aalaen to iray dawa na trigo,
6 Pigpigara labat a bunga so natilak,
A singa ed panagpaspas na kiew ya olibo:
Duara odino talora labat ya aluton olibo so natilak ed sankatageyan a sanga,
Apatira odino limara labat ed saray manbubungan sanga,”+ so imbaga nen Jehova a Dios na Israel.
7 Diad satan ya agew, say too et ontangay ed Manamalsa to, tan onnengneng ed Masanton Dios na Israel. 8 Sikatoy ag-onnengneng ed saray altar+ a ginawa na saray lima to;+ tan agto linggisen iray ginawa na saray gamet to, balanglan saray sagradon poste* odino saray panagpoolan na insenso.
9 Diad satan ya agew, saray malet a syudad to et magmaliw a singa sakey ya ataynanan a pasen ed katakelan,+
Singa sangan ataynanan ed arapan na saray Israelita;
Magmaliw itan a dalin ya agnapanayaman.
Kanian nantanem ka na mararakep* a tanamanan
Tan tinaneman mo iratan na saray simit na sananey a too.*
11 Maalwar mon alaren so tanamanan mo no agew,
Patuboen mo iray bukel ya intanem mo no kabuasan,
Balet anggapo lay panagburbor sano mansakit ka tan nawalaan kay agnatambal a panotot.+
12 Dengel kayo! Manggugulo so dakel a totoo,
Ya agmakareen a singa saray madaluyon a dayat!
Maingal iray nasyon,
A say ungol da et singa angkakabaleg a daluyon!
13 Onungol iray nasyon a singa panungol na dakerakel a danum.
Banoen To ra, tan ombatik ira ed arawi,
Usilan iran singa taep ed kapalandeyan ya ititikyab na dagem,
Singa amagan dika ya ipapalirpalir na maksil a dagem.
14 Diad labi et walay kadederal.
Antis ya onkabuasan et naandi la ray kalaban.
Onia so nagawa ed saramay manasakop ed sikatayo,
Tan say pansumpalan na saramay manasamsam ed kaykayarian tayo.
18 Pakaskasi la so dalin a kawalaan na saray manasibengbeng a payak na insekto,
Diad rehyon a kawalaan na saray ilog na Etiopia!+
2 Sikatoy mangibabaki na saray mensahero ya ondadalan ed dayat,
Ya ombabaliw ed danudanum diad panamegley na saray baloto a gawad papiro, ya oniay ibabaga to:
“La kayo, sikayo ran masiglat a mensahero,
Diad sakey a nasyon na saray atatagey a totoon makinis so baog da,*
Diad saray totoon tatakotan ed anggan iner,+
Diad sakey a nasyon a mabiskeg tan manasakop,*
A say dalin to et inyagus na saray ilog.”
3 Amin yon manaayam ed satan a pasen tan sikayo ran manaayam ed dalin,
Makanengneng kayo na singa sakey a tanda* ya impaalagey diad kapalandeyan,
Tan makarengel kayo na tanol a singa papaknolen a tambuyog.
4 Ta oniay inkuan nen Jehova ed siak:
“Mansiansia ak a kalmado tan onnengneng ak ed* akaletneg a pasen ko,
Singa petang na maliwliwawan agew,
Singa lurem na linaew diad ampetang a panaon na panagburbor.
5 Ta antis na panagburbor,
Sano asumpal lan binmuskag so rosas tan nagmaliw lan ubas a naluluto,
Saray sanga et putoten na palot
Tan saray malambot a sanga et putoten tan ekalen.
6 Amin iratan et natilak parad saray managsibar a manok ed kapalandeyan
Tan parad saray ayep ed dalin.
Kanen iratan na saray managsibar a manok anggad ilabas na tiagew,
Tan kanen iratan na amin ya ayayep ed dalin anggad ilabas na panaon na panagburbor.
7 Diad satan a panaon et niiter ed si Jehova na saray armada so sakey a regalo,
Manlapud nasyon na saray atatagey a totoon makinis so baog da,*
Manlapud saray totoon tatakotan ed anggan iner,
Manlapud sakey a nasyon a mabiskeg tan manasakop,*
A say dalin to et inyagus na saray ilog
Diad pasen a kawalaan na ngaran nen Jehova na saray armada, diad Palandey Sion.”+
19 Say mensahe sumpad Ehipto:+
Akalugan si Jehova ed lurem a maples a mamapaarap ed Ehipto.
Onggiwgiw ed arapan to iray andi-kakanaan a dirios na Ehipto,+
Tan natunaw so puso na Ehipto.
2 “Dagdagen ko iray Ehipsio ya onsumpad kapara ran Ehipsio,
Tan manlalaban so balang sakey,
Labanan day agi ra tan kapara ran too,
Manlalaban iray syudad tan panarian.
Onasingger ira ed andi-kakanaan a dirios,
Diad saray managsalamangka tan espiritista, tan ed saray managparles.+
4 Iyawat koy Ehipto ed masebeg a katawan,
Tan maruksan ari so manguley ed sikara,”+ so imbaga na tuan Katawan a Jehova na saray armada.
5 Naekatan so dayat,
Tan naekatan tan namagaan so ilog.+
6 Tan ombanget iray ilog;
Onekat tan namagaan iray kanal na Nilo ed Ehipto.
Nabulok iray tanubong tan dikarika.+
7 Namagaan iray karikaan ed gilig na Ilog Nilo, diad tambib na Nilo,
Tan amin a dalin ya atanemay bukel diad abay na Nilo.+
Nitikyab iratan, tan naandi la.
8 Tan onermen iray sumisigay,
Onakis iramay manbabanwit diad Nilo,
Tan ondaiset iramay mangipepelag na iket da diad ilog.
9 Nabaingan iramay managlaga na lino+
Tan saramay manggagaway amputin abel diad panaglagaan.
10 Nasakitan iray managlaga to;
Manermen so* amin ya uupaan a komikimey.
11 Makulangkulang iray prinsipe na Zoan.+
Agmakatunongan a simbawa so iiter na saray sankakabatan a mananimbawa na Faraon.+
Panon yon ibaga ed Faraon:
“Sakey ak ya ilalak na saray marunong,
Sakey ak ya ilalak na arari ed inmuunan panaon”?
12 Kawalaan la sirin na saramay marunong a lalakim?+
Ibaga ra komon ed sika no amta ra so ginetma nen Jehova na saray armada parad Ehipto.
13 Makulangkulang so ginawa na saray prinsipe na Zoan;
Apalikdo iray prinsipe na Nof;*+
Say Ehipto et imbalang na papangulo na saray tribu to.
14 Sikatoy inikdan nen Jehova na awetwet a nonot;+
Tan imbalang na saray lider so Ehipto diad antokaman a gagawaen to,
Singa sakey ya abuek a nakakarunyas ed uta to.
15 Tan anggapo lay kimey a nagawaan na Ehipto,
Balanglan parad ulo odino ikol, simit odino ataragey a dikarika.*
16 Diad satan a panaon, say Ehipto et magmaliw a singa saray bibii, sikatoy onggiwgiw tan ontakot lapud akaayag a lima nen Jehova na saray armada, ya intagey to pian onsumpad satan.+ 17 Tan magmaliw a pakataktakotan na Ehipto so dalin na Juda. Ontakot ira no nabitla itan lapud samay desisyon nen Jehova na saray armada nipaakar ed sikara.+
18 Diad satan a panaon, limaran syudad na Ehipto so mansalitay lenguahe na Canaan+ tan mansamba na katooran ed si Jehova na saray armada. Sakey ed saratan a syudad et natawag a Syudad na Panaggeba.
19 Diad satan a panaon, walay altar parad si Jehova diad pegley na dalin na Ehipto, tan walay lusek parad si Jehova diad ketegan. 20 Magmaliw itan a tanda tan pantasi ed si Jehova na saray armada diad dalin na Ehipto; ta ontawag ira ed si Jehova lapud saray managpairap, tan ibaki to so sakey a manangiliktar, sakey a makapadinayew, a mangiliktar ed sikara. 21 Tan nakabatan na saray Ehipsio si Jehova, tan diad satan ya agew et bidbiren na saray Ehipsio si Jehova, tan mangiyapay ira na saray bagat tan regalo, tan misipanan irad si Jehova tan sumpalen da itan. 22 Dusaen nen Jehova so Ehipto.+ Dusaen to tan paabigen to itan; tan ompawil ira ed si Jehova, tan ebatan to iray kerew da tan paabigen to ra.
23 Diad satan a panaon et walay manunan dalan+ manlapud Ehipto ya anggad Asirya. Insan say Asirya et onlad Ehipto, tan say Ehipto et onlad Asirya, tan manlingkor ed Dios so Ehipto tan say Asirya. 24 Diad satan a panaon, miulop so Israel ed Ehipto tan Asirya,+ sakey a bendisyon ed pegley na dalin, 25 ta bendisyonan la ra nen Jehova na saray armada, ya ikuan to: “Narayew so totook, say Ehipto, tan say kimey na saray limak, say Asirya, tan say tawir ko, say Israel.”+
20 Diad samay taon a si Arin Sargon na Asirya et imbaki tod Asdod+ so Tartan,* sikatoy akiguerra ed Asdod tan sinakop to itan.+ 2 Diad saman et oniay imbaga nen Jehova ed si Isaias+ ya anak nen Amoz: “La ka, ekal moy sakon abel ed balangbang mo, pati saray sandalyas ed salim.” Tan ontan so ginawa to, a nanakar a lakseb* tan kasalisali.
3 Insan inkuan nen Jehova: “No panon a si Isaias ya aripen ko et nanakar a lakseb tan kasalisali ed loob na taloy taon bilang tanda+ tan pasakbay parad Ehipto+ tan Etiopia,+ 4 ontan met so nagawa sano alaen na ari na Asirya iray narel tod Ehipto,+ tan saray taga Etiopia ya ibantak tod arum a bansa, ugugaw tan mamasiken, lakseb tan kasalisali tan sankanengneng so tapi ra, say inkalakseb* na Ehipto. 5 Tan nataktakot ira tan ibaing da so Etiopia a paniilaloan da tan say Ehipto ya ipapasirayew da.* 6 Diad satan ya agew et ibaga na saray manaayam ed sayan dalin a walad bandad gilig na dayat, ‘Nengneng yoy agawa ed samay paniilaloan tayo, a nila tayon kerewan na tulong, ta pian nisalba itayo komon ed ari na Asirya! Panon lay pakaliktar tayo natan?’”
21 Say mensahe sumpad kalawakan na dayat:*+
Onsabi iya a singa maksil a dagem a maples ya ondalan ed interon abalaten,
Manlapud kalawakan, manlapud makapataktakot a pasen.+
2 Makapaermen a pasingawey so nipanengneng ed siak:
Say managsaol et mansasaol,
Tan say managderal et mandederal.
Tatdang ka, O Elam! Lusob ka, O Media!+
Patundaen ko so amin a panakis lapud sikato.+
3 Kanian pinasyay paneermen ko.*+
Manpapairap ak
A singa biin manaanak.
Agko sarag so ondengel lapud nagogonigon ak a maong;
Agko sarag so onnengneng lapud napapagaan ak a maong.
4 Kinmapuy so pusok; ginmiwgiw ak ed takot.
Say pansirunget a datin pipirawaten ko et nagmaliw a makapataktakot ed siak.
5 Iparaan yoy lamisaan tan iyuksoy yo iray yurongan!
Mangan tan oninum kayo!+
Alagey kayo, sikayo ran prinsipe, lanaan* yo so panagsamper!
6 Ta oniay inkuan nen Jehova ed siak:
“La ka, mangipuesto kay sakey a bantay tan ibagam ed sikato ya ipaamta toy nanengneng to.”
7 Tan anengneng toy sakey a karwahen parad guerra ya iguguyor na saray kabayo,
Sakey a karwahen iguguyor na saray asno,
Sakey a karwahen iguguyor na saray kamelyo.
Sikatoy maalwar a nambantay tan nanimanon maong.
8 Tan sikatoy inmeyag a singa leon:
“O Jehova, kada agew et mansiasiansia ak ya akaalagey diad tagey na panagbantayan,
Tan nilabilabi ak ya akapuesto ed pambabantayan ko.+
9 Nengneng mo no antoy onsasabi:
Lalakin akalugan ed karwahen parad guerra ya iguguyor na saray kabayo!”+
Insan sikatoy nansalita, ya inkuan to:
“Sikatoy naplag la! Say Babilonia et naplag la!+
Atemektemek ed dalin so amin ya imahen na dirios to!”+
10 O totook a ginatin-gatinan a singa ilik,
Say produkto* na panag-ilikan ko,+
Impakabat ko ed sikayo imay nadngel ko ed si Jehova na saray armada, say Dios na Israel.
11 Say mensahe sumpad Duma:*
Walay sakey ya ontatawag ed siak diad Seir:+
“Managbantay, kumusta iyan labi?
Managbantay, kumusta iyan labi?”
12 Inkuan na managbantay:
“Onsabi so kabuasan, ontan met ed labi.
No walay itepet yo, mantepet kayo.
La kayo labat dia!”
13 Say mensahe sumpad patar a desierto:
Diad katakelan a walad patar a desierto so pansanlabian yo,
O grupo na saray managbiahen taga Dedan.+
14 Mangawit kayoy danum parad napgaan,
Sikayo ran manaayam ed dalin na Tema,+
Tan mangawit kayoy tinapay parad ontatakas.
15 Ta tinmakas ira lapud espada, lapud inuyos ya espada,
Lapud apinat a pana, tan lapud inkaruksa na guerra.
16 Ta oniay inkuan nen Jehova ed siak: “Diad loob na sakey taon, singa saray taon na uupaan a trabahador,* mangangga so amin a gloria na Kedar.+ 17 Daiset so nakeran managpana a kabiangan ed saray sundalo na Kedar, ta saya so imbagan mismo nen Jehova a Dios na Israel.”
22 Say mensahe nipaakar ed Lawak na Pasingawey.*+
Antoy nagagawa ed sika? Akin et linmad atep so amin a totoom?
2 Maguloy pasen mo,
Sakey kan maingal a syudad, manliliket a baley.
Saray inaatey mo et ag-inatey ed espada,
Agmet ira inatey ed guerra.+
3 Nambabansag a tinmakas so amin a maruksan manuley mo.+
Nipriso ira anggano anggapoy nausar a pana.
Amin a narel et nipriso,+
Anggano arawdawi so binatikan da.
5 Ta satan so agew na pakawetwet, pakatalo, tan pakataktakot,+
A gawaen na Soberanon Katawan a Jehova na saray armada,
Diad Lawak na Pasingawey.
Nageba iray padir ditan+
Tan walay panakis ed palandey.
7 Say sankaabigan ed saray lawak* mo
Et napano na saray karwahen pan-guerra,
Tan mandarasig iray kabayo* diad arap na saray puerta na syudad,
8 Tan naekal so sanib* na Juda.
“Diad satan a panaon et onnengneng kad panagsinopay-armas diad Abung na Kakiewan na Lebanon,+ 9 tan nanengneng mo iray dakel a bungaw ed padir na Syudad nen David.+ Tan tiponen mo iray danum diad depositoan a walad leksab.+ 10 Bilangen mo iray kaabungan ed Jerusalem, tan igebam iray kaabungan pian onkanan pamaelet ed padir. 11 Tan manggawa kay depositoan ed nanleetan na duaran padir a parad danum a manlapud daan a depositoan, balet agka onnengneng ed Makapadinayew a Dios a nanggawad satan, tan agmo nanengneng imay nanggawa ed satan nen inmunan panaon.
12 Diad satan a panaon et kerewen na Soberanon Katawan a Jehova na saray armada,
Ya onakis tan manermen iray totoo,+
Tan kiskisan day ulo ra tan mansulong ira na sakon abel.
13 Balet, panliliket tan gayaga so nagawa,
Pamatey na baka tan pamarti na karnero,
Pangan na karne tan paninum na alak.+
‘Mangan tan oninum tayo, ta nabuas et ompatey tayo.’”+
14 Tan oniay impaamtad siak nen Jehova na saray armada: “‘Sayan kasalanan et agnasakbongan anggad ipatey yo,’+ so imbaga na Soberanon Katawan a Jehova na saray armada.”
15 Oniay inkuan na Soberanon Katawan a Jehova na saray armada: “La ka ed si Sebna,+ say manag-asikaso ya angipiyaan ed abung,* tan ibagam ed sikato, 16 ‘Antoy kanepegan mo dia, tan siopay kanayon mo dia? Akin et nankotkot ka dia na lubok mo?’ Sikatoy mankokotkot na lubok to diad atagey a pasen; sikatoy manggagaway pampainawaan* to diad baleg a bato. 17 ‘Ibasileng ka nen Jehova, O sikan too, tan degkemen to ka. 18 Balkoten to kan malmalet tan ipatulin to kan singa bola diad maawang a dalin. Diman ka ompatey, tan diman so laen na saray mararakep a karwahem, a sengegay kababaingan ed abung na katawan mo. 19 Tan iyabeba ta kad posisyon mo, tan ekalen ta kad betang mo.
20 “‘Diad satan ya agew et tawagen koy lingkor kon si Eliakim+ ya anak nen Hilkias, 21 tan isulong kod sikato so andukey a kawes mo tan ibalkes kon malet ed sikato so balkes mo,+ tan iter kod sikato so autoridad* mo. Tan sikatoy magmaliw ya ama na saray manaayam ed Jerusalem tan ed sankaabungan na Juda. 22 Tan sikato so pangipiyaan kod tombok na abung nen David.*+ Sikatoy mangilukas tan anggapoy makapangikapot; tan sikatoy mangikapot tan anggapoy makapangilukas. 23 Sikatoy ipanek kon singa panagsabitan ed malet a pasen, tan sikatoy magmaliw a singa maglorian trono ed sankaabungan nen ama to. 24 Tan isabit dad sikato so amin a gloria* ed sankaabungan nen ama to, saray kapolian tan ilalak,* amin ya angkekelag a kargaan, saray kargaan a kurti-yaong, ontan met ed amin ya angkakabaleg a buyog.
25 “‘Diad satan a panaon,’ so imbaga nen Jehova na saray armada, ‘naekal so panagsabitan a nipanek ed malet a pasen,+ tan naputer tan napelag itan. Napelag tan naderal iray akasabit ed satan, ta si Jehova a mismo so angibaga.’”
23 Say mensahe nipaakar ed Tiro:+
Manugaog kayo, sikayo ran barko ed Tarsis!+
Ta aderal la so daongan tan agla nayarin looban.
Impaamta itan ed sikara diad dalin na Kitim.+
2 Deen kayo, sikayo ran manaayam ed gilig na dayat.
Pinayaman kayo na saray negosyanten taga Sidon+ ya ombabaliw ed dayat.
3 Nibaliw ed dakel a dayat so ilik* na Sihor,*+
Say ani ed Nilo, say pakakalmoan to,
Tan apinabangan itan na saray nasyon.+
4 Ombaing ka, O Sidon, sikan mabiskeg a syudad a walad dayat,
Lapud oniay inkuan na dayat:
“Agko asali so nampasakit tan nananak,
Ni anggan say amabaleg na kalangweran a lalaki odino kalangweran a bibii.”*+
5 Onermen a maong iray totoo lapud balita nipaakar ed Tiro,+
A singa nen nadngelan da so balita nipaakar ed Ehipto.+
6 Batik kayo ed Tarsis!
Manugaog kayo, sikayo ran manaayam ed gilig na dayat!
7 Kasin saya imay syudad yon malikeliket nensaman, nen inmuunan panaon to?
Nensaman et ararawin dalin so nakar ton panayaman.
8 Siopa so nandesisyon a manggawad saya ed Tiro,
Say mangiiter na saray korona,
A saray negosyante to et priprinsipe,
Tan saray managlako to et gagalangen ed interon dalin?+
9 Si Jehova na saray armada so nandesisyon ed saya,
Pian magmaliw ya andi-kakanaan so panagpasirayew to lapud amin a karakpan to,
Pian nabaingan so amin a gagalangen ed interon mundo.+
10 Baliw moy dalin mo a singa say Ilog Nilo, O anak a bii na Tarsis.
Anggapo lay panaggawaan na saray barko.*+
11 Inyunat toy lima to ed tapew na dayat;
Ginulo to iray panarian.
Ingganggan la nen Jehova a nepeg a naderal iray mabiskeg a syudad na Fenicia.+
Alagey ka, batik kad Kitim.+
Anggan diman et agka makapanpainawa.”
13 Nia, say dalin na saray Caldeo!+
Sarayan totoo—aliwan say Asirya+—
Sikatoy ginawa ran ayaman na saray atap ya ayayep ed desierto.
Nampaalagey ira na saray tori a pangubkob;
Inggeba da iray malet a tori to,+
Tan sikatoy ginawa ran aluslusbon geray.
14 Manugaog kayo, sikayo ran barko na Tarsis,
Ta aderal lay mabiskeg a syudad yo.+
15 Diad satan ya agew, say Tiro et nalingwanan ed 70 taon,+ a mipadpara ed karukey na bilay* na sakey ya ari. Diad sampot na 70 taon, nagawad Tiro so singa ed sayan kansion a parad sakey a paabang a bii:
16 “Mangala kay arpa, liber moy syudad, O sika ya alingwanan lan paabang a bii.
Parakep moy pantogtog mod arpam;
Dakelan moy kansionen mo,
Pian nanonotan da ka.”
17 Diad sampot na 70 taon, imanoen nen Jehova so Tiro, tan sikatoy manpabayar lamet tan milawanan ed amin a panarian a walad tapew na dalin. 18 Balet say atubo to tan say bayar ed sikato et magmaliw a masanto ed si Jehova. Ag-itan natipon odino niyatol, lapud say bayar ed sikato et niiter ed saramay manaayam ed arapan nen Jehova, pian mangan ira na daakan tan mankawes ira na mararakep.+
24 Ekalen nen Jehova so amin a walad dalin tan agla itan napanayaman.+
Ibalintuag to itan*+ tan itaytayak to iray manaayam ditan.+
2 Nampadpara so nagawa ed kada sakey:
Saray totoo ontan met ed saserdote,
Say lingkor ontan met ed katawan to,
Say lingkor ontan met ed amo ton bii,
Say managsaliw ontan met ed managlako,
Say managpabayes ontan met ed ombabayes,
Say managpautang ontan met ed akautang.+
3 Naandi so amin a walad satan a dalin;
Nasamsam so amin a wadtan,+
Ta si Jehova a mismo so angibaga ed saya.
4 Maneermen* so dalin;+ nadederal la itan.
Nalelenes so mabunan dalin; namamagaan la itan.
Onleletey iray prominentin totoo ed satan a dalin.
5 Say dalin et dinutakan na saray manaayam ditan,+
Ta sinumlang da iray ganggan,+
Inuman da so totontonen,+
Kanian dinmaiset iray manaayam ed satan a dalin,
Tan dagdaiset so akera.+
8 Tinmunda lay maligsan tanol na saray tamburin;
Angangga lay ingal na saray manliliket;
Tinmunda lay maliket a tanol na arpa.+
9 Anggapoy mangakansion legan iran oniinum na alak,
Tan ampait lay pakataway dad de-alkohol ya iinumen.
11 Maneyag ira diad saray karsada lapud panaanap day alak.
Naandi lay amin a panliliket;
Anggapo lay gayaga ed dalin.+
13 Ta ontan so nagawa ed dalin, ed limog na saray totoo:
14 Ikasil da iray boses da,
Oneyag ira ed liket.
Iyabawag day katagyan nen Jehova manlapud dayat.*+
15 Kanian igloria ray Jehova diad pasen na liwawa;*+
Diad saray isla ed dayat et igloria ray ngaran nen Jehova a Dios na Israel.+
16 Narerengel mi iray kansion manlapud sampot na dalin:
“Gloria* parad Matunong a Dios!”+
Balet inkuan ko: “Kinmapuy ak, kinmapuy ak!
Pakaskasi ak la! Say managsaol et mansasaol;
Say managsaol et mansasaol ed panamegley na panamalikdo.”+
17 Say takot, abot, tan patit so manatalaran ed sikan manaayam ed satan a dalin.+
18 Napelag ed abot so siopaman ya ibabatikan toy makapataktakot a tanol,
Tan naerel ed patit so siopaman a makapaway ed abot.+
Ta nalukasan iray puerta na danum diad tawen,
Tan nayegyeg iray pundasyon na dalin.
20 Say dalin et mantugingging a singa toon abuek,
Tan singa alolong ya iyuyugayog na dagem.
Ambelbelat so kasalanan to,+
Kanian natumba itan tan aglan balot makaalagey.
21 Diad satan ya agew et imanoen nen Jehova so armada ed katawenan,
Tan saray arari ed tapew na dalin.
22 Tan natipon ira
A singa saray priso ya atipon ed abot,
Tan nakapotan ira ed bartolina;
Kayari na dakel ya agew et imanoen ira.
23 Napabanday so tulaw a bulan,
Tan nabaingan so masnag ya agew,+
Ta si Jehova na saray armada et nagmaliw a maglorian Ari+ ed Palandey Sion+ tan diad Jerusalem,
Diad arapan na mamatatken na saray totoo to.*+
25 O Jehova, sika so Dios ko.
Itandoro ta ka, idayew koy ngaran mo,
Ta nanggawa kay makapakelaw iran bengatla,+
Saray bengatlan inggagalam* manlapu la nensaman,+
Diad inkamatoor+ tan inkanapanmatalkan.
2 Ta ginawam a bunton na bato so sakey a syudad,
Ginawam ya aluslusbon geray so sakey a mabiskeg a baley.
Say tori na dayo et aliwa lan syudad;
Aglan balot itan nipaalagey.
4 Ta nagmaliw kan amotan na saray pakaskasi,
Amotan na saray pobri a naeermenan,+
Salimbengan no bagyo,
Tan siroman ed petang na agew.+
Sano say sanok na saray maruksan manuley et singa bagyon ombabasig ed padir,
5 Singa petang ed amagaan a dalin,
Patundaen mo so ingal na saray dayon totoo.
Singa petang a pinakepa na sirom na lurem,
Ontunda met so kansion na saray maruksan manuley.
6 Diad sayan palandey,+ iparaanan nen Jehova na saray armada so amin a totoo
Na sakey a ponsia a sankananaman iray kakanen,+
Sakey a ponsia a walay maabig iran alak,*
Sankananaman iray kakanen a napnoy utek,
Tan maabig tan asapit iray alak.
7 Diad sayan palandey et paandien* to so abel a manasakbong ed amin a totoo,
Tan say sakbong* a mamabalkot ed amin a nasyon.
