Kasin Say Anak Yo So Walaan na Personal a Suskripsion?

PIAN nibayubo ed saray walad kalangweran da so pilalek a manaral, saray makabat ya atateng so sipaparaan a mangiter na maabig a literatura ed sikara. Dakel, alimbawa, so akanengneng a saray anak da so walaan na personal a suskripsion ed palapagan na Biblia a Say Panag-Bantayan, a nanausar a bilang letnegan na sinimban diskusyon ed Biblia diad saray miting na saray Tasi nen Jehova. Balet diad anton edad a say sakey ya ugaw so nepeg a naikdan na personal a suskripsion?

Asasakbay ed sayan taon, say onggendan a sulat so naawat a nanlapud sakey ya ina: “Sayan suskripsion so para ed manedad-na-duay-taon ya anak min laki. Legan na Panagaral ed Panag-Bantayan et nepeg a sikato so walaan na dilin kopya to. Sinali min ikdan na sananey sanen agmi labay a nawalaan na ekstran kopya, balet naimano toray retraton agmipara, tan nilabay to so paway ya uusaren mi. Maseguroak a say marakerakep iran de-kolor a retrato so managyat ed anggan melag ya ugaw tan ontulong ed masakbay ya apresasyon to ed espiritual a tagano ya agto ni natalosan.”

Akin ya agseguroen a kada sakey ed saray anak yo so nawalaan na personal a suskripsion ed Say Panag-Bantayan? Awaten so sakey a suskripsion a para ed sakey taon diad panulat tan pangibuson ed kaiban kupon, a dingan na ₱30.