Tepetepet a Manlapud Managbasa

◼ Ibabaga na Biblia a si Samson et binisang ton impansian so sakey a leon a “singa say sakey et bisangen ton pankadduaen so kilaw a kanding.” Kasin kabaliksan na satan a kaslakan ed saray totoo nensaman so pamisang a pansianen iray kilaw a kanding?

Andi, sayan komento so nayarin sakey labat ya ilustrasyon. Kabaliksan to a diad dilin lima to et tinalo nen Samson so leon a laklakamas a singano sakey ya andi-pakayarin kilaw na kanding.

Si Samson, a nanserbin sakey ya ukom ed Israel, so nambiahe ed Tinmna ta pian anapen to “so pankanawnawa a sumpad saray Filisteos.” Diad dalan, nabet to tan nayarin sinunggaban na sakey a managlem a leon, walad kalangweran, mabiskeg. Say maawaran a kuritan so mangibabagan say aktibon puersa na Dios so sinmabi ed si Samson “ta pian binisang ton [walad kalangweran a leon] impankaddua, a singa say sakey et bisangen ton pankadduaen so kilaw na kanding, a kalimalima.”​—Uko-ukom 14:4-6.

Duara nin arum a lalaki ed kuritan na Biblia so laklakamas ya amatey ed saray leon, balet si Samson lambengat so nibagan nanggawa na onia a kalimalima. (1 Samuel 17:36; 2 Samuel 23:20) Nagkalalo ni, “binisang ton impankaddua.” No kabaliksan na satan so impamisang ton impansian ed mabiskeg iran ngalangala na leon, nayarin isipen ya arum ya Israelitas so walaan na magenap a biskeg a manggawa met na ontan ed kilaw na kanding. Balet anggapo so ebidensya a ginawa ra so ontan a bengatla, nisay wala so anggan anton rason no akin a salien da. Diad biek a dapag, no ‘arap-arapan’ a binisang nen Samson so leon ed arum a nengneng, nayarin lalon mairap a say komento nipaakar ed kanding so bengatlan sakey a pangiparengan labat. Say punto et say espiritu na Dios so angiter ed si Samson na nikadkaduman pisikal a biskeg. Diad ontan a tulong say mabiskeg, masebeg a leon so kalakala nen Samson ya andian na ayura nen say andi-pakayarin kilaw na kanding ed sakey a toon normal.

Say bangkay na inatey a leon ed saginonor so alanor ed sakey a bunikew, ya amalesa na sananey a kaso ed impamabiskeg na Dios ed si Samson, a diad sayan okasyon et kinabil to so 30 kakabusol.​—Uko-ukom 14:8-19.