No Antoy Ibaga Nipaakar ed Saray Magasin

Say Panag-bantayan Abril-Hunyo

“Kuan na pigaran reperensya a say ibabaga na Biblia ya impatey si Jesus et aliwan tua, noagta sikatoy angasawa tan nampamilya. Kasin nadngel mo la itan? [Abuloyan ya onebat.] Importanti a naamtaan no anto so peteg ya agawa. [Basaen so Juan 17:3.] Sayan artikulo so mangiiter na saray prueba a talagan tua so ibabaga na Biblia nipaakar ed si Jesus. Ipanengneng so artikulon onggapo ed pahina 26.

Awake! Abril

Basaen so Salmo 37:9-11. Insan itepet: “Diad padesir mo, anto kasi kipapasen na mundo no nagawa la ya? [Abuloyan ya onebat.] Isasalaysay na sayan artikulo so nipaakar ed sayan makapaliket a sipan tan ipapaliwawa to met no akin a kasmak so kaugsan ed mundo natan.” Ipanengneng so artikulon onggapo ed pahina 20.

The Watchtower Mayo 1

“Naisip yo la kasi no akin ya aabuloyan na Dios so kairapan? [Abuloyan ya onebat.] Ipangasi yo pan imanoen iyay tepet ya imbaga na sakey a managsulat na Biblia ya itetepet met na dakel a totoo. [Basaen so Salmo 10:⁠1.] Ipapaliwawa na sayan magasin so ibabaga na Biblian rason no akin ya aabuloyan na Dios so kairapan tan no antoy gagawaen to pian nainawaan itayo.”

Awake! Mayo

“Dakel so malabay ya ontundan mansigarilyo, balet ta naiirapan iran manggawa ed satan. Walay ontan a kabat yo? [Abuloyan ya onebat.] Naeksperiensya na arum a baleg so nagawaan na ikerew day tulong na kakaaro tan kapamilyaan da. [Basaen so Eclesiastes 4:12a.] Akalista ed sayan magasin so pigaran praktikal a suhestion a makatulong ed sakey pian natundaay panagsigarilyo.”