“Sakey a Sankamundoan a Pantitipon-Lamet Na Pamilya”

Isipen pa so pakawala na kakaaro tan pamilya diad 212 iran bansa. Imposible? Andi, sakey a katuaan. Saray Tasi nen Jehova so sakey a sankamundoan ya impanaagi na Kristianos. Sikaray mandadayew ed si Jehova a Dios tan ipanabang so maong a balita na Panarian to nen Kristo Jesus ed amin ya ontalineng.

Basaen so makapasagyat iran report nipaakar ed kimey da ed 1991 Yearbook of Jehovah’s Witnesses. Insulat na sakey a managbasa: “Onnenengneng ak ed arapen ed pangala na Yearbook ed kada taon. Singa onaatendi ed sakey a sankamundoan a pantitipon-lamet na pamilya sano nabasak so dakel a makapakelaw iran eskperiensia tan komento na saray kakaaro.”

Say 1991 Yearbook so mangiparungtal ed kimey na saray Tasi nen Jehova ed Hawaii, Sweden, tan Thailand. Niarum ni, mangitarok itan na peles a retrato na kimey na saray Tasi nen Jehova ed sankamundoan. No labay yo ya amtaen no panon a makaawat na kopya ed sayan 256-pahina a libro, ipangasin sulatan tan ibuson so laktip a kupon.

Labay ko so makawat na 1991 Yearbook of Jehovah’s Witnesses. (Mansulat ed address ed leksab parad inpormasyon. Diad paway na Pilipinas, mansulat ed lokal a Watch Tower a sanga parad inpormasyon. Nengnengen so pahina 2.)