Saray Pakabat

◼ Opresin literatura ed Abril tan Mayo: Indibidual iran kopya na Say Panag-Bantayan tan Awake! Iyopresi ed saray interesado so brosyur a Kakaukolanen, tan panggunaetan ya igapo so panangiyaral na Biblia. Hunyo: Iyopresi so brosyur a Kakaukolanen diad gagalan igapo so panangiyaral na Biblia. Hulyo tan Agosto: Dinanman ed saray brosyur so nayarin iyopresi. Balet, lapud dakel so suplay a brosyur a, Libron Parad Amin a Totoo, pasesegen mi iray kongregasyon a manpedido ed saraya pian usaren iya ed duaran bulan a kampanya. Saray kongregasyon ya agni nanpedido ed asaglawi ed tagey a kampanyan uusaren so nepeg a manggawa ed satan ed ontumbok a binulan a Literature Request Form (S-AB-14) da.

◼ Say 1999 a Watchtower tan Awake! iran tomo so magano lan niwala tan nayari lay manpedido. Balet, nodnonoten a saraya so special-request item tan nepeg labat a pedidoen sano walay espisipikon pedido na manangipalapag ed saraya. No agni sinmabi iray tomo sano naawat la iray pedido, ompatnag iraya bilang “back ordered” tan saray tomo so nipawit ed sikayo sano naawat iraya manlapud Brooklyn.

◼ Sano mankikimey ed nisulinek iran lugar ed teritorya yo legan na saray bulan na tiagew, sankaabigan ya iyopresi so libron Pikakabat odino say brosyur a Kakaukolanen. Amin so kaukolan a mangawit na nanduruman tract parad saraman so andi’d abung odino indibidual ya agmangawat na literatura. Pankulian so ipawil ed aromog ya interesado kayari na satan.

◼ Pinakabatan itayo na sanga na Britanya a pigaran agagi a datin mantratrabaho ed Saudi Arabia tan arum a bansa ya Arabe so talagan mangiiter ed saray ngaran tan numero na telepono na responsablin agagi ed sarayan bansa ed saray agagi odino interesado ya oonla diman a manlalapud Pilipinas. Anggaman aliwan makapuy so motibo ed panggawa’d saya, nansumpal iya ed pigaran problema tan nayarin mameligro ed saray agagi diman. Kanian nepeg ya imanoen na amin a datin nantrabaho ed saratan a bansa ya agtayon balot mangiiter na saray ngaran tan numero na telepono ed siopaman ya agagi a manaayam ed saray bansan walad silong na pananebel. No walaray agagi ya onlan mantrabaho ed satan a bansa, nakaukolan dan direktan ipawit so address da (magmaong no address na kalye) tan numero na telepono ed satan a bansa dia ed sangan opisina na Pilipinas odino ed say sanga na Britanya, diad ontan et gawaen iray uksoyan pian walay onla’d sikara.