No Antoy Ibaga Sano Iyopresi Iray Magasin

Say Panag-Bantayan Enero-Marso

Basaen so Genesis 2:16,17. Insan ibaga: “Walaray mangibabagan diad gapo ni labat et amta la na Dios ya mankasalanan si Adan. Liknaen na arum ya niloko labat na Dios si Adan tan Eva lapud pinasakbayan to ra, anta amta to la manayay pansumpalan da. Antoy nikuan yo ey? [Abuloyan ya onebat.] Ipaliwawa na artikulo ya onggapo ed pahina 13 no panon ya uusaren na Dios so abilidad ton amtaen so nagawa’d arapen.”

Awake! Enero

“Panisiaan na arum a say relihyon et base ed emosyon imbes a diad makatunongan iran rason. Antoy padesir yo ey? [Abuloyan ya onebat.] Unong ed Biblia, say relihyoson pananisia et nepeg ya walay basiyan. [Basaen so 1 Juan 4:1.] Ipaliwawa na artikulo ya onggapo ed pahina 28 no panon tayon naseguro ya say pananisia tayo et walay malet a basiyan.”

The Watchtower Pebrero 1

“Dakel lay mandidiborsyo natan. Parad sikayo antoy manunan sengegan na saya? [Abuloyan ya onebat.] Imanoen yo pa iyan simbawa ya akatulong ed dakel ya sanasawa. [Basaen so 1 Corinto 10:24.] Nabasa yo ed sayan artikulo so anemiran kaslakan ya irereklamo na kaasawaan tan no panon a makatulong so pangiyaplika ed saray prinsipyo na Biblia.”

Awake! Pebrero

“Ondarakel so totoon labalabay day nipaakar ed bampira tan mangkukulam. Parad sikayo kasin say pibabali ed magic et aliwan mapeligro? [Abuloyan ya onebat.] Imanoen yo pa iyan pasakbay ya inter na Dios ed Israel nensaman. [Basaen so Deuteronomio 18:10-12.] Ipapanengneng na sayan magasin no antoy ibabaga na Biblia nipaakar ed pibabali ed magic.”