‘Letnegan na Bilin ed Moral’

Sakey a biin manedad na 14-taon ed Nigeria, Sagur ya Aprika, so misalsalamat diad impakaawat ed ontan a bilin a manlapud libron Your Youth​—Getting the Best out of It. Insulat to:

“Sayan libro so akatulong a tuloy, matua, makapakelaw tan makapaliket ya obra-maestra. Seguradon walaan na baleg a pakatulong ed anggan siopan manggetman niwanwan a simamaaro diad panamegley na amin na sarayan ontatalonan makasalanan a gawa ed bilay.

“Sayan libro so impanengneng ko ed saray kaeskuelaan ko tan kakaabay. Siopaman a nambasa so angumenda ed malaknab iran ‘makapaalagey-pikakabat’ iran ilustrasyon tan saray topikon asalaysay ed libro. Opinyon mi a saray katuaan a niretrato ed libro so aglambengatla mamaliwawa odino mangipanabang na kakabatan tan mankakaukolan na mas masimpit iran inuugalin prinsipyo, noagta mangitarya na positibon giya ed saray tobonbalo tan saray matatatken a mangegemtan na panggayaga ed tuan kareenan na nonot tan bunigas, tan mangagamil na dangka tan mangipanengneng na biskeg ed no anto so matua. . . .

“Ontalona ed amin, sayan libro so malaknab tan angidatak a tuloy na saray manunan seksual a bilin ed moral a nayarin agnagamoran a manlapud saray maslak ya atateng odino mamaestro . . . Agaylan kaliktan ko a say libro so niparungtal ed saray eskuelaan a para ed inagew-agew a leksion da ed klase, a tekep na panmoria ed pangiletneg na lalon mareen, maaro, mabunga tan makabaliksan ya estilo na-bilay.”

Say Your Youth​—Getting the Best out of It so mangebat ed saray ontan a tepet a singa, Akin a saray tobonbalo so manaral ed eskuelaan? Panon so nepeg a panmoria ra ed saray atateng da? Kasin sikara so manggawa na relasyon ed sekso sakbay na kasal? tan Kasin sikara so nepeg ya oninum na saray mabayanin iinumen? Awaten so sakey a kopya dia lambengat ed ₱14 diad panulat tan pangibuson ed kupon.

Ipangasin ipawit, libre-koreo so masekder-apis, 192-pahinan libro Your Youth​—Getting the Best out of It. Ilaktip ko so ₱14.