‘Datin Eelekan Da’

Sakey a lakin manseserbi ed armada na Hungaryo so angikuan ya ag-abayag et datin eelekan na totoo iramay mansasalita nipaakar ed Biblia. Balet anguman la so panaon. Diad agano ni nansulat so sundalo ed opisina na Watch Tower Society ed Budapest, ya angikuan:

“Pigaran agew so apalabas et abasak so palapagan yon Makapambilay Kayo na Ando lan Ando ed Paraiso diad Dalin. Wala so angipabayes ed siak ya anggad asumpal kon binasa. Say akasulat ed libro so anenyeg ed siak a tuloy tan sengegan na impandalepdep ko.” Kaliktan na sundalo so sakey a Biblia tan kaaruman ya impormasyon. Say ontan a kiwas so agla balo ed Mamabukig a Europa.

Sananey nin sulat so naawat ed opisina na Budapest a nankuan: “Abasak so libron Makapambilay Kayo na Ando lan Ando ed Paraiso diad Dalin. Siak so asagyat a tuloy ed libro, kanian nansulatak ed sikayo ta pian onkerew na sakey a Tasin ombisita ed ayaman ko a nawalaan na regular a panagaral na Biblia.”

Say libron Makapambilay Kayo na Ando lan Ando ed Paraiso diad Dalin so mangiiter na ilalo diad pangipaarap ed sikayo ed saray ebat na Biblia. Satan so walaan na positibon impluensya ed panamasimbalo na saray bilay na dakel. No labay yo so impormasyon ed pakaawat na sakey a kopya, ipangasin sulatan tan ibuson so kaiban kupon.

Labay kon amtaen no panon so pakaawat na 256-pahinan masekder-apis a libron Makapambilay Kayo na Ando lan Ando ed Paraiso diad Dalin. (Mansulat ed address ed leksab parad impormasyon. Diad paway na Pilipinas, mansulat ed lokal a Sanga na Watch Tower parad impormasyon. Nengnengen so pahina 2.)

[Litrato ed pahina 32]

Diad maabig a rason, abuloyan na ateng so inad-aro ton anak ya ondalan ed ansakit ya operasyon. Say Dios so walaan met na maabig a rason diad temporaryon impangiyabuloy to ed totoo a manirap