Antoy Arapen na Dalin Tayo?

“Anggapo lay arum a siglon sankaruksaan ed sibil a karawalan a mipara’d koma-20, ed bilang na agawan panlalaban, ed saray ulop na takas, ed say minilyon a totoon pinapatey ed saray bakal, tan say abalbaleg a gastos parad ‘depensa,’” inkuan na world military and social expenditures 1996. Manguman ta ni iyan kipapasen?

Pinanonotan nen apostol Pedro iray Kristiano ed insipan na dios pigaran siglo ed asasakbay: “Unong ed sipan to [Dios] alagden tayo so saray tawen a balo tan dalin a balo, a sikara so panaayaman na katunongan.” (2 Pedro 3:13) Saratan a salita so orihinal a kabiangan na propesiya nen Isaias. (Isaias 65:17; 66:22) Naeksperiensia na israel nensaman so inmunan kasumpalan sanen say nasyon so nipawil ed insipan a dalin to kayari impakakautibo ra ed babilonia ed loob na 70 taon. Diad panguulit ed sipan a “saray tawen a balo tan dalin a balo,” impanengneng nen Pedro a say propesiya so nasumpal ni ed arapen diad babaleg a laknab​—sankamundoan!

Say kiletneg na matunong iran kipapasen ed intiron dalin so linawa na dios, tan itarok itan na mangatatawen a panarian to a say Ari et si Kristo. “Say nasyon agnaani mangitagey na kampilan a sumpa ed nasyon, ag-ira met la manaral na bakal ed anggan kapigan.” (Isaias 2:4) Say ontan a sigpot a kareenan tan kaligenan ed dalin so imbangat nen Jesus ed saray patumbok to ya ilaloan tan ipikasi ed kaslakan a tatawagen ya ama mi, odino pikakasi na katawan, a kuanto: “Onsabi komon so panarian mo. nagawa komon so linawam, unong ed tawen, ontan met ed dalin.”​—Mateo 6:9, 10.

Panggayagaan mo ta so panayam ed mundon singa katunong na tawen? Satan so ilalon itatarya na Biblia ed amin ya intiron-puson manggugunaet a mangamta ed Dios tan manbilay unong ed saray matunong a dalan to.