Akaparaan Ak La Kasi?
Akaparaan Ak La Kasin Manpulong Kaiba na Kongregasyon?
Nayarin akaparaan ka lan magmaliw ya agbautismadon manangipalapag no . . .
Regular ka lan manaaral na Biblia, manpipikasi, tan mimiaral.
Aapresyaen tan papanisiaan moy nanaaralan mo tan labay mon ibaga itan ed arum.
Inarom si Jehova tan mikakaaro ka ed saray mangaaro ed sikato.
Pinultot mo lay pimi-membrom ed politika odino palson relihyon.
Uunoren mo ray estandarte nen Jehova tan labay mo lay magmaliw ya Tasi nen Jehova.
No parad sika et akaparaan ka lan manpulong kaiba na kongregasyon, iyuksoy na mangiyaaral ed sika so pitongtong mo ed saray elder pian tulongan da kan magmaliw ya kualipikado.
Akaparaan Ak La Kasin Manpabautismo?
Nayarin akaparaan ka lan manpabautismo no . . .
Sakey ka lan agbautismadon manangipalapag.
Regular ka lan manpupulong anggad sarag mo.
Susuportaan tan uunoren moy direksion na “matoor tan makabat ya aripen.”—Mateo 24:45-47.
Indedikam lay sarilim ed si Jehova diad pikakasi tan labay mon panlingkoran diad andi-angga.
No parad sika et akaparaan ka lan manpabautismo, iyuksoy na mangiyaaral ed sika so pitongtong mo ed saray elder pian tulongan da kan magmaliw ya kualipikado.