Sikay Ampetapetang ya Iimbitaan

Say impatey na toon si Jesu-Kristo a masulok a 1,900 taon lay apalabas so sankaimportantian ya ebento ed awaran na too. Saya so angilukas ed sikatayo na ilalon nagamoran so andi-anggaan a bilay ed sakey a paraison dalin. Diad sakey a simplin seremonya, inusar nen Jesus so andi lebaduran tinapay tan alak bilang simbolo na maaron atooan a bagat to bilang too. Kayari to et imbaga to ed saray babangatan to: “Itultuloy yon gawaen iya bilang pakanodnonotan ed siak.” (Lucas 22:19, NW) Kasin nodnonoten mo iyan importantin ebento? Saray Tasi nen Jehova so ampetapetang a mangiimbita ed sika pian miulop ed pangimaton ed sayan memoryal a selebrasyon. Satan so kaselek na agew ed petsan mipetekan ed nisan 14 ed kalendaryon lunar diad biblia. Sika so nayarin onatendi ed kingdom hall a sankaasinggeran ed ayaman mo. amtaen ed saray Tasi nen Jehova ed lugar mo so eksakton oras tan pasen. Say petsa parad selebrasyon ed 1995 et Biernes, Abril 14.