‘Pian Napunas So Inkabegtebegtew To’

Sakey a lakin mantatrabaho ed Sultanate of Oman so nansulat ed sangan opisina na Watch Tower Society ed India. “Pigaran agew a linmabas,” inkuanto, “siak so akanengneng ed libron Happiness​—How to Find It ed abung na sakey ed saray kakaarok dia. Agla nakaukolan ya ibagan say libro ed interamente so peteg a makagungguna. Pranka, sayan melag a libro so angimpluensya na baleg ed siak, tan kaliktan kon ipresenta iyan sankamaarowan a libro ed asawak a bilang regalo ed anibersaryo na kasal mi pian napunas so peles ya inkabegtebegtew to. Ipangasi pan siak so ikdan yo na pabor diad pangipawit na sakey a kopya ed sayan libro ed si asawak diad sankasakbayan no nayari. Say address to so niiter ed tagey.”

Sayan 192-pahinan libro so aglambengat mangiiter na makapaseseg a tulong diad pangarap ed saray magonigon a kipapasen noagta ituturo to so dalan a mamaarap ed magnayon a solusyon ed saray problema ed bilay.

Ipangasin ipawit ed siak, libre-koreo, so masekder-apis a libron Happiness​—How to Find It. Ilaktip ko so ₱14.00.