Say Sankaimportantian ya Ebento ed Awaran

Akin ya ontan? Say ebento et say impatey nen Jesu-Kristo.

Kinmana itan ed kialangonan na inkasoberano na Dios tan amaneknek a nayarian na toon sigpot a manmatoor ed Dios. Angilukas itan na ilalo ed katooan ed pakadampot na andi-anggaan a bilay diad saray paraison kipapasen. Si Jesus a mismo so angiletneg na memoryal na impatey to diad labi sakbay na impatey to. Saman so simplin seremonya. Kaleganan ton’man, imbaga nen Jesus ed saray babangatan to: “Gawayo’ ya a pakanodnonotan ed siak.” (Lucas 22:19, 20) Kasin natandaan yo? Iimbitaan kayo na saray Tasi nen Jehova a miulop ed sikaran manselebra ed sayan sankaimportantian ya ebento ed awaran. Diad sayan taon say petsa so Martes, Abril 6, kaselek na agew.

Ipangasin amtaen so Kingdom Hall ya asingger ed sikayo para’d eksakton oras tan pasen. Anggapoy naala iran koleksyon, tan naimbitaan iray bisitan ontalineng ed makaibangat a paliwawa tan mangimaton ed saray simplin nagawa.