“Siak so Ag-inikdan na Anakon Laki na Samet a Kareenan”

Ontan so inreport na sakey ya ama sanen linma ed sangan opisina na Watch Tower Society ed Peru diad agano ni. Impaliwawa to:

“Say melag ya anakon laki so mangogonigon ed siak diad pigara lan simba, a labay ton sikato so iyalaan ko na libron My Book of Bible Stories. Nanlapulad sakey ed saray kaeskuelaan to so awalaan na satan, siak so ag-inikdan na anakon laki na samet a kareenan. Siak so manaanap ed anggan iner a pasen no iner so pakalaan ko na sakey a kopya. Andian ak na anggan melanting ya ideya ed no iner so pangigapoan. Saray impansakusak ko ed saray lakowan na libro so ag-angitarok na resulta.

“Sinalambit ko ed sakey a kaopisinaan ko tan inkuanto a siak so onla ed saray Tasi nen Jehova a mangala ed satan. Inkuan ko, ‘O andi! Aliwan saratan a totoo. Sikaran naynay so oonla ed puertak, tan sikara so patataynanen ko.’ Balet ta siak so kinumbinse to ya aliwa ak komon ya ontan lan inkauges​—diad tua, sikato so nandinayew ed sikayo tan inkuanton say libro ya aanapen ko so peteg a sankaabigan. Kanian wadia ak. Kaliktan ko itan a libro.”

Nalikna min sikayo, met, so malabay ed sayan marakerakep ya ilustrado, angkabaleg-printan palapagan. Say 116 a salaysay na Biblia so mangiter ed managbasa na ideya ed no anton talaga so Biblia.

Ipangasin ipawit, libre-koreo, so masekder-apis a palapagan a My Book of Bible Stories, ya angilaktipan ko na ₱35.00.