Saray Pakabat

◼ Opresin literatura parad Enero tan Pebrero: Nayarin iyopresi iray daan a libron walaan na 192-pahina, a singa say Happiness​—How to Find It, Say Katuaan a Mangitonton ed Bilay ya Andi Anggaan, odino True Peace and Security​—How Can You Find It? No anggapo iray daan a libro, nayarin usaren bilang kasandin opresi so libron Mankind’s Search for God odino Creation. Marso: Say libron Pikakabat so iyopresi tekep na gunaet a makapangigapo na saray panangiyaral na Biblia. Abril tan Mayo: Sansakey iran kopya na Say Panag-Bantayan tan Awake! Diad panagpawil, nayarin iyopresi na saray manangipalapag ya itulor iray magasin a regular odino iyopresi so subskripsyon no arawi ed kongregasyon so panaayaman da. Mangawit a naynay na brosyur a Kakaukolanen pian nigapo iray panangiyaral ed saray interesadon totoo.

◼ Saray kongregasyon so nepeg a manggawa na saray uksoyan ed panselebra ed Memoryal ed sayan taon no Huebes, Marso 28, 2002, kaselek na agew. Anggaman say paliwawa so nayarin onggapon masasakbay, say pangipasa ed saray emblema ed Memoryal so nepeg ya ag-onggapo anggad kaselek na agew. Anggaman maabig ed balang kongregasyon so panselebra ed dili ran Memoryal, saya so aliwan naynay a posibli. Diad pigaran kongregasyon a gendat a manguusar ed parehon Kingdom Hall, nayarin say sakey odino onsulok ni a kongregasyon so makapangusar ed arum a pasilidad parad satan a labi.

◼ Say espisyal a publikon paliwawa parad 2002 a panaoy Memoryal so ipaliwawa ed Simba, Abril 14, 2002. Apauloan itan na “Lawas Nonoten so ‘Makapataktakot ya Agew.’” Niiter ed dugan panaon so sakey ya outline parad saray espiker. Saray kongregasyon a bibisitaen na manangasikaso na sirkito, walaan na sirkiton asamblea, odino espisyal ya agew ya asamblea ed satan a sampot-simba so nawalaan na espisyal a paliwawa ed ontumbok a simba. Anggapo so kongregasyon a mangiyeskedyul na espisyal a paliwawa sakbay na Abril 14, 2002.

◼ Lapud say Abril tan Mayo so espisyal iran bulan na panagmagasin tan dakel so man-auxiliary payunir ed satan a panaon, nepeg a konsideraen la natan na manangasikaso na serbisyo tan say agin mangaasikaso ed saray magasin a mamedido na saray ekstran magasin ya usaren na kongregasyon leleg na saratan a bulan. Ipangasin ipawit iray kaaruman a pedido yo ta pian onsabi iratan ed sangan opisina ya ag-onlampas ed Pebrero 1, 2002. Saya so pakaseguroan a naawat yoray ekstran magasin ya ipibansag ed regular a pedido yo.

◼ Balon Publikasyon a Wala:

Watch Tower Publications Index, 1986-2000​—Ingles

Tract T-72, The Greatest Name​—Ingles

Tract T-73, Who Are Jehovah’s Witnesses?​—Ingles

(Paimano: Sayan duaran tract so nagkalalo lan denisinyo parad saray Muslim. Walaan kami na limitadon suplay a nayarin napedido.)