“Manbasa Tayo nin Nagkalalo Sakbay a Manbalaw Tayo”

ONTAN so inkuan na sakey a toon taga New Zealand nipaakar ed Say Panag-Bantayan, say magasin a babasaen mo. Nipaakar ed sakey ya artikulo nipaakar ed mangatatawen a karwahe na Dios a satan so adeskrebi ed Ezequiel kapitulo 1, insulat na saman a too:

“Kada sakey ed sarayan apatiran mabilay a pinalsa, odino saray kerubin, so walaan na apatiran payapayak tan apatiran lupa. Sikaray walaan na lupa’y lion, a manutokoy ed inkahustisya nen Jehova; sakey a lupa na baka, a mangirerepresenta ed pakapanyari na Dios; sakey ya lupa na agila, a mangisisimbolo ed kakabatan to; tan lupa na sakey a too, a manutukoy ed aro nen Jehova.

“Kayarin basaen iyan a paulit-ulit, siak so awalaan na ampetang a liknaan. Siak so akalua, saraman so lua na gayaga. Tampol kon anonotan, ‘Agaylan marakep tan makapaliket ka, Jehova!’ Siak so nagogonigon ed inkasiak ed sarayan balon liknaan nipaakar ed si Jehova a Dios a binalaw ko ed dakel a taon, bilang sakey a minumundon too. Ikuan kon ‘salamat ed sikayo’ iran Tasi nen Jehova, tan ed dakel a singa siak, ikuan ko, ‘Manbasa Tayo nin Nagkalalo Sakbay a Manbalaw Tayo.’”