8 Akmonen* to so patey ya anggad angga,+
Tan punasen na Soberanon Katawan a Jehova iray lua ed amin a kalupaan.+
Ekalen tod interon dalin so kabalawan na totoo to,
Ta si Jehova a mismo so angibaga.
9 Diad satan ya agew et ibaga ra:
“Saya so Dios tayo!+
Saya et si Jehova!
Nanilalo itayo ed sikato.
Manliket tan manggayaga itayo ed panangiliktar to.”+
10 Ta deralen nen Jehova iyan palandey,+
Tan nigatin-gatin so Moab ed pasen to+
A singa dayami ya inggatin-gatin diad bunton na tai na ayep.
11 Ikampay to iray lima to ed satan a pasen
A singa pangikakampay na managlangoy ed saray lima to sano onlalangoy,
Tan iyabeba to so inkamapaatagey na satan+
Diad panamegley na marundunong a galaw na saray lima to.
12 Tan say apadiran a syudad, a walaay ataragey a padir a pinagkaproteksion to,
Et igeba to;
Itumba tod dalin, anggad dabok.
26 Diad satan ya agew et oniay kansionen+ ed dalin na Juda:+
“Mabiskeg so syudad tayo.+
Say kililiktar so ginawa ton pinagkapadir tan pinagkadepensan tambak na satan.+
2 Lukasan yo iray puerta+ pian makaloob so matunong a nasyon,
Sakey a nasyon a mansiasiansian matoor.
3 Salimbengan mo iramay sigpot a manmamatalek ed sika;*
Ikdan mo ra na mantultuloy a kareenan,+
Lapud sika so panmamatalekan da.+
5 Ta inyabeba to iramay manaayam ed tagey, say niyatagey a syudad.
Impelag to itan,
Impelag to ed dalin;
Imbantak to itan ed dabok.
6 Igatin-gatin itan
Na saray sali na apairap tan saray dapan na saray pakaskasi.”
7 Maptek* so basbas na matunong.
Lapud maptek ka,
Gawaen mon marantal so dalan na matunong.
8 Legan min tutumboken so dalan na inkahustisyam, O Jehova,
Sika so kawalaay ilalo mi.
Pampipirawatan mi* so ngaran mo tan say pakanodnonotan ed sika.*
9 Diad labi et manpirpirawat ak* ed sika;
On, aanapen ka na espirituk;+
Ta sano ukomen moy mundo,
Naaralan na saray manaayam ed sayan dalin so inkatunong.+
Anggan diad dalin na kaptekan* et sikatoy manggaway mauges,+
Tan agto nanengneng so katagyan nen Jehova.+
11 O Jehova, akatagey so limam, balet agda itan nanenengneng.+
Nanengneng da so seseg mon salimbengan iray totoom tan nabaingan ira.
On, say apoy mo so mangupot ed saray kalaban mo.
12 O Jehova, sika so mangiter na kareenan ed sikami,+
Ta amin a ginawa mi
Et sinumpal mo parad sikami.
13 O Jehova a Dios mi, inuleyan kami na saray arum a katawan nilikud ed sika,+
Balet say ngaran mo labat so bibitlaen mi.+
14 Inatey la ra; agla ra nabilay.
Anggapoy pakayari ra ed ipapatey, agla ra ombangon.+
Ta inimanom ira
Pian upoten mo ra tan ekalen moy amin a pakanodnonotan ed sikara.
Pinaawang mon maong so amin a ketegan na dalin.+
16 O Jehova, inmasingger irad sika sanen naeermenan ira;
Inyesaes day pikakasi rad sika sanen dinisiplinam ira.+
17 Singa sakey a biin malukon a ngalngali la mananak
A manpapasakit tan onaakis ed pampapasakit to,
Impagmaliw mo kamin ontan, O Jehova.
18 Nanlukon kami, alikna mi so pampapasakit,
Balet singa kami nananak na dagem.
Agmi niliktar iyan dalin,
Tan anggapoy niyanak a manayam ed sayan dalin.
19 “Nabilay iray inatey mo.
Ombangon iray bangkay na totook.*+
Bangon kayo tan eyag kayo ed liket,
Sikayo ran manaayam ed dabok!+
Ta say linaew mo et singa linaew ed kabuasan,*
Tan abuloyan na dalin a nabilay iramay naugip ed patey.*
21 Ta onsabi si Jehova manlapud pasen to
Pian mikuentaan ed saray manaayam ed sayan dalin lapud kasalanan da,
Tan iparungtal na sayan dalin so impamaagus day dala
Tan agto la nasakbongan iray pinatey da.”
27 Diad satan ya agew et usaren nen Jehova so maruksa tan baleg tan mabiskeg ya espada to,+
Pian kabilen to so Leviatan,* say uleg a makilas,
Say Leviatan a mankiwel-kiwel ya uleg,
Tan pateyen to iyan baleg ya uleg a manaayam ed dayat.
2 Diad satan ya agew et mangansion kayod sikato:*
“Sakey a kaubasan a mamapawalay maburan alak!+
3 Siak si Jehova, a manasalimbeng ed sikato.+
Sikatoy naynay a sasalogen ko.+
Sikatoy sasalimbengan ko ed agew tan labi,
Pian anggapoy mamasakit ed sikato.+
4 Naandi lay sanok kod sikato.+
Siopay milaban ed siak a mangusar na saray masabit a kiew tan dikarika?
Gatinan ko iratan tan poolan kon maminpinsan.
5 No andi, sikatoy onla komon ed salimbengan ya intaryak.
Sikato komoy mikareenan ed siak;
Pikakareenan ed siak so gawaen to komon.”
6 Diad saray onsabin agew et onlamot so Jacob,
Manrosas tan onsimit so Israel,+
Tan panoen day bunga so dalin.+
7 Kasin sikatoy nepeg a sakitan a singa ed paraan na impamasakit ed sikato?
Odino kasin sikatoy nepeg a pateyen a singa ed paraan na impamatey ed saray inaatey to?
8 Diad panamegley na makapakigtot ya eyag, misuppiatan kad sikato sano sikatoy pataynanen mo.
Sikatoy paekalen to diad panamegley na manlaldis a boses to a singa kakasil na dagem a manlalapud bukig.+
9 Kanian lapud saya et nasakbongan so kasalanan nen Jacob,+
Tan saya so bunga sano naekal so kasalanan to:
Pagmaliwen ton singa atemek a tisa
So amin a bato na altar,
Tan anggapoy nakeran sagradon poste* odino panagpoolan na insenso.+
10 Ta nataynanan so apadiran a syudad;
Nataynanan iray panagpastolan tan napaulyan a singa kalawakan.+
Mankabkab tan ondukol ditan so kilaw a baka
Tan upoten to iray sanga na satan a syudad.+
Ta andiay pakatalos iray totoo ditan.+
Kanian ag-ira kasian na Dios a nanggawa ed sikara,
Tan ag-ira abobonan na Dios ya amorma ed sikara.+
12 Diad satan ya agew, paspasen nen Jehova iray prutas ed aagusan na Ilog* ya anggad Kulos* na Ehipto,+ tan dokdoken to kayon sansakey, O totoo na Israel.+ 13 Diad satan ya agew et paknolen so baleg a tambuyog,+ tan saramay nibantak ed dalin na Asirya+ tan saramay nitaytayak ed dalin na Ehipto+ et ondago tan ondakmomo ed si Jehova diad masanton palandey ed Jerusalem.+
28 Pakaskasi la so mapangta* a korona* na saray buanges ed Efraim+
Tan say nalelenes a rosas na maglorian karakpan to,
A walad tagey na mabunan lawak a panaayaman na saramay abuek na alak!
2 Walay sakey a maksil tan mabiskeg ya ibaki nen Jehova.
Singa maksil ya uran a kristal ya atekepan na karol, sakey a makaderal a bagyo,
Singa maksil a bagyon panlapuan na maksil ya agus na delap,
Ibasileng to itan ed dalin.
4 Tan say nalelenes a rosas na maglorian karakpan to,
A walad tagey na mabunan patar,
Et magmaliw a singa say unonan bunga na igos antis na tiagew.
Sano walay makanengneng ed satan, burboren to itan tan akmonen ton tampol.
5 Diad satan ya agew, si Jehova na saray armada et magmaliw a singa maglorian korona tan singa marakdakep a rosas a korona parad saramay akeran totoo to.+ 6 Tan ikdan to na espiritu na inkahustisya imay akayurong a mangukom, tan ikdan to na biskeg iramay mangidedepensa ed puerta sano onlusob iray kakabusol.+
7 Tan agda amtay arap-arapen da lapud alak;
Mantugingging ira lapud de-alkohol ya iinumen.
Ag-amta na saserdote tan propeta so arap-arapen da lapud de-alkohol ya iinumen;
Nawetwet ira lapud alak,
Tan mantugingging ira lapud de-alkohol ya iinumen;
Nabalang ira lapud nanenengneng da,
Tan pikewet lay panagdesisyon da.+
8 Ta saray lamisaan da et napnoy makapadimlan uta
—Amin a pasen et walay uta.
9 Siopay ibangat pian nawalaay kakabatan,
Tan siopay pangipaliwawaan ed mensahe?
Kasin saray ugugaw ya agano nin pinakso ed gatas,
Saray agano nin pinakso ed pansususo?
10 Ta saya et “ganggan kayari ganggan, ganggan kayari ganggan,
Linya por linya, linya por linya,*+
Daiset dia, daiset diman.”
11 Kanian usaren to ray ata-atan mansalita* a sananey so lenguahe ra pian mitongtong ed sarayan totoo.+ 12 Aminsan et inkuan tod sikara: “Saya so pasen a pampainawaan. Pampainawa yoy naksawan; saya so pasen a pakainawaan,” balet agda labay so ondengel.+ 13 Kanian diad sikara, say salita nen Jehova et magmaliw a:
“Ganggan kayari ganggan, ganggan kayari ganggan,
Linya por linya, linya por linya,*+
Daiset dia, daiset diman,”
14 Kanian dengel yoy salita nen Jehova, sikayo ran malalastog,
Sikayo ran manuuley ed sarayan totoo ed Jerusalem,
15 Lapud inkuan yo:
Sano ondalan so delap a mapmaples ya onaagus,
16 Kanian oniay imbaga na Soberanon Katawan a Jehova:
“Mangiletneg ak na sakey a bato bilang pundasyon na Sion, sakey ya asubok lan bato,+
Ag-ontakot so siopaman a mangipapatnag na pananisia.+
Iyagus na uran a kristal so salimbengan a napnoy tila,
Tan nadelap imay mismon amotan.
Sano ondalan so delap a mapmaples ya onaagus,
Naderal kayo.
Lapud takot et natalosan da imay nadngelan da.”*
20 Ta antiktikey so dukolan kanian agmakaunat ditan so sakey,
Tan melmelag so ules kanian ag-itan nikubot.
21 Ta onalagey si Jehova a singa diad Palandey Perazim,
Sikatoy onkiwas a singa diad lawak* ya asingger ed Gibeon,+
Pian gawaen toy kimey ton makapakelkelaw,
Tan sumpalen toy gawa ton nikadkaduma.+
22 Kanian agyo itan ipapasen a lurey,+
Pian aglalon onelet iray akabalor ed sikayo,
Ta nadngel ko ed Soberanon Katawan a Jehova na saray armada,
A say interon dalin et asentensiaan la pian naderal.+
23 Dengel kayo tan talineng yoy boses ko;
Imanoen tan talineng yoy ibagak.
24 Wala tay dumaralus a manbaka labat so gawaen to balet ta agto itanem iray bini?
Kasin itultuloy to labat a bukalkalen tan sagaran so dalin to?+
25 Kayari ton naplasta so dalin,
Agta isibwag to lay bukel na andeket a kumino pian nitanem to la so kumino,
Tan agta itanem to lay trigo, milit,* tan say sebada diad saray pasen da,
Tan say espelta+ diad saray gilig?
27 Ta say andeket a kumino et agtemeken ed kagawaan a panag-ilik,+
Tan say kumino et agpadalanan na dalig na kariton.
Imbes, pekpek so pampaspas ed andeket a kumino,
Tan baston so pampaspas ed kumino.
28 Kasin mekmeken na sakey a too so ilik a gawaen ton tinapay?
Andi, agto itan itultuloy ya iliken.+
Tan sano padalanan to itan na dalig na kariton to ya iguguyor na saray kabayo to,
Agto itan mekmeken.+
29 Onia met so manlapud si Jehova na saray armada,
A makapakelkelaw so simbawa* to,
29 “Pakaskasi lay Ariel,* say Ariel, say syudad a nankampoan nen David!+
Palabas yo iray taon;
Itultuloy yon selebraan iray tinaon a piesta yo.+
2 Balet gonigonen ko so Ariel,+
Tan walay panermen tan pantagleey,+
Tan sikatoy ipasen kon singa panagpoolan ed altar na Dios.+
3 Mankampo ak ed kaliberliber mo pian lusoben ta ka,
Tan paliberan ta ka na saray palitek
Tan mangipaalagey ak na saray panagkubkob ed sika.+
Ompaway so boses mo manlapud dalem na dalin+
A singa boses na sakey ya espiritista,
Tan saray salitam et singa uni a manlalapud dabok.
5 Magmaliw a singa pinon pulbos iray kalaban mo,*+
Tan singa taep ya ipapalir na dagem iray maruksan manuley.+
Tampol itan a nagawa, bigbigla.+
6 Imanoen ka nen Jehova na saray armada
Diad panamegley na karol tan yegyeg tan maksil ya ungol,
Maksil a dagem tan bagyo tan say dalang na apoy a manguupot.”+
7 Insan say amin a nasyon a milalaban ed Ariel+
—Amin a milalaban ed sikato,
Saray tori a pangubkob ed sikato,
Tan saramay mangogonigon ed sikato—
Et magmaliw a singa labat kugip, sakey a pasingawey ed labi.
8 On, singa sakey a narasan a mankukugip a mamangan,
Balet kabangon to et narasan nin siansia,*
Tan singa sakey a napgaan a mankukugip ya oniinum,
Balet kabangon to et naksawan tan napgaan nin siansia.*
Ontan so nagawa ed amin a nasyon
A milalaban ed Palandey Sion.+
9 Ta inyibung nen Jehova ed sikayo so espiritu na aralem ya ugip;+
Perengan yo ray mata yo pian agkayo makanengneng.+
Abuek ira, balet aliwan lapud alak;
Mantugingging ira, balet aliwan lapud de-alkohol ya iinumen.
10 Ta inyibung nen Jehova ed sikayo so espiritu na aralem ya ugip;+
Pinerengan to iray mata yo, salanti, saray propeta,+
Tan sinakbongan to iray ulo yo, salanti, saray makakanengneng na pasingawey.+
11 Parad sikayo, kada pasingawey et singa saray salita ed selyadon libro.+ Sano iter da itan ed sakey a makabasa, ya ikuan dan: “Ipangasim pan basaen a maksil,” oniay iyebat to: “Agnayari, ta selyado.” 12 Tan sano iter da so libro ed sakey ya agmakabasa, ya ikuan dan: “Ipangasim pan basaen a maksil,” oniay iyebat to: “Agak makabasa.”
13 Oniay inkuan nen Jehova: “Onaasingger ed siak irayan totoo ed panamegley labat na sangi ra,
Tan papagalangan da ak ed panamegley na bibil da,+
Balet arawrawi ed siak so kapusoan da;
Tan say takot da ed siak et base ed saray ganggan na totoo a nibangat ed sikara.+
14 Kanian siak so manggawa lamet na saray makapakelkelaw a bengatla parad sayan totoo,+
Mantutumbokan a pakelaw;
Tan naandi so karunongan na saray marunong a totoo ra,
Tan niyamot so pakatalos na saray makabat a totoo ra.”+
15 Pakaskasi la iramay mansasagpot a maong pian iyamot dad si Jehova iray plano* ra.+
Gagawaen dad ambilunget a pasen iray kagagawa ra,
Legan dan ibabaga: “Siopay makanengneng ed sikatayo?
Siopay makaamta ed gagawaen tayo?”+
16 Agaylay pamipikewet yod saray bengatla!*
Kasin say managdamili et ipasen a mipara ed samay pitek?+
Ibaga kasi na samay ginawa ed samay nanggawa ed sikato:
“Agto ak ginawa”?+
Tan ibaga kasi na samay ginawa ed samay nanggawa ed sikato:
“Anggapoy amta to”?+
17 Agla manbayag et magmaliw lan tanemay manbubungan kiew so Lebanon+
Tan sayan tanemay manbubungan kiew et ipasen lan singa sakey a katakelan.+
18 Diad satan ya agew et narengel na saray telek iray salita ed libro,
Tan manlapud kabilungetan tan inkaandiay liwawa et makanengneng iray bulag.+
19 Tan saray mauyamo et manliket a maong ed si Jehova,
Tan saray pobrin totoo et manggayaga ed Masanton Dios na Israel.+
20 Ta naandi so maruksan manuley,
Mangangga so mapasirayew,
Tan naderal so amin a manatalaran a mamasakit,+
21 Saramay mansasalita na tila pian pankasalananen da so arum,
A papatitan da so manangiyagel* a walad puerta na syudad,+
Tan uusaren day pikewet a panagkatunongan pian agnaikday hustisya imay matunong.+
22 Kanian si Jehova ya anondon ed si Abraham+ et oniay inkuan tod sankaabungan nen Jacob:
23 Ta sano nanengneng to ray anak to,
Say kimey na saray limak, a kaiba to,+
Pasantosen day ngaran ko;
On, pasantosen day Masanton Dios na Jacob,
Tan igalgalang da so Dios na Israel.+
24 Saramay anawet so ulo ra et nawalaay pakatalos,
Tan saramay manrereklamo et mangawat na panangibangat.”
30 “Pakaskasi la iray benger ya ananak,”+ so inkuan nen Jehova,
“Saramay manusumpal na saray plano ya agnanlapud siak,+
Saramay miaalyansa,* balet ag-ira iwawanwan na espirituk,
Pian lalon naaruman so kasalanan.
2 Linma rad Ehipto+ ya agda ak kinonsulta,*+
Pian onamot ed proteksion na Faraon*
Tan pasalimbengan ed anino na Ehipto!
3 Balet pansengegay kababaingan yo so proteksion na Faraon,
Tan pansengegay kipaabeba yo so salimbeng na anino na Ehipto.+
4 Ta walad Zoan iray prinsipe to,+
Tan akasabi anggad Hanes iray ibabaki to.
5 Napabaingan iran amin
Na saray totoon agmakapangiter na gunggona ed sikara,
Ya anggapoy niiter dan tulong tan gunggona,
Noagta kababaingan tan kabandayan labat.”+
6 Say panangukom ed saray ayayep ed abalaten:
Diad dalin a kawalaay gulo tan kairapan,
Diad kawalaay leon, managlem a leon,
Diad kawalaay maditan uleg tan say singa apoy ya uleg ya ontitikyab,*
Et ilugan dad saray asno iray awit dan kayamanan
Tan diad beneg na saray kamelyo iray regalo ra.
Balet agnagunggonaan iray totoo ed sarayan bengatla.
7 Ta anggapoy kakanaay tulong na Ehipto.+
Kanian nginaranan ko iya na: “Rahab,+ say marendeen ya akayurong.”
8 “La ka, isulat mo itan ed sakey a tablan panagsulatan diad arapan da,
Tan isulat mo ed sakey a libro,+
Pian onkana itan ed arapen
Bilang sakey a permanentin pantasi.+
10 Ibabaga rad saray makakatalos na pasingawey, ‘Agkayo la onnenengneng,’
Tan diad saray propeta, ‘Agyo la ibabagad sikami iray tuan pasingawey.+
Saray panaglarog* so ibaga yod sikami; mangipropesiya kayo na saray makapalikdon katilaan.+
11 La kayod sananey a dalan; ekal kayod basbas.
Agyo la bibitlaen ed sikami so Masanton Dios na Israel.’”+
12 Kanian oniay imbaga na Masanton Dios na Israel:
“Lapud agyo inawat so salitak+
Tan nanmatalek kayod panagsaol tan panagtila
Tan nandepende kayod saraya,+
13 Sayan kasalanan yo et magmaliw a singa aderal a padir,
Singa sakey ya atagtagey a padir a magano lan nakusbo.
Bigla tan maples a nageba itan.
14 Nabetag itan a singa baleg a buyog a produkto na managdamili,
Namisimisi itan kanian anggapo lay nakeran langa
A pankaykay na apoy ed dalikan
Odino pankaor na danum ed sakey ya atapew ya abot.”*
15 Ta oniay inkuan na Soberanon Katawan a Jehova, say Masanton Dios na Israel:
“Niliktar kayo no ompawil kayo ed siak tan manpareen kayo;
Say biskeg yo et akadepende ed pansiansia yon kalmado tan pangipatnag yoy panagmatalek.”+
Balet agyo labay.+
16 Imbes, oniay imbaga yo: “Andi, ta akakabayo kamin ontakas!”
Kanian ontakas kayo.
“Tan onlugan kami ed maples iran kabayo!”+
Kanian ompeles met iramay manguusil ed sikayo.+
17 Ontakot so sanlibo lapud panamagyaw na sakey;+
Ontakas kayo lapud panamagyaw na limara
Anggad say nakera ed sikayo et singa sakey a posten pangisisingeray layag diad toktok na palandey,
Singa palitek a pinagkatanda ed toktok na pukdol.+
18 Balet si Jehova et maan-anos a manaalagar* ed pangipatnag toy kaabigan ed sikayo,+
Tan sikatoy onalagey pian kasian to kayo.+
Ta si Jehova et Dios na inkahustisya.+
Maliket so amin a mantultuloy a manilalo* ed sikato.+
19 Sano manaayam la iray totoo ed Sion, diad Jerusalem,+ agka la onakis.+ Seguradon kasian to ka sano narengel toy ikerew moy tulong; ebatan to kan tampol sano narengel to itan.+ 20 Anggaman ikdan kayo nen Jehova na gonigon a pinagkatinapay yo tan panamairap a pinagkadanum yo,+ agla onamot so Makapadinayew a Managbangat yo, tan nanengneng yon mismo so Makapadinayew a Managbangat yo.+ 21 Tan makarengel kayo na salita ed benegan yo, a kuan to, “Saya so dalan.+ Dia so panakaran yo,” no bilang onla kayod kawanan odino onla kayod kawigi.+
22 Tan dutakan yo iray imahen yon abalkot na pilak tan saray metal ya estatua yon abalkot na balitok.+ Ibantak yo iratan a singa abel ya uusaren parad panreregla, insan yo ibagan, “Ekal kayo dia!”*+ 23 Tan sikatoy mangiter na uran parad bini ya itanem yo,+ tan dakerakel tan sankaabigan* so tinapay a pawalaen na dalin.+ Diad satan ya agew, saray ayayep yo et mankabkab ed maawang a panagpastolan.+ 24 Tan saray baka tan asno a manbabaka ed dalin et mangan na maabig a kakanen a tinaepan. 25 Tan diad kada atagey a palandey tan atagey a pukdol et wala ray kulos tan aagusan na danum,+ diad agew na baleg a panamatey sano nageba iray tori. 26 Tan say sinag na tulaw a bulan et magmaliw a singa liwawa na agew; tan say liwawa na agew et magmaliw a maminpitoy inkaliwawa to,+ a singa kaliwawa na pitoran agew, sano bedberan nen Jehova so impakaderal* na totoo to+ tan paabigen toy aralem a sugat lapud impanusa tod sikato.+
27 Say ngaran nen Jehova et onsabi manlapud arawi,
A mandarlang so sanok to tekep na makapal iran lurem.
Napno na sanok iray bibil to,
Tan singa apoy ya manguupot so dila to.+
28 Say espiritu* to et singa delap a mapmaples ya onaagus ya anggad beklew so kaaralem to,
Pian yegyegen to iray nasyon ed yakayakan na kadederal;*
Tan iyan tod panga na saray totoo so sakey a renda+ a pakabalangan da.
29 Balet say kansion yo et magmaliw a singa samay kakansionen ed labi
Sano manpaparaan kayo* parad piesta,+
Tan manliket so puso yo a singa samay sakey
A manaakar a walaay* plauta
A paarap ed palandey nen Jehova, ed Bato na Israel.+
30 Iparengel nen Jehova so makapadinayew a boses to+
Tan iparungtal toy taklay to+ legan ya ondadapo itan lapud petang na sanok to,+
Tekep na apoy a manguupot,+
Maksil ya uran+ tan bagyon atekepay karol tan uran a kristal.+
32 Tan kada ibasig nen Jehova so lewet ton panagdusa
Pian idapo tod Asirya,
Bansagan itan na saray tamburin tan arpa,+
Legan ya iwawasiwas toy taklay to a milalaban ed sikara.+
33 Ta akaparaan la so Tofet*+ to;
Niparaan met itan parad ari.
Ginawa ton aralem tan maawang so buntonan na kiew,+
A balbaleg so apoy tan alusbo so kiew.
Say ingas nen Jehova, a singa onaagus ya asupre,
So mamool ed satan.
31 Pakaskasi la iramay oonlad Ehipto pian onkerew na tulong,+
Saramay mandedepende ed saray kabayo,+
A manmamatalek ed saray karwahen pan-guerra, lapud dakerakel iratan,
Tan ed saray kabayon parad guerra,* lapud mabisbiskeg iratan,
Balet ag-ira nanilalo ed Masanton Dios na Israel,
Tan agda inanap si Jehova.
2 Balet ta sikatoy makabat tan idapo to so kadederal,
Tan agto babawien iray salita to.
Sikatoy onsumpad sankaabungan na saray manggagaway mauges
Tan ed saramay ontutulong ed saray manggagaway aliwa.+
Sano iyunat nen Jehova so lima to,
Napatir so siopaman ya ontutulong
Tan natumba so siopaman a tutulongan;
Amin da et maminpinsan a naandi.
4 Ta oniay inkuan nen Jehova ed siak:
“Singa leon a manngernger, sakey a mabiskeg tan malangwer a leon ed abay na narel ton ayep,
A sano nantitipon so interon grupo na saray managpastol pian ablogen da itan,
Ag-itan ontakot ed boses da
Odino napagyaw ed ingal da,
Ontan met so pilaban nen Jehova na saray armada
Nisengeg ed Palandey Sion tan say pukdol to.
5 Singa saray manok a maples ya ontitikyab, ontan met so pangiyagel nen Jehova na saray armada ed Jerusalem.+
Sikatoy idepensa tan isalba to.
Sikatoy iyagel tan iliktar to.”
