Panaralan ya Edisyon

GAGALA NA SARAY AARALEN YA ARTIKULO

AARALEN YA ARTIKULO 1 PAHINA 4-8

Naaralan ed sayan artikulo no panon ya manlapu la nensaman et nampaigiya iray tuan Kristiano ed Salita na Dios. Ipabitar na saya so teksto parad taon 2012.

AARALEN YA ARTIKULO 2 PAHINA 9-13

Pantongtongan ed sayan artikulo so taloran leksion nipaakar ed pantultuloy a pambantay ya naaralan tayod saray apostol tan arum nin Kristiano nen inmunan siglo. Pabiskegen na saya so determinasyon tayon sigpot ya ipulong so Panarian na Dios.

AARALEN IRAN ARTIKULO 3, 4 PAHINA 16-25

Unong ed Mosaikon Ganggan, wala ray pankanawnawan kaukolan ya mangibagat iray Israelita nensaman ed si Jehova. Agla kaukolan ya unoren na saray Kristiano itan ya Ganggan. Balet, siansia nin iilaloan nen Jehova ya ipanengneng tayoy pisasalamat tayod sikato diad arum a paraan. Ipaliwawa na sarayan artikulo no panon a saray prinsipyon walad Mosaikon Ganggan et ontulong ed sikatayon gawaen itan.

AARALEN YA ARTIKULO 5 PAHINA 26-30

Kakkaukolan na totoo so mikareenan ed Dios. Naaralan ed sayan artikulo no panon ya natulongan na saray arin saserdote iray totoo ya makapikareenan ed Dios, tan no panon itayon nagunggonaan.