“Mangigana na Bengatla”

Diad asasakbay a Kristianon kongregasyon, kinaukolan ya imanoen iray materyal a pankaukolan. Diad iyaaligwas na kada too, sikatoy pinaseseg a “mangigana na bengatla” bilang kontribusyon pian nakapet iraman a pankaukolan. (1 Cor. 16:1-3, NW) Bilang resulta na inkabunlok da, amin so aliketan ed pangiiter na “dakel a pisasalamat ed Dios.”​—2 Cor. 9:11, 12.

Natan et mantutultuloy ya onlalaknab so sankamundoan a kimey na totoo nen Jehova tan mankakaukolan na nagkalalon pinansyal a suporta. Matukoy a “mangigana [itayo met] na bengatla” a regular pian nasapotan itan a pankaukolan. (2 Cor. 8:3, 4) Nagawaan so pangiter na materyal diad nanduruman paraan. (Nengnengen so Nobyembre 1, 2001, Panag-Bantayan, pahina 28-9.) Moriaen tayo iya bilang pribilehyo a mangitarok na peteg a liket.​—Gawa 20:35.