6 “Pawil kayod samay parungtalan yon nanrebeldian, sikayo ran totoo na Israel.+ 7 Ta diad satan ya agew et ipulisay na balang sakey ed sikayo iray andi-kakanaan a dirios ton gawad pilak tan balitok, a ginawa na mismon lima yo tan sengegay impankasalanan yo.
8 Tan say Asiryano et ompatey ed espada ya agnanlapud too;
Tan sikatoy akmonen na espada ya agnanlapud too.+
Sikatoy ombatik lapud satan ya espada,
Tan magmaliw ya aripen iray kalangweran a lalaki to.
9 Samay nanmatalekan to* et naandi lapud takot,
Tan saray prinsipe to et ontakot lapud palitek a pinagkatanda,” so inkuan nen Jehova,
A say liwawa* to et walad Sion tan say hurnoan to et walad Jerusalem.
2 Tan balang sakey ed sikara et magmaliw a singa amotan* ed dagem,
Sakey a pansaniban* no bagyo,
Singa agus na danum ed dalin ya anggapoy danum,+
Singa anino na sakey a baleg a bato ed amagaan a dalin.
3 Insan agla naperengan iray mata na saramay makanengneng,
Tan ondengel la iray layag na saramay makarengel.
4 Say puso na saramay bengatbengat a mandedesisyon et morekdeken toy kakabatan,
Tan say ata-atan dila et mansalitan marlas tan malinew.+
5 Agla ipasen a maiter so andiay pakatalos,
Tan agla ipasen a gagalangen so andiay prinsipyo;
6 Ta mansalita na andi-kakanaan imay andiay pakatalos,
Tan manplano so puso to na saray makapasakit a bengatla,+
Pian ipaseseg toy panag-apostasya* tan mansalitay mauges ed si Jehova,
Pian agnapakan imay narasan,*
Tan agmakainum imay napgaan.
7 Mauges iray paraan na toon andiay prinsipyo;+
Ipapaseseg to iray makapabaing a kagagawa,
Pian deralen to so napapairap diad panamegley na saray tila,+
Anggano duga so sasalitaen na pobri.
9 “Sikayo ran kampantin bibii, alagey kayo, talineng yoy boses ko!
Sikayo ran ananak a bibiin agnapapagaan,+ dengel yoy ibabagak!
10 Pigaran agew kayari sakey taon, ontakot kayo, sikayo ran agnapapagaan,
Ta anggapoy naala yon bunga sano asumpal lay panagburbor na ubas.+
11 Giwgiw kayo, sikayo ran kampantin bibii!
Ontakot kayo, sikayo ran agnapapagaan!
Lakseb yoy kawes yo,
Tan balkesan yo na sakon abel iray balangbang yo.+
12 Tapok yo ray pagew yo ed panermen
Lapud nansumpalan na saray mabungan uma tan kaubasan.
13 Ta sakbongan na sabisabit tan makaturok a dikarika so dalin na saray totook;
Sakbongan na saratan so amin a kaabungan na panliliket,
On, say syudad a malikeliket.+
Nagmaliw a dalin ya agnapanayaman so Ofel+ tan say panagbantayan,
A panliketan na saray atap ya asno
Tan panagpastolan parad saray pulok,+
15 Anggad nikalbo lad sikatayo so espiritu manlapud tawen,+
Tan say kalawakan et magmaliw lan tanemay manbubungan kiew,
Tan sayan tanemay manbubungan kiew et ipasen lan singa sakey a katakelan.+
16 Insan manayam ed kalawakan so inkahustisya,
Tan manayam ed tanemay manbubungan kiew so inkatunong.+
17 Say resulta na tuan inkatunong et kareenan,+
Tan say bunga na tuan inkatunong et agmanganggan deen tan kaligenan.+
18 Manayam iray totook diad mareen a pasen,
Diad saray maligen ya ayaman tan mareen a pasen a painawaan.+
19 Balet deralen na uran a kristal so katakelan,
Tan sigpot a nageba so syudad.
20 Maliket kayo ran mantatanem na bini diad gilig na saray danum,
33 Pakaskasi ka la, sikan managderal ya anggapoy manederal ed sika;+
Sikan traidor ya anggapoy mantratraidor ed sika!
Sano mangangga lay panagderal mo, sika met so naderal.+
Sano mangangga lay pantratraidor mo, sika met so traidoren da.
Sika so kawalaay ilalo mi.
3 Diad ungol na panggugulo et ombatik iray totoo.
Sano onalagey ka et mantatayak iray nasyon.+
4 Singa pantitipon na saray masisiban duron, ontan met so pakatipon ed samsam mo;
Dagsaen itan na saray totoo a singa amungkog a duron.
5 Nitandoro si Jehova,
Ta sikatoy manaayam ed sankatageyan a pasen.
Panoen toy Sion na inkahustisya tan inkatunong.
6 Sikato so lapuay inkaligen ed saray panaon mo;
Say baleg a kililiktar,+ karunongan, pikakabat, tan say takot ed si Jehova+
—Saya so kayamanan to.
7 Oneyag ed karsada iramay totoon pandidinayewan da;
Onakis na ampaipait iray mensahero na kareenan.
8 Ataynanan iray manunan dalan;
Anggapo lay ondadalan ed saray karsada.
9 Nanermen* tan kinmapuy so dalin.
Abaingan so Lebanon,+ abulok la.
Nagmaliw a singa desierto so Saron,
Tan impagpag na Basan tan Carmel iray bulong da.+
10 “Onalagey ak natan,” so inkuan nen Jehova,
“Itandorok natan so sarilik;+
Iyatagey ko natan so sarilik.
11 Mangilukon kayo na amagan dika tan mangiyanak kayo na dayami.
Upoten kayo na mismon espiritu yo a singa apoy.+
12 Tan saray totoo et magmaliw a singa apoolan a dena.
Napoolan ira a singa saray pinutot a sabit.+
13 Sikayo ran walad arawi, dengel yo no antoy gawaen ko!
Tan sikayo ran walad asingger, bidbir yoy pakayarik!
‘Siopad sikatayo so makayarin manbilay ed kawalaay manguupot ya apoy?+
Siopad sikatayo so makayarin manbilay ed kawalaay agnaerep ya apoy?’
15 Samay manutumbok ed inkatunong,+
Mansasalita na kaptekan,+
Mangipupulisay ed agmanepeg tan masaol a nabang,
Ya agmangaawat na pasuksok imbes ya anamoten to itan,+
Ag-ondedengel ed saray plano a pamatey,
Tan ililikdem toy mata to pian agto nanengneng so mauges
16 —Sikatoy manayam ed atagey a pasen;
Say maligen a salimbengan* to et diad saray mabaton pasen a panag-amotan.
Sikatoy naikdan na tinapay,
Tan sikatoy agnaandiay danum.”+
17 Sakey a maglorian ari so nanengneng mo;
Sakey a dalin ed arawi so nabantag da.
18 Nanonotan* mod pusom iyan makapataktakot a bengatla:
“Kawalaan to imay sekretaryo?
Kawalaan to imay managbayar na buis?+
Kawalaan to imay manbibilang na saray tori?”
19 Anggapo lay nanengneng mon agmangitaltalek a totoo,
Totoon say lenguahe ra et agaylay irap* a talosan,
Ya agmo natalosan so ata-atan dila ra.+
20 Nengneng moy Sion, say syudad a kawalaan na saray piesta tayo!+
Nanengneng mo a say Jerusalem et mareen ya ayaman,
Sakey a tolda ya agbalot niyalis.+
Agnabagot iray palpal to,
Tan agnapultot iray lubir to.
21 Imbes, salimbengan itayo na Maglorian Dios a Jehova diad satan a pasen,
A singa saray ilog tan maawang iran kanal,
Ya agmakaloob ed saratan so grupo na saray barko
Tan anggapoy makadalan a baleg a barko.
22 Ta si Jehova so Ukom tayo,+
Si Jehova so Manangiter na Ganggan ed sikatayo,+
Si Jehova so Ari tayo;+
Sikato so mangiliktar ed sikatayo.+
23 Naukbar iray lubir mo;
Agda nipaalagey so posten pangisisingeray layag tan agda nibuskag so panaglayag.
Diad satan a panaon et panaapagan so dakel a samsam;
Anggan say piley et mangala na dakel a samsam.+
24 Tan anggapoy manaayam ditan a mangibagay: “Mansasakit ak.”+
Naperdona lay kasalanan na saray totoon manaayam ed satan a dalin.+
34 Singger kayo, sikayo ran nasyon, pian ondengel kayo,
Tan talineng kayo, sikayo ran totoo.
Ondengel komon so dalin tan say amin a wadtan,
Say dalin tan say amin a bunga to.
Deralen to ra;
Pateyen to ra.+
4 Nabulok so amin ya armada na katawenan,
Tan nalukot so katawenan a singa sakey a lukot.
Nalenes so amin ya armada ra,
A singa alenes a bulong a napagpag ed sengeg na ubas
Tan singa kinmebet a bunga a napelag ed kiew ya igos.
5 “Ta diad katawenan et natalem ed dala so espadak.+
Ondapo itan a mangukom ed Edom,+
Ed saray totoon deralen ko.
6 Walay espada nen Jehova; natalem iya ed dala.
Natalem iya ed taba,+
Ed dala na saray kilaw a kalakian a karnero tan saray kanding,
Tan ed taba a walad saray bato na saray kalakian a karnero.
Ta walay ibagat nen Jehova diad Bozra,
Sakey a baleg a panamatey diad dalin na Edom.+
7 Pateyen a kaiba na saratan iray toro,
Saray kilaw a baka pati saray mabibiskeg a baka.
Say dalin da et nadelap na dala,
Tan say dabok da et napanoy taba.”
8 Ta walay agew a pinili nen Jehova pian ombales ed saray kalaban to,+
Say taon a panusa tod sikara lapud Sion.+
9 Saray ilog to* et magmaliw ya alkitran,
Tan say dabok to et magmaliw ya asupre,
Tan say dalin to et magmaliw a singa mandarlang ya alkitran.
10 Agew-labin ag-itan naerep;
Mantultuloy a mamaatagey so asewek to ed andi-anggaan.
Sikatoy mansiansian aderal diad ilabas na saray henerasyon;
Anggapoy ondalan ed sikato diad anggad angga.+
11 Sikatoy kayarianen na saray pelikano tan porcupino,*
Tan sikatoy panayaman na saray kulayot tan wawak.
Sikatoy sukaten na Dios diad panamegley na lubir a panagsukat a mangipatnag na inkaandi-kakanaan
Tan diad panamegley na patawin* a mangipatnag a sikatoy agla napanayaman.
12 Anggapo lad saray gagalangen a totoo to so magmaliw ya ari,
Tan naandi la so amin a prinsipe to.
13 Ontubo iray sabit diad saray malet a tori to,
Tan saray makaturok a tanaman tan masabit a dikarika diad saray apadiran ya ayaman to.
Sikatoy panayaman na saray ason jakal,+
Tan panayaman na saray ostrits.
14 Miulop iray ayep ed desierto ed saray mantagloong ya ayep,
Tan tawagen na atap a kanding* so kaulop to.
On, ditan so panayaman tan pampainawaan na manok ed labi.
15 Ditan so panubongan tan paniknolan na singa panan uleg,
Tan pusnakan tan protektaan to iratan.
On, ditan so pantitiponan na saray manok a managsibar, a kada sakey et kaiba toy kapareha to.
16 Mansukimat kayod libro nen Jehova tan basaen yon maksil:
Anggapoy anggan sakey a nabalang ed sikara;
Anggapod sikaray naandian na kapareha,
Ta si Jehova so angiter na ganggan,
Tan say espiritu to so nantipon ed sikara.
17 Sikato so nandesisyon no antoy apag da,
Tan say mismon lima to so anukat ed pasen a nipabtang ed sikara.*
Kayarianen da itan ed amin a panaon;
Manayam ira ditan diad ilabas na amin a henerasyon.
35 Manliket so kalawakan tan say amagaan a dalin,+
Tan manggayaga so patar a desierto tan manrosas a singa safron.+
Nanengneng da so gloria nen Jehova, say karakpan na Dios tayo.
4 Ibaga yod saramay napapagaan so puso ra:
“Manpabiskeg kayo. Agkayo ontatakot.
Onsabi so Dios yo pian ombales ed saray kalaban yo,
Onsabi so Dios pian dusaen to ra.+
Sikatoy onsabi tan iliktar to kayo.”+
Ta ombusitsit so danum diad kalawakan,
Tan onagus so danum diad patar a desierto.
7 Magmaliw a maranum a pasen so amagamagan dalin,
Tan ompaway iray subol na danum diad amagaan a dalin.+
Diad saray pasen a nanayaman na saray ason jakal,+
Ontubo iray birdin dika, tanubong, tan saray tanaman a papiro.
Agmakadalan ditan imay agmalinis.+
Nigana labat itan ed samay ontutumbok ed dalan;
Anggapoy makulangkulang a makakar ditan.
9 Anggapoy leon ditan,
Tan anggapoy onla ditan a masebeg ya atap ya ayep.
10 Ompawil iramay dinondon nen Jehova+ tan magayaga ran onlad Sion.+
Nakoronaan ira na andi-anggaan a liket.+
Manliket tan manggayaga ra,
Tan naandi lay ermen tan panakis.+
36 Diad koma-14 a taon na uley nen Arin Hezekias, inataki nen Senakerib ya ari na Asirya+ so amin ya apadiran a syudad na Juda tan sinakop to iratan.+ 2 Insan imbaki na ari na Asirya so Rabsases*+ a kaibay baleg ya armada manlapud Lakis+ pian onlad si Arin Hezekias diad Jerusalem. Pinmuesto irad abay na banawang na bandad tagey a tiponay danum+ diad karsadan mamaarap ed uma na managpesak.+ 3 Insan pinmaway pian miarap ed sikato so manangasikaso na sankaabungan* a si Eliakim+ ya anak nen Hilkias, si Sebna+ a sekretaryo, tan si Joa ya anak nen Asaf, say managrekord na saray nagagawa.
4 Kanian oniay inkuan na Rabsases ed sikara: “Ibaga yo pad si Hezekias, ‘Oniay inkuan na makapanyarin ari, say ari na Asirya: “Antoy basiyan na panmamatalek mo?+ 5 Ibabagam, ‘Walay estratehiyak tan pakayarik a miguerra,’ balet anggapoy kana na saratan a salita. Siopay panmamatalekan mo, akin et makpel kan manrebelde ed siak?+ 6 Manmamatalek ka ed tulong na sayan abalbal a tanubong, say Ehipto, a no ompeket ed satan so sakey a too et naturok tan nasaluksokan so dakulap to. Ontan so Faraon ya ari na Ehipto ed amin a manmamatalek ed sikato.+ 7 Tan no bilang ibaga yod siak, ‘Manmamatalek kamid si Jehova a Dios mi,’ agta gawa to iramay atagey a pasen tan saray altar ya inekal nen Hezekias,+ insan to balet ibabaga ed Juda tan Jerusalem, ‘Diad sayan altar so pandakmomoan yo’?”’+ 8 Kanian natan, mipustaan ka pa ed katawan kon ari na Asirya:+ Ikdan ta kay 2,000 a kabayo no makaromog kay magenap ya onlugan ed saratan. 9 Panon mo sirin a napaatras so anggan sakey a gobernador a sankaabebaan ed saray lingkor na katawan ko, anta manmamatalek ka ed Ehipto ya ikdan to ka na saray karwahe tan akakabayon sundalo? 10 Natan, agak ta inabuloyan nen Jehova ya onlusob pian deralen iyan dalin? Inkuan a mismo nen Jehova ed siak, ‘Lusob mo tan deral mo iyan dalin.’”
11 Diad saman et nansalitay Eliakim, Sebna,+ tan Joa ed samay Rabsases:+ “Komon ta mitongtong kad saray lingkor mo diad lenguahen Aramaiko,*+ ta natalosan mi; agka mitotongtong ed sikami diad lenguahe na saray Judio ta narerengel na saray totoon walad tapew na padir.”+ 12 Balet inkuan na Rabsases: “Kasin diad katawan yo tan diad sikayo labat so angibakian ed siak na katawan ko pian ipasabi irayan salita? Agta pati diad saray totoon akayurong ed padir, saramay mangan na dilin tai ra tan oninum na dilin sirit da a singa sikayo?”
13 Insan inmalagey so Rabsases tan oniay inkelyaw to ed lenguahe na saray Judio:+ “Dengel yoy salita na makapanyarin ari, say ari na Asirya.+ 14 Oniay inkuan na ari, ‘Agkayo patitilaan ed si Hezekias, ta agto kayo nayarian ya iliktar.+ 15 Tan agkayo patatangguyor ed si Hezekias a manmatalek ed si Jehova,+ diad pangibabaga toy: “Seguradon iliktar itayo nen Jehova, tan agniyawat iyan syudad ed ari na Asirya.” 16 Agkayo ondedengel ed si Hezekias, ta oniay inkuan na ari na Asirya: “Mikareenan kayod siak tan suko kayo la,* pian kada sakey ed sikayo et mangan ed dilin ubas to tan dilin kiew ton igos tan oninum na danum ed dilin bobon to, 17 anggad onsabi ak tan iyakar ta kayo ed dalin a singa say mismon dalin yo,+ sakey a dalin na ilik tan balon alak, sakey a dalin na tinapay tan kaubasan. 18 Agyo aabuloyan a napalikdo kayo nen Hezekias diad pangibabaga ton, ‘Iliktar itayo nen Jehova.’ Wala ta lad saray dirios na saray nasyon so akapangiliktar ed dilin dalin da ed lima na ari na Asirya?+ 19 Kawalaan na saray dirios na Hamat tan Arpad?+ Kawalaan na saray dirios na Sefarvaim?+ Tan kasin ayarian dan inliktar so Samaria ed limak?+ 20 Wala ta ed saray dirios na sarayan dalin so akapangiliktar ed dalin da ed limak, pian isipen yon niliktar nen Jehova so Jerusalem ed limak?”’”+
21 Balet ag-ira inmesel tan ag-iran balot inmebat ed sikato, ta say ganggan na ari, “Agkayo oneebat ed sikato.”+ 22 Balet linmad si Hezekias so manangasikaso na sankaabungan* a si Eliakim ya anak nen Hilkias, say sekretaryo a si Sebna,+ tan say managrekord na saray nagagawa a si Joa ya anak nen Asaf, a pinilat da ray kawes da, tan impasabi rad sikato iray imbaga na Rabsases.
37 Sanen nadngelan itan nen Arin Hezekias, pinilat to ray kawes to tan nansulong na sakon abel tan linmoob ed abung nen Jehova.+ 2 Insan imbaki toy Eliakim a manangasikaso na sankaabungan,* si Sebna a sekretaryo, tan saray mamatatken a saserdote, ya akasulong ira na sakon abel, pian onla rad propetan Isaias+ ya anak nen Amoz. 3 Imbaga rad sikato: “Oniay inkuan nen Hezekias, ‘Sayan agew et agew na gonigon, panagbalaw,* tan kababaingan; ta saray ugugaw et asingger lan iyanak,* balet anggapoy biskeg na ina a mangidages.+ 4 Agla pigan narengel nen Jehova a Dios mo iray imbaga na Rabsases, ya imbaki na ari na Asirya a katawan to pian kantiawan so mabilay a Dios,+ tan mikuentaan ed sikato si Jehova a Dios mo lapud saray nadngel to. Kanian ipikasim+ iray akeran akaliktar.’”+
5 Kanian linmad si Isaias iray lingkor nen Arin Hezekias,+ 6 tan imbaga nen Isaias ed sikara: “Ibaga yod katawan yo, ‘Oniay inkuan nen Jehova: “Agka natatakot+ lapud saray nadngel mon impamauges ed siak na saray lingkor na ari na Asirya.+ 7 Walay iyan kon kanonotan ed sikato,* tan walay narengel ton balita tan ompawil ed dalin to;+ tan sikatoy pateyen kod espada diad dalin to.”’”+
8 Sanen arengelan na Rabsases a tinmaynan lad Lakis so ari na Asirya, pinawil to so ari tan asabian ton milalaban ed Libna.+ 9 Et nadngelan na ari a pinmaway si Arin Tirhaka na Etiopia pian milaban ed sikato. Kanian sikatoy angibaki lamet na saray mensahero ed si Hezekias,+ ya inkuan to: 10 “Oniay ibaga yod si Arin Hezekias na Juda, ‘Agka patitilaan ed Dios mo a panmamatalekan mo, a mangibabagan: “Agniyawat so Jerusalem ed ari na Asirya.”+ 11 Nadngelan mo no antoy ginawa na arari na Asirya ed amin a dalin diad impaneral dad saratan.+ Kasin iisipen mon makaliktar ka? 12 Kasin ayarian iran inliktar na saray dirios na saray nasyon a dineral na inmuunan atateng ko?+ Kawalaan la na Gozan, Haran,+ Rezef, tan saray totoo na Eden a walad Tel-asar? 13 Kawalaan lay ari na Hamat, say ari na Arpad, tan saray arari ed saray syudad na Sefarvaim,+ Hena, tan Iva?’”
14 Et inala nen Hezekias iray sulat ed saray mensahero tan binasa to. Insan linmay Hezekias ed abung nen Jehova tan binuskag to iratan* ed arapan nen Jehova.+ 15 Tan ginapoan nen Hezekias so manpikasi ed si Jehova,+ ya inkuan to: 16 “O Jehova na saray armada,+ say Dios na Israel, ya akayurong ed trono diad tagey* na saray kerubin, sika labat so tuan Dios na amin a panarian ed dalin. Sika so nanggawa ed katawenan tan say dalin. 17 Ikiling mo pay layag mo, O Jehova, tan dengel ka!+ Ilukas mo pa ray matam, O Jehova, tan nengneng ka!+ Dengel mon amin so mensahe nen Senakerib ya impasabi to pian kantiawan so mabilay a Dios.+ 18 O Jehova, tua a dineral na saray arari na Asirya so amin a dalin,+ pati say mismon dalin da. 19 Tan imbubuntok da ed apoy iray dirios da,+ lapud aliwa ran dios, noagta ginawa labat na too+ manlapud kiew tan bato. Kanian nayarian dan deralen iratan. 20 Balet natan, O Jehova a Dios mi, komon ta iliktar mo kami ed lima to, pian naamtaan na amin a panarian ed dalin a sika labat so Dios, O Jehova.”+
21 Et oniay mensahen impasabi nen Isaias ya anak nen Amoz ed si Hezekias: “Oniay imbaga nen Jehova a Dios na Israel, ‘Lapud nampikasi ka ed siak nipaakar ed si Arin Senakerib na Asirya,+ 22 saya so imbaga nen Jehova sumpad sikato:
“Mumudmoraen ka na birhen ya anak a bii na Sion, balbalawen to ka.
Manpeyeng ed sika so anak a bii na Jerusalem.
23 Siopay kinantiawan mo+ tan pinauges mo?
Say Masanton Dios na Israel!
24 Diad panamegley na saray lingkor mo et kinantiawan moy Jehova+ tan imbagam,
‘Diad dakerakel iran karwahek a pan-guerra
Et ontatdang ak ed toktok na kapalandeyan,+
Say sankaarawian iran pasen na Lebanon.
Batangen ko ray ataragey a sedro, tan saray sankarakpan a kiew ya enebro ditan.
Onla ak ed sankatageyan iran pasen, saray sankakapalan a katakelan ditan.
25 Mankotkot ak na saray bobon tan inumen ko ray danum;
Paekaten ko iray kulos* na Ehipto diad panamegley na saray dapan ko.’
26 Agmo ta nadngelan? Manlapu la nensaman et denesidi* la itan.
Manlapud abayag lan panaon et imparaan ko* la itan.+
Natan et gawaen ko la.+
Saray apadiran a syudad et pagmaliwen mon bunton na saray geray ya agnapanayaman.+
27 Anggapoy nagawaan na saray manaayam ed saratan;
Nataktakot tan nabaingan ira.
Magmaliw iran singa saray tanaman ed uma tan birdin dika,
Singa dika ed saray atep, ya amagaan lapud dagem a manlalapud bukig.
28 Balet amtak sano onyuyurong ka, sano ompapaway ka, sano onloloob ka,+
Tan sano onsasanok kad siak,+
29 Lapud nadngel koy isasanok mod siak+ tan say paniingal mo.+
Kanian deyengen koy eleng mo tan ikdan ko na renda+ so sangim,
Tan tengtengen ta kan papawil ed nanlapuan mo.”
30 “‘Tan saya so tanda parad sika:* Diad sayan taon et kanen yo iramay tinmubon bukor;* tan diad komaduan taon et kanen yo iray ilik a nanlapud saratan; balet diad komatlon taon et mantanem kayoy bukebukel tan manani kayo, tan mantanem kayo na saray ubas tan kanen yoy bunga ra.+ 31 Saramay makaliktar a kabiangay sankaabungan na Juda, saramay akeraan,+ et onlamot tan manbunga ira. 32 Ta walay nakeran ompaway ed Jerusalem tan saray makaliktar ya ompaway ed Palandey Sion.+ Nagawa iya lapud inkaseseg nen Jehova na saray armada.+
33 “‘Kanian oniay inkuan nen Jehova nipaakar ed ari na Asirya:+
“Sikatoy ag-onloob ed sayan syudad+
Tan agmangikenay pana ditan
Tan agmiarapan a walaay panagsamper
Tan agmantambak na dalanen to a pangubkob ed satan.”’+
34 ‘Sikatoy ompawil ed samay datin dinalan to;
Sikatoy ag-onloob ed sayan syudad,’ so imbaga nen Jehova.
35 ‘Iyagel ko iyan syudad+ tan iliktar ko nisengeg ed ngaran ko+
Tan nisengeg ed si David a lingkor ko.’”+
36 Tan say anghel nen Jehova et pinatey toy 185,000 lalaki diad kampo na saray Asiryano. Kabangon na saray totoo ed kabkabuasan, bangkay lan amin so anengneng da ditan.+ 37 Kanian tinmaynan si Arin Senakerib na Asirya tan pinmawil ed Ninive+ tan nansiansia diman.+ 38 Tan sanen ondadakmomo ed abung* na dios ton si Nisroc, sikatoy pinatey na saray ananak ton si Adramelec tan Sarezer diad espada,+ insan batik ira ed dalin na Ararat.+ Tan si Esar-hadon+ ya anak to so nagmaliw ya ari a kasalat to.
