No Antoy Ibaga Nipaakar ed Saray Magasin

Say Panag-bantayan Enero-Marso

“Diad padesir yo, kasin magmaliw a mas marakep ya ayaman so dalin no manbilay so amin unong ed sayan prinsipyo na Biblia? [Basaen so Roma 12:18. Insan abuloyan ya onebat.] Balet, naisip yo la kasi no akin a nensaman et imbaki na Dios iray totoo to pian miguerra? Ipaparungtal na sayan artikulo so malinlinew ya ebat na Biblia.” Ipanengneng so artikulon onggapo ed pahina 13.

Awake! Enero

Basaen so Gawa 17:31a. Insan ibaga: “Iisipen na dakel a say Agew na Panangukom et makapakebbiew. Sikayo balet ey, antoy nibaga yo ed saya? [Abuloyan ya onebat.] Ibabangat na Biblia a say Agew na Panangukom so mangitarok na dakerakel iran bendisyon diad dalin. Ipapaliwawa na sayan artikulo itan.” Ipanengneng so artikulo ya onggapo ed pahina 10.

The Watchtower Pebrero 1

“Iilaloan na dakel a totoo a no ompatey ira et onlara’d tawen. Kasin pipirawaten mo met itan? [Abuloyan ya onebat.] Imanoen pa so ibabaga na Biblia a bendisyon parad saray matunong a totoo. [Basaen so Salmo 37:29.] Isasalaysay na sayan magasin no anto so ibabaga na Biblia nipaakar ed saramay onla’d tawen tan no antoy gawaen da diman.”

Awake! Pebrero

“Dakerakel so mandidiborsyo natan. Diad padesir yo, kasin ninonot lan maong na dakel a sanasawa iray onlesan problema sakbay dan desidien so mandiborsyo? [Abuloyan ya onebat. Insan basaen so Uliran 14:15.] Isasalaysay na sayan magasin so apatiran bengatla a nepeg ya ikonsidera na sanasawa a manplaplanon mandiborsyo.”