No Panon ya Usaren Iyan Bokleta

Diad ontumbok iran pahina, wala ray teksto ed Biblia parad kada agew tan saray komento ed satan ya teksto. Anggaman sarag ton basaen so teksto tan saray komento ed anggan anton oras, ibabaga na dakel ya mas makakatulong itan ed sikara no basaen da la na kabuasan pian nadalepdep da itan ed interon agew. Marakep no pantongtongan na pamilya so teksto. Say pamilyan Bethel ed interon mundo et gagawaen da itan diad kabuasan.

Saray komento et inala ed Panag-bantayan (w) diad saray isyu na Abril 2022 anggad Marso 2023. Say numero kayari na petsa na isyu na Panag-bantayan et ontutukoy nin unona ed (saray) pahina na satan ya isyu, insan ed (saray) parapo ya angalaan na komento. (Nengnengen so alimbawad leksab.) Say kaaruman ya impormasyon nipaakar ed satan ya topic et nabasad satan lanlamang ya artikulo.