38 Diad saraman ya agew, si Hezekias et nansakit tan ngalngali la ompatey.+ Et linmad sikato si propetan Isaias+ ya anak nen Amoz tan inkuan to, “Oniay inkuan nen Jehova: ‘Bilin moy sankaabungan mo, ta ompatey ka la; agka la onabig.’”+ 2 Diad saman et inmarap si Hezekias ed padir tan nampikasi ed si Jehova: 3 “Kasian mo ak, O Jehova, nonot mo+ komon a nanmatoor ak ed sika diad interon puso,+ tan ginawak so maabig ed pakanengneng mo.” Tan nanakis a maong si Hezekias.
4 Insan inkuan nen Jehova ed si Isaias: 5 “Pawil ka tan ibagam ed si Hezekias,+ ‘Oniay inkuan nen Jehova a Dios nen David ya inmunan ateng mo: “Nadngel koy pikakasim.+ Anengneng ko ray luam.+ Aruman koy 15 taon so bilay* mo,+ 6 tan iliktar ta ka tan sayan syudad ed lima na ari na Asirya, tan iyagel ko iyan syudad.+ 7 Saya so tanda ya iter nen Jehova pian nanengneng mo a tooren nen Jehova so imbaga to:+ 8 Paseneren ko na samploran balitang so anino a linmeksab ed takayan* nen Ahaz.”’”+ Kanian sinmener na samploran balitang so anino anggaman akaleksab la itan.
9 Saya so insulat nen Arin Hezekias na Juda sanen sikatoy nansakit tan inmabig.
10 Inkuan ko: “Diad kapegleyan na bilay ko
Et onloob ak lad saray puerta na Lubok.*
Nisiblet ed siak iray nakekeraan a taon ko.”
11 Inkuan ko: “Agko la nanengneng si Jah,* si Jah ed dalin na saray mabilay.+
Agko la nanengneng so katooan
Sano nakaibak la iray manaayam ed pasen a mangangga so amin a bengatla.
12 Abagbag so ayaman ko tan inala ed siak+
A singa tolda na managpastol.
Nilukot koy bilay ko a singa sakey a managlagay abel;
Pinutot to ak a singa abel ed panaglagaan.
Manlapud agew anggad labi et iyaasingger mo ak ed anggaan.+
13 Papakalmaen koy inkasiak anggad kabuasan.
Singa sakey a leon, puputer-puteren toy amin a pukel ko;
Manlapud agew ya anggad labi et iyaasingger mo ak ed anggaan.+
Naksawan lay matak ya onnenengneng ed tagey:+
15 Anto ni kasi nibagak?
Sikatoy nansalita lad siak tan kinmiwas la.
16 ‘O Jehova, manbibilay so amin a totoo lapud sarayan bengatla,*
Tan walad saraya so bilay na espirituk.
Paabigen mo ak tan pansiansiaen mo ak a mabilay.+
Inliktar mo ak ed abot na kadederal.+
Imbantak mod benegan mo so amin a kasalanan ko.*+
Saramay onlalasur ed abot et agmakapanilalo ed inkamatoor mo.+
19 Saray mabilay, on, saray mabilay so makapangidayew ed sika,
A singa gagawaen ko natan.
Nibangat na ama iray anak to nipaakar ed inkamatoor mo.+
20 O Jehova, iliktar mo ak,
Tan togtogen mi ray kansion ko ed saray nandeles ya instrumento+
Diad abung nen Jehova ed amin ya agew na bilay mi.’”+
21 Insan inkuan nen Isaias: “Mangala kayoy bibingka a gawad pinamaga tan pinitpit ya igos tan ipakep yod pelsa to, pian sikatoy onabig.”+ 22 Intepet nen Hezekias: “Antoy tanda ya onsegep ak ed abung nen Jehova?”+
39 Diad saman, say ari na Babilonia a si Merodac-baladan ya anak nen Baladan et angipawit na saray sulat tan regalo ed si Hezekias,+ ta nadngelan ton sikatoy nansakit tan inmabig la.+ 2 Maliket iran pinatuloy nen* Hezekias tan impanengneng tod sikara so pasen a pangiinan toy kayamanan+—saray pilak, balitok, larak a balsamo tan arum nin mablin larak, amin ya armas to, tan amin a walad saray pasen a pangiinan toy kayamanan. Anggapoy bengatlan ag-impanengneng nen Hezekias ed sikara diad abung* to tan diad amin a walad pakauley to.
3 Kayari na satan, linmay propetan Isaias ed si Arin Hezekias tan tinepetan to: “Antoy imbaga na sarayan lalaki, tan iner so nanlapuan da?” Kanian inmebat si Hezekias: “Nanlapu rad arawin dalin, diad Babilonia.”+ 4 Tinepet to ni: “Antoy anengneng dad abung mo?”* Inmebat si Hezekias: “Anengneng dan amin so walad abung ko.* Anggapoy bengatlan agko impanengneng ed sikara diad saray pasen a pangiinan koy kayamanan.”
5 Natan, oniay inkuan nen Isaias ed si Hezekias: “Dengel mo so salita nen Jehova na saray armada, 6 ‘Onsabi agew a say amin a walad abung mo* tan amin a tinipon na inmuunan atateng mo anggad sayan agew et awiten ed Babilonia. Anggapon balot so nakera,’+ so inkuan nen Jehova.+ 7 ‘Tan arum ed saray magmaliw ya ananak mo et alaen tan magmaliw iran opisyal ed palasyo na ari na Babilonia.’”+
8 Et inkuan nen Hezekias ed si Isaias: “Say salita nen Jehova ya impasabim et maabig.” Insan intuloy to: “Lapud walay kareenan tan kaligenan* legay bilay* ko.”+
40 “Ligliwa yo, ligliwa yoy totook,” so inkuan na Dios yo.+
2 “Mansalita kayo ed puso na* Jerusalem,
Tan iyabawag yod sikato ya asumpal lay paskaran a panaglingkor to,
Abayaran lay kasalanan to.+
Sigpot a kasimbangan* so naawat tod lima nen Jehova parad amin a kasalanan to.”+
3 Walay onkekelyaw diad kalawakan:
“Linisan* yo so dalanen nen Jehova!+
Manggawa kayoy maptek a dalan+ diad desierto a parad Dios tayo.+
4 Patagey yoy amin a lawak,
Tan paabeba yoy amin a palandey tan pukdol.
Plastado yoy atibtibagkol a dalin,
Tan pagmaliw yon patar a lawak so nikutkutlaong a dalin.+
5 Niparungtal naani so gloria nen Jehova,+
Tan nanengneng itan na amin a totoo,*+
Ta si Jehova a mismo so nansalita.”
6 Dengel mo! Walay mangibabaga: “Kelyaw ka!”
Tan walay mangitepet: “Antoy ikelyaw ko?”
“Amin a totoo* et singa birdin dika.
Amin a matoor a panangaro ra et singa rosas ed uma.+
On, saray totoo et singa labat birdin dika.
8 Amagaan so birdin dika,
Alenes so rosas,
Balet say salita na Dios tayo et mansiansia ya anggad angga.”+
Ikasil mon maong so boses mo,
Sikan bii a mangipapasabi na maong a balita parad Jerusalem.
Ikasil mo, agka ontatakot.
Iyabawag mod saray syudad na Juda: “Nia so Dios yo.”+
10 Say Soberanon Katawan a Jehova et onsabin walaay pakayari,
Tan say taklay to et manuley parad sikato.+
Walad sikato so tumang to,
Tan walad arapan to so upa ya ibayar to.+
11 Asikasoen* toy pulok to a singa sakey a managpastol.+
Tiponen to iray kordero diad panamegley na taklay to,
Tan awiten to ra diad pagew to.
Maalwar ton iwanwan iramay manpapasuso.+
12 Siopa lay akasukat ed danum na dayat ed panamegley na lima to+
Tan angalay sukat na katawenan ed panamegley na sankarangan na lima to?*
Siopa lay akapangikarga ed dabok na dalin diad panagsukatan,+
Odino animbang ed belat na kapalandeyan
Pati say kapukdolan?
13 Siopa lay akasukat* ed espiritu nen Jehova,
Tan siopay makapangibangat ed sikato bilang mananimbawa to?+
14 Siopay kinonsulta to pian sikatoy nawalaay pakatalos,
Odino angibangat ed sikato ed basbas na inkahustisya,
Odino angiter ed sikato na pikakabat,
Odino angipanengneng ed sikato na dalan na tuan pakatalos?+
15 Saray nasyon et singa sankatedter a danum ed timba,
Tan ipapasen to ran singa dabok ed saray simbangan.+
Agwaten to iray isla a singa labat dabok.
16 Anggan say Lebanon et agmagenap a pansunglor ed apoy,*
Tan anggan saray atap ya ayep ditan et agmagenap bilang apay a popoolan.
17 Amin a nasyon et singa anggapo ed arapan to;+
Ipapasen to ran singa labat anggapo, singa anggapoy kakanaan.+
18 Siopay pangikomparaan yod Dios?+
Antoy nibaga yon kaparpara to?+
19 Say marunong a komikimey et nanggaway idolo,
Say latero et binalkot to itan na balitok,+
Tan inggawaan to na saray pilak a kuwintas.
20 Sikatoy amili na kiew ya iter to,+
Sakey a kiew ya agnabulok.
Inyanapan to itan na sakey a marunong a komikimey
Pian manggaway sakey ya inukit ya imahen ya agnatumba.+
21 Agyo ta amta?
Agyo ta nadngelan?
Agta nibaga ed sikayo manlapu lad gapo?
Agyo ta atalosan manlapu lad inkiletneg na dalin?+
22 Walay Dios a manaayam diad tagey na malimpek* a dalin,+
Tan singa labat duron iray manaayam ditan,
Ibibilkag to so katawenan a singa labat maimpis ya abel,
Tan ibubuskag to iratan a singa toldan panayaman,+
23 Eekalen tod pakayari iray atagey ya opisyal,
Tan gagawaen ton anggapoy kakanaan iray ukom* diad dalin.
24 Aganggano ni ran nitanem,
Aganggano ni ran nisibwag,
Agni linmamot so sengeg da ed dalin,
Et asiplogan tan amagaan la ra,
Tan singa ra dayami ya itikyab na dagem.+
25 “Siopay pangikomparaan yod siak pian makapipara ak ed sikato?” so inkuan na Masanton Dios.
26 “Tangay kayo pad tawen tan nengneng yo.
Siopay amalsa ed sarayan bengatla?+
Samay mangidadaulo ed armada na saray bibitewen unong ed bilang da;
Tatawagen to ran amin ed kangaranan da.+
Lapud mabisbiskeg ya enerhiya to tan makapadinayew a pakayari to,+
Anggapo ed saratan so nababalang.
27 Akin ya ibabagam, O Jacob, tan iyaabawag mo, O Israel,
‘Agnanenengneng nen Jehova so dadalanen ko,
Tan anggapoy hustisya a naawat kod Dios’?+
28 Agyo ta naamtaan? Agyo ta nadngelan?
Si Jehova, say Manamalsa na interon dalin, et Dios ed anggad angga.+
Sikatoy agbalot nakesawan odino onkapuy.+
Agnasarag ya usisaen* so pakatalos to.+
29 Iikdan toy pakayari iray naksawan,
Tan pakakasilen ton maong iramay andiay biskeg.*+
30 Onkesaw tan onkapuy iray ugugaw a lalaki,
Tan naparukol tan natumba iray kalangweran a lalaki,
31 Balet ombiskeg iramay maniilalo ed si Jehova.
Ontikyab iran singa walaay payak na agila.+
Ombatik ira tan ag-ira onkapuy;
Manakar ira tan ag-ira nakesawan.”+
Onasingger ira komon insan ira mansalita.+
Mantitipon itayo parad panangukom.
2 Siopay anuro ed samay nanlapud bubutayan na agew,*+
Ya anawag ed sikato ed inkatunong pian onlad salian To,*
Pian iyawat tod sikato iray nasyon
Tan ibaki ton manakop ed saray arari?+
Siopay nanggawad sikara a singa dabok ed arap na espada to,
Singa dayami ya intikyab na dagem ed arap na pana to?
3 Inusilan to ra, tan agnaamper so idadalan to
Diad saray basbas ya agni adalan na sali to.
4 Siopay kinmiwas tan nanggawa ed saya,
A manatawag ed saray henerasyon manlapu lad gapoy gapo?
5 Anengneng itan na saray isla tan tinmakot ira.
Ginmiwgiw iray sampot na dalin.
Inmasingger ira tan dinmago ra.
6 Tinulongan na balang sakey so kaiba to,
Tan inkuan tod agi to: “Manpabiskeg ka.”
7 Kanian pinabiskeg na marunong a komikimey imay latero;+
Samay managpino a manguusar na maso
So amabiskeg ed samay managpanday.
Oniay inkuan to nipaakar ed impan-inang: “Marakep.”
Insan to impasak pian agnatumba.
8 “Balet sika so lingkor ko, O Israel,+
Sika so pinilik, O Jacob,+
Say ilalak* nen Abraham a kaarok,+
9 Sika, ya inalak manlapud saray sampot na dalin,+
Tan sika, a tinawag ko manlapud saray sankaarawian a pasen ditan.
10 Agka ontatakot, ta wala ak ed sika.+
Agka ompapaga, ta siak so Dios mo.+
Pabiskegen ta ka, on, tulongan ta ka.+
Talagan bembenan ta ka ed kawanan a limak unong ed inkatunong ko.’
11 Napabaingan tan nipaabeba iramay amin ya onsasanok ed sika.+
Naandi tan naderal iramay milalaban ed sika.+
12 Anapen mo iramay onsusumpa ed sika, balet agmo la ra naromog;
Saramay milalaban ed sika et magmaliw a singa labat anggapo.+
13 Ta siak, si Jehova a Dios mo, so mamemben ed kawanan a limam,
Say mangibabaga ed sika na, ‘Agka ontatakot. Tulongan ta ka.’+
14 Agka ontatakot, sikan melag a bigis* a Jacob,+
Sikayo ran totoo na Israel. Tulongan ta kayo,” so imbaga nen Jehova, say Mananondon yo,+ say Masanton Dios na Israel.
Dalanan mo iray palandey tan mekmeken mo ra
Tan pagmaliwen mon singa taep iray pukdol.
17 “Manaanap na danum iray pobri tan mairap-bilay, balet anggapoy naromog da.
Amagaan lay dila ra lapud inkapgaan.+
Siak si Jehova, ebatan ko ra.+
Siak a Dios na Israel et agko ra ikaindan.+
18 Mamawala ak na saray ilog ed saray pukdol ya anggapoy tanem+
Tan saray subol ed saray patar a lawak.+
Pagmaliwen kon maranum a pasen so kalawakan
Tan ompaway iray subol na danum diad amagan dalin.+
Itanem kod patar a desierto so kiew ya enebro,
Pati say kiew a fresno tan sipres,+
20 Pian nanengneng tan naamtaan na amin a totoo
Tan imanoen da tan natalosan da,
A say lima nen Jehova so nanggawa ed saya,
Tan say Masanton Dios na Israel so amawala ed satan.”+
21 “Iyarap yoy kaso yo,” so inkuan nen Jehova.
“Ipaway yo iray argumento yo,” so inkuan na Ari na Jacob.
22 “Ipanengneng yoy prueba yo tan ibaga yod sikami iray nagawa ed arapen.
Ibaga yod sikami iray apalabas* a bengatla,
Pian namorekdek mi iratan* tan naamtaan mi no antoy pansumpalan na saratan.
Odino ipaamta yod sikami iray bengatlan onsabi.+
On, manggawa kayoy maong odino mauges,
Pian onkelaw kami sano nanengneng mi itan.+
Makapadimla so siopaman a mamili ed sikayo.+
25 Walay tinurok ed amianen, tan sikatoy onsabi,+
Sakey a manlapud bubutayan na agew*+ ya ontawag ed ngaran ko.
Igatin-gatin to iray manuley* a singa ra pitek,+
Singa managdamili a mangigatin-gatin ed pitek.
26 Siopa lay angibaga na nipaakar ed saya manlapu lad gapoy gapo, pian naamtaan mi,
Odino manlapu la nensaman, pian nikuan min, ‘Sikatoy duga’?+
On, anggapoy angipaamta!
Anggapoy angiyabawag!
Anggapoy nadngel dan anggan sakey ya imbaga yo!”+
27 Siak so akaunan angibaga ed Sion: “Nengneng yo no antoy nagawa!”+
Tan mangibaki ak ed Jerusalem na mangipasabi na maong a balita.+
28 Balet onnenengneng ak, tan anggapoy anggan sakey;
Anggapo ed sikara so makapangiter na simbawa.
Tan intultuloy kon kinerew so ebat da.
Anggapoy kakanaan na saray kimey da.
Singa dagem tan anggapoy kakanaan iray metal ya imahen da.+
42 Say lingkor ko+ a susuportaan ko!
Say pinilik+ ya inabobonan ko!*+
Diad inkamatoor et ipatnag to so inkahustisya.+
4 Sikatoy ag-onkuyep odino nabalbal anggad niletneg to so inkahustisya diad dalin;+
Tan saray isla et manaalagar ed ganggan* to.
5 Oniay inkuan na tuan Dios a Jehova,
Say Manamalsa na katawenan tan say Makapadinayew ya angibuskag ed saratan,+
Say angitarya ed dalin tan ed amin a bengatlan wadtan,+
Say angiter na linawa ed saray totoo+
Tan puersa na bilay ed saramay manaakar ditan:+
6 “Siak, si Jehova, so anawag ed sika diad inkatunong;
Binembenan koy limam.
Salimbengan ta ka tan iter ta ka bilang sakey a sipanan parad saray totoo+
Tan bilang liwawa na saray nasyon,+
7 Pian lukasan mo iray mata na saray bulag,+
Pian ipaway mod bartolina iray priso
Tan ipaway mod prisoan iramay manyudyurong ed kabilungetan.+
8 Siak si Jehova. Saya so ngaran ko;
Agko iter so gloriak ed anggan siopa,*
Odino say dayew ko ed saray imahen.+
9 Nengneng yo, linmabas la ray inmuunan bengatla;
Ibagak natan iray balon bengatla.
Sakbay irayan nagawa et ipaamtak lad sikayo.”+
10 Kansionan yoy Jehova na sakey a balon kansion,+
Sakey a panangidayew ed sikato manlapud saray sampot na dalin,+
Sikayo ran manbiabiahe ed dayat tan ed amin a wadtan,
Sikayo ran isla tan amin yon manaayam ed saratan.+
11 Ikasil komon na kalawakan tan saray syudad ditan so boses da,+
Saray baryo a panaayaman na Kedar.+
Oneyag komon ed liket iray manaayam ed saray mabaton pasen;
Manbando ra komon diad toktok na kapalandeyan.
13 Si Jehova et ompaway a singa sakey a mabiskeg a laki.+
Sikatoy maseseg ya onkiwas a singa sakey a sundalo.+
Sikatoy oneyag, on, oneyag parad guerra;
Ipanengneng ton sikatoy mas mabiskeg nen saray kalaban to.+
14 “Abayag ak lan ag-inmesel.
Nansiansia ak a marendeen tan pinokpokan koy sarilik.
Singa sakey a biin manaanak,
Manngesnges, maningas, tan abot-aboten koy linawak.
15 Deralen ko iray palandey tan pukdol
Tan pamagaen koy amin a tanaman da.
16 Iwanwan ko iray bulag ed basbas ya agda ni amta+
Tan panakaren ko ra diad dalan ya agda ni kabisado.+
Saraya so gawaen ko parad sikara, tan agko ra taynanan.”
17 Onsener tan nabaingan iran maong,
Saramay manmamatalek ed imahen,
Saramay mangibabaga ed saray metal ya estatua: “Sikayo iray dirios mi.”+
19 Siopay bulag noag say lingkor ko,
Siopay telek a singa say mensaheron imbakik?
Siopay bulag a singa samay atumangan,
Bulag a singa say lingkor nen Jehova?+
20 Dakel so nanenengneng yo, balet agkayo manbabantay.
Inlukas yo iray layag yo, balet agkayo ondedengel.+
21 Nisengeg ed inkatunong to,
Nanliketan nen Jehova ya itandoro tan igloria so ganggan* to.
22 Balet sarayan totoo et asamsaman tan aderal;+
Amin da et agmakaagwat ed saray abot tan niyamot ed saray prisoan.+
Aderal ira ya anggapoy mangiliktar,+
Tan asamsaman ira ya anggapoy mangibagay: “Ipawil yo ra!”
23 Siopa ed sikayo so ondengel ed saya?
Siopay manimano tan ondengel ed onsabin panaon?
24 Siopay angiyawat ed Jacob pian sikatoy naderal,
Tan angiyawat ed Israel diad saray managsamsam?
Agta si Jehova, say nankasalananan da?
Inupot na saya so amin ya akapaliber ed sikara, balet agda inimano.+
Pinoolan ira na saya, balet agda impapuso.+
“Agka ontatakot, ta dinondon ta ka la.+
Tinawag ta ka ed ngaran mo.
Kayarian ta ka.
2 Wala ak ed sika sano ombaliw kad saray aralem a danum,+
Tan agka nalener sano ombaliw kad saray ilog.+
Sano ondalan kad apoy, agka napoolan,
Tan agka nasinit.
3 Ta siak si Jehova a Dios mo,
Say Masanton Dios na Israel, say Manangiliktar mo.
Inter koy Ehipto bilang dondon parad sika,
Say Etiopia tan say Seba bilang kasalat mo.
Kanian mangiter ak na totoo bilang kasalat mo,
Tan saray nasyon bilang kasalat na bilay mo.*
5 Agka ontatakot, ta wala ak ed sika.+
6 Ibagak ed amianen, ‘Ipawil mo ra!’+
Tan dia ed abalaten, ‘Ibulos mo ra.
Awit mo dia iray anak kon lalaki a nanlapud arawi, tan saray anak kon bibii a nanlapud sampot na dalin,+
7 Amin dan atawag ed ngaran ko+
Tan pinalsak parad kigloriaan ko,
Saramay pinormak tan ginawak.’+
Siopa ed sikara so makapangibaga ed saya?
Odino nayarian da kasin ibaga ed sikatayo iray unonan bengatla?*+
Iyarap da komon iray tasi ra, pian napaneknekan da a duga ira,
Odino dengelen da komon tan ibaga ran, ‘Saya so katuaan!’”+
10 “Sikayo ray tasik,”+ so imbaga nen Jehova,
“On, say lingkor ko a pinilik,+
Pian naamtaan yo tan manisia kayo ed siak*
Tan natalosan yo ya agak manguuman.+
Antis ko et anggapoy arum a Dios,
Tan kayarik et anggapo lay arum.+
11 Siak—siak si Jehova,+ tan anggapo lay arum a manangiliktar.”+
Kanian sikayo ray tasik,” so inkuan nen Jehova, “tan siak so Dios.+
13 Tan diad amin a panaon et agak manguuman;+
Tan anggapoy makayarin maningkat na antokaman ed limak.+
Sano onkiwas ak, siopay makaamper?”+
14 Oniay inkuan nen Jehova, say Mananondon yo,+ say Masanton Dios na Israel:+
“Nisengeg ed sikayo et ibakik ira ed Babilonia tan igeba ra so amin a balewet na saray puerta,+
Tan onakis ed gonigon iray Caldeo diad saray barko ra.+
15 Siak si Jehova, say Masanton Dios yo,+ say Manamalsa na Israel,+ say Ari yo.”+
16 Oniay inkuan nen Jehova,
Say manggagaway sakey a dalan diad dayat
Tan sakey a basbas anggan diad saray madaluyon a danum,+
17 Say Sakey a mangipapaway ed karwahen pan-guerra tan say kabayo,+
Say armada pati saray mabibiskeg a sundalo:
“Naparukol ira tan ag-ira makabangon.+
Naupot ira, naerep iran singa sakey a mandarlang a pabilo.”
18 “Agyo la nononoten iray inmunan bengatla,
Tan lingwanan yo la ray apalabas a bengatla.
Agyo ta nanenengneng?
20 Igloria ak na atap ya ayep ed uma,
Saray ason jakal tan saray ostrits,
Ta mamawala ak na danum diad kalawakan,
Saray ilog ed desierto,+
Pian painumen ko iray totoon pinilik,+
21 Saray totoon ginawak a parad siak,
Pian iyabawag da so kirayewan ko.+
23 Agmo ak inyakaran na karnero parad interon apay mon popoolan
Tan agmo ak inggloria ed panamegley na saray bagat mo.
Agta ka pinilit a mangawit ed siak na regalo,
Tan agta ka pinairap diad inkerew koy olibano.+
Imbes, impaawit mod siak iray kasalanan mo
Tan pinakesaw mo ak lapud saray inkauges mo.+
25 Siak, siak so mamunas ed saray lingom*+ nisengeg ed ngaran ko,+
Tan agko la nonoten iray kasalanan mo.+
26 Ipanonot mod siak; manarap tad korte;
Isalaysay moy katunongan mo ta pian paneknekan mon duga ka.
28 Kanian pabandayen ko iray prinsipe ed masanton pasen,
Tan iyawat koy Jacob ed kadederal
Tan ipaarap koy Israel ed makapainsulto iran salita.+
2 Oniay inkuan nen Jehova,
Say amalsa tan amorma ed sika,+
Ya ontutulong lad sika sanen wala ka nid eges:*
5 Walay mangibagan: “Kayarian ak nen Jehova.”+
Walay sananey a tawagen toy sarili to ed ngaran nen Jacob,
Tan walay sananey ni a mangisulat ed lima to: “Kayarian nen Jehova.”
Tan tawagen toy sarili to ed ngaran nen Israel.’
‘Siak so unaan tan siak so unor,+
Anggapo lay arum a Dios nilikud ed siak.+
Sikatoy mansalita pian ibaga to tan paneknekan tod siak!+
Manlapu lad samay impangiletneg ko ed saray totoo nensaman,
Ibaga ra no antoy bengatlan onsabi
Tan saray bengatlan nagawa ni labat.
Agta imbagak lad sikayon amin tan inyabawag ko la?
Sikayo iray tasik.+
Wala ta ni Dios nilikud ed siak?
Anggapo, anggapo lay arum a Bato;+ anggapo lay arum a kabat ko.’”
9 Anggapoy kakanaan na amin a managgawa na imahen,
Tan anggapoy nagunggona ra ed sarayan bengatlan papablien da.+
Bilang saray tasi ra et anggapon balot so nanengneng tan amta na saratan,*+
Kanian nabaingan iramay nanggawa ed saratan.+
10 Siopay mamorma na sakey a dios odino manggaway sakey a metal ya imahen
Ya anggapo met lanlamang so nagunggona?+
11 Nabaingan so amin a kakaiba to!+
Saray marunong a komikimey et totoo labat.
