“Sakey a Sankamakapakelawan a Dalan na Panagbangat”

Satan so inkuan na too a nanlapud Springfield, Oregon, E.U.A., no nipaakar ed cassette tapes ed libron Listening to the Great Teacher. “Saya so tuan sakey a sankamakapakelawan a dalan na panagbangat ed siopakaman,” insulat to. “Say dugan simbawa ed saray atateng tan ed saray ugugaw so agaylan makapakelaw a tuloy a niparungtal! Anggapoy nanonotan kon arum a bengatla noagta ‘makapakelaw’ pian iretrato so dalan na pambasa ed libro, say dalan na inkisalaysay na saray estorya! Misalamat kami a manlapud kaaralman na kapusoan mi! Ipangasi yon mangipawit na duaran dagup ni. Naromog yon akalaktip so sakey a tseke a para ed tapes.”

Say album so mankarga na apatiran cassette tapes tan libron Listening to the Great Teacher. Say karukey na pampaknol so masudsulok na daiset a limaran oras. Say libro so niganan basaen para ed saray katayatdang, ingen say interon pamilya so nagunggunaan diad pantalineng ed saray tapes a mankakasakey. Odino nayarin paknolen a mismo na ugugaw so tapes ed inkasikara tan kakaiba ra.

Saya so kabiangan na sankamundoan ya edukasyonal a kimey na Biblia a susuportaan ed panamegley na saray boluntaryon donasyon.

Labay kon awaten so makulor a vinyl album a tekep na apatiran cassette tapes tan libron Listening to the Great Teacher. (Diad paway na Pilipinas, mansulat ed lokal a sanga na Watch Tower a para ed impormasyon.)