Eskedyul ed Pantitipon Parad Panagserbi

Simba na Pebrero 14

Kanta 174

10 min: Lokal iran pakabat. Saray Pakabat a pinili manlapud Ministeryo Tayo ed Panarian. Amin so pasesegen a mangusar ed saray tepet ed pahina 1 diad panrepaso ed saray nota ra bilang preparasyon ed paningbat a kaibay dumerengel ed programa na Distriton Kombension a “Manakar a Kaibay Dios” diad Pantitipon Parad Panagserbi no ontumbok a simba. Usaren iray suhestion ed pahina 8 pian idemostra no panon ya ipresenta so Pebrero 15 a Panag-Bantayan tan Pebrero 22 ya Awake! Repasoen ed antikey no panon a niyadapta ed saray pankaukolan na lokal a teritorya iray pangaligan a presentasyon.​—Nengnengen so Enero 2005 a Ministeryo Tayo ed Panarian, p. 8.

35 min: “Panaon na Memoryal​—Panaon na Pamadaak ed Kimey.”a Betang na manangasikaso ed serbisyo. Sano sisingbaten so parapo 6, ilaktip iray komento a naromog ed Setyembre 8, 2004 ya Awake!, pahina 12-13. Iyanunsio iramay nan-aplay bilang auxiliary payunir. Antikey ya isingbat iray niyarunsan kaaruman a pantitipon parad kapapaway. Pasesegen so amin a mamadaak ed maespiritual a kimey da diad antokaman a paraan legan na sayan panaon na Memoryal.

Kanta 14 tan pansaran pikakasi.

Simba na Pebrero 21

Kanta 31

5 min: Lokal iran pakabat.

40 min: “Pakikiwasen Itayo na Distriton Kombension a Manakar a Kaibay Dios.” Betang na sakey a matatken. Kayari na introduksion ya ag-onlampas ed sakey minuto, singbaten a kaiba iray dumerengel so nipaakar ed programa na kombension ya usaren iray tepet ed artikulo. Iyapag-apag so oras pian nasingbat a maong so balang tepet, nayarin sakey labat ya ebat so awaten parad arum a tepet. Agmagenap so niganan oras pian basaen so amin a nisitan teksto; nilaktip iraya pian napainomay so pananap na saray ebat. Nepeg ya akasentro iray komento ed saray gunggona ed pangiyaplika na saray naaralan.

Kanta 21 tan pansaran pikakasi.

Simba na Pebrero 28

Kanta 42

15 min: Lokal iran pakabat. Report na kuenta. Panonotan iray manangipalapag ya ireport da lay serbisyo ra ed lawak parad Pebrero. Diad pangusar ed saray suhestion ed pahina 8 (no matukoy ed teritorya yo), idemostra no panon ya ipresenta so Marso 1 a Panag-Bantayan tan Marso 8 ya Awake! Nayarin usaren so arum niran praktikal a presentasyon. Diad sampot na sakey ed saray presentasyon, imbitaan na manangipalapag so unabung ed Memoryal ya usaren so beneg ya apis na Marso 8 ya Awake!

20 min: “Pangikondukta na Progresibo Iran Panangiyaral na Biblia​—Parte 6.”b Mangilaktip na apatiran minuto a demostrasyon a tetepeten na iyaaralan na Biblia no akin a pigpigara labat ed saray onaatendi ed Memoryal so mamangan na tinapay tan oniinum na alak. Sikatoy komendaan na mangiyaaral ed impantepet to, isulat to itan, insan to isuherin singbaten da itan kayari ran konsideraen so materyal ya aaralen parad satan a simba. Diad sampot na panagaral, ipaimano na mangiyaaral ed iyaaralan to so artikulon mangeebat ed tepet a “Siopa so nepeg a mangan na tinapay tan oninum na alak?” diad pahina 267-8 na libron Reasoning. Basaen da itan a saniba, insan misalamat so iyaaralan lapud malinew ya ebat ed intepet to.

10 min:“Tulongan Iran Makaawat na Kaaruman a Panagtasi.” Repasoen iray manunan punto na artikulon walad pahina 6. Amin so pasesegen a sulatan a tampol so Please Follow Up (S-43) a porma sano nakaukolan.

Kanta 72 tan pansaran pikakasi.

Simba na Marso 7

Kanta 12

10 min: Lokal iran pakabat. Repasoen iray manunan punto ed “Saray Panonot ed Memoryal.”

15 min: Lokal iran pankaukolan.

20 min: “Iyopresi Iray Magasin Diad Ministeryo Yo.”c Sano sisingbaten so parapo 3 tan 4, iyaplika itan ed lokal. Interbioen ed antikey so sakey odino duaran manangipalapag ya epektibo ed panangipalima na saray magasin ed saray pasen na negosyo, diad karsada, mapubliko iran pasen, odino sano impormal a mantatasi. Tepetan ira no panon dan iyoopresi iray magasin ed oniaran kipapasen. Mangidemostra na antikey a presentasyon odino panangiyakto ed sakey ya eksperiensya.

Kanta 192 tan pansaran pikakasi.

[Saray paimano ed leksab]