Mantitipon ira komon ya amin tan ontalindeg ira.
Ontakot ira lanlamang tan nabaingan iran amin.
12 Itapew na managpanday so balatyang ed saray ngalab diad panamegley na kagawaan to.
Pormaen to itan diad panamegley na saray martilyo,
A gawaen to itan ed panamegley na mabiskeg a taklay to.+
Insan sikatoy naerasan tan onkapuy;
Ag-oninum tan nakesawan.
13 Iyunat na manag-ukit na kiew so lubir a panagsukat, tan igulis toy desinyo ed panamegley na ambalangan tisa.
Usaran to itan na bangbang tan gulisan to ed panamegley na kompas.
Pagmaliwen to itan a kaparpara na sakey a too,+
Singa karakpan na too,
14 Walay sakey a say kimey to et manbatang na saray kiew a sedro.
Pilien toy sakey a klase na kiew, sakey a roble,*
Tan pabalegen to itan ed pegley na kakiewan diad katakelan.+
Itanem to so kiew a laurel tan pabalegen itan na uran.
15 Insan pansunglor itan na too.
Pandangdangan toy arum ed satan;
Pamparlang to tan panlutoan toy tinapay.
Balet manggawa met na sakey a dios a dayewen to.
Gawaen to itan ya imahen a pandakmomoan to.+
16 Poolan to so kapaldua na satan;
Pankalotan toy karne a kanen to, tan sikatoy napesel.
Pandangdangan to met itan tan ibaga ton:
“Apetangan ak la legan kon babantayan so apoy.”
17 Balet say kera et gawaen ton sakey a dios, sakey ya inukit ya imahen.
Pandakmomoan to tan dayewen to itan.
Pampikasian to tan ibaga ton:
“Iliktar mo ak, lapud sika so dios ko.”+
18 Anggapoy pakaamta ra odino pakatalos da,+
Lapud aperengan iray mata ra tan ag-ira makanengneng,
Tan andiay pakatebek so puso ra.
19 Anggapo ed sikaray makapannonot
Odino walaay pikakabat odino pakatalos, a mangibagan:
“Pinoolan koy kapaldua na satan,
Tan saray ngalab et nanlutoan koy tinapay tan nankalotan koy karne a kinan ko.
Kanian, gawaen ko kasin sakey a makapadimlan bengatla so akera?+
Dayewen ko kasi so sakey a piraso* na tabla a nanlapud kiew?”
20 Kakanen toy dapol.
Sikatoy imbalang na apalikdon puso to.
Agto niliktar so sarili to,* tan agto met ibagan:
“Agta katilaan so walad kawanan a limak?”
21 “Nodnonot mo irayan bengatla, O Jacob, tan sika, O Israel,
Ta sika so lingkor ko.
Pinorma ta ka, tan sika so lingkor ko.+
O Israel, agta ka lingwanan.+
22 Punasen ko iray impakalingom a singa iratan nasakbongan na lurem,+
Tan saray kasalanan mo a singa iratan nasakbongan na makapal a lurem.
Pawil kad siak, ta dondonen ta ka.+
23 Eyag kayod liket, sikayo ran katawenan,
Ta kinmiwas lay Jehova!
Iyeyag yoy pananalo, sikayo ran kaaralman na dalin!
Oneyag kayo lapud liket, sikayo ran kapalandeyan,+
Sikan katakelan, tan amin yon kakiewan a wadtan!
Ta dinondon nen Jehova so Jacob,
Tan impanengneng tod Israel so karakpan to.”+
“Siak si Jehova, a nanggawa ed amin a bengatla.
Siopay tinmulong ed siak?
25 Deralen ko iray tanda na saray mansasalitay andi-kakanaan,*
Tan pagmaliwen kon makulangkulang iray managparles;+
Wetweten ko iray makabat a totoo
Tan gawaen kon kaambagelan so pikakabat da;+
26 Patuaen ko so salita na lingkor ko,
Tan sigpot kon sumpalen iray propesiya na saray mensaherok;+
Siak a mangibabaga nipaakar ed Jerusalem, ‘Sikatoy napanayaman,’+
Tan diad saray syudad na Juda, ‘Nipaalagey ira lamet,+
Tan ipaalagey ko iray aderalderal a pasen to’;+
27 Siak a mangibabaga ed aralem a danum, ‘Namagaan ka,
Tan paekaten ko so amin ya ilog mo’;+
28 Siak a mangibabaga nipaakar ed si Ciro,+ ‘Sikato so tinurok a managpastol,
Tan sumpalen toy amin a gagalak’;+
Siak a mangibabaga nipaakar ed Jerusalem, ‘Sikatoy nipaalagey lamet,’
Tan nipaakar ed templo, ‘Niletneg lamet so pundasyon mo.’”+
45 Oniay inkuan nen Jehova ed samay nilanaan to, si Ciro,+
A say kawanan a lima to et binembenan ko+
Pian taloen koy amin a nasyon a walad arapan to,+
Pian ekalen koy armas* na saray arari,
Pian lukasan ko ed arapan to so doblin kapot,
Ta pian agnikapot iray puerta na syudad:
Gaygayen ko iray gansan puerta,
Tan puteren ko iray balatyang a balewet.+
3 Iter kod sika iray kayamanan ed kabilungetan
Tan saray niyamot a kayamanan diad saray akasekreton pasen,+
Pian naamtaan mo a siak si Jehova,
Say Dios na Israel, a manatawag ed sika ed ngaran mo.+
4 Nisengeg ed lingkor kon Jacob tan say Israel a pinilik,
Tawagen ta ka ed ngaran mo.
Ikdan ta kay mapagalang a ngaran, anggaman agmo ak kabat.
5 Siak si Jehova, tan anggapo lay arum.
Anggapo lay Dios nilikud ed siak.+
Pabiskegen ta ka,* anggaman agmo ak kabat,
6 Pian naamtaan na saray totoo
Manlapud bubutayan na agew ya anggad seselekan na satan*
Ya anggapo lay arum nilikud ed siak.+
Siak si Jehova, tan anggapo lay arum.+
Nalukasan komon so dalin tan manbunga na kilalaban,
Tan ontubon kabansag na satan so inkatunong.+
Siak, si Jehova, so amalsa ed satan.”
9 Pakaskasi la imay milalaban* ed Manamalsa to,*
Ta sikatoy sakey labat a langa
A kaiba na saray arum a langa a nitaytayak ed dalin!
Ibaga kasi na pitek ed samay Managdamili:* “Antoy gagawaen mo?”+
Odino ibaga kasi na samay ginawam: “Anggapoy lima to”?*
10 Pakaskasi la imay mangibabaga ed ama to: “Akin et inilalak mo ak ni?”
Tan ed ina to: “Akin et inyanak mo ak ni?”*
11 Oniay inkuan nen Jehova, say Masanton Dios na Israel,+ say amorma ed sikato:
“Tepetan yo ak kasi nipaakar ed saray bengatlan onsabi
Tan iganggan yo ak nipaakar ed saray ananak ko+ tan saray kimey na limak?
12 Siak so nanggawa ed dalin+ tan amalsa ed too.+
Sikato so mangipaalagey ed syudad ko+
Tan ibulos to iramay nipriso a kayarian ko,+ ya agla kaukolay bayar odino pasuksok,”+ so inkuan nen Jehova na saray armada.
14 Oniay inkuan nen Jehova:
“Say tubo* na Ehipto, saray produkto* na Etiopia, tan saray Sabeo, ya atatagey ira,
Onla rad sika tan nakayarian mo ra.
Akagulonggulong iran manakar ed benegan mo,
Ondago ra tan ondakmomo rad sika.+
Oniay mapagalang ya ibaga rad sika: ‘Talagan say Dios et walad sika,+
Tan anggapo lay arum; anggapo lay arum a Dios.’”
17 Balet iliktar nen Jehova so Israel tan iter toy andi-anggaan a kililiktar.+
Agkayo nabaingan odino napabanday ya anggad angga.+
18 Ta oniay inkuan nen Jehova,
Say Manamalsa na katawenan,+ say tuan Dios,
Say amorma tan amalsa ed dalin, a malet ton inletneg itan,+
Tan agto pinalsa ya andiay gagala,* noagta ginawa ton panayaman:+
“Siak si Jehova, tan anggapo lay arum.
19 Agak nansalita ed maamot a pasen,+ diad dalin ya ambilunget;
Agko imbagad ilalak* nen Jacob,
‘Anap yo ak, balet anggapoy kakanaan na sagpot yo.’
Siak si Jehova, a mansasalitay matunong tan mangibabagay maptek.+
20 Mantitipon kayo tan dago kayo.
Mandaragup kayo, sikayo ran akablos ed saray nasyon.+
Anggapoy amta na saramay mangaawit na inukit ya imahen,
Tan manpipikasi ed sakey a dios ya agmakapangiliktar ed sikara.+
21 Mansalita kayo, iyarap yoy kaso yo.
Mantetepetan ira komon.
Siopay angipasakbay ed saya manlapu la nensaman
Tan siopay angibaga ed saya manlapud apalabas a panaon?
Agta siak, si Jehova?
Anggapo lay arum a Dios nilikud ed siak;
Sakey a matunong a Dios tan Manangiliktar,+ anggapo lay arum nilikud ed siak.+
22 Dapag kayod siak pian niliktar kayo,+ amin yon walad sampot na dalin;
Ta siak so Dios, tan anggapo lay arum.+
Amin a pueg et ontalimukor ed siak,
Amin a dila et mansamba ed siak diad katooran+
24 Tan ibaga ra, ‘Peteg a si Jehova so kawalaay tuan inkatunong tan biskeg.
Nabaingan ya onarap ed sikato so amin ya onsasanok ed sikato.
25 Lapud si Jehova, amin ya ilalak* na Israel et napaneknekan a duga,+
Tan manpasirayew ira lapud sikato.’”
46 Dinmakmomo si Bel,+ yinmuko si Nebo.
Saray imahen da et akalugan ed ayayep, ed ayayep a panagkimey,+
A singa bagahe a sasakbaten na saray naksawan lan ayayep.
2 Onyuko tan ondakmomo ran dua;
Agda niliktar iray akalugan,*
Tan nibantak iran mismo* ed arum a dalin.
3 “Dengel mo ak, O sankaabungan nen Jacob, tan amin yon nakekeraan ed sankaabungan na Israel,+
Sikayo ran tutulongan ko manlapu lad inkiyanak yo, tan aawiten ko sanen wala kayo nid eges.+
4 Anggad itatken yo et agak manguman;+
Anggad magmaliw lan ubanan so ulo yo et mantultuloy ta kayon tulongan.
Singa ginawak la, awiten tan tulongan tan iliktar ta kayo.+
6 Wala ray alablabas so ipapaway dan balitok ed supot da;
Manisimbang ira na pilak diad simbangan.
Manguupa ra na latero, tan gagawaen to itan a sakey a dios.+
Insan ontalimukor ira, on, dayewen da itan.*+
Ag-itan makaalis ed kawalaan to.+
Pampikasian da itan, balet ag-onebat;
Ag-itan makapangiliktar ed siopaman a nagogonigon.+
8 Nodnonot yo iya, tan manpakpel kayo.
Ipapuso yo iya, sikayo ran makasalanan.
Siak so Dios, tan anggapoy miparad siak.+
10 Diad gapo ni labat et ipapasakbay ko lay pansumpalan,
Tan nensaman ni et ipapasakbay ko la ray agni agawa.+
11 Tawagen ko so sakey a managsibar a manok manlapud bubutayan na agew,*+
Say laki a manlapud arawin dalin a manumpal ed desisyon ko.*+
Sinalitak iya, tan gawaen ko met.
Inggagalak iya, tan sumpalen ko met.+
Iliktar ko so Sion, tan iter koy karakpan ko ed Israel.”+
47 Leksab ka tan yurong kad dabok,
O birhen ya anak a bii na Babilonia.+
Lespak kad dalin ya anggapoy trono,+
O anak a bii na saray Caldeo,
Ta saray totoo et agda ka lan balot tawagen a masimpit tan lanang a napapagustoan.
2 Mangala kay gilingan tan manggiling kay arina.
Ekal moy pandong mo.
Ekal moy sapey mo, ipaway moy bikking mo.
Baliw ka ed saray ilog.
3 Niparungtal so inkalakseb mo.
Nanengneng so kababaingan mo.
Ombales ak,+ tan anggapoy toon makaamper ed siak.*
4 “Say manondon ed sikatayo
—Say ngaran to et Jehova na saray armada—
Et say Masanton Dios na Israel.”+
Balet agmo ra kinasian.+
Impasakbat moy ambelat a pako anggan ed saray masiken.+
7 Inkuan mo: “Siak so Katawan a Bii* ed amin a panaon, on, diad andi-anggaan.”+
Agmo impapuso irayan bengatla;
Agmo ninonot so pansumpalan na satan.
8 Natan et dengel mo iya, O sikan maaro ed liket,+
Sikan maligen a manyudyurong, a mangibabaga ed sarili to:
“Siak, tan anggapo lay arum.+
Agak nabalo.
Agkon balot nasali so naandiay anak.”+
9 Balet biglan onsabi ed sika iyan duaran bengatla, diad sakey agew:+
Naandian kay ananak tan nabalo ka.
Nagawa irayan amin ed sika,+
Lapud* karakel na gagawaen mon panagsalamangka tan amin a mabiskeg a mahikom.+
10 Nanmatalek kad inkauges mo.
Inkuan mo: “Anggapoy makakanengneng ed siak.”
Say karunongan tan pikakabat mo so angibalang ed sika,
Tan ibabagam ed sarilim: “Siak labat, tan anggapo lay arum.”
Onsabi ed sika so kairapan; agmo iya napaliisan.
Biglan onsabi ed sika so kadederal ya agmo nin balot asali.+
12 Ituloy mo sirin ya usaren so panagmahikom tan dakerakel a panagsalamangkam,+
A nansagpotan mo manlapu lad kaugawan mo.
Agla pigan nagunggonaan ka;
Agla pigan nikelawan iray totoo ed sika.
13 Naksawan ka lad karakel na mananimbawam.
Onalagey ira komon, tan iliktar da ka natan,
Saramay mandadayew ed katawenan,* saray onnenengneng ed bibitewen,+
Saramay mangiiter na kakabatan ed kada balon bulan
Nipaakar ed saray nagawa ed sika.
14 Singa ra dayami.
Napoolan ira.
Agda niliktar so sarili ra* ed pakayari na apoy.
Aliwa irayan ngalab a pampapetangan,
Tan aliwa iyan apoy a pandangdangan.
15 Ontan so pagmaliwan na saray managsalamangkam,
A nansagpotan mo manlapu lad kaugawan mo.
Manteyengteyeng ira, kada sakey ed dili ton direksion.*
Anggapon balot so mangiliktar ed sika.+
48 Dengel yo iya, O sankaabungan nen Jacob,
Sikayo a tatawagen yoy sarili yo ed ngaran na Israel+
Tan sikayo a nanlapud danudanum* na Juda,
Sikayo a mansasamba ed ngaran nen Jehova+
Tan ontatawag ed Dios na Israel,
Anggaman aliwan diad katuaan tan inkatunong.+
2 Ta tatawagen day sarili ra unong ed ngaran na masanton syudad+
Tan onkekerew iray tulong ed Dios na Israel,+
A say ngaran to et Jehova na saray armada.
3 “Imbagak lad sikayo nensaman iray apalabas* a bengatla.
Pinmaway iratan ed mismon sangik,
Tan impaamtak iratan.+
Insan kinmiwas ak a tampol, tan agawa iratan.+
4 Lapud amtak so inkabenger yo
—A say beklew yo et singa ulat a balatyang tan say moling yo et singa gansa+—
5 Imbagak lad sikayo nensaman.
Sakbay itan a nagawa et impaamtak lad sikayo,
Pian agyo ibagan, ‘Say idolo mi so nanggawa ed saya;
Say inukit ya imahen mi tan say metal ya imahen mi so angibaga ed saya.’
6 Nadngel yo tan anengneng yon amin iya.
Agyo kasi itan iyabawag?+
Manlapud natan et ipaamtak ed sikayo iray balon bengatla,+
Saray agni niparungtal a sekreto ya agyo ni naamtaan.
7 Natan labat napalsa irayan bengatla, tan aliwan nensaman,
Saray bengatlan agyo ni nadngel antis na sayan agew,
Pian agyo ibagan, ‘Amta mi la iratan.’
9 Balet pokpokan koy sanok ko nisengeg ed ngaran ko;+
Kontrolen koy sarilik parad kirayewan ko,
Tan agta kayo paandien.+
10 Pinapuro ta kayo, balet aliwan singa ed pilak.+
Sinubok* ta kayo ed kairapan a singa hurno a panagtunawan.+
11 Nisengeg ed ngaran ko, on, nisengeg ed ngaran ko et onkiwas ak,+
Ta abuloyan ko kasin napabanday ak?+
Agko iter so gloriak ed anggan siopa.*
12 Dengel kad siak, O Jacob, tan sika Israel a tinawag ko.
Agak anguman.+ Siak so unaan; siak met so unor.+
13 Say mismon limak so angiletneg ed pundasyon na dalin,+
Tan say kawanan a limak so angibilkag ed katawenan.+
Sano tawagen ko ra, onalagey iran amin.
14 Mantitipon kayon amin, tan dengel kayo.
Siopa ed sikara so angibaga ed sarayan bengatla?
Sikatoy pinabli nen Jehova.+
15 Siak a mismo so nansalita, tan sikatoy tinawag ko.+
Sikatoy inyakar ko, tan ontalona ed bilay to.+
16 Singger kayod siak, tan dengel yo iya.
Manlapu lad gapo et agak nansalita a masekreto.+
Wadman ak sanen agawa itan.”
Tan natan, say Soberanon Katawan a Jehova et imbaki to ak, tan say* espiritu to.
17 Oniay inkuan nen Jehova, say Mananondon mo, say Masanton Dios na Israel:+
“Siak si Jehova a Dios mo,
Say mangibabangat ed sika pian nagunggonaan ka,*+
Say mangiwawanwan ed sika diad dalan a nepeg mon panakaran.+
18 No dengelen mo labat komon iray ganggan ko!+
Diad ontan, say kareenan mo et magmaliw a singa ilog+
Tan say inkatunong mo et singa saray daluyon na dayat.+
19 Say ilalak mo* tan kapolian mo et magmaliw a singa karakel na buer.+
Agbalot naandi odino naderal ed arapan ko so ngaran da.”
Ibatikan yo iray Caldeo!
Maliket yon ipakabat iya! Iyabawag yo!+
Ipasabi yo anggad sampot na dalin.+
Ibaga yo: “Dinondon la nen Jehova so lingkor ton Jacob.+
21 Ag-ira napgaan sanen impanakar to rad saray desierto.+
Pinapaway toy danum ed bato parad sikara;
Pinaletak to so bato tan pinabusitsit to so danum.”+
22 “Anggapoy kareenan ed saray mauges,” so inkuan nen Jehova.+
Tinawag ak la nen Jehova antis ak a niyanak.*+
Sinalambit to lay ngaran ko sanen wala ak nid eges nen inak.
Impagmaliw to ak a mautok a pana;
Inyamot to ak ed pananginan toy pana.
3 Inkuan tod siak: “Sika so lingkor ko, O Israel,+
Diad panamegley mo et ipanengneng koy karakpan ko.”+
4 Balet inkuan ko: “Anggapoy kakanaan na impansagpot ko.
Inupot koy biskeg ko parad andi-kakanaan tan kaapaan.
5 Tan natan et imbaga nen Jehova, say amorma ed siak ed eges pian magmaliw a lingkor to,
Ya ipawil kod sikato so Jacob,
Ta pian natipon ed sikato so Israel.+
Nigloria ak ed pakanengneng nen Jehova,
Tan say Dios ko so magmaliw a biskeg ko.
6 Tan inkuan to: “Aliwan magenap so pagmaliw mon lingkor ko
Pian niletneg lamet iray tribu nen Jacob
Tan nipawil iramay akaliktar ya Israelita.
Inter ta ka met bilang sakey a liwawa na saray nasyon,+
Pian onsabi anggad saray sampot na dalin so panangiliktar ko.”+
7 Oniay inkuan nen Jehova, say Mananondon tan say Masanton Dios na Israel,+ ed samay minudmora,*+ samay kabkabusol na nasyon, say lingkor na saray manuley:
“Nanengneng na saray arari tan onalagey ira,
Tan ondakmomo iray prinsipe
Lapud si Jehova, say matoor,+
Say Masanton Dios na Israel, ya amili ed sika.”+
8 Oniay inkuan nen Jehova:
“Inebatan ta ka diad panaon na panangasi,*+
Tan tinulongan ta ka diad agew na kililiktar;+
Sinalimbengan ta ka pian iter ta ka bilang sipanan parad saray totoo,+
Pian naapiger so dalin,
Pian nakayarian da lamet iray ataynanan a tawir da,+
Tan ed saramay walad kabilungetan,+ ‘Manpanengneng kayo!’
Mangan ira diad abay na saray dalan,
Diad abay na saray basbas a naynay a dadalanan* so pangipastolan ed sikara.
11 Pagmaliwen kon karsada so amin a kapalandeyan ko,
Tan niyatagey iray manunan dalan ko.+
13 Eyag kayo ed liket, sikayo ran katawenan, tan manggayaga ka, O dalin.+
Oneyag komon ed liket iray kapalandeyan.+
14 Balet ibabaga na Sion:
“Tinaynan ak la nen Jehova,+ tan alingwanan ak la nen Jehova.”+
15 Nalingwanan kasi na ina so mansususon anak to
Odino agto kasi kasian so anak to a nanlapud mismon eges to?
Makalingwan man irayan bibii, agta kan balot lingwanan.+
16 Inyukit ta kad saray dakulap ko.
Saray padir mo et naynay a walad arapan ko.
17 Nangganat a pinmawil iray ananak mo.
Taynanan ka na saramay angigeba tan aneral ed sika.
18 Tangwa ka tan nengneng kad kaliberliber.
Mantitipon iran amin,+
Ondago rad sika.
“Unong a mabilay ak,” so imbaga nen Jehova,
“Isulong mo ran amin a singa saray parakep,
Tan ikawes mo ran singa pangikakawes na sakey a nobya.
19 Anggaman aderal tan agnapanayaman iray pasen mo tan ageraygeray so dalin mo,+
Natan et magmaliw itan a mainget parad saramay manaayam ditan,+
Tan niyarawi la iramay mangaakmon ed sika.+
20 Narengel mon ibaga na saramay nagmaliw ya ananak mo kayarin naandian kay ananak,
‘Mainget la iyan pasen parad siak.
Mangiter kay pasen a panayaman ko.’+
21 Tan ibabagam ed sarilim,
‘Siopay ama na sarayan ananak a niiter ed siak,
Anta sakey ak a biin naandiay ananak tan agmakaanak,
Nibantak ed arum a dalin tan nipriso?
Siopay amabaleg ed sikara?+
22 Oniay inkuan na Soberanon Katawan a Jehova:
Ondakmomo ra ed sika diad dalin,+
Tan dildilan day dabok ed salim,+
Tan naamtaan mon siak si Jehova;
Agnabaingan iramay maniilalo ed siak.”+
24 Kasin nabawi ni iramay narel la na sakey a mabiskeg a too,
Odino kasin niliktar ni iramay inala la na maruksan manuley?
25 Balet oniay inkuan nen Jehova:
“Anggan saramay inerel la na mabiskeg a too et nabawi ni,+
Tan saramay inala la na maruksan manuley et niliktar ni.+
Sumpaen ko iramay onsusumpad sika,+
Tan iliktar ko ray ananak mo.
26 Ipakan ko ed saramay mamapairap ed sika so dilin laman da,
Tan nabuek ira ed dilin dala ra a singa ed masamit ya alak.
Tan naamtaan na amin a totoo* a siak si Jehova,+
Say Manangiliktar+ tan Mananondon mo,+
Say Makapanyarin Dios nen Jacob.”+
50 Oniay inkuan nen Jehova:
“Wala tay inter kod ina yo a kasulatan parad diborsyo+ sanen sikatoy pinataynan ko?
Odino wala tay akautangan ko ya angilakoan kod sikayo?
Nilako kayo lapud dilin inkauges yo,+
Tan apataynan so ina yo lapud saray dilin kasalanan yo.+
2 Akin et anggapoy wadia sanen sinmabi ak?
Akin et anggapoy inmebat sanen tinmawag ak?+
Antikey kasi so limak kanian agmakayarin manondon,
Odino anggapo kasi pakayarik a mangiliktar?+
Ombanget iray sira ditan lapud anggapoy danum,
Tan ompatey ira lapud kapegaan.
3 Say tawen et kawesan koy kabilungetan,+
Tan sakbongan ko itan na sakon abel.”
4 Inikdan ak na Soberanon Katawan a Jehova na dila na saray nibangat,*+
Pian naamtaan ko no panoy iyebat* ed sakey a naksawan diad pangusar na dugan salita.*+
Liliingen to ak a kinabuasan;
Liliingen to ak pian ondengel a singa saray nibangat.+
Agak inmarap ed sananey a direksion.+
6 Inyopresik so beneg ko ed saray mamepekpek ed siak
Tan saray aping ko ed saray manbabagot na balbas ko.
Agko sinaniban so lupak ed saray panag-insulto tan lutda.+
7 Balet tulongan ak na Soberanon Katawan a Jehova.+
Kanian agko naliknay kababaingan.
Kanian pinaawet kon singa bato so lupak,+
Tan amtak ya agak nabaingan.
8 Asingger ed siak imay mangiyaabawag a matunong ak.
Siopay makayarin mangakusa* ed siak?+
Onalagey kamin dua.*
Siopay walay kaso tod siak?
Sikatoy onasingger komon.
9 Tulongan ak na Soberanon Katawan a Jehova.
Siopay mangiyabawag a nankasalanan ak?
Ondaan iran amin a singa kawes.
Upoten ira na sakey a bigis.
Siopay nanakar ed makapal a kabilungetan, ya anggapoy anggan anton liwawa?
Sikatoy manmatalek komon ed ngaran nen Jehova tan onsaral* ed Dios to.
11 “Amin yon mamapadalang na apoy
A sengegay ititikyab na dangat,
Manakar kayod liwawa na apoy yo,
Diad kawalaan na dangat na apoy a pinadalang yo.
Niay awaten yo ed limak:
Ondukol kayo lapud graben panotot.
