Eskedyul ed Pantitipon Parad Panagserbi

Simba na Marso 10

Kanta 131

10 min: Lokal iran pakabat. Idemostra no panon ya iyopresi so Marso 1 a Watchtower tan Marso ya Awake! ya usaren iray suhestion a walad pahina 4 odino arum niran presentasyon a matukoy ed teritorya yo katekep na imbitasyon ed Memoryal.

20 min: Akin a Kaukolan Tayo so Mantitipon? Paliwawa tan mibiang iray dumerengel ed paningbat a nibase ed Mayo 15, 2007, Panag-Bantayan, pahina 11-13. Imbitaan iray dumerengel a mankomento ed no panon a say pipiaral so akagunggona ed sikara tan no panon dan atalonaan iray problema pian regular ya onatendi ed saray pantitipon.

15 min: “Walay Niiter Tayo ed si Jehova.”a No iyabuloy na oras, kerewen ed saray dumerengel a komentoan da iray nisitas a teksto.

Kanta 8

Simba na Marso 17

Kanta 144

10 min: Lokal iran pakabat. Panonotan iray dumerengel ya awiten da so Abril-Hunyo a Panag-Bantayan tan Abril ya Awake! no ontumbok a Pantitipon Parad Panagserbi tan manparaan ed paningbat ed matukoy iran presentasyon parad lokal a teritorya. Pinili iran Pakabat manlapud Ministeryo Tayo ed Panarian.

15 min: “Tepet.” Betang na sakey a matatken. Basaen tan singbaten so interon artikulo.

20 min: “Panon Tayon Natulongan Iray Onatendi ed Memoryal?”b Sano sisingbaten so parapo 5, ipademostra ed antikey no panon a nigapo so panangiyaral na Biblia ed bisitan inmatendi ed Memoryal.

Kanta 214

Simba na Marso 24

Kanta 111

10 min: Lokal iran pakabat. Basaen iray report na kuenta tan sulat nipaakar ed naawat a donasyon.

15 min: Iparaan so Pangiyopresi ed Balo Iran Magasin. Singbaten tan mibiang iray dumerengel. Kayari na antikey a panrepaso ed Abril-Hunyo a Panag-Bantayan tan Abril ya Awake!, tepetan iray dumerengel no dinan iran artikulo so nayarin makapainteres ed totoo ed teritorya tan akin. Kerewen ed saray dumerengel a mamitla na espisipiko iran punto ed artikulo a plano ran iparungtal. Anto so nayarin itepet ed gapo na tongtongan? Dinan a teksto ed artikulo so nayarin basaen? Diad pangusar ed saray suhestion na agagi odino say walad Ministeryo Tayo ed Panarian, idemostra no panon ya iyopresi so Abril-Hunyo a Panag-Bantayan tan Abril ya Awake!

20 min: Iyaakar Tayo so Maong a Balita na Kaabigan. Kayari na kulang a sakey minuton introduksion, mangiter so sakey a matatken na paliwawa a nibase ed Hulyo 1, 2005, Panag-Bantayan, pahina 18-19, parapo 10-14. Pakomentoan ed saray dumerengel no panon a say mensahe na Panarian et angiter ed sikara na ligliwa tan ilalo sanen primero ran nadngel itan.

Kanta 29

Simba na Marso 31

Kanta 37

10 min: Lokal iran pakabat. Panonotan iray manangipalapag ya iter la iray report da ed lawak na serbisyo parad Marso.

20 min: Epektibon Usaren so 2008 Yearbook. Paliwawa tan singbaten a mibiang iray dumerengel. Singbaten so “A Letter From the Governing Body,” ed pahina 3-5. Paisalaysay ed duara odino taloran dumerengel so sakey ya eksperiensya manlapud Yearbook a nagkalautlan makapaseseg ed sikara. Masakbay lan iyuksoy so sakey odino duaran manangipalapag a mankomento no panon dan iyeeskedyul so personal a panagbasa ra ed Yearbook. Sampotan diad pamaseseg ed amin a basaen so interon libro.

15 min: “Manpapasesegan Legan a Walad Ministeryo.”c

Kanta 122

Simba na Abril 7

Kanta 186

10 min: Lokal iran pakabat.

20 min: Akin ya Ipaleen so Pampabautismo? Paliwawa na sakey a matatken base ed Hulyo 1, 2006, a Panag-Bantayan, pahina 29-30, parapo 14-17. Ilaktip so antikey ya interbio ed sakey odino duaran manangipalapag ya abautismoan sanen tin-edyer ira. Anto so amakiwas ed sikaran dampoten iyan importantin kundang ed kaugawan da? Panon ya akatulong ed sikara so bautismo ra pian nabayuboan da so espiritual ya inkatatken ya onkanan proteksion?

15 min: Sinali Yo Ta Lan Direktan Inyopresi so Panangiyaral na Biblia? Paliwawa tan singbaten a mibiang iray dumerengel, nibase ed insert na Mayo 2002 a Ministeryo Tayo ed Panarian, pahina 6. Singbaten iray pangaligan a presentasyon tan no panon iratan ya iyadapta ed pangigapo na panangiyaral na Biblia ya usaren so libron Ibabangat na Biblia. Insan mangipademostra na sakey odino duara. Pasesegen iray dumerengel a salien da anggan maminsan labat no ontumbok a simba so pangigapo na panangiyaral na Biblia panamegley na libron Ibabangat na Biblia ya usaren so direktan paraan.

Kanta 225

[Saray paimano ed leksab]