51 “Dengel yo ak, sikayo ran manggagawa na inkatunong,
Sikayo ran manaanap ed si Jehova.
Nengneng kayod bato a nantapyasan ed sikayo
Tan ed abot ya angotkotan ed sikayo.
3 Ta ligliwaen nen Jehova so Sion.+
Ligliwaen to so amin ya aderal a pasen ditan,+
Tan gawaen ton singa Eden so kalawakan+
Tan singa hardin nen Jehova so patar a desierto.+
Naromog ditan iray panliliket, gayaga,
Pisasalamat tan balibalin kansion.+
Lapud ompaway ed siak so sakey a ganggan,+
Tan iletneg koy hustisyak bilang liwawa parad saray totoo.+
5 Onasingger so inkatunong ko.+
6 Tangay kayod tawen,
Tan usdong kayod dalin.
Ta say tawen et nitaytayak a singa asewek;
Tan say dalin et ondaan a singa kawes,
Tan saray manaayam ditan et ompatey a singa apangat.
Balet say panangiliktar ko et mansiansia ed andi-anggaan,+
Agkayo ontatakot ed panagkantiaw na totoo,
Tan agkayo onggigiwgiw lapud panag-insulto ra.
8 Ta singa ra kawes ya upoten na gamugamo;
Tan singa ra kawes a gawad bagoy karnero ya upoten na gamugamo.*+
Balet mansiansia so inkatunong ko ed andi-anggaan,
Tan say panangiliktar ko ed amin a henerasyon.”+
Liing ka a singa nensaman, a singa ed saray apalabas a henerasyon.
10 Agta sika imay amaekat ed dayat, salanti saray danum ed maawang a kaaralman?+
Say nanggawa na dalan diad kaaralman na dayat pian makabaliw iramay arondon?+
11 Ompawil iramay dinondon nen Jehova.+
Manliket tan manggayaga ra,
Tan naandi la so ermen tan pannangis.+
12 “Siak a mismo so manligliwa ed sikayo.+
Akin et ontakot kayo ed sakey a toon ompatey met lanlamang+
Tan ed sakey ya anak na too a nalenes a singa dika?
13 Akin et lilingwanan moy Jehova a Manamalsam,+
Say angibuskag ed tawen+ tan angiletneg ed pundasyon na dalin?
Tan sanagew kan ontatakot lapud sanok na samay managpairap,*
A singa sikatoy makayarin maneral ed sika.
Iner natan so kawalaan na sanok na samay managpairap?
14 Asingger lan nibulos imay akagulonggulong;+
Sikatoy ag-ompatey tan ag-onla ed abot,
Tan agmet naerasan.
15 Balet siak si Jehova a Dios mo,
A manetenyeg ed dayat pian onungol iray daluyon ditan+
—Say ngaran ko et Jehova na saray armada.+
16 Iyan kod sangim iray salitak,
Tan sakbongan ta kay anino na limak,+
Pian niletneg ko so tawen tan say pundasyon na dalin+
Tan nibagak ed Sion, ‘Sikayo ray totook.’+
17 Liing ka! Liing ka! Bangon ka, O Jerusalem,+
Sikan inminum ed kopa na sanok nen Jehova a walad lima to.
Ininum mo so walad kopa;
Inupot moy karga na kopa a sengegay pantugingging mo.+
18 Anggapo ed saray inyanak to so wadman a mangiwanwan ed sikato,
Tan anggapo ed saray pinabaleg ton ananak so amemben ed lima to.
19 Agawa ed sika iyan duaran bengatla.
Siopay miermen ed sika?
Impakaderal tan impakageba, eras tan espada!+
Siopay manligliwa ed sika?+
Akarukol ira diad amin a suyok na karsada*
A singa atap a karnero a narel ed iket.
Napno ra na sanok nen Jehova, say pasnok na Dios mo.”
21 Kanian ipangasim, dengel mo iya,
O biin apairap tan abuek, balet aliwan diad alak.
22 Oniay inkuan na Katawan mo, si Jehova a Dios mo, a mangiyaagel ed saray totoo to:
“Alaen kod limam so kopa a sengegay pantugingging mo,+
Say kopa na alak, on, say kopa na sanok ko;
Agka lan balot oninum ed satan.+
23 Iyan ko itan ed lima na saray mamapairap ed sika,+
Saramay angibaga ed sika,* ‘Dakmomo ka pian gatinan mi ka!’
Kanian impagmaliw mon singa dalin so beneg mo,
Singa karsada a panakaran da.”
52 Liing ka! Liing ka! Manpabiskeg ka,+ O Sion!+
Isulong mo iray mararakep a kawes mo,+ O Jerusalem, say masanton syudad!
Ta anggapo lay onloob ed sika ya ag-asegat tan agmalinis.+
2 Ipagpag mo iray dabok a walad sika, bangon ka tan yurong kad pasen a mapagalang, O Jerusalem.
Ekal mo iray akabalor ed beklew mo, O sikan narel ya anak a bii na Sion.+
3 Ta oniay inkuan nen Jehova:
4 Ta oniay inkuan na Soberanon Katawan a Jehova:
“Diad Ehipto so inmunan nakar na totook pian manayam ira bilang dayo;+
Insan pinairap ira na Asirya ya anggapoy sengegan.”
5 “Anto sirin so gawaen kod saya?” so imbaga nen Jehova.
“Ta saray totook et inala ya anggapoy kantidad.
Saramay manuuley ed sikara et ag-ontutundan oneeyag lapud panatalo ra,”+ so inkuan nen Jehova,
“Tan mabetbet, diad sanagew et agda rerespetoen so ngaran ko.+
6 Lapud satan et naamtaan na totook so ngaran ko;+
On, naamtaan da ed satan ya agew a siak so mansasalita.
Nia, siak iya!”
7 Agaylay dakep ed kapalandeyan iray sali na samay mangipapasabi na maong a balita,+
Samay mangiyaabawag na kareenan,+
Samay mangipapasabi na maong a balita nipaakar ed magmaong a bengatla,
Samay mangiyaabawag na kililiktar,
Samay mangibabaga ed Sion: “Say Dios mo et nagmaliw ya Ari!”+
8 Dengel mo! Inkasil na saray managbantay mo so boses da.
Manbabansag iran oneeyag ed liket,
Ta nanengneng dan malinlinew* sano tiponen lamet nen Jehova so Sion.
9 Manggayaga kayo, manbabansag kayon oneyag ed liket, sikayo ran aderal a pasen na Jerusalem,+
Ta niligliwa nen Jehova iray totoo to;+ dinondon to lay Jerusalem.+
10 Imparungtal nen Jehova so masanton taklay to ed arap na amin a nasyon;+
Nanengneng ed amin a sampot na dalin so panangiliktar* na Dios tayo.+
11 Arawi kayo, arawi kayo, paway kayo ditan,+ agyo didiwiten iray marutak!+
Paway kayo ed sikato,+ mansiansia kayon malinis,
Sikayo ran mangaawit na saray kagawaan ed abung nen Jehova.+
12 Ta ontaynan kayon agnatatakot,
Tan agyo kaukolay ombatik,
Ta si Jehova so onlad unaan yo,+
Tan say Dios na Israel so manbantay ed benegan yo.+
13 Say lingkor ko+ et onkiwas a walaay aralem a pakatalos.
Sikatoy niiyan ed atagey a pasen,
Sikatoy niyatagey tan nitandoron maong.+
14 No panon a mankelkelaw so dakel diad impakanengneng dad sikato
—Ta ontan lay impakaderal na itsura to a mas ni nen say siopaman a too,
Tan aderal so talindeg to a mas ni nen say katooan—
Pepetan na arari iray sangi ra* ed arapan to,+
Lapud nanengneng da iray agni nipaamta ed sikara,
Tan imanoen da iray agda ni nadngelan.+
53 Siopay anisia ed balita a nanlapud sikami?*+
Tan diad siopa so angiparungtalan ed taklay nen Jehova?+
2 Sikatoy onsimit a singa sakey a sanga+ ed arapan to,* singa sakey a lamot ed amagaan a dalin.
Aliwan marakep so talindeg to, tan anggapoy antokaman a karakpan to;+
Tan sano sikatoy nanengneng mi, agkami onasingger ed sikato lapud itsura to.*
3 Sikatoy binalawbalaw tan inarawian na totoo,+
Sakey a toon nigana ed* ir-irap tan kabisado toy sakisakit.
Singa niyamot ed sikami so lupa to.*
Sikatoy abalawbalaw, tan impasen min anggapoy kakanaan.+
Balet sikatoy impasen min sinalot, dinusa tan pinairap na Dios.
6 Singa kami abalbalang a karnero,+
Inmarap so kada sakey ed dilin dalan to,
Tan impasakbat nen Jehova ed sikato so amin a kasalanan mi.+
Sikatoy inyakar ed panagpateyan a singa sakey a kordero,+
Singa sakey a karneron marendeen ed arapan na saray managkiskis na bago,
Tan agto biniswat so sangi to.+
8 Lapud panameget* tan panangukom, sikatoy inala;
Tan siopay manimano ed saray detalye nipaakar ed henerasyon to?*
9 Tan sanen sikatoy inatey, sikatoy niponpon* diad kawalaan na saray mauges,+
Anggaman anggapoy ginawa ton mauges,*
Tan anggapoy imbaga ton panamalikdo.+
10 Balet linawa nen Jehova* a sikatoy manirap, tan inyabuloy ton sikatoy nasakitan.
No iter na Dios so bilay* to bilang sakey ya apay parad impakasumlang,+
Nanengneng toy ilalak* to, naparukey to iray agew to,+
Tan diad panamegley to et ontalona no antoy panlabayan* nen Jehova.+
11 Lapud pakakagonigon to,* nanengneng toy maong a pansumpalan tan panliketan to itan.
Diad panamegley na pikakabat to, samay matunong, say lingkor ko,+
Et iwanwan to so dakel a totoo pian nipasen iran matunong,+
Tan awiten to iray kasalanan da.+
12 Kanian sikatoy ikdan koy betang a kaiba na dakerakel,
Tan apagen toy samsam a kaiba iray mabibiskeg,
Lapud inter toy bilay to* anggad patey+
Tan impasen a sakey ed saray makasalanan;+
Inawit toy kasalanan na dakel a totoo,+
Tan sikatoy nagmaliw a manamegley parad saray makasalanan.+
54 “Eyag kad liket, sikan lepes a bii ya agnin balot nananak!+
Manggayaga ka tan eyag kad liket,+ sika ya agmo ni asali nampasakit,+
Ta saray anak na pinaulyanan et mas dakel
Nen saray anak na biin walaay asawa,”*+ so inkuan nen Jehova.
Pinat mo iray abel na tolda ed alay abig a tabernakulom.
Agmo lilimitaan, parukey mo ni iray lubir na toldam,
Tan gawam a malet iray palpal na satan.+
3 Ta onnatnat iray ketegan mo diad kawanan tan kawigi.
Kayarianen na ilalak mo iray nasyon,
Tan manayam ira ed saray ataynanan a syudad.+
Ta nalingwanan moy kababaingan mo nen kalangweran ka ni,
Tan agmo la nanonotan so kabalawan mo sanen abalo ka.”
5 “Ta say pinagka-asawam*+ et say Makapadinayew a Dios a nanggawa ed sika,+
Say ngaran to et Jehova na saray armada,
Tan say Mananondon mo et say Masanton Dios na Israel.+
Sikatoy tawagen a Dios na interon dalin.+
6 Ta tinawag ka nen Jehova a singano sakey kan asawa ya ataynanan tan maneermen a maong,*+
Singa sakey a biin akiasawa ed panaon na kaugawan to insan inabandona ed saginonor,” so inkuan na Dios mo.
8 Diad pirmin sanok ko et inyamot kon agano so lupak ed sika,+
Balet kasian ta ka lapud andi-anggaan a matoor a panangarok,”+ so inkuan nen Jehova, say Mananondon mo.+
9 “Diad siak et mipadpara iya ed saray agew nen Noe.+
Singa ed impangisipan kon agla manelap ed dalin iray danum nen Noe,+
Insipan ko met ya agak la onsanok odino manusa ed sika.+
10 Ta nayarin naekal iray palandey
Tan natenyeg iray pukdol,
Balet agnaekal so matoor a panangarok ed sika,+
Tan agnatenyeg so sipanan ko parad kareenan,”+ so inkuan nen Jehova, say mangipapatnag na panangasi ed sika.+
11 “O biin apairap,+ abagyo, tan ag-aligliwa,+
Iletneg ko ray batom diad panamegley na halo,
Tan say pundasyon mo diad panamegley na saray safiro.+
12 Gawaen kon rubi iray toktok na padir mo,
Saray puertam et mankirlap iran bato,*
Tan saray ketegan mo et ankabli iran bato.
13 Tan bangatan nen Jehova so amin ya ananak mo,+
Tan magmaliw a daakan so kareenan na saray ananak mo.+
14 Malet kan niletneg ed inkatunong.+
Niyarawi kad panamairap,+
Anggapoy takotan mo tan anggapoy sengegay panggiwgiw mo,
Ta ag-itan makaasingger ed sika.+
15 No walay onataki ed sika,
Agko itan ingganggan.
Natalo so siopaman a milaban ed sika.”+
Siak met so amalsa ed toon managderal pian sikatoy mangigeba.+
17 Ag-ontalona so antokaman ya armas a gawaen parad sika,+
Tan ukomen mo so siopaman a mansalita na mauges ed sika.
Saya so tawir na saray lingkor nen Jehova,
Tan say inkatunong da et manlapud siak,” so imbaga nen Jehova.+
55 Gali dia, amin yon napgaan,+ dago kayo tan mangala kayoy danum!+
Sikayo ran anggapoy kuarta, dago kayo, mangaliw kayo tan mangan kayo!
On, dago kayo, mangaliw kayoy alak tan gatas+ ya anggapoy bayar tan anggapoy kantidad.+
2 Akin a say panggagastosan yo et aliwan tinapay,
Tan akin a gagastosen yoy sueldo* yo ed bengatlan agmakapenek?
Dengel kayon maong ed siak, pian kanen yo so maong a bengatla,+
3 Dengel kayo tan dago kayod siak.+
Dengel kayo, pian mantultuloy so pambilay yo,*
Tan manggawa ak na andi-anggaan a pisisipanan ed sikayo+
Unong ed pangipapatnag koy matoor a panangarok ed si David, a satan et napanmatalkan.*+
5 Tawagen mo so sakey a nasyon ya agmo kabat,
Tan ombatik ed sika iramay walad sakey a nasyon ya agmikabat ed sika
6 Anap yo si Jehova legan a sikatoy naromog ni.+
Tawag kayod sikato legan a sikatoy asingger ni.+
7 Ibeneg komon na marelmeng a too so kagagawa to+
Tan ibeneg na mauges a too iray kanonotan to;+
Sikatoy ompawil komon ed si Jehova, a mangipatnag na panangasi ed sikato,
8 “Ta agmipara so kanonotan ko ed saray kanonotan yo,+
Tan agmipara iray dalan ko ed saray dalan yo,” so imbaga nen Jehova.
9 “Ta no panon a say tawen et mas atagey nen say dalin,
Mas atagey met iray dalan ko nen saray dalan yo,
Tan say kanonotan ko nen saray kanonotan yo.+
10 Ta no panon a say uran tan niebe et ompelag manlapud tawen,
Tan ag-ompawil diman anggad agnasalog so dalin pian ombuna tan manbunga iray tanaman,
Tan niiter so bini ed tomatanem tan say tinapay ed samay mangan,
Ag-itan ompawil ed siak ya anggapoy resulta,+
Noagta seguradon sumpalen na satan so panlabayan ko,*+
Tan seguradon ontalona ed pangibakian ko.
Manggayaga tan oneyag ed liket iray kapalandeyan tan saray pukdol diad arapan yo,+
Tan ontipak so amin a kakiewan ed uma.+
13 Ontubo so kiew ya enebro imbes a saray sabisabit,+
Tan ontubo so kiew a mirto imbes a makaturok a tanaman.
56 Oniay inkuan nen Jehova:
“Ipatnag yoy inkahustisya,+ tan manggawa kayoy inkatunong,
Ta asingger lan onsabi so panangiliktar ko
Tan magano lan niparungtal so inkatunong ko.+
2 Maliket so toon manggagawad saya
Tan say anak na too a tutumboken to iyan maong,
A ngingilinan toy sabaton tan agto papabandayen+
Tan aamperen toy lima to a manggaway antokaman a mauges.
3 Agkomon ibaga na dayo ya akikasakey ed si Jehova,+
‘Seguradon isian ak nen Jehova ed saray totoo to.’
Tan agkomon ibaga na eunoko, ‘Sakey ak ya amagaan a kiew.’”
4 Ta oniay inkuan nen Jehova ed saray eunoko a manngingilin ed saray sabaton ko tan pinili ran gawaen so panliketan ko tan tutumboken dan maong so impisipanan ko:
5 “Iter kod sikara so sakey a pakanodnonotan tan sakey a ngaran diad abung ko tan diad loob na saray padir na satan,
Sakey a bengatlan magmaong nen saray ananak a lalaki tan bibii.
Iter kod sikara so sakey ya andi-anggaan a ngaran,
Sakey a ngaran ya agnaandi.
6 Diad saray dayo ya akikasakey ed si Jehova pian manlingkor ed sikato,
Pian aroen da so ngaran nen Jehova+
Tan magmaliw iran lingkor to,
Amin iramay manngingilin na Sabaton tan agda itan papabandayen
Tan tutumboken dan maong so impisipanan ko,
7 Iyakar ko met ira ed masanton palandey ko+
Tan paliketen ko ra ed loob na abung kon panagpikasian.
Awaten ko iray interon apay dan popoolan tan saray bagat da diad altar ko.
Ta say abung ko et natawag ya abung a panagpikasian na amin a totoo.”+
8 Oniay imbaga na Soberanon Katawan a Jehova, say manitipon ed saramay nitaytayak a totoo na Israel:+
“Itipon kod sikato iray arum a totoo likud nid saramay atipon la.”+
10 Bulag iray managbantay to,+ anggapo ed sikara so angimano.+
Amin da et singa emel ya aso ya agmakadangol.+
Maning-ingas tan mandukdukol ira; labalabay day onugip.
Managpastol ira ya andiay pakatalos.+
Inmarap iran amin ed dalan a labay dan laen;
Maagum ya aanapen na kada sakey so pinabangan to tan ikuan ton:
Tan nabuas et singa met lanlamang natan, mas maong ni ingen!”
57 Naandi la so matunong a too,
Balet anggapoy angimano ed satan.
Anggapo la* iray matoor a totoo,+
Balet anggapoy makakatebek a naandi so matunong a too
Lapud* kadederal.
2 Sikatoy mareen la.
Nampainawa ra ed dukolan* da, amin iramay nanakar ed kaptekan.
3 “Balet sikayo, dago kayo dia,
Sikayo ran ananak na biin managparles,
Sikayo ran ananak na mikakalugoran tan imoral a bii:
4 Siopay eelek-elekan yo?
Siopay luludlureyen yo, tan kakantiawan yo?
Agta ananak kayo na kasalanan,
Saray ilalak na katilaan,+
5 Saray totoon mandarlang so pilalek da diad kawalaan na saray angkakabaleg a kiew,+
Diad silong na kada masalompapak a kiew,+
A papateyen da iray ugugaw diad saray lawak,*+
Diad silong na angkakabaleg a bato?
6 Saray makinis a bato ed lawak* so betang mo.+
On, saratan so apag mo.
Inyibung mo ni ingen ed saratan iray apay ya iinumen tan angiyapay ka na saray regalo.+
Napenek* ak kasi na sarayan bengatla?
7 Inliram so dukolan mo diad toktok na atagey a palandey,+
Tan tinmatdang ka ditan a mangiyapay na bagat.+
8 Inyan mod beneg na puerta tan diad lusek so pakanodnonotan ed sika.
Tinaynan mo ak tan nanlakseb ka;
Sinmegep ka tan pinaawang moy dukolan mo.
Tan akisipanan kad sikara.
Imbakim ed arawin pasen iray mensaherom,
Kanian linmasur ka ed Lubok.*
10 Nansagpotan mon tumboken iray dakerakel a paraan mo,
Balet agmo imbagan, ‘Anggapo lay ilalo!’
Binmiskeg ka lamet.
Kanian agka ontutunda.*
Agmo ak anonotan.+
Anggapon balot so impapusom.+
Agak inmesel tan pinalabas ko iray ginawam*+
Kanian agmo ak tinakotan.
Amin iratan et itikyab na dagem,
Sakey a sibok labat so mangipalir ed saratan,
Balet samay pasasalimbengan ed siak so manawir ed dalin
Tan kayarianen to so masanton palandey ko.+
14 Ibaga ra, ‘Manggawa kayo, manggawa kayoy karsada! Iparaan yo so dalan!+
Ekal yoy antokaman a makasbel ed dalanen na totook.’”
“Manaayam ak ed atagey tan masanton pasen,+
Balet manaayam ak met a kaiba na saramay napapairap tan niyabeba ed espiritu,
Pian pabiskegen koy espiritu na saray pakaskasi
Tan pabiskegen koy puso na saray napapairap.+
16 Ta agko ra sumpaen ed andi-anggaan
Tan agak naynay ya onsanok;+
Ta onkapuy so espiritu na too lapud siak,+
Anggan saray onlilinawa a pinalsak.
17 Sinmanok ak lapud makasalanan tan maagum a panaanap toy pinabangan to,+
Kanian sikatoy dinusak, sinaniban koy lupak, tan sinmanok ak.
Balet sikatoy nantultuloy a nanrebelde,+ inunor to so panlabayan na puso to.
18 Anengneng ko iray gagawaen to,
Balet sikatoy paabigen ko+ tan iwanwan ko+
Tan sikatoy ligliwaen ko lamet*+ pati saray maneermen a kaiba to.”+
19 “Pawalaen ko so bunga na saray bibil.
Niwala so mantultuloy a kareenan ed samay walad arawi tan ed samay walad asingger,+
Tan sikatoy paabigen ko,” so inkuan nen Jehova.
20 “Balet saray mauges et singa ra madaluyon a dayat ya agnapareen,
Tan say danum to et ag-ontutundan mangiyaanor na dika tan dutak.
21 Anggapoy kareenan ed saray mauges,”+ so inkuan na Dios ko.
58 “Eyag kay maksil; agmo popokpokan!
Ikasil moy boses mo a singa tambuyog.
Iyabawag mod totook so nipaakar ed impanrebelde ra,+
Tan diad sankaabungan nen Jacob iray kasalanan da.
2 Inagew-agew da ak ya aanapen,
Tan ibabalikas day panliket dan mangamta ed saray dalan ko,
Singano ra sakey a nasyon ya angipatnag na inkatunong
Tan ag-angikaindan ed inkahustisya na Dios da.+
Onkekerew ira ed siak na matunong a panangukom,
Panliliketan day onapit ed Dios,+
3 Tan ibabaga ran: ‘Akin et agmo nanenengneng so panaayunal mi?+
Tan akin et agmo naiimano a papairapen mi sarili mi?’*+
Lapud diad agew na panaayunal yo et aanapen yoy dilin pinabangan* yo,
Tan papairapen yo iray trabahador yo.+
4 Mansusumpal ed pankokolkol tan panlalaban so panaayunal yo,
Tan mangakabil kayo ed panamegley na poniti na inkauges.
No say panag-ayunal yo et singa ed gagawaen yo natan, agyo iisipen a narengel ed tawen so boses yo.
5 Onia ta so panag-ayunal a pilien ko,
Say agew a pairapen na sakey a too so sarili to,*
Ya ituek toy ulo to a singa sakey ya atagey a dika,
A gawaen ton dukolan so sakon abel tan dapol?
Kasin saya so tatawagen yon panag-ayunal tan agew a makapaliket ed si Jehova?
6 Andi, onia so panag-ayunal a pilien ko:
Say pangekal ed gulonggulong na inkauges,
Pangukbar ed taker na pako,+
Pangibulos ed saramay napapairap,+
Tan pamuter ed kada pako;
7 Say pangiter moy tinapay ed saray narasan,+
Pamatuloy mod saray pobri tan andiay ayaman diad abung mo,
Pangawes ed sakey a lakseb a nanengneng mo,+
Tan say agmo pangibeneg ed saray kanayon mo.
Say inkatunong mo et onlad unaan mo,
Tan say gloria nen Jehova et manbantay ed benegan mo.+
9 Diad satan et ontawag ka, tan ebatan ka nen Jehova;
Onkerew kay tulong, tan ibaga ton, ‘Wadia ak!’
No ekalen mod pegley mo so pako
Tan itundam so pangaakusam tan mauges a panagsalitam,+
10 No iter mod saray narasan imay mismon pampipilalekan mo,*+
Tan peselen mo iramay napapairap,*
Diad ontan et onsinag so liwawam diad kabilungetan,
Tan say bilunget mo et magmaliw a singa liwawa ed kaagwan.+
11 Naynay kan iwanwan nen Jehova
Tan peneken to ka* anggan wala kad amagaan a dalin;+
Pabiskegen to iray pukel mo,
Tan magmaliw kan singa nasasalog a hardin,+
Singa subol ya agbalot naekatan.
12 Ipaalagey da iray abayag lan aderal a pasen parad sika,+
Tan ipaalagey mo lamet iray pundasyon na saray apalabas a henerasyon.+
Tawagen kan manag-apiger na saray aderal a padir,*+
Say manag-apiger na saray dalan a kawalaan na saray panayaman.
13 No tundaan mo lay* pananap na dilin pankaabigan* mo diad masanton agew ko lapud ganggan nipaakar ed Sabaton,+
Tan tawagen mon makapalikliket so Sabaton, sakey a masanton agew nen Jehova, sakey ya agew a nepeg ya igloria,+
Tan igloriam itan imbes ya anapen mo iray dilin pankaabigan mo tan mansalitay andi-kakanaan,
14 Diad ontan et makapanliket kan maong ed si Jehova,
Tan iyan ta ka ed atagey iran pasen na dalin.+
2 Andi, saray mismon lingo yo so angisian ed sikayo ed Dios yo,+
Saray kasalanan yo so sengegan ya inyamot toy lupa to ed sikayo,
Tan agto kayo labay a dengelen.+
Sasalitaen na bibil yo so katilaan,+ tan ibabalikas na dila yo so ag-inkatunong.
Manmamatalek ira ed anggapoy kabaliksan,+ tan mansasalita ray andi-kakanaan.
Mannononot ira na gulo, kanian makapasakit so pansumpalan na satan.+
Ompatey so siopaman a mangan ed saray iknol da,
Tan manpusnak na uleg so iknol a nabetag.
Makapasakit iray gagawaen da,
Tan saray maruksan kagagawa so walad saray lima ra.+
7 Saray sali ra et ombabatik pian manggaway kaugsan,
Tan manaapura ran mangipaagus na dala na andiay kasalanan.+
Makapasakit iray nononoten da;
Panagderal tan kaermenan so walad saray dalan da.+
Pinikewet da iray dalan da;
Agnaamtaan na saray manaakar ditan so kareenan.+
9 Kanian arawi ed sikami so inkahustisya,
Tan agkami naabotan na inkatunong.
Maniilalo kami ed liwawa, balet walay kabilungetan;
Maniilalo kami ed kasnagan, balet manaakar kami ed kabilungetan.+
Anggan kagkaagwan et napapatakba kami a singa ed ambilunget a labi;
Singa kami inatey a totoo ed limog na saray mabibiskeg.
11 Manungol kamin amin a singa saray oso
Tan maer-ermen kamin manuuni a singa saray malapati.
Maniilalo kami ed hustisya, balet ta anggapo lanlamang;
Maniilalo kami ed kililiktar, balet arawi iya ed sikami.
Kabat min maong iray impanrebelde mi;
Amta mi iray lingo mi.+
13 Nankasalanan kami tan impulisay mi si Jehova;
Imbeneg mi so Dios mi.
Sinalita mi so panamairap tan panagrebelde;+
Nannonot kami katilaan tan imbesngaw mi iray palson salita manlapud puso mi.+
16 Anengneng ton anggapoy toon ontalindeg,
Tan sikatoy nikelawan ta anggapoy onsalet,
Kanian inyakar na taklay to so kililiktar,*
Tan say inkatunong to so amabiskeg ed sikato.
17 Insan insulong toy inkatunong a singa samben ed pagew
Sanok parad saray kalaban to, dusa parad saray mamubusol ed sikato.+
Tan idapo tod saray isla so manepeg ed sikara.
19 Ontakot ed ngaran nen Jehova iramay walad seselekan na agew,
Tan ontakot ed gloria to iramay walad bubutayan na agew,
Ta sikatoy onsabi a singa manag-agus ya ilog,
Ya itutulak na espiritu nen Jehova.
20 “Onsabi ed Sion imay Mananondon,+
Tan ed saramay walad Jacob a binmeneg ed pankakasalanan da,”+ so imbaga nen Jehova.
21 “Nipaakar ed siak, saya so pisipanan kod sikara,”+ so inkuan nen Jehova. “Say espirituk a walad sika tan saray salitak ya inyan kod sangim—ag-iratan naekal ed sangim, ed sangi na saray ananak mo,* odino ed sangi na saray apom,* manlapud natan ya anggad angga,” so inkuan nen Jehova.
60 “Alagey ka, O bii,+ isindag moy liwawa, ta pinmatnag so liwawam.
Nisindag ed sika so gloria nen Jehova.+
2 Ta nasakbongan na kabilungetan so dalin
Tan makapal a bilunget iray nasyon;
Balet onsindag ed sika si Jehova,
Tan napatnagan ed sika so gloria to.
4 Nengneng kad kaliberliber mo!
Atipon la ran amin; ondadago la rad sika.
5 Diad satan a panaon et nanengneng mo tan onligsa so lupam,+
Tan manliket tan napano na gayaga so pusom,
Lapud ipaarap ed sika iray kayamanan na dayat;
Onlad sika iray kaykayarian na saray nasyon.+
Onsabin amin iramay nanlapud Sheba;
Mangawit ira na balitok tan olibano.
Iyabawag da iray panangidayew ed si Jehova.+
7 Natipon ed sika so amin a pulok ed Kedar.+
Manlingkor ed sika iray kalakian a karnero ed Nebaiot.+
9 Ta manilalo ed siak iray isla;+
Saray barko na Tarsis so manunaan,*
Pian iyakar da iray anak mo manlapud arawi,+
Pati saray pilak tan balitok da,
Parad ngaran nen Jehova a Dios mo tan ed Masanton Dios na Israel,
10 Ipaalagey na saray dayo iray padir mo,
Tan manlingkor ed sika iray arari da,+
Ta dinusa ta ka lapud sanok ko,
11 Mansiansian akalukas iray puertam;+
Agew-labi ya ag-iratan ikapot,
Pian niyakar ed sika iray kaykayarian na saray nasyon,
Tan saray arari da so mangidaulo.+
12 Ta naandi so dinanman a nasyon tan panarian ya agmanlingkor ed sika,
Tan sigpot a naderal iray nasyon.+
13 Onlad sika so gloria na Lebanon,+
Pati kiew ya enebro, fresno, tan sipres,+
Pian naparakep so pasen na santuaryok;
Igloriak so pasen a kawalaan na saray salik.+
14 Onlad sika iray ananak na saramay amairap ed sika tan ondakmomo rad arapan mo;
Ondakmomo ed salian mo so amin ya agmanrerespeto ed sika,
Tan tawagen da kan say syudad nen Jehova,
Say Sion na Masanton Dios na Israel.+
15 Imbes a sakey kan tinaynanan tan binusol, ya agdadalanen na anggan siopa,+
Gawaen ta kan sengegay agmanganggan pampasirayew,
Sakey a lapuan na panliket diad amin a henerasyon.+
16 Tan inumen mo so gatas na saray nasyon,+
Onsuso kad pagew na saray arari;+
Tan naamtaan mo a siak, si Jehova, so Manangiliktar mo,
Tan say Makapanyarin Dios nen Jacob so Mananondon mo.+
17 Mangiyakar ak na balitok imbes a gansa,
Tan mangiyakar ak na pilak imbes a balatyang,
Gansa imbes a kiew,
Tan balatyang imbes a bato;
Tan turoen ko so kareenan bilang manangasikasom
Tan say inkatunong bilang manangipabtang na kimey mo.+
18 Anggapo lay narengelan a karuksaan diad dalin mo
Odino panagderal tan panaggeba ed loob na saray ketegan mo.+
Tan tawagen mon Kilalaban iray padir mo+ tan tawagen mon Kirayewan iray puertam.
19 Aliwa lan say agew so liwawam no agew,
Tan agka la liwawaan na sinag na bulan,
Ta si Jehova so magmaliw a liwawam ed andi-anggaan,+
Tan say Dios mo so magmaliw a karakpan mo.+
20 Agla onselek so agew mo,
Odino onkuyep so bulan mo,
Ta si Jehova so magmaliw a liwawam ed andi-anggaan,+
Tan mangangga la iray agew na paneermen mo.+
21 Tan magmaliw a matunong so amin a totoom;
Kayarianen da so dalin diad andi-anggaan.
22 Say daiset et magmaliw a sanlibo
Tan say melag et magmaliw a mabiskeg a nasyon.
Siak a mismo, si Jehova, so mamapeles ed saya diad mismon panaon to.”
61 Walad siak so espiritu na Soberanon Katawan a Jehova,+
Ta nilanaan ak nen Jehova a mangiyabawag na maong a balita ed saray mauyamo.+
Imbaki to ak pian bedberan iramay asugatan a puso,
Pian iyabawag so kibulos ed saray naaripen
Tan kilukas na kamataan ed saray nipriso,+
2 Pian iyabawag so taon na kaabigay-linawa* nen Jehova
Tan say agew na panangibales na Dios tayo,+
Pian naligliwa so amin a maneermen,+
3 Pian taryaan ko iray maneermen ed Sion,
Pian naikdan ira na sakbong na ulo imbes a dapol,
Say larak na panliliket imbes a paneermen,
Say kawes a kirayewan imbes a maer-ermen ya espiritu.
4 Apigeren da iray abayag lan aderal a pasen;
Ipaalagey da iray pasen ya agnapanayaman nensaman,+
Tan apigeren da iray aderal a syudad,+
Saray pasen ya agpanaayaman ed dakel lan henerasyon.+
5 “Onsabi iray dayo tan pastolan da iray pulok yo,
Tan saray dayo+ so magmaliw a dumaralus yo tan manag-asikaso na kaubasan yo.+
7 Imbes a kababaingan et doble so awaten yon kayarian,
Tan imbes a kabandayan et oneyag ira ed liket lapud apag da.
On, doble so awaten dan kayarian diad dalin da.+
Niwalad sikara so andi-anggaan a panliket.+
Matoor kon iter ed sikara so upa ra,
Tan manggawa ak na andi-anggaan a pisisipanan ed sikara.+
9 Saray ilalak* da et magmaliw a bantog ed saray nasyon,+
Tan saray poli da et magmaliw a bantog ed saray totoo.
10 Manliket ak a maong ed si Jehova.
Ta kinawesan to ak na kililiktar;+
Nilatopan to ak na kawes* na inkatunong,
Singa nobyon akasulong na turbante a kaparparay turbante na saserdote,+
Tan singa nobya ya akasulong na saray parakep to.
11 Ta no panon a papatuboen na dalin so bukel
Tan no panon a papatuboen na hardin iray nitanem ditan,
Patuboen met na Soberanon Katawan a Jehova
So inkatunong+ tan say kirayewan+ diad arap na amin a nasyon.
62 Agak manpareen nisengeg ed Sion,+
Tan agak manpainawa nisengeg ed Jerusalem
Anggad onsinag so inkatunong to a singa masnag a liwawa+
Tan ondalang so kililiktar to a singa silew.+
Tan natawag ka ed sakey a balon ngaran+
Ya iter a mismo nen Jehova.
3 Magmaliw kan marakdakep a korona diad lima nen Jehova,
Sakey a turbante na ari diad lima na Dios mo.
Balet natawag kan “Sikato so Panliketan Ko,”+
Tan say dalin mo et natawag a “Walaay Asawa.”
Ta panliketan ka nen Jehova,
Tan say dalin mo et magmaliw a walaay asawa.
5 Ta singa sakey a balolaki a mangasawa na sakey a marikit,
Asawaen ka na lalakin ananak mo.
Singa panliket na nobyo ed nobya to,
Manliket so Dios mo lapud sika.+
6 O Jerusalem, angipasen ak na saray managbantay ed saray padir mo.
Sanagew tan sanlabi, diad amin a panaon et ag-ira nepeg a manpareen.
Sikayo ran mansasalita nipaakar ed si Jehova,
Agkayo manpapainawa,
7 Agyo pampapainawaen anggad niletneg ton malet so Jerusalem,
On, anggad gawaen ton kirayewan na dalin so syudad.”+
8 Insamba nen Jehova ed panamegley na kawanan a lima to tan say mabiskeg a taklay to:
“Agko la iter ed saray kalaban mo so ilik mo bilang naakan da,
Odino say balon alak mo ya inumen na saray dayo, a saratan et nansagpotan mo.+
9 Balet saramay manaani na ilik so mangan ed satan tan idayew day Jehova;
Tan saramay manitipon na alak so oninum ed satan diad masanton sular na templok.”+
10 Paway kayo, paway kayo ed saray puerta na syudad.
Mangiparaan kayoy dalanen na totoo.+
Manggawa kayo, manggawa kayoy karsada.
Ekalan yo itan na bato.+
Mangitagey kayoy sakey a tanda* parad totoo.+
11 Inyabawag la nen Jehova diad saray sampot na dalin:
“Ibaga yod anak a bii na Sion,
‘Onsabi lay kilalaban mo.+
Walad sikato so itumang to,
Tan walad sikato so upa ya ibayar to.’”+
12 Natawag iran masanton totoo, saray dinondon nen Jehova,+
Tan natawag kan “Aanap-anapen,” say “Syudad ya Ag-ataynanan.”+
63 Siopa iyan onsasabi manlapud Edom,+
Sayan manlalapud Bozra+ a makolokolor* so kawes to,
Makapadinayew so panangawes to,
Manmamartsan walaay baleg a pakayari?
“Siak iya, say mansasalita ed inkatunong,
Say walaan na baleg a pakayarin mangiliktar.”
2 Akin et ambalangay kawes mo,
Tan akin a saray kawes mo et mipara ed samay manggagatin ed panagpespesan na ubas?+
3 “Ginatin-gatinan kon bukor iray ubas,
Ya anggapoy kaibak a too.
Ginatin-gatinan ko ra lapud pasnok ko,
Tan inmedmer ko ra lapud sanok ko.+
Apulasian na dala ra so sulong ko,
Tan amantsaan so interon kawes ko.
4 Ta walad pusok so agew na panangibales,+
Tan sinmabi la so taon na saray dinondon ko.
5 Onnenengneng ak, balet anggapoy ontulong;
Adismaya ak ta anggapoy onsuporta.
6 Inggatin-gatin ko iray totoo lapud pasnok ko,
Binuek ko ra lapud sanok ko+
Tan inkalbok ed dalin so dala ra.”
7 Salambiten ko so matoor a panangaro nen Jehova,
Saray makapadinayew a gawa nen Jehova,
Lapud amin a ginawa nen Jehova parad sikatayo,+
Saray dakel a maabig a bengatlan ginawa to parad sankaabungan na Israel,
Unong ed panangasi to tan abalbaleg a matoor a panangaro to.
8 Ta inkuan to: “Tua a sikara so totook, ananak a matoor.”*+
Kanian sikatoy nagmaliw a Manangiliktar da.+
9 Kapagno nagogonigon ira, sikatoy nagogonigon met.+
Tan inliktar ira na mismon mensahero to.*+
Dinondon to ra lapud panangaro tan panangasi to,+
Tan inagwat to ra tan inawit to ra ed amin a panaon nensaman.+
10 Balet nanrebelde ra+ tan pinaermen day masanton espiritu to.+
11 Tan anonotan da so apalabas a panaon,
Saray agew nen Moises a lingkor to, tan inkuan da:
“Kawalaan na samay angipaway ed sikara diad dayat+ a kaiba iray managpastol na pulok to?+
Kawalaan na samay angiyan na masanton espiritu To ed sikato,+
12 Samay angiyan na maglorian taklay To ed kawanan a lima nen Moises,+
Samay nambelsay ed danum diad arapan da+
Pian manggawa na andi-anggaan a ngaran parad sikato,+
13 Samay Sakey ya impanakar to ra ed madaluyon a danum,*
Kanian ag-ira atumba,
Singa sakey a kabayo ed kaumaan?*
15 Usdong ka manlapud tawen tan nengneng mo
Manlapud atagtagey ya ayaman mo a kawalaan na kasantosan tan gloria.*
Agmo iratan impatnag ed sikami.
Anggaman nayarin agkami kabat nen Abraham
Tan nayarin agkami nabidbir nen Israel,
Sika so Ama mi, O Jehova.
Sika so Mananondon mi manlapu la nensaman.+
17 O Jehova, akin et pinaulyan mo kamin onarawi* ed saray dalan mo?
Akin et pinaulyan mo* ya onawet so puso mi, kanian agkami tinmakot ed sika?+
Pawil ka nisengeg ed saray lingkor mo,
Saray tribu a tawir mo.+
18 Agangganon akayarian na masanton totoom so dalin.
Ginatin-gatinan na saray kalaban mi so santuaryom.+
19 Abaybayag kamin nagmaliw a singa saramay totoon agmo inuleyan,
Singa saramay ag-atawag ed ngaran mo.
64 No pinilat mo labat komon so katawenan tan linmeksab ka,
Pian nayegyeg iray kapalandeyan lapud sika,
2 Singa ed pamool na apoy ed kiew ya itutungo,
Tan sano palwagen na satan so danum,
Diad ontan et naamtaan na saray kalaban mo so ngaran mo,
Tan onggiwgiw iray nasyon ed arapan mo!
3 Sanen ginawam iray makapakelaw a bengatla ya agmin balot inilaloan,+
Linmeksab ka, tan ayegyeg ed arapan mo iray kapalandeyan.+
4 Manlapu la nensaman et anggapoy akadngel odino tinmalineng,
Tan anggapoy anengneng dan Dios nilikud ed sika,
Ya onkikiwas parad saramay mantultuloy a maniilalo* ed sikato.+
5 Inabrasam iramay maliket a manggagaway duga,+
Saramay mannononot ed sika tan manutumbok ed saray dalan mo.
Sinmanok ka sanen mankakasalanan kami,+
Abayag ya ontan so ginawa mi.
Manepeg kami kasin iliktar?
6 Tan amin mi et nagmaliw ya agmalinis,
Tan amin a matunong a gawa mi et singa abel ya uusaren parad panreregla.+
Nalenes kamin amin a singa sakey a bulong,
Tan itikyab kami na saray kasalanan mi a singa dagem.
7 Anggapoy ontatawag ed ngaran mo,
Anggapoy ombebemben a malet ed sika,
Ta sinaniban moy lupam ed sikami,+
8 Balet natan, O Jehova, sika so Ama mi.+
Nengneng mo kami, ipangasim, ta amin mi et totoom.
10 Nagmaliw a kalawakan iray masanton syudad mo.
Nagmaliw a kalawakan so Sion,
Agla napanayaman so Jerusalem.+
11 Say masanto tan magloria* ya abung* mi,
A nandayewan ed sika na inmuunan atateng mi,
Et apoolan la,+
Tan aderal so amin a bengatlan papablien mi.
12 Lapud saya, agka ni kasi onkiwas, O Jehova?
Kasin manpareen ka tan paulyanan mo kamin manirap na alablabas?+
65 “Inabuloyan kon anapen ak na saramay agnantepet nipaakar ed siak;
Inabuloyan kon naromog ak na saramay agnananap ed siak.+
Inkuan ko, ‘Wadia ak, wadia ak!’ ed sakey a nasyon ya ag-ontatawag ed ngaran ko.+
2 Sanagew kon iyuunat iray limak ed totoon benger,+
Saramay manaakar ed dalan a mauges,+
Ya ontutumbok ed dilin kanonotan da;+
3 Totoon naynay a mangiinsulto ed siak ya arap-arapan,+
A manbabagat ira ed saray hardin+ tan papaaseweken da iray bagat da diad tapew na saray laryo.
4 Onyuyurong ira ed saray lubok,+
Tan mamapalabas ira na labi diad saray maamot a pasen,*
Mamangan ira na karne na baboy,+
Tan walad saray pananginan da so digo na makapadimla* iran bengatla.+
Singa iraya asewek ed eleng ko, singa apoy a mandarlang a sanagew.
6 Nisulat iya ed arapan ko;
Agak manpareen,
Noagta ombales ak ed sikara,+
Idapok ed sikara so panangibales diad sukat a manepeg ed sikara*
7 Lapud saray kasalanan da tan saray kasalanan na inmuunan atateng da,”+ so inkuan nen Jehova.
“Ta pinaasewek da iray bagat da ed saray palandey
Tan pinabanday da ak ed saray pukdol,+
Sukaten ko nin unona so bayar a manepeg ed sikara.”*
8 Oniay inkuan nen Jehova:
“No panon a say balon alak et naromog ed saray monil na ubas,
Tan walay mangibagan, ‘Agyo itan dederalen, ta walay maabig* a naala ed satan,’
Ontan met so gawaen ko nisengeg ed saray lingkor ko;
Agko ra deralen ya amin.+
9 Papawayen ko ed Jacob so sakey ya ilalak*
Tan papawayen ko ed Juda imay manawir ed saray palandey ko;+
Tan kayarianen itan na saray pinilik,
Tan manayam ditan iray lingkor ko.+
10 Say Saron+ et magmaliw a panagpastolan na saray karnero
Tan say Lawak* na Acor+ et magmaliw a panagpainawaan na saray baka,
Parad saray totook a manaanap ed siak.
11 Balet sakey kayo ed saray mangibebeneg ed si Jehova,+
Saray mangililingwan ed masanton palandey ko,+
Saray mangipaparaan na lamisaan parad dios na Suerte,
Tan saray papanoen da na tinimplaan ya alak iray kopa parad dios na Kapalaran.
12 Kanian iyawat ta kayod espada,+
Tan ondakmomo kayon amin sano pateyen da kayo,+
Ta tinmawag ak, balet agkayo inmebat,
Nansalita ak, balet agkayo dinmengel;+
Nantultuloy kayon nanggaway mauges ed pakanengneng ko,
Tan pinili yo no antoy agko panliketan.”+
13 Kanian oniay inkuan na Soberanon Katawan a Jehova:
“Mangan iray lingkor ko, balet naerasan kayo.+
Oninum iray lingkor ko,+ balet napaet kayo.
Manliket iray lingkor ko,+ balet nabaingan kayo.+
14 Oneyag ed liket iray lingkor ko lapud maabig a kipapasen na puso,
Balet onakis kayo lapud inkasakitan na puso
Tan manugaog kayo lapud nagogonigon ya espiritu.
15 Mangitilak kayoy sakey a ngaran ya usaren na saray pinilik ed pangisamba,
Tan balang sakey ed sikayo et pateyen na Soberanon Katawan a Jehova,
Balet tawagen tod sananey a ngaran iray lingkor to;+
16 Pian siopaman ya onkekerew na bendisyon diad dalin
Et bendisyonan na Dios na katuaan,*
Tan siopaman a mansasamba diad dalin
17 Ta manggawa ak na balon tawen tan balon dalin;+
Tan agla nanonotan iray apalabas a bengatla,
Tan agla iratan mansiansia ed puso.+
18 Kanian manggayaga kayo tan manliket kayo ed andi-anggaan lapud saray gawaen ko.
Ta gawaen kon say Jerusalem et sengegay panliket
Tan saray totoo to et sengegay panggayaga.+
19 Manliket ak ed Jerusalem tan manggayaga ak ed totook;+
Anggapo lay narengel ed sikato a tanol na pannangis odino panakis lapud gonigon.”+
20 “Anggapo lay kapangiyanak ed satan a pasen a manbilay labat na pigaran agew,
Odino sakey a matatken ya agto nakompleto iray agew to.
Ta siopaman ya ompatey a mantaoy sanlasus et ipasen ya ugaw ni,
Tan naayew imay makasalanan, anggaman mantaon la na sanlasus.*
21 Mangipaalagey ira na kaabungan tan manayam ira ditan,+
Tan mantanem ira na kaubasan tan kanen day bunga to.+
22 Ag-ira mangipaalagey tan sananey so manayam,
Ag-ira mantanem tan sananey so mangan.
Ta say bilay na totook et singa karukey na bilay na sakey a kiew,+
Tan sigpot a panliketan na saray pinilik so kimey na saray lima ra.
23 Ag-ira mansagpot ed andi-kakanaan,+
Tan ag-ira mangiyanak na ugugaw a managmak na gonigon,
Lapud sikara so ilalak* a benendisyonan nen Jehova,+
Tan kaiba da ray kapolian da.+
24 Ebatan ko la ra antis iran ontawag;
Dengelen ko ra legan a mansasalita ni ra.
25 Saniba lan mangan so lobo tan say kordero,
Say leon et mangan lay dayami a singa say baka,+
Tan dabok la so kanen na uleg.
Ag-ira mamasakit odino manggaway antokaman a makaderal diad interon masanton palandey ko,”+ so inkuan nen Jehova.
66 Oniay inkuan nen Jehova:
“Say tawen so tronok, tan say dalin so toonan na salik.+
“Saya sirin so nengnengen ko,
Say sakey a walaay mapaabeba tan nagogonigon ya espiritu, tan onggigiwgiw lapud* salitak.+
3 Samay mamapatey na baka et singa samay mangakabil na too.+
Samay mangibabagat na karnero et singa samay mamapakger na aso.+
Samay mangiyapay na regalo—singa say dalay baboy!+
Samay mangiyaapay na olibano bilang pakanodnonotan+ et singa samay mangibabalikas na panamendisyon ed panamegley na saray salitan uusaren ed panagmahiko.*+
Pinili ra so dilin panlabayan da,
Tan nanliketan da* iray makapadimlan bengatla.
4 Kanian pilien ko met iray paraan a panusak ed sikara,+
Tan iyakar kod sikara iramay bengatlan tatakotan da.
Ta anggapoy inmebat sanen tinmawag ak;
Anggapoy dinmengel sanen nansalita ak.+
Intultuloy dan ginaway mauges ed pakanengneng ko,
Tan pinili ran gawaen so bengatlan agko panliketan.”+
5 Dengel yoy salita nen Jehova, sikayo ran onggigiwgiw lapud* salita to:
“Inkuan na saray agagi yon mamubusol ed sikayo tan mangipupulisay ed sikayo lapud ngaran ko, ‘Nigloria komon si Jehova!’+
Balet Sikatoy manpanengneng tan panggayagaen to kayo,
Tan nabaingan ira.”+
6 Walay ungol na paneyag ed syudad, sakey ya ungol ed templo!
Ta iiter nen Jehova so dusa a manepeg ed saray kalaban to.
7 Sikatoy nananak la antis a manpasakit.+
Inyanak to lay sakey ya ugaw a laki antis a nalikna toy pampasakit.
8 Siopa lay akadngel ed onian bengatla?
Siopa lay akanengneng ed onia ran bengatla?
Niyanak kasi ed sanagew so sakey a dalin?
Odino tampol kasin niyanak so sakey a nasyon?
Balet sanen nampasakit so Sion et tampol a sikatoy angiyanak na ananak a lalaki.
9 “Kasin abuloyan kon anggad ngalngali la iyanak insan ko amperen so ipaway to?” so inkuan nen Jehova.
“Odino kasin abuloyan kon onggapo so pananak insan ko lanlamang isara so eges?” so inkuan na Dios mo.
10 Miliket kayo ed Jerusalem tan manggayaga a kaiba to,+ amin yon mangaaro ed sikato.+
Miliket kayon maong ed sikato, amin yon maneermen lapud sikato,
11 Ta onsuso kayo tan naligliwan maong lapud sikato, a singa sakey ya ugaw a papasusoen na ina to,
Tan oninum kayo na dakel tan panliketan yo so daakan a gloria to.
12 Ta oniay inkuan nen Jehova:
“Iter kod sikato so kareenan a singa ilog+
Tan say gloria na saray nasyon a singa manag-agus a danum.+
Pasusoen tan ebaen to kayo,
Tan panlugtoten to kayo ed akwalan to.
13 Singa sakey ya ina a liligliwaen toy anak to,
Itultuloy ta kayo met a ligliwaen;+
Tan naligliwa kayo lapud Jerusalem.+
14 Nanengneng yo iya, tan manggayaga so puso yo,
Ombiskeg iray pukel yo a singa saray balon tinmubo a dika.
15 “Ta onsabi si Jehova a singa apoy,+
Tan saray karwahe to a singa maksil a dagem,+
Pian ombales lapud baleg a sanok to,
Pian manusa ed panamegley na mandarlang ya apoy.+
16 Ta idapo nen Jehova so panangukom ed panamegley na apoy,
On, ed panamegley na espada to, sumpad amin a totoo;*
Tan dakel so napatey nen Jehova.
17 “Manganggan amin iramay papasantosen tan lilinisan day sarili ra pian onloob ed saray hardin*+ tan tumboken da imay walad pegley, a kakanen da so karne na baboy+ tan saray makapadimlan bengatla, a pati say utot,”+ so imbaga nen Jehova. 18 “Lapud amtak iray gawa ra tan kanonotan da, onsabi ak pian tiponen ko so totoo ed amin a nasyon tan lenguahe, tan ondago ra tan nanengneng da so gloriak.”
19 “Mangiyan ak na sakey a tanda ed sikara, tan say arum ya akaliktar et ibakik ed saray nasyon—diad Tarsis,+ Pul, tan Lud,+ saramay manuusar na pana, diad Tubal tan Javan,+ tan diad saray ararawin isla—ya agni akadngel na balita nipaakar ed siak odino akanengneng ed gloriak; tan iyabawag da so gloriak diad saray nasyon.+ 20 Awiten dan amin iray agagi yo manlapud amin a nasyon+ bilang regalo ed si Jehova, ya akalugan ira ed saray kabayo, karwahe, atarongan a kariton, asno, tan ed saray maples a kamelyo, pian itatdang da ra ed masanton palandey ko, say Jerusalem, a singa saray totoo na Israel sano iyaakar dad abung nen Jehova iray regalo ran akakarga ed malinis a pananginan,” so inkuan nen Jehova.
21 “Alaen ko met so pigara pian magmaliw iran saserdote tan Levita,” so inkuan nen Jehova.
22 “Ta no panon a say balon tawen tan balon dalin+ a gawaen ko et mansiansia ed arapan ko,” so imbaga nen Jehova, “ontan met so pansiansia na ilalak* yo tan say ngaran yo.”+
23 “Tan diad kada balon bulan tan kada sabaton,
Ondago so amin a totoo* pian ondakmomo ed arapan ko,”*+ so inkuan nen Jehova.
24 “Tan ompaway ira tan nengnengen da iray bangkay na totoo a nanrebelde ed siak;
Ta ag-ompatey iray bigis a manguupot ed sikara,
Tan agnaerep so apoy a mamopool ed sikara,+
Tan magmaliw iran makapadimla ed amin a totoo.”*
Kabaliksan toy “Panangiliktar nen Jehova.”
Odino “agto kabat so katawan to.”
Literal, “apespes.”
Odino “ya alolong.”
Odino “manuley.”
Odino “bilin.”
Odino “Kabusol na kamarerwak.”
Odino “na ulila.”
Odino “serbesam a nanlapud trigo.”
Odino “ed saray ulila.”
Saya so dutak ya ompapaway kayarin tunawen so metal.
Mapatnag a saraya so kiew tan hardin ya uusaren ed panagdayew ed idolo.
Singa lubir a mainomay a napoolan.
Odino “Diad kaunoran iran agew.”
Odino “bilin.”
Odino “nipaabeba.”
Sakey iyan klase na angkabaleg a kiew. Diad Ingles et oak.
Odino “nipaabeba.”
Masisiban angkekelag ya ayayep a manpapasuso.
Odino “Ya oniingas ed eleng to.”
Odino “a manguman-uman.”
Odino “managtambal yo.”
Literal, “ed saray mata na gloria to.”
Odino “so kamarerwa ra.”
Literal, “Kanen da so bunga na saray kagagawa ra.”
Literal, “naunat so beklew.”
Odino “Saray palawit.”
Odino “saray balkes.”
Odino “saray mantaningting ya alahas a gawad baley.”
Odino “saray lalatopan a kawes.”
Marka ya intatak ed laman na sakey ya aripen odino priso.
Salanti, say kabandayan na pagmaliw ya andiay asawa tan ananak.
Odino “mangekal.”
Odino “tanaman.”
Literal, “samploran kalapar.”
Nengnengen so Apendise B14.
Nengnengen so Apendise B14.
Nengnengen so Apendise B14.
Odino “Sheol,” salanti, say lubok na katooan. Nengnengen so Glosaryo.
Odino “kamarerwa to.”
Odino “saray gagalangen a totoo ed.”
Odino “inkahustisya.”
Odino “desisyon; simbawa.”
Odino “bilin.”
Odino “palitek a pinagkatanda.”
Odino “akaparaan lan mangikena.”
Odino “saray mabiskeg tan malangwer a leon.”
Literal, “Insakbong to.”
Literal, “samay boses na ontatawag.”
Literal, “Apareen ak la.”
Sakey iyan klase na angkabaleg a kiew. Diad Ingles et oak.
Odino “ilalak.”
Odino posiblin, “agda.”
Kabaliksan toy “Pigara Labat ya Akera so Ompawil.”
Odino “aagusay danum.”
Odino posiblin, “gonigonen.”
Odino “bungawan tayo iray padir to.” Literal, “lengaten tayo itan.”
Odino “Sheol,” salanti, say lubok na katooan. Nengnengen so Glosaryo.
Odino “so marikit.”
Kabaliksan toy “Walad Sikami so Dios.”
Odino “ampingilan.”
Odino “kulos.”
Salanti, say Eufrates.
Literal, “diad panamegley na panagsulat na toon mortal.”
Nayarin mankabaliksay “Mangganat ya Onlad Samsam, Onlan Tampol ed Asamsam.”
Odino “a tasian itan; a paneknekan itan.”
Literal, “inasinggeran.”
Salanti, say asawa nen Isaias.
Say Siloa et sakey a banawang ya aagusay danum.
Salanti, say Eufrates.
Nengnengen so Isa 7:14.
Odino “Balkesan yoy inkasikayo.”
Odino “so testimonya.”
Odino “bilin.”
Odino “Magunaet ak a manalagar.”
Odino “say testimonya.”
Literal, “palbangon.”
Odino “gobierno; pananguley na prinsipe.”
Odino “gobierno to; pananguley to bilang prinsipe.”
Literal, “manlapud beneg.”
Odino posiblin, “sanga na kiew a palma tan tanubong.”
Odino “iray ulila.”
Odino “Tan saray ulila.”
Odino “panusa.”
Odino “gloria.”
Literal, “ko.”
Odino “manlapud kamarerwa anggad laman.”
Odino “nadusa.”
Odino “sakey a wasay.”
Odino “Matunong.”
Odino “espiritu.”
Odino “mabiskeg tan malangwer a leon.”
Odino posiblin, “Tan saniban mangan so kilaw a baka tan say leon.”
Odino “palitek a pinagkatanda.”
Odino “Sikato so anapen na saray nasyon.”
Odino “Etiopia.”
Salanti, Babilonia.
Odino “palitek a pinagkatanda.”
Literal, “ed takeb.”
Odino “Uleyan da so.”
Odino posiblin, “Paekaten.”
Literal, “dila.”
Salanti, say Eufrates.
Odino “ya espiritu.”
Odino posiblin, “pekpeken to itan pian magmaliw a pitoran kulos.”
Say “Jah” et pinatikey a ngaran a Jehova.
Odino “Mantogtog tan mangansion kayo parad.”
Literal, “biin manaayam,” manutukoy ed amin a totoo bilang sakey a bii.
Odino “palitek a pinagkatanda.”
Literal, “ed saray pinasantok.”
Literal, “tan saray Kesil da,” a nayarin manutukoy ed Orion tan saray akapaliber a konstelasyon.
Odino “say dekorasyon.”
Odino posiblin, “iray singa-kanding a demonyo.”
Odino “iramay managganggan ed sikara.”
Odino “kantiaw.”
Odino “imay managganggan.”
Odino “Sheol,” salanti, say lubok na katooan. Nengnengen so Glosaryo.
Literal, “a kalakian a kanding.”
Odino “Sheol,” salanti, say lubok na katooan. Nengnengen so Glosaryo.
Odino “Sheol,” salanti, say lubok na katooan. Nengnengen so Glosaryo.
Literal, “abung.”
Odino “sanga.”
Sakey a baleg ya utot a makaturok iray bago to. Diad Ingles et porcupine.
Literal, “so simbawa a nisimbawa.”
Odino “ya akaparaan a maneral.”
Odino “maditan uleg a maples a mangetket.”
Odino “Templo.”
Odino “Say kamarerwa to et.”
Mapatnag a manutukoy ed sakey a pasen ed nasyon na Moab. Ipapatalos iya na arum bilang, “biin baka a taloy taon ni labat.”
Odino “kulos.”
Odino “iray sanga to a napnoy ambalanga iran ubas.”
Odino posiblin, “Ta say paneyag parad guerra et agawa ed panagburbor yoy prutas ed panaoy tiagew.”
Odino “a maalwar a binilang a singa gagawaen na sakey ya uupaan a trabahador”; salanti, diad eksakton taloy taon.
Literal, “lalakin ananak nen Israel.”
Literal, “so taba na laman to.”
Odino “Abeban Patar.”
Nengnengen so Glosaryo.
Odino “makapaliket.”
Odino “sananey a dios.”
Literal, “sakey a nasyon ya apinat tan apasileng.”
Odino “sakey a nasyon a malet tan mangigagatin.”
Odino “palitek a pinagkatanda.”
Odino posiblin, “manlapud.”
Literal, “sakey a nasyon ya apinat tan apasileng.”
Odino “sakey a nasyon a malet tan mangigagatin.”
Odino “Manermen so kamarerwa na.”
Odino “Memphis.”
Odino posiblin, “sanga na kiew a palma odino tanubong.”
Odino “komandante to.”
Odino “a ngalngali anggapoy sulong to.”
Odino “a sengegay kababaingan.”
Odino “a pandinayewan day karakpan to.”
Mapatnag a manutukoy ed rehyon na kadaanan a Babilonia.
Literal, “pinasyay panotot na balangbang ko.”
Odino “larakan.”
Literal, “anak a laki.”
Kabaliksan toy “Inkamareen.”
Odino “a maalwar a binilang a singa gagawaen na sakey ya uupaan a trabahador”; salanti, diad eksakton sakey taon.”
Mapatnag a manutukoy ed Jerusalem.
Sakey a personipikasyon, a nayarin mangibabalikas na panangasi odino simpatya.
Odino “lalakin de-kabayoan.”
Odino “iparaan.”
Odino “saray abeban patar.”
Odino “lalakin de-kabayoan.”
Odino “proteksion.”
Odino “palasyo.”
Literal, “ayaman.”
Odino “pakauley.”
Literal, “Iyan kod takeb to so tombok na abung nen David.”
Literal, “belat.”
Odino “saray simit.”
Literal, “bini.”
Salanti, sakey a sanga na Ilog Nilo.
Literal, “saray birhen.”
Odino posiblin, “daongan.”
Literal, “saray agew.”
Odino “Keskesen toy tapew na satan.”
Odino posiblin, “Namamagaan.”
Odino “abayag la.”
Odino posiblin, “Nauupot.”
Odino “sagur.”
Odino “diad bukig.”
Odino “Parakep.”
Literal, “arapan na mamatatken to.”
Odino “Saray simbawam.”
Odino “walay alak ya abayag lan pinaikneng.”
Literal, “akmonen.”
Odino “sanib.”
Odino “Paandien.”
Odino posiblin, “iramay mapekder so kanonotan da.”
Say “Jah” et pinatikey a ngaran a Jehova.
Odino “Plastado.”
Odino “na kamarerwa mi.”
Salanti, pampipirawatan a say Dios tan say ngaran to et nodnonoten tan nipakabat.
Odino “so kamarerwak.”
Odino “inkamatua.”
Literal, “so bangkay a kayarian ko.”
Odino posiblin, “linaew ed saray tanaman.”
Odino “iyanak na dalin iramay naugip ed patey.”
Odino “panangukom.”
Nengnengen so Glosaryo.
Mapatnag a manutukoy ed Israel ya adeskribe dia bilang sakey a bii tan niyaliling ed sakey a kaubasan.
Nengnengen so Glosaryo.
Salanti, say Eufrates.
Nengnengen so Glosaryo.
Odino “mapaatagey; mapasirayew.”
Mapatnag a manutukoy ed kabiseran syudad, say Samaria.
Odino “mapaatagey; mapasirayew.”
Odino “Lubir a panagsukat ed lubir a panagsukat, lubir a panagsukat ed lubir a panagsukat.”
Literal, “bibil.”
Odino “Lubir a panagsukat ed lubir a panagsukat, lubir a panagsukat ed lubir a panagsukat.”
Odino posiblin, “amawala kami na pasingawey a kaiba so.”
Odino “Sheol,” salanti, say lubok na katooan. Nengnengen so Glosaryo.
Odino “patawin.”
Odino “Sheol,” salanti, say lubok na katooan. Nengnengen so Glosaryo.
Odino posiblin, “Sano natalosan da, ontakot iran maong.”
Odino “abeban patar.”
Sakey a klase na dika a walaan na angkekelag a bukel ya uusaren diad panggaway tinapay. Diad Ingles et millet.
Odino “disiplinaen; dusaen.”
Odino “gagala.”
Odino “Tan makapadinayew so makanan karunongan to.”
Nayarin mankabaliksay “Say Panagpoolan Diad Altar na Dios,” a mapatnag a manutukoy ed Jerusalem.
Literal, “iray estranghero ed sika.”
Odino “et anggapoy karga na kamarerwa to.”
Odino “tan amagaan so kamarerwa to.”
Odino “simbawa.”
Odino “Agaylay inkapikewet na panagnonot yo!”
Literal, “so mangipepetek.”
Salanti, lapud kababaingan tan inkadismaya.
Literal, “mangiyiibung na apay ya iinumen,” a mapatnag a manutukoy ed pipapaknaan.
Odino “ya ag-ira nantepet no antoy ibagak.”
Literal, “ed panag-amotan na Faraon.”
Odino “say maditan uleg a maples a mangetket.”
Odino “bilin.”
Literal, “malamuyot a bengatla.”
Odino posiblin, “sakey a bobon.”
Odino “mantultuloy a manilalo.”
Odino “magunaet a manalagar.”
Odino posiblin, “insan tawagen yo ran makapadimlan dutak.”
Literal, “mataba tan alarakan a maong.”
Odino “impakapiley.”
Odino “linawa.”
Literal, “yakayakan na andi-kakanaan.”
Odino “papasantosen yoy inkasikayo.”
Odino “lapud tanol na.”
Say “Tofet” et piguratibon nausar dia bilang mandarlang a pasen, a mangirerepresenta ed kadederal.
Odino “ed saray lalakin de-kabayoan.”
Literal, “baleg a bato to.”
Odino “apoy.”
Odino “siroman.”
Odino “pansalimbengan.”
Odino “Pian onkiwas ya agmarespeto.”
Odino “kamarerwa na narasan.”
Odino “alay abig.”
Odino “mangibubulos.”
Odino “biskeg.”
Manutukoy ed kabusol.
Odino posiblin, “Amagaan.”
Odino “Say atagey tan maligen a pasen.”
Odino “Dalepdepen.”
Literal, “kaaralem.”
Odino “Onagus ed saray palandey so.”
Mapatnag a manutukoy ed Bozra, say kabisera na Edom.
Sakey a baleg ya utot a makaturok iray bago to. Diad Ingles et porcupine.
Literal, “saray bato.” Sayan instrumento ya akabitin ed lubir et uusaren pian naseguron maptek so kipaalagey na sakey a bengatla.
Odino posiblin, “singa-kanding a demonyo.”
Literal, “so nanapag parad sikara diad panamegley na lubir a panagsukat.”
Odino “manunan managserbi na iinumen.”
Odino “palasyo.”
Odino “Siryano.”
Literal, “Manggawa kayoy panamendisyon a kaibak tan la kayo ed siak.”
Odino “palasyo.”
Odino “palasyo.”
Odino “pananginsulto.”
Literal, “et wala lad puerta na eges.”
Literal, “espiritu ed sikato.”
Literal, “itan.”
Odino posiblin, “pegley.”
Odino “iray kanal na Nilo.”
Literal, “agawa.”
Odino “pinormak.”
Salanti, si Hezekias.
Odino “tinmubo manlapud naplag a bukebukel.”
Odino “templo.”
Literal, “iray agew.”
Nayarin sarayan takayan et uusaren pian bilangen so oras, a singa say sundial.
Odino “Sheol,” salanti, say lubok na katooan. Nengnengen so Glosaryo.
Say “Jah” et pinatikey a ngaran a Jehova.
Literal, “Magmaliw kan garantiyak.”
Odino “Masimoon.”
Odino “paneermen na kamarerwak.”
Salanti, saray salita tan gawa na Dios.
Odino “so kamarerwak.”
Odino “Inekal mod pakanengneng mo iray kasalanan ko.”
Odino “Sheol,” salanti, say lubok na katooan. Nengnengen so Glosaryo.
Literal, “Aliketan ed sikara si.”
Odino “palasyo.”
Odino “palasyom.”
Odino “palasyok.”
Odino “palasyom.”
Odino “katuaan.”
Literal, “legan na saray agew.”
Odino “Mansalita kayoy makaligliwa ed.”
Odino “Doble.”
Odino “Iparaan.”
Literal, “amin a laman.”
Literal, “Amin a laman.”
Odino “espiritu.”
Odino “Pastolan.”
Say sukat manlapud nguro na tangan anggad kiking sano ibuskag so lima. Nengnengen so Apendise B14.
Odino posiblin, “akatebek.”
Odino “agmakapawala na magenap a kiew a pansunglor.”
Odino “tibukel.”
Odino “iray manuley.”
Odino “Agnatukor.”
Odino “mabiskeg ya enerhiya.”
Odino “Mandeen kayo ed arapan ko.”
Odino “nanlapud bukig.”
Salanti, pian manlingkor ed Sikato.
Literal, “bini.”
Salanti, agto nidepensay inkasikato tan pakaskasi.
Literal, “akauna.”
Odino “nipapuso mi.”
Odino “manlapud bukig.”
Odino “iray kasandin manuley.”
Odino “singa anggapo.”
Odino “na kamarerwak!”
Odino “bilin.”
Odino “Agko iyapag so gloriak ed anggan siopa.”
Odino “gilig na dayat.”
Odino “bilin.”
Odino “bilin.”
Odino “kamarerwam.”
Literal, “binim.”
Posiblin manutukoy ed saray unonan bengatla a nagawa ed arapen.
Odino “tan manmatalek kayo ed siak.”
Sakey ya ambalingit a tanubong.
Odino “saray impanrebeldim.”
Posiblin manutukoy ed saray managbangat na Ganggan.
Odino “ontutulong lad sika manlapud inkiyanak mo.”
Kabaliksan toy “Sakey a Maptek,” sakey a mapagalang a titulo na Israel.
Odino “amagaan a dalin.”
Literal, “binim.”
Salanti, saray imahen.
Odino “santuaryo.”
Sakey iyan klase na angkabaleg a kiew. Diad Ingles et oak.
Odino “amagan piraso.”
Odino “kamarerwa to.”
Odino “saray palson propeta.”
Literal, “ekalen koy balkes ed awak.”
Literal, “Balkesan ta kay malet.”
Odino “Manlapud bukig ya anggad sagur.”
Odino “misasangsangan.”
Odino “amorma ed sikato.”
Odino “amorma ed sikato.”
Odino posiblin, “Odino ibaga kasi na pitek: ‘Anggapoy panagbembenan na ginawam’?”
Odino “Anto iyay nampasakitan mon inyanak?”
Odino posiblin, “Saray trabahador.”
Odino posiblin, “saray managlako.”
Odino posiblin, “ya anggapoy manayam.”
Literal, “bini.”
Literal, “bini.”
Salanti, saray idolo ya akalugan ed ayayep.
Odino “so kamarerwa ra.”
Literal, “ondakmomo rad satan.”
Literal, “akauna.”
Odino “Makapanyari a Dios.”
Odino “gagalak; simbawak.”
Odino “bukig.”
Odino “gagalak; simbawak.”
Literal, “makapanyari.”
Odino posiblin, “tan agko kasian so siopaman a nasabat ko.”
Odino “tawagen a Reyna.”
Odino “so Reyna.”
Odino posiblin, “Anggaman ed.”
Odino “Tan agmo amta no panon mon amperen itan ed panamegley na anting-anting mo.”
Odino posiblin, “Saramay mangaapag na katawenan; Saray astrologo.”
Odino “kamarerwa ra.”
Literal, “ed dili ton rehyon.”
Odino posiblin, “sikayo a kailalakan.”
Literal, “akauna.”
Odino “Inusisa.” Odino posiblin, “Pinili.”
Odino “Agko iyapag so gloriak ed anggan siopa.”
Odino “a kaiba so.”
Odino “parad dilin pankaabigan mo.”
Literal, “binim.”
Literal, “manlapud eges.”
Odino “Balet ipagamor ed siak nen Jehova so hustisya.”
Odino “tumang ko.”
Odino “minudmoran kamarerwa.”
Odino “kaabigay-linawa.”
Odino posiblin, “saray pukdol ya anggapoy tanem.”
Odino “palitek a pinagkatandak.”
Literal, “pagew.”
Literal, “amin a laman.”
Odino “dila a nipasal a maong.”
Odino posiblin, “pamabiskeg.”
Literal, “diad sakey a salita.”
Odino “misangsangan.”
Odino “Manarap kamin dua.”
Odino “mandepende.”
Odino “nampasakit ya angiyanak ed sikayo.”
Odino “pakayarik.”
Odino “et agnabuyak.”
Odino “bilin.”
Odino posiblin, “bigis.”
Nengnengen so Glosaryo.
Literal, “nitapew ed ulo ra so.”
Odino “manedesdes ed sika.”
Literal, “diad ulo na amin a karsada.”
Odino “kamarerwam.”
Odino “mata ed mata.”
Odino “pananalo.”
Odino “Agmakaskasel iray arari.”
Odino posiblin, “ed nadngelan mi.”
Say “to” et nayarin manutukoy ed sakey a manoobserba odino ed Dios.
Odino “anggapoy nikadkaduman itsura to pian sikatoy pampilalekan mi.”
Odino “amta toy.”
Odino posiblin, “Sikatoy singa sakey a toon aglabay a nengnengen na totoo.”
Odino “panamairap.”
Odino “kabibilay to?”
Odino “pinatey.”
Odino “Tan walay mangiter na pangiponponan ed sikato.”
Literal, “sakey a toon mayaman.”
Odino “karuksaan.”
Odino “Balet nanliketan nen Jehova.”
Odino “kamarerwa.”
Literal, “bini.”
Odino “linawa; maabig a panliketan.”
Odino “pakakagonigon na kamarerwa to.”
Literal, “inyibung toy kamarerwa to.”
Odino “katawan.”
Odino “katawan mo.”
Literal, “asakitan ed espiritu.”
Odino “mandarlang iran bato.”
Odino “kuartan nansagpotan.”
Odino “so kamarerwa yo.”
Literal, “ed inkataba.”
Odino “na kamarerwa yo.”
Odino “napandependian.”
Odino “ta sikatoy mabulos a mamerdona.”
Odino “linawak.”
Odino “magmaliw a kabkabat so ngaran nen.”
Odino “walaay mabiskeg a kamarerwa.”
Salanti, lapud ipapatey.
Odino posiblin, “Manlapud.”
Salanti, diad lubok.
Odino “kulos.”
Odino “kulos.”
Odino “Naligliwa.”
Posiblin manutukoy ed panagdayew ed idolo.
Odino posiblin, “ari.”
Odino “Sheol,” salanti, say lubok na katooan. Nengnengen so Glosaryo.
Literal, “nakekesawan.”
Odino “tan inyamot ko iray bengatla.”
Odino “mansiasiansia.”
Odino “sikatoy balesen ko na ligliwa.”
Odino “kamarerwa mi?”
Odino “panliketan.”
Odino “kamarerwa to.”
Odino “pampipilalekan na kamarerwam.”
Odino “iray napapairap a kamarerwa.”
Odino “so kamarerwam.”
Literal, “na bungaw.”
Literal “isener moy salim ed.”
Odino “panliketan.”
Odino “Panggayagaen ta ka ed.”
Literal, “ambelat.”
Odino “inkamatua.”
Odino “inkamatua.”
Literal, “tan mauges iya ed saray mata to.”
Odino “pananalo parad sikato.”
Odino “pananalo.”
Odino “andiay-taklay a latop.”
Literal, “na binim.”
Literal, “na bini na binim.”
Odino “ed kasnagan na palbangon mo.”
Literal, “sika.”
Odino “so marakep ya abung ko.”
Odino “ed saray abot na ubong da.”
Odino “a singa nen inmuna.”
Odino “parakepen.”
Odino “kaabigay-linawak.”
Odino “pabor.”
Odino “naparakep.”
Odino “kaykayamanan.”
Literal, “bini.”
Literal, “bini.”
Odino “so kamarerwak.”
Odino “andiay-taklay a latop.”
Odino “palitek a pinagkatanda.”
Odino posiblin, “ambalbalanga.”
Odino “pananalok.”
Odino “matua.”
Odino “na anghel a walad arapan to.”
Odino “ed araralem a danum.”
Odino “kalawakan?”
Odino “alay abig.”
Odino “karakpan.”
Literal, “Say agpandeen na akindalem mo.”
Odino “akin et pinaarawi mo kami.”
Literal, “ginawam.”
Odino “maanos a manaalagar.”
Literal, “tinunaw.”
Literal, “diad lima na.”
Odino “amorma.”
Odino “marakep.”
Odino “templo.”
Odino posiblin, “saray alolong a panagbantayan.”
Odino “marutak.”
Odino posiblin, “Ta naalisan ta kay inkasantok.”
Literal, “diad pagew da.”
Literal, “diad pagew da.”
Literal, “bendisyon.”
Literal, “bini.”
Odino “Abeban Patar.”
Odino “katooran.” Literal, “Amen.”
Odino “katooran.” Literal, “Amen.”
Odino “kairapan.”
Odino posiblin, “Tan samay agto nasabi so sanlasus et ipasen a naayew.”
Literal, “bini.”
Odino “mapaga nipaakar ed.”
Odino posiblin, “samay mandadayew ed sakey ya idolo.”
Odino “nanliketan na kamarerwa ra.”
Odino “mapaga nipaakar ed.”
Odino “pakayari.”
Literal, “amin a laman.”
Salanti, saray espisyal a hardin ya uusaren ed panagdayew ed idolo.
Literal, “bini.”
Literal, “amin a laman.”
Odino “pian mandayew ed siak.”
Literal, “amin